潮江春 (無限極廣場)

營業中

休息中

以前飲茶及晚鈑都還可以。現在- 蒸腸粉到時候是凍。鮑魚肉碎粥只有幾條幼𢇁。等蒸點心半小時。叫waitress 跟進態度惡劣。永無下次。Adios!服務九流，價錢一流

同家人一齊去食晚飯，點左香煎𧐢仔烙，真係一道令人垂涎的美味，無論是外觀還是味道都令人陶醉。香煎𧐢仔金黃誘人，外皮酥脆，散發著令人愉悅的香氣。每一片都被煎得恰到好處，表面微微焦香，讓人忍不住想立即品嚐。咬上一口，外皮的酥脆與內裡的嫩滑形成鮮明對比，讓人瞬間感受到層次感。𧐢仔的肉質鮮嫩多汁，每一口都充滿了海鮮的鮮美，令人難以忘懷。這道菜的調味恰到好處，香煎的過程中，調料的香氣完美地滲透進肉質中，帶來了濃郁的海鮮風味。輕微的鹹味與香氣交融，讓人食指大動，欲罷不能。總的來說，香煎𧐢仔不僅色香味俱全，更是一道讓人回味無窮的美食。無論是配飯還是單吃，都能帶來愉悅的用餐體驗，絕對值得一試！

一行人有大人同2個小朋友去飲茶，呢間本身都唔係平，叫中價位，去到已經震用qr 落code 點野，最攪笑係茶位都係system 落，但落左人數無得擇飲乜菜，到食物都上，要搵人手落到加熱水，收碟全都是自來，但呢d service 收10percent service charge ，位又迫，櫈貼住隔離，想行出去都好唔方便。人手不足，d 送餐機械人廢架，去到附近是我地自己把用完架碟放上去！服務差端野食是掉去台架，d china 撞到卡卡聲！熱蠔仔肉碎粥咁大盅用掉，如果瀉出好危險。野食老水豆腐腎，鹹到生腎石，而燒賣偏多肥肉，仲有陣臭豬味有baby 要bb 高櫈，又是叫幾次等好耐先有人拎來！

來到上環. 就選擇到上環無極限潮江春飲早茶。服務態度一般。 其實唔明點解辣椒油唔可以放喺點心車度。又要叫侍應攞。成日話唔夠侍應。叫咗香煎韭菜棵、雞扎、擂沙煎堆仔、炸兩腸粉。韭菜棵煎得好香。蝦