潮州合成甜品

營業中

休息中

每次食呢間糖水都會叫佢嘅招牌“清心丸”，食落煙煙韌韌係大嬸最鐘意嘅口感🤗。今次就叫左個熱嘅綠豆沙加清心丸，估唔到熱嘅糖水啲清心丸都唔會淋咗👍🏻，個綠豆沙都唔太甜。大叔就叫咗個腐竹雞蛋糖水，大嬸不嬲都麻麻地呢款糖水，不過都試咗一啖唔係好甜，同埋腐竹都好多。鐘意食煙韌嘢嘅推介你要去食清心丸😋

隔離食飽飯唸住食下糖水，坐低叫左三碗糖水，其中蓮子百合雪耳清心糖水，找不到雪耳，糖水只食到冰味，成碗野係無味既雪水。百合仲係黑色的，無洗乾淨，離曬譜。碗野感覺真係好求其，另外兩碗算正常沒有特別，不過食完有點不適，似d冰唔乾淨無服務可言，個啊姐定唔知老闆好趕客，食完嫌你阻埞叫你快啲行出去，嚇人的態度。睇下其他comments,原來有人有相同經歷，早知就唔再黎啦.以前食過幾次，之前都唔見得好服務，不過食碗糖水姐，但未至於趕客，現在又難食左，你食完再企係間店等埋單都嫌你阻埞，唔推介了

第一次試潮州甜品，同平時見開嘅中式糖水舖啲選擇都有啲唔同，幾新奇。揀左蓮子雪耳百合，唔會太甜得黎係清甜🥰食落覺得好健康，蓮子尤其驚喜因為好腍好甜🤩另外加左2粒芝麻湯圓，湯圓就無乜特別有機會都想試埋其他😋😋鋪頭好舊式，有種回到過去嘅感覺🤣

香港地痞式既糖水舖真係買少見少，難得嚟到九龍城，一定要去合成糖水嘆返碗中式甜品，特別以前喺呢區讀書，零舍覺得有人情味。我哋叫分別叫咗兩碗糖水，第一碗係綠豆邊清心丸馬蹄沙，清心丸食落好有咬口，煙煙韌韌，係呢種秋高氣爽嘅日子裏面，暖笠笠嘅馬蹄沙加添左一份滋潤，細細粒爽爽嘅馬蹄，加上煮到好淋身嘅綠豆邊，提升左成碗甜品嘅層次。第二碗糖水係腐竹糖水雞蛋再加清心丸。腐竹雞蛋口味濃郁，腐竹味道清甜，配上清心丸爽口彈牙嘅口感，令整天嘅心情變好。人情味嘅店舖現時真係越來越少，所以大家如果想回味一番，不妨到此一遊！

食完晚餐好想食糖水, 就揸車去九龍城食合成。九龍城真係幾點鐘去都係咁多人! 想搵個位泊車都有D難度呀~我次次黎都係食腐竹薏米清心丸,今次黎到想轉下食另一樣。但睇哂成個MENU 最後都係照舊。哈哈!真係好想知道清心丸係點整。我本身中意食QQ口感既野(例如芋圓)。所以清心丸都係我既最愛!朋友分別叫左蓮子百合清心丸同潮州綠豆邊清心丸。我堅持我果碗係最好食。宜家D舊式既中式糖水真係買少見少。雖然佢賣得有些少貴。不過真係好好食呀!如果親民D既價錢就PERFECT啦~ 佢既TURNOVER真係好快。我地3人行, 15分鐘就完成左自己碗糖水!

本人從未寫過食評，呢碗嘢衰到我要出聲，老公買糖水返嚟俾我同奶奶，我食先，一路食一路發火話，奶奶覺得我誇張，到佢食嘅時候，食咗一啖就陪我一齊話。。。溝冰塊嘅糖水，我第一次食咁多冰嘅芒果西米露，淡到好似飲水咁，超薄切芒果，仲要酸嘅，成94蚊兩碗。。。咁多好評，仲要九龍城區，真係好失望！

#糖水 #dessert #甜品 #中式糖水 #潮州糖水 #desserts 傳統糖水店,環境懷舊簡潔😂#雪耳薏米馬蹄沙 （26號) $35 熱騰騰的糖水飲落去很舒服，底下有一粒粒爽口馬蹄碎，還有甜甜的薏米，有不同的口感。#冰花蓮子雪耳薏米柿餅 （56號）柿餅 $39 涼透心的感覺～有很多口感，冰花好脆好好咬🤣柿餅甜甜ᶘ ᵒᴥᵒᶅ個人口味評分：7.5/10#food #hkfood #hkfoodstagram #hkfoodpic

今次專登揸車黎食合成清心丸 ，由大學開始食！今次叫左最愛既❤️冰花腐竹雪耳清水丸，好清涼，唔會太甜，腐皮好薄身，好好味！夏天食好解熱，最正真係呢到既清心丸 ，可以話係全港最好食😋

