潮州合成甜品

營業中

休息中

【為何凍食的甜品是加冰？】 聞名而吃的合成甜品，結果失望而回。蓮子椰汁黑糯米湯丸(凍)，賣相簡直可以恐怖形容，第一眼見到，心想這是石灰水嗎？這是什麼啊？😨原來凍食不同其他甜品店雪凍，而是本來熱上的甜品加冰粒，好奇怪，融化的冰粒溝淡了糖水，口感亦變得奇怪。可能我吃不慣，因見食客滿座。綠豆沙凍食也是如此，只是賣相沒黑糯米恐怖。不過店員和老闆都很親切友善，有機會可以再嘗熱食/熱門必吃的清心丸吧。 潮州合成甜品 (九龍城)九龍城龍崗道9號地舖

門口一入到去見到佢左邊已經整定左一碗一碗無蓋住嘅糖水底，個衛生情況已經令人心覺不妙；入邊啲音樂好大聲好嘈，坐起嚟都幾唔舒服。入到去叫四碗嘢，最招牌嘅清心丸都唔係太好食，感覺好似係比較硬嘅大菜糕切成一粒粒。其他部份我覺得好似清補涼嘅湯渣。叫咗個有芒果嘅糖水，個芒果酸，又要唔凍。至於西米露就完全冇味。以前讀書嘅時候食過，嗰個時候都覺得還可以，但而家乜都差咗好多，今次去完破壞晒個印象，很貴但食物質量每況愈下，唔會再想去下一次了。

好多人話合成越嚟越唔好食，但每次食合成我都好開心🥹因為專做潮式糖水喺香港真係少之有少，而且每次嚟合成都好似入咗時光機咁，店內播嘅歌同裝修都係一成不變，真係好難得🤟🏻✴️潮州綠豆邊蓮子薏米馬蹄沙配清心丸✴️招牌糖水咩都有，貪心又有選擇困難症嘅朋友可叫依個🤣清心丸依舊煙韌大粒，蓮子鬆化，面頭有大量碎冰，咁熱食絕對透心涼🧊✴️椰汁黑糯米配雪糕✴️一定要加雪糕，雲呢拿雪糕會令黑糯米更滑順，加上佢嘅甜度適中，就算雪糕溶咗都唔會過甜，不過小心食完好飽😆

望落去似湯渣，食落係奶水湯渣，因為啲冰溶哂，令到碗野冇咩味，其他凍嘅甜品都一樣，好似水溝糖水咁，本身諗住打完風去食個甜品放鬆下，點知十分失望，希望大家唔好中伏，唔會再去幫襯。

今晚係九龍城食完泰國菜屋企人話想食糖水之前上網見到呢間好出名橫掂都係九龍城禁就一於試一試佢一去到門口都幾多人係度等緊等左2-3枱到就到我地一睇menu😱價錢都唔平喎但見禁多人食應該都唔差呱我地叫左3個糖水蓮子雪耳元肉燉百合冰凍芒果西米涼粉珍珠丸冰凍綠豆沙清心丸加湯圓但食完我地都認為完全唔值呢個價錢全部都好似糖水溝落去咁清心丸有啲好似未煮熟咁涼粉個個叫正常少少但佢個糖水真係甜到漏！下次有得揀既話我應該都唔會再黎

上次食完飯好飽行過無食到今次經開附近買滷水鵝順便外賣返屋企食睇見menu價錢都唔平，平時見中式糖水都好平滿心歡喜食完飯就攞出嚟食買咗兩碗，兩碗啲清心丸都好硬咬落去係好實好實嘅口感，完全不知所謂難食到食唔落，仲要咁貴另一碗招牌糖水64蚊，無影低到，咁嘅質素都收呢個價錢真係食完返唔到轉頭，係唔會再食個隻

夏日炎炎，行到龍崗道嘆個糖水，合成老字號，應該冇死。order兩個招牌糖水，入邊嘅清心丸硬到冇朋友，出品都真係幾差，每份收你65蚊，真心中大伏。高級潮州酒樓清心丸糖水都係三十幾蚊，好食過佢100倍。九龍城好多食市只剩情懷，出品完全對不起個價錢。

其實十幾年前食過一次，已經無咩印象，我估都係普普通通，如果唔係點會咁耐都唔去第二次。尋晚見咁多人，以為佢有改進，咪比多次機會佢囉，點知又貴又唔好食，又不至於難食，只係我覺得唔識入次廚的人都可煮到呢個水準吧！環境一般，個收銀大叔把聲好嘈影響食欲

因為我小學中學大學都係喺九龍城區讀書所以對於九龍城嘅餐廳都非常之熟悉不過時移世易事過境遷好多以前熟悉嘅餐廳小店都已經抵受唔住時代嘅洗禮一間一間咁結業🥲有啲可能係因為老闆年紀大想退休享受生活有啲可能係大眾口味唔同咗所以支撐唔住我最喜愛的九龍城食肆有幾間↙️💔義香荳品廠佢嘅豆腐真係好出色超級有黃豆味係有一種炭燒豆腐嘅豆香味粗糙得來有啲細緻豆腐味都食到回甘就好似佢個駐店老闆娘一樣咁粗獷🧑🏼‍🎤但係其實又勁好人嗰陣時個個走去排隊食公和我同我嘅同學仔就會走去義香荳品廠💕價錢平好多但係味道都係一樣甚至更加出色💔三和田日本料理以前無咁多日本餐廳fusion菜呢間平民日本料理就係窮學生嘅恩物入到去唔會講日文嘅歡迎光臨係有幾個譚仔口音嘅師奶做樓面雖然一啲日本氣氛都發覺唔到但係食物又大碟又有水準係lunch time 聚腳熱點最記得係佢有個便當餐只係$48就有青瓜蟹子沙律🥗/雜錦刺身🍣/豚肉燒🐷/天婦羅🍤通常手頭鬆動返學辛苦想車獎勵吓自己就會叫呢個餐💔地茂館以前返學都有OT就係課外活動永遠搞到7點幾8點諗返轉頭唔知點解當時可以咁熱血一班人做到咁夜就會去地茂館叫幾個小菜醫肚啲小菜有火喉有鑊氣拍得住大排檔相隔幾

