潮州人 (已搬遷) 新店位置

見好多人介紹呢間小店，我又咁岩係太子附近，就專登行多兩步去幫襯呢間小店啦。間鋪好細，應該得20個位左右。食物選擇唔算特別多，主要都係食米粉。咁我叫左個花膠撈米同糖心蛋。而朋友叫左個花膠湯米同雞翼。我地都加左自製花旗嵾蜜。花膠好淋，好入味，配搭撈米好出色；撈米有碗上湯，都好好飲，勁清甜，我唔小心一開始已經飲哂。🤯朋友碗湯米望落好似好清淡，但佢話湯底好好飲，同樣飲哂。雞翼就好重酒味，我個人就唔鐘意酒味既，但佢就好滿意。另外，不得不提枝自己製嵾蜜，飲到花旗嵾味又有少少甜味，簡直想飲多幾枝！

因為良心去試吓，點知有極大驚喜：湯底清，甜，不膩，但味道足。米粉應該係新竹，幼滑。本人比較大食，加低卡$8，之後飲埋啲湯，飽到飛起。我食牛肉，真係冇得頂，鮮，甜，爽口。老婆食花膠，厚身，大大塊，炆得好入味，性價比高。叫咗碟雞油菜心，好香嘅雞油味，但係唔會油淋淋，點到即止，啱啱好，非常驚喜。小食叫咗雞翼，煮得腍身，但係冇過火欄晒，入味，好食。

#支持良心餐廳招牌花膠米粉$53呢間黃店大家應該都唔陌生💛聽聞佢嘅花膠湯米好耐 今次終於有機會試吓佢個花膠其實都幾好食 大大一條咁 微微章住個口但又唔會太黏 之後米粉係偏粉絲質地嘅 個人比較中意有咬口嘅多啲👻 但食得出湯底係無味精 adore👍🏻

去到太子又係「潮洲人」時間，呢間湯飯真係好正架!因為湯底真係好。之前食果大蜆湯飯，個湯鮮得黎又甜，甜得黎又鮮!蜆肉爽口又唔腥，所以我今日又黎食。今日我就點左醉蝦湯飯，其實呢，碗飯一上我其實有點失望，因為蝦望落唔係太大隻，呢-就係無逼爆碗的感覺。可能我太天真勒，俾幾廿蚊想要上得床又要有張被，講番個味道先，醉醉地但又唔係好醉，我平時唔係太酒，但有少少掉味成件事就好完美，我就係要呢種感覺。隻蝦身就一般，肉地就唔係好爽口彈牙，但係呢，可以狂啜佢蝦殼與蝦身的酒味湯味，我覺得好正下!要比較蜆同蝦，我覺得蜆係鮮甜，所以我投蜆一票，飯黎講，食得出係靚米，煮飯黎講，睇下佢煮得腍定硬，湯就唔洗講係出名好飲。最後要讚下支參蜜，講左自家製無添加，又潤又好味！

見到餐廳支持學生去發夢，梗係要支持下去食。鋪頭大概廿個位左右，格局都幾溫暖舒服， 賣嘅食物只有十來款 ，以平民價賣有質素的海鮮，全部唔係湯飯，就係米粉。我哋揀咗清酒煮蜆米粉同埋廣島蠔米粉試下 ，大蜆鮮甜多汁，肉質細嫩，食得出係即日買嘅海鮮。廣島蠔有四隻，隻隻都肥肉飽滿。米粉嘅湯雖然只有簡單調味，但就正正係咁，唔會蓋過海鮮嘅味道。如果略嫌單調，可以加檯面放置的潮州辣椒醬。加十二元加支自家制龍眼花旗參蜜，甘甘甜甜解熱氣一流。單係食物已經值得支持，何況係為公義嘅良心店舖。

一碗平平無奇的雞湯米，配以一塊大厚花膠，立即變成高級美食，但這店沒有因為花膠而把價錢推高，反而定立平民價錢，花膠米突然變得親民。花膠炆得入味，夠淋，湯底沒有味精，可飲，飲完不覺口渴，看似平平無奇，但食得出製作用心。醉雞翼做得不錯，酒的濃度剛好，入味，不偏苦也不偏咸。蒸扇貝，56元有2隻，感覺很有趣，因為小店居然有蒸扇貝作小食，感覺店主只想供應自己喜歡的食物似的，想做就做的感覺，我喜歡💕小店很值得支持，如果突然想補補身，都係一個唔錯嘅選擇

