潮州合成甜品

營業中

休息中

無論咩天氣都好，食完飯都好想食糖水。合成糖水已經吃過好多次，佢嘅價錢我覺得唔便，但係每次我想食清心丸都會過黎食，暫時未食過比佢更好食嘅清心丸❤️❤️我地今次叫左1️⃣椰汁🥥紫米露清心丸💰35椰汁🥥同黑糯米好夾，黑糯米煮到好煙韌，甜度啱啱好，唔會過甜，成碗都好好食。我地仲額外加左清心丸，增加口感👍另外我地仲加左湯圓，係普通芝麻湯圓，正常發揮，可叫可不叫😂2️⃣腐竹薏米清心丸💰35呢碗糖水我叫左凍，裡面好多碎冰，食落好透心涼。腐足煮到融曬，食落有濃濃豆香味，加埋煙韌嘅清心丸同埋薏米，味道好清甜，成碗糖水好快清曬❤️🫣消費價錢：2人💰80左右，人均💰40結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️回頭指數：⭐️⭐️⭐️⭐️⭐️

每次都要去九龍城都一定要去埋潮州合成甜品食糖水🍧依間傳統潮式糖水店有好多款傳統糖水選擇，以中式糖水為主，仲有唔同配搭，未試過既一定要嚟試吓🤩店舖分2層，放咗好多張圓枱，11點左右嚟到要排隊，不過等左一陣已經可以入座。由落單到上枱都好快手，店員都好客氣。🧊凍腐竹清心丸 ($37)好耐以前食過清心丸，而家已經買少見少腐竹糖水唔會好甜，腐竹份量好足，煮得好腍👍清心丸好大粒，非常煙韌，好有咬口🤩凍腐竹加埋清心丸簡直係絕配💯🌟 Lamlam脷指數 😋😋😋😋😋 (5/5)🌟整體評價: 凍腐竹清心丸必食，一試難忘👍👍👍🌟 Encore指數 ⭐️⭐️⭐️ ⭐️⭐️ (5/5)

平時見佢排長隊，難得今日冇咩人所以叫左2碗綠豆清心丸外賣，預正新精頭，每碗加$5，所以一碗$46，其實有d貴。碗糖水唔甜，我覺得可以甜d，清水丸好食，但比得好少😓。我又唔覺得個糖水勁好食，我估只係某d糖水出面好少有，所以先比較多人來排隊😅

懷舊糖水舖呢間合成糖水膽附近的地茂館都不相伯仲之前試過地茂館 今日就泥試試合成呢到主要賣潮州糖水 清心丸 綠豆糖水個日唔食綠豆所以叫左腐竹薏米清心丸 一碗$40 都少貴 腐竹唔香 淡味 清心丸就煙韌 薏米係熟薏米為主 兩間相比 地茂比較親民

呢間傳統潮式糖水店係九龍城相當有歷史,內裏四周嘅design都充滿歲月痕跡,呢種懷舊感十足嘅老店真係少之又少,一定要黎打個卡.椰汁蓮子黑糯米湯丸充滿糯性又帶住滿滿Q韌感嘅黑糯米配上椰汁本身已經好match!!再加上大大粒黑芝麻湯丸夠晒滿足,味道唔會過太甜膩,湯圓皮厚度唔算好薄但充滿煙韌感.潮洲綠荳邊清心丸清心丸大大粒,口感彈牙充滿嚼勁.配上大量粒粒綠荳粉綿充滿綠荳香.整碗潮洲綠荳邊清心丸味道都唔會過甜而且味道好清新.但甜食控可能會覺得甜味更淡.

同朋友食完飯覺得好凍，想去食啲熱嘢朋友話合成糖水好好味，而且好平我好少去九龍城，唔知有間咁多人嘅糖水舖第一次食覺得好好味馬蹄好清甜，朋友叫咗個綠豆沙，起沙好靚食完仲想打包

細細個幼稚園就已經喺九龍城讀書，🙈所以真係對九龍城嘅好多舖頭都好熟悉。✨今次去咗一間好多人去九龍城都會食嘅合成糖水，😛呢間糖水小編真係由細食到大，🥹不過今次再食返雖然味道唔差，🫡但係就覺得性價比唔高，質素不過不失但價錢偏貴，🤣可以話係食舊式情懷。.#潮州綠豆邊清心丸 $36 👅7.5/10 🥣入面有綠豆邊、清心丸、花奶同埋碎冰，🤣相信係大家可以想像得到嘅味道。💕簡簡單單配搭起嚟清爽得來唔會太甜同太漏，🙈因為之前食過覺得太淡，👻所以今次叫咗少冰多奶，味道會濃D，✨建議大家嘗試都可以咁樣叫。💛成碗糖水小編最鍾意就係佢嘅清心丸，🙌🏻口感煙韌得來又彈牙。