每次嚟九龍城食完泰國嘢，太重口味最後都會嚟合成糖水食過清心丸糖水潤下喉。✨九成時間都要排隊等，但係大家都食完好快走，通常都30分鐘以來有位。尤其是而家夏天熱辣辣坐低食返碗冰涼嘅清新丸糖水，簡直係消暑享受，過過冷河🥰✨❤️❤️❤️腐竹蛋薏米清心丸呢個永遠都係我嘅最愛，腐竹蛋超清新，完全唔會太甜，加埋少炒冰碎，同大大粒煙韌韌嘅清心丸，就算飯後食都一樣零負擔，食完又好滿足！❤️❤️ 紅豆蓮子清心丸男朋友鍾意食紅豆，叫咗呢一款都唔錯，蓮子有咬口，加埋成碗會幾飽肚，但就冇腐竹蛋咁清甜，都唔錯。

喺九龍城好早食完飯又未到後就去咗合成食糖水，因為只係七點鬆啲成間鋪冇乜人，我哋兩個人share一碗糖水都唔會唔好意思🤣 一直都覺得合成嘅清心丸係無可取替，叫咗個22號綠豆沙百合清心丸，姐姐有提我，唔係白色嘅綠豆邊，但我當時真係好想清清熱所以叫咗個名有清熱嘅22號🤣老細好快手呀即刻𢳂左碗糖水同加咗啲清心丸綠豆沙大大碗，清心丸大大粒好煙韌😋😄百合都好多，成碗糖水好足料，雖然都真係幾貴要$40🤣

每次去親九龍城食嘢，唔嚟合成食返碗糖水好似硬係未圓滿。其實合成糖水出產嘅糖水有好多款，但我又偏偏淨係鍾情清心丸鍾意清心丸，因為佢煙煙韌韌，近似芋圓但又無咁飽肚😇天氣熱嘅時候，配搭凍嘅腐竹糖水確實係一絕。$40一碗，裏面真係有足料嘅腐竹同好多好多薏米。推薦大家坐樓上，冇咁迫之餘仲可以慢慢食

黎到九龍城食潮州菜，一定要食埋甜品先圓滿✨✨潮州合城一向出名，已經食過好多次，水準穩定👍🏻 大概等左5分鐘就有位，老闆非常和藹親民😁如果食過嘅朋友都知道潮州合成有近百款糖水選擇，每次去都會諗好耐🤪 中意煙韌口感嘅你必食清心丸😍🌟紅豆清心丸$36一碗好食嘅紅豆沙最緊要起沙！呢度嘅紅豆沙接近滿分💯 紅豆，除左起沙，仲好足料有好多粒粒紅豆🫘仲有啖啖陳皮味，而且唔甜，食多幾啖都唔覺得有大大罪惡感🤪清心丸極度煙靭，好有咬口，簡直絕配🙌🏻題外話，雖然價錢相對上貴少少，但份量比平時多，抵食兼好味😊

老闆娘話呢個鮮芒果果凍係用呢氹小朋友開心 #咁係邊個係小朋友叫咗呢款新口味甜品馬蹄沙消暑一流 甜度調教過適合唔鍾意太甜香港market鮮芒果果凍比較似啫喱 顏色豐富幾得意 可選擇加花奶或者唔加 我覺得加咗香滑d多一種味道#dessert #mango #waterchestnut #kowlooncity #food #hongkong #hongkongfood #合成糖水 #芒果 #馬蹄沙 #甜品 #美食 #九龍城 #香港 #香港美食

成日聽人介紹呢間糖水，今日見經過見到，又喺附近食晚餐，食完晚餐幾飽都去咗呢度試一試啲糖水！之前以為呢度舊式糖水會好平20幾蚊係一啲基本嘅但係原來最平都要三十幾！就算係普通啲嘅紅綠豆沙好似都接近$40 ！朋友嗌嘅腐竹薏米好好味， $36但係煲得幾好，豆味好濃而且啲腐竹都好溶化啱啱好又會有口感紅豆沙加椰奶都OK，不過係正正常常冇乜特別芝麻糊湯圓我就覺得有啲普通，佢個芝麻糊唔算太香濃而且亦都唔係好結嘅感覺呢碗最出色！因為係朋友嗌我都唔記得咗係咩，但係加咗$5要薑汁超濃薑味甜甜地！平視我可能會覺得太甜，但係今日覺得好夾好正好好味好想食咗佢個碗！不過啲粒粒我就麻麻哋鍾意！我自己嗌咗冰花紅綠豆，其實就即係有冰粒整到嘅紅綠豆沙，我自己另外再加清心丸加$45 ，清心丸嘅份量唔算多，不過佢同我之前食嘅感覺唔同，佢有啲似我鄉下嘅番薯粉初成嘅小丸子，而唔係用我個成品整嘅感覺然後上網一睇，好似唔係好多地方都用正宗鵝城粉整了～如果用正宗整法，應該係冇咁似糯米糍嘅煙韌口感爽彈少少但係又不失念性不過嚟呢度好搞笑，好似鄉下嗰啲舊式地方！好有感覺人情味