呢間野喺我閨蜜推薦我過來補充骨膠原，原因係....佢叫我順手打包一碗返屋企孝敬佢😅花膠如相片所見份量好足，個湯望落去好清但係佢有「拈嘴」感，証明佢係連個湯都有d料到嘅🙂👐🏻🙂地點有d難搵，所以話，隱世的確係永遠同平靚正掛勾嘅⚓️🖇

今晚本來想出太子食雞湯米，可惜去開嘅舖頭 都冇開到，行到腳都攰， 就坐低咗喺 潮州人，叫咗一個 廣島蠔 湯飯，問個女侍應 有乜嘢凍飲，佢好細聲咁講話 飲湯三蚊，或者參蜜 12蚊，點解佢九唔搭八嘅，叫我飲湯，我已經叫咗湯飯， 仲飲乜湯，補充返 當時個餐牌 畀同枱另外一個客 放開咗， 即係除咗 門口 大餐牌之我睇過， 其他餐飲 雜項我都未睇， 只係靠個waiter介紹，心諗飲過 人參蜜 好似有啲熱，不如就平平哋飲過湯算啦，首先嚟咗個 青紅蘿蔔湯，飲落希澈澈 好似重水過 午餐嘅例湯， 諗住例湯梗係咁㗎啦，差唔多飲完得閒 旁邊 個餐牌睇下見到湯五十幾蚊， 以心為心 ，畀五十幾蚊可能係個燉湯 ，唔會 係呢個例湯， 後來嚟咗 廣島蠔湯飯，四粒廣島蠔 湯飯白白地色， 味道ok， 食完埋單， 點知109蚊， 即刻o曬嘴， 畀多一倍價錢， 飲過咁嘅例湯， 都算最伏嘅一次

悠閒的週末本來要去太子取蛋糕，之前又save 了這食店，1 check原來蛋糕店跟這家店就在隔離😏好極！店內感覺舒適，好在早一點點來到，不然過了一會，店內已滿座，後來還開始要攞飛排隊。 在等食的期間八卦一下學生有半價招牌炆花膠拼廣島蠔米粉先嚐一口湯，嘩有驚喜！湯很清，味甜；花膠炆得很林；廣島蠔肥美且鮮味！米粉應該是用新竹米粉，雖然看上去份量不多，但吃過之後是剛好的感覺，不會感覺還未飽肥牛米粉牛是用了牛頸脊，一看便知新鮮！肉汁非常！而有咬口！配上龍眼花旗蔘蜜估佢唔到咁清，咁好飲最後還覆桌了一支拿走是日住家靚湯椰子雞真心！ 落足料，相信是用了椰青水去煲，湯非常的甜，很濃味小食還點了醉雞翼花雕酒真香，釀得很入味這食店是真材實料，用心之作身為潮州人的我當然撐架ge lung!香港加油！

小店風味，店舖坐位唔多，好似十幾個位左右，朋友推介呢度嘅花膠米粉，喜歡食蠔嘅亦可以再加多兩隻廣島蠔，老板兼大廚自己一手一腳包辦落單同煮食，等左一陣食物終於上枱，先試湯底，鮮甜雞湯味道唔會太肥膩(店家主張不加味精)，所以客人可以飲到雞湯嘅鮮味，而米粉選用幼滑嘅新竹米粉，加入少少芽菜配合，入口爽滑，米粉吸收左雞湯鮮味更加好食，花膠亦炆得好淋好夠味，而蠔就普通未算特出，另再單點一份醉雞翼，酒味香醇尚算夠味，但肉質稍為實左少少，應該係浸嘅時候火喉大左少少，總括食物ok嘅，推介花膠米粉。