今晚黎到九龍城緊係要黎食「合成甜品」啦😍網友們可以放心入去食。仲要記得食清心丸，因為衣度馳名清心丸😍必吃甜品。($32蚊) 凍馬蹄露糖水配清心丸😍服務員落單後，糖水極速送到好有效率，又快又靚，第一眼見到衣碗馬蹄露糖水配清心丸賣相，勁吸引清心丸口感好爽口彈牙感覺上食清心丸就上左癮，真係有一試難忘。仲有，再叫左碗芝麻糊配湯圓本身打算叫凍的，不過服務員介紹熱更好味就跟左佢($37蚊) 熱芝麻糊配湯圓(2粒湯圓)熱比較濃味，所以下次大家都記得試

係九龍城食完晚飯好想食啲傳統既糖水，見到呢間合成糖水好老字號咁，一於試下！睇到個餐牌好多選擇，好想全部材料都試下，就叫左個蓮子綠豆邊清心丸馬蹄沙！好足料，又唔會好甜，個甜味係好清新果種！清心丸煙韌好好味又唔會太飽肚！第一次食呢啲潮州糖水好有驚喜！

懷舊老字號除了地面座位，樓上均設雅座。今次點了37 綠豆邊清心丸 和 腐竹薏米清心丸。綠豆邊清心丸啖啖綠豆邊，清心丸口感十足，韌度滿分，但略嫌糖水偏甜。腐竹薏米清心丸潮式腐竹不會煲至變杰身，腐竹味未算濃厚，薏米是熟薏米，頗有飽肚感！但環境、衞生情況，屬一般！愛整潔的人仕，需注意一下！

約會最完美既一環點少得有糖水做結尾🧡🧡中式糖水就最得我歡心🫶🏻•冰花綠荳清心丸🍧凍冰冰連埋起沙既綠豆糖水底一定要有埋不能少得既清心丸好滿足♥️♥️♥️

合成糖水呢間連何家小姐都光顧的老字號糖水鋪真的要試一試！我地11點半揸車黎都系超多人。而且呢間舖頭的侍應好有禮貌，耐性解答，而且都好快手。美中不足就系檯面好污糟（不過可能太忙啦～）我地叫左 一個黑芝麻糊 $ 27 和 一個馬蹄爽加清心丸 $31.價錢黎講，中規中矩啦，偏貴少少。不過算啦，貴極都系貴幾蚊～老實講，黑芝麻糊好難食～ 好水，完全唔系糊狀的。而且味道好奇怪。不推薦。至於馬蹄沙加清心丸，好食！呢個糖水都幾特別，之前未食過。而且口感，甜度都非常出色。如果唔抗拒馬蹄的話就要食下啦！

🔹九龍城//九龍城龍崗道9號地下🔹人均約$40🔹▫️綠豆腐竹馬蹄沙清心丸 $43超級消暑解熱嘅糖水😋😋馬蹄係食唔到一粒粒淨係食到個味好似湯☺️☺️好考功夫😍清心丸超級超級推介，好煙韌類似小丸子嗰種咬口，但係係透明嘅🤭🤭好QQ🤭朋友推介下次食綠豆邊會比綠豆更加好食下次試吓先！🤫🤫🔹好飽評語成個勁多次嘅合成！超級推薦大家去食🤭🤭平靚正！而且光速出餐超級快基本上5分鐘內糖水就到🤣🤣而且好多款中式糖水揀，冰花超正涼浸浸夏天必食❄️～其中薏米同埋蓮子都好好食㗎💕🧠回頭指數：🔟🧏🏻‍♀️打卡港女：6️⃣🌬冷氣溫度：8️⃣🚽廁所評價：5️⃣🧾性價比呢：🔟

冰花綠荳清心丸又係我每次黎必點既例牌天氣熱熱地食返碗冰花綠荳起沙既綠荳仲要透心涼 即刻消哂薯仲要配埋最愛既清心丸大滿足 好幸福🫶🏻🧡🫶🏻🫶🏻🫶🏻🫶🏻🫶🏻

這間位於九龍城的老字號糖水店，無去咁多年，仍然爆枱要等位，坐位仍是爛爛地，斜斜地的木版卡位，真係唔敢亂動😅 但勝在夠傳統。今次叫咗綠豆邊薏米馬蹄沙🍵，粒粒馬蹄勁爽口，綠豆又清熱氣，凍的整體不太生👍🏻 蓮子雪耳清心丸😋 煙煙韌韌有質感！