潮式腸粉 (已結業)

潮式腸粉依間係屋企開左幾年,但一直冇太大意慾去試,今日男朋友就帶左我試下佢既特色野,一入到去彷彿過左關左番深圳甘,舖頭主色調係黃綠色,大約有六張枱左右,成間不太大,牆身貼左好多特色推介餐牌亦都有好多唔同既潮洲野食,大部分都係對我好陌生既字,因為我實在太少食依類型既食物la,今日我地就叫三款小試牛刀下-招牌炒粿汁$58,潮式腸粉$38同潮式蝦棗湯$63食物到!潮式蝦棗湯好正,原來係紫菜湯底,紫菜冇沙,個湯好鮮,蝦棗大約十三-十四粒,口感好彈,會食到有一隻隻蝦,-依個D粒係闊身既,食落QQ,但比較油,配佢地既自家醬汁,超正!潮式腸粉-我比較接受唔到,口感怪怪的,入面有西生菜、蛋、蝦米仔,塊皮比較軟身平均來說味道都幾特別,都有驚喜

經常經過都好想試下, 今晚終於可以試到, 一坐低即刻問姐姐有無薄殼好彩有jar, 薄殼唔係經常有, 睇電視就睇得多, 食都係第一次薄殼好鮮甜, 不過真係太細粒, 食到個口好攰本身叫個細既鮮蠔仔粥, 不過姐姐話大同細差$10, 嘟個大抵食d, 兩個人一人碗半差唔多啦不過蠔仔唔夠鮮甜, 但係勝在真係好多蠔仔個芋頭卷無乜芋頭味, 一上枱我已經食, 第一舊都夠脆身, 第二舊就開始淋啦. . 整體黎講好一般, 唔會再想黎食多次

潮式腸粉係我樓下開左幾年，日日都會經過，見住佢慢慢多人識仲拎埋米芝蓮，但我竟然無食過所以終於都去食喇。家鄉粿子-豬軟骨：唔知咩係粿子，第一次食，一塊一塊咁，外型有啲似不規則既河粉但食落好似薯粉有咬口。豬軟骨無平時出面食既咁“淋”，我覺得咁樣岩岩好，好好嚼，軟骨夠爽，個人唔鐘意太淋，所以覺得好好食！潮式腸粉：無唸過係咁大碟，同一般既腸粉好唔同，形狀係一大片咁，入面有啲菜，芽菜，蛋同魷魚等配醬料，幾香！好特別既腸粉，可以配下佢地自己整既辣醬食😋😋2個人食超飽😋😋

以前起大陸食既腸粉係一餅餅，樣衰衰又幾好吃，潮式腸粉就係咁腸粉，個樣似塊餅，入面有芽菜、冬菇、雞蛋、蝦米等材料，好爽口，加埋以豬骨熬成既芡汁，又濃又香，好好吃。另外點左個「煎蠔餅」，薄薄地，唔太油膩，最少不會看到油滴不停的慘況，香口野梗係味道郁濃，不過炸得太熱氣。 

古語有云：「唔怕生壞命，至怕改壞名」。我其實已經知道這小店存在了好一段時間，行經過她的門口亦不少於過百次，但始終都沒有想去光顧的衝動。正正因為店名給我第一印象只是一間主打潮式腸粉，獨孤一味的餐廳。但原來還有更多比潮式腸粉好吃的美食。潮式鮮蠔仔豆腐湯 － ＄58不算是大粒但鮮味的蠔仔，加上香滑豆腐，豬肉碎及土魷令到湯裡充滿獨特的潮式鮮味。十分喜歡廚師利用土魷提升湯中海洋的感覺和同一時間增加口感。一絕！招牌炒粿汁 － ＄50通常在一般餐廳吃到的只有粿條，但這裡更可以吃到粿汁。粿汁是米漿加上番薯粉，切成較粗的麵條。入口煙軔獨特。不太油膩，火候十足。上佳水準之作！潮式醉香雞 － ＄55紹興酒混入陣陣的藥材香氣，完完全全滲進鮮雞當中。若不喜歡滋補藥膳的朋友未必會欣賞。另外雞件略不夠鮮嫩。潮式椒鹽墨魚丸 － ＄48彈牙非常的墨魚丸被炸至金黃色。椒鹽在旁只恰到好處地做好配角，微微帶出墨魚丸的鮮味，沒有搶去菜式主角的位置。難得於這提供如此高水準的食物小店中，我看到的是一份平實和廉宜的價錢。只希望社會可以支持這些出色的良心小店，讓她們可以繼續生存下去。