同中學同學喺九龍城食完晚飯，我哋自不然走咗去食飯後糖水😛。喺九龍城數一數二出名嘅應該係「潮州合成甜品」。不過可能由於限聚影響，加上餐廳十點後無得做堂食，所以呢晚去到嗰度發現比以往靜局。可能係咁，啲姐姐無咁忙，態度亦好咗🙈。我同朋友叫咗一人一碗腐竹薏米清之丸($36)，本身有諗過不如嗌兩款唔同嘅試下，之但係睇嚟睇去都係呢款最想食，而且清心丸係膽😎。糖水清清哋，唔太甜，味道唔錯；但我嫌糖水太少、腐竹太多又唔夠薄，成碗口感變得稠稠厚厚的，扣分。不過清心丸依然大大粒，四四方方，幾可嚼口👍，個人感覺同糯米磁唔同，口感係再煙韌同正啲。但食落好飽肚😂，我居然食唔哂成碗。餐牌明明寫$35，但落單要$36，$1就由佢啦，可能餐牌追唔上加價，哈哈。如果以佢知名度計，呢個價錢唔算貴，因為出面新派甜品舖閒閒地都$40一份啦😉。另外，糖水都幾大碗，份量多！合成收藏啲剪報收藏得好好，過哂膠，全部都係接近20年歷史嘅舊報道。佢出名到日本旅遊書都有介紹佢🤔。小店環境好一般，舊唔係問題，問題係在於好多雜物咁，感覺唔太乾淨😳...。佢有兩層，之前去過上層都差唔多情況。總括嚟講，我覺得去開九龍城想食清心丸嘅不妨幫襯一下，但

🧊·清熱百合綠豆清心丸·紅綠豆沙天氣熱辣辣特別想食凍野清心丸依然係我最喜歡的🍡仲有好多糖水選擇，實有一款岩口味記得一定要加清心丸！即刻成碗野滿足哂下次再試埋其他先

黎九龍城一定食呢間歷史超悠久嘅潮州合成甜品，相信係唔少老街坊嘅回憶🍮唔單止味道遠超過其他舖頭嘅中式糖水，佢地更有超過90款甜品比你揀，諗到你頭暈🤩除咗傳統糖水之外，食客更可自由選擇配料，而招牌甜品就係蓮子清心丸綠豆爽。🥰.🍰潮州綠荳邊清心丸綠荳邊即係去咗皮嘅綠豆，呢碗糖水真係清新到一個點🤩我要咗凍嘅，會加冰同埋加奶🧊清心丸種口感好似芋圓，不過冇乜味😗.🍰蓮子雪耳百合好似屋企人煲個啲咁，超足料，好有家的感覺😳本身我出街一定唔會食中式糖水，因為黎黎去去都係芝麻糊，湯圓個啲，一般都係又稀又唔好食😭今次食完合成之後，完全令我對中式糖水改觀，甚至寧願食中式都唔想食西式🤫大家真係一定要試😻.🍽味道: 4.5/5🏙環境: 3/5👨🏼‍🍳服務: 3.5/5💧衛生: 3/5💰價錢: 3/5

聽朋友說合成是一間很出名的糖水店，今天經過便進去試一試。店內貼滿了很多媒體的報道，看似很出名的樣子。由於之前我們已經吃了一些食物，於是我們兩人只叫了一碗糖水一起分享，店員的服務依然不錯，值得欣賞。我們叫了一碗潮州有季節性的糖水，薑薯百合蓮子，薑薯很是特別，不是其他糖水店上吃到的食材。薑薯被切成很薄很薄的片，咬下去很爽口，有點兒像煲湯的玉竹。此外，蓮子很粉，好吃。但價錢略有點兒貴，一碗糖水要$55了。

食完晚餐，幾個朋友意猶未盡，想繼續坐下，傾下計，於是決定係九龍塘搵下食邊間糖水。我哋一邊行，一邊睇，見到呢間糖水店門口有好多人等位，亦有唔少外賣，決定一齊試下。等左一陣，都算好快就有人安排我哋入坐，睇下餐牌，都有好多選擇，有啲款式較傳統的紅豆沙，綠豆沙，亦有涼粉。最後我哋揀左6款甜品，我同其中一位唔食涼粉嘅朋友最初只係問該兩款甜品可否唔要涼粉，職員回答當然得，接著她又問我們會否想把涼粉轉換成清心丸，因為糖水這樣會比較有特色。最後我哋轉左清心果，整體感覺不錯，糖水甜味適中，擂沙湯丸熱食味道一流

合成糖水也是 九龍城區 歷史悠久的糖水舖， 地下連住都有兩三個舖位，全盛期要等位～这天晚飯過後路过，想吃中式糖水，就入内， 已經很久沒有光顧。蓮子雪耳百合糖水起步價由最初二十多增到三十多，四十是標準了～中式糖水来說定價稍贵。以往钟情佢原粒鬆化香甜的蓮子，不過近年的質素也大不如前，蓮子也是零零碎碎， 沒有一粒是完整。百合很多黑点也沒有去除，賣相差了点。腐竹薏米喜歡煲到全溶化的 腐竹糖水，这裏是半溶，亦冇腐竹香味和黏口，質素好一般。食食吓仲有螞蟻附送～印象極差。牆壁上見到最新推介(季節限定)， 蓮子百合薑薯，索價$55！薑薯是季節性的食材嗎？ 還是薑湯煲蕃薯而已？或者出名嘅係佢嘅傳統潮州糖水，清心丸～ 但真心覺得性價比極低。

已經想了很久的一家店，終於在週末看完病後嘗試啦，感覺點的兩個都有點像了，不過很好吃，更喜歡清心丸，QQ好好吃，馬蹄沙也很好吃，比較的新鮮爽口，很喜歡這樣子的老店，有人情味