真材實料！一試難忘！花膠湯米首先見到塊大花膠已經好開心飲啖湯，一飲就知有料到係真花膠雞湯！超甜！好幸福😍塊花膠都好入味，而且唔韌！（以前食過第二度ge花膠車仔麵，真係成塊無味膠咁）手切肥牛湯米牛肉新鮮，而且湯底係真牛湯朋友全碗飲曬 lol雞油燙菜菜本身無咩特別，但蘸碟底D雞油汁就超正！👍🏻👍🏻海中寶即係雜錦貝類同樣都係好鮮甜，尤其係個蜆，連少少湯食超好味！龍眼花旗蔘蜜甘甜潤喉，唔似假味，略顯太細樽唔夠喉咁足料埋單都係二百幾蚊，抵到爛

今日一行二人試食這間小店。小店的裝修以簡約為主，環境舒適。枱面很夠闊，不會有擠逼的感覺。店員很有禮拜和熱心。我們二人點了清酒大蜆米粉, 花旗蔘蜜, 蠔皇花膠撈米, 花雕雞翼和扇貝。(但我們竟然掛住食，忘了拍照!!!!!!!)蠔皇花膠撈米好好味，花膠都很大隻，整碗撈米都好入味。 成碗撈米都好足料，性價比高。下次一定要再食!而清酒大蜆米粉的湯底很清甜，蜆夠大隻，和扇貝一樣很新鮮! 我們二人就是吃了一啖，就不停食，完全已經忘了拍照了。平時喝花旗蔘，都因為花旗蔘的甘味唔想喝，但這裡的花旗蔘很清甜，只略略有點點甘味。在超級熱的天氣，想喝清熱解毒的飲品最啱!花雕雞翼和扇貝也好好味。總括來說，這頓晚餐令人很满足。友人看見有刺身牛肉想試，不過因為要預先訂制，所以試不到。下次希望試下要預先訂制的刺身牛肉!

一個人入店，地方整潔，坐位不多，餐牌很多選擇，還有支持學生的活動，我叫了個牌花膠湯米，加$6 有豆漿，豆漿幾厚身，等咗一暫米粉很濃的雞湯味加上好大塊花膠，還有少少油香，我連湯都飲完

這一天，趁著有空，決定到街頭獵影一番。來到太子界限街，見這間「潮州人」店舖門面上的玻璃張貼著多篇雜誌報導的文章，圖文並茂地介紹這小店的湯米、湯飯與小食，看來都幾吸引，便入內一試。店舖地方不大，只有三數張桌子，大約可供十多人一起用餐。店內陳設簡單，一面牆上有一部掛牆大電視機，左右兩邊牆上，就有多幅店中食品的彩色照片和一些食品的介紹及報導。看餐牌中的雜誌報導，原來這小店的老闆正職是一位空手道教練，蠻特別的。店中主打各款湯米，材料有花膠、肥牛、廣島蠔、大蜆、醉蝦、醉雞翼等，都有頗多選擇。顧客如不喜歡吃米粉的話，大可將湯米改為湯飯。至於其他小食，亦有多款選擇，海鮮、蛋、菜都有，即使是飲品，也有「媽咪龍眼參蜜」（$16）與「有機鮮豆漿」（$10），看來誠意滿滿。初次到訪的我，就來一碗「招牌花膠米粉」（$53）試試好了。我的「招牌花膠米粉」眨眼送上，這店中的招牌出品不太大碗，但小碗的雞湯銀絲米粉上，舖著兩大塊不厚不薄的花膠，感覺煞是像樣。先呷口湯，湯味清甜可喜，把其中一件花膠夾起，狹長的花膠頗為大件，另一件花膠的大小也與夾起的花膠相若，才五十多塊錢的一碗花膠湯米，有這麼多的花膠，絕對抵食。兩大件的

I adored this bowl of noodles dearly! The fresh beef was so flavored, and cooked right to the point. It was a bit raw in the middle when served, but the hot soup got to “cook” the beef when you are eating your noodles, so that the beef wouldn’t be too chewy at the end of your meal. As for the purple potato noodles, I couldn’t quite taste the purple potato in it, but the noodles were very al dente and enjoyable! Not to miss the soup! It’s Ciuzauese homemade chicken soup! I actually drank it all a