之前朋友話睇中左一間叫潮式腸粉的餐廳，想去一試，剛巧近期工作較清閑，就相約到此店一試，看看那連續三年米芝蓮是什麼味道 ，閒日到店，時間尚早，冇咩人，看餐牌，點了四道菜，當然必試招牌菜潮州腸粉，店員話腸粉是底，要加配料，我地選了出名的蠔仔，送到來，看似湯包打開後，有蠔仔，芽菜，生菜，菇，味道同我想像有點出入，比較淡，不太似腸粉，芽菜爽口，蠔仔味不夠，比較普通第二道菜，招牌抄粿汁，詢問店員咩叫粿汁，同粿條，原來粿汁比較有口感，煙韌一點，而粿條就淋一點，就試下煙韌一點，配料就地道潮州料，魚餅切條，芽菜，魚條好有魚味，唔錯，粿汁真係好煙韌，同入晒醬油味，我覺得比腸粉更好味 看似豬肉，一入口就知是鯪魚肉，好食粿汁樣子，一片片的第三道菜道要了潮州出名的煎蠔餅，水準來說，呢到的不合格，不脆，不夠香，味道似泰式蠔仔蛋多，配魚露都尚可 但完全不似潮州的鴨蛋蠔餅味在匙羹中觀看，可見硬度十分柔軟，不像正宗蠔餅硬，脆第四道菜，店員話潮州甜品來，糯米釀蓮藕片，少少甜，比較爽口，面有白芝麻，蓮藕的洞釀了甜糯米，一般，冇驚喜，似過年糖蓮藕味總括來說，我自己覺得最出色係招牌炒粿汁，夠熱，又入味，又好食，反而期待的

今時今日仲有唔少人認為>>接近深圳大陸既上水元朗區仲係鄉下地方…呢個諗法...未免太膚淺吧…今次介紹呢間<潮式腸粉>係一間獲米芝蓮好評既食肆...多得老闆可以劃破疆界…來到元朗開業...為元朗爭光…呢度並沒有華麗既裝修...也沒有花巧既菜式…價錢亦只不過係平民化既價錢…就只係>>特別出色…今日朋友百無聊賴…所以一早就黎左拎位…一見到有甜品既野食就雙眼發光...急不及待就點左個甜品先>>潮式蓮藕釀糯米…原來係將糯米釀落蓮藕度…蓮藕洞咁細...其實都幾考功夫...而呢款甜品係凍食既...蓮藕食落去腍腍地甜甜地…又食到d煙韌…真係有d百感交集既感覺…朋友呢...就覺得有d似新年食既糖蓮藕呢…呢碟係招牌炒粿汁…大家唔好攪錯…佢同潮式炒粿條好相似…據店員介紹>>粿汁粿條係用米漿煮成...粿汁加了番薯粉...切成濶條…較為煙韌…而粿條就較幼身…好似河粉咁…較薄身...無咁好咬口...既然餐牌寫招牌同潮式…梗係試左招牌貨先啦…除左粿汁...配料仲有芽菜豬肉條..炒完出來...一d都唔油膩...真係好好咬口...而潮式腸粉

係佢未成為米芝蓮推介之前，身位潮州人既我每次黎元朗拍拖都必定幫襯佢。因為潮州腸粉真係咁既味道，而我係超鍾意食家鄉既腸粉。當然亦有不同之處：賣相！潮州腸粉係潮州賣$3-10一碟，邊會擺得咁整齊上碟。腸粉要趁熱食，佢既汁同材料配合得簡直係天衣無縫！好好食！！！五香肉卷略嫌炸過龍，試唔清楚肉卷的味道。雖然黎之前已經食左d 小食，但食食下都係唔夠喉，叫多碟普通潮州腸粉。唔掛住食，影多張相先。 之前都試過鮮蠔腸粉，我地發現加左蠔或豬肉對整碟腸粉既味道影響唔大，就咁叫原汁原味既潮州腸粉都已經品嚐到d 個菜式既真味道！

差不多已經半年無黎潮式腸粉食, 今晚終於可以再黎食, 我最鍾意食既並唔係佢哋既招牌潮式腸粉, 而係好少人會喺度食既魚腩粥, 通常啲人都只係會食蠔仔粥, 我見佢哋個餐牌有魚腩粥, 有一次叫黎食吓, 覺得佢又整得幾好食喎, 至次之後每次想食粥都會黎食, 不過其實佢哋既蠔仔粥都好好食架。  無黎半年多咗好多款食物選擇, 以前呢度無蠔餅賣, 今次見到有就立即叫黎試吓, 平時喺其他地方既蠔餅都有幾塊,呢度只係得一塊,不過我覺得味道唔錯, 不過同喺其他地方食既有啲唔同, 老公BB係潮州人, 佢話個味道好似佢兒時食既咁, 好正宗。 我哋仲叫咗個大地魚炒芥蘭, 呢個今次就做得麻麻哋, 啲大地魚炒得有啲燶燶地, 早知叫扎肉炒芥蘭啦。 食得飽得滞食唔落反沙芋, 唯有下次先至食啦。

話說這天在元朗洗牙，洗完牙當然在元朗食街附近找吃的，賀一賀佢啦！在鳳琴街附近走來走去，一隻盲頭烏英竟然誤打誤撞地遇上了米芝蓮食肆！！！潮式腸粉的門口跟普通的茶餐廳或麵檔差不多，少少的，大約只可容納二十位客人，沒甚麼特別，店外玻璃貼滿電視訪問，明星合照等。本以為只是名人飯堂，進了去才看到…哇啦哇啦！原來是米芝蓮餐廳啊！看到店內貼滿雜誌訪問，得悉這裡的老闆是新移民，賣的都是他在潮州鄉下的傳統菜式，今天當然要試試這裡獨有的潮州風味啦！潮式蠔仔腸粉 ($38)平日吃到的腸粉是把腸粉皮卷起來，而這裡的腸粉則是用腸粉皮打餡料包起來，再加上芡汁，吃起未有點像濕炒牛河。腸粉夠薄有彈性，餡料十分豐富，有蝦米、冬菇、魷魚、雞蛋、生菜等，當然還有蠔仔啦！潮式香煎芋頭卷 ($38)芋頭被腐皮包著再炸，新鮮炸出來不太油，而且十分香脆。芋頭加上花生，味道配襯。炒粿汁 ($45)所謂的粿汁，其實是用米漿和糯半粉漿造成，薄薄的主食，亦是潮式很常見到的特色食物。粿汁加上肉絲、芽菜、等材料，加上xo醬炒，很夠鑊氣雖然鋪仔細細，有點其貌不揚，但食物不錯，全部新鮮煮，而且夠特色，值得一讚！最係，送上餐牌。

喺電視見周中師傅介紹，腸粉就食得多，潮式腸粉都係第一次聽，好似好特別咁，專程黎試下。見到餐牌，好多都唔知咩黎，樣樣都好想試，覺得好新鮮。為左佢而黎既鮮蠔潮式腸粉，有D失望，冇預期中好食。好濕，個汁亦偏淡。腸粉同港式唔同，煙韌D，有少少似一大塊濕炒河粉。蠔仔唔多，好在有魷魚乾，冬菇吊下味。炒粿條，都幾大碟。味道同茶餐廳炒河極相似，好有穫氣，同時亦好油。粿條普通，稔左短左既油麵。炸大腸釀糯米反而唔錯，香脆可口，一D都唔油膩。點蜜糖，幾好食。試下都幾特別既，但就唔算好食。價錢唔平，炸大腸都要40幾。

說起潮州菜，腦海只想到蠔仔粥和滷水鵝!雜誌介紹此潮州菜小店，決定一試!小店面積尚可 - 來到當然叫了一客招牌鮮蠔腸粉－very good! 蠔仔多汁，腸粉厚度ok, 醬汁特別, 口感豐富, LIKE!。我們還點了紫菜湯乒乓波, 即豬肉丸。老闆沒改錯菜名，豬肉丸比乒乓波還要大，超爽口彈牙, LIKE!炒粿汁－都OK, 粿條 "煙UN", LIKE!拍青瓜－不知道是不是因為潮州style的關係，醬汁濃厚而酸甜 - 不像平常在香港吃的拍青瓜用醋和蒜泥。個人不喜歡這潮州做法。Oh, 還有香煎9菜果，個人覺得味道不錯，煙煙UN UN，只是由於是煎的關係故由油膩了一點 (食完要減肥 )，LIKE!我想這家小店可以加入我和J的 "飯堂list" 內！

第一次試呢間潮州小店。首先《招牌鮮蠔腸粉》上枱。。。味道偏淡，不過不失。再來《四小拼盆》。。。非常好味，一點不油膩，最讚豬肉丸。最後《自選上湯粿汁》。。。幾清幾特別。下次要試埋《反沙芋》先得😜

我去過潮式腸粉好多次，而家越嚟越旺，當我入到鋪頭內見到原來潮式腸粉已經榮升米芝蓮。 今次我點了兩樣食物紫菜湯乒乓波，即係大粒朱肉圓，一粒=4粒正常size 朱肉圓。朱肉圓超爽口，口感一流。蝦餅即叫即炸卜卜脆，配上醬汁，味道一流。 順帶一題，原來潮洲嘢比較重味，如果食開清淡，落單時請早揚聲

第一次食潮式腸粉，好軟滑，有生菜，芽菜，口感好豐富！豬肉丸好彈牙，絕對係手打！綠茶餅外脆內軟，唔太甜，好味！老闆好友善，間舖好多選擇，食物夠特別，夠地道，下次再試其他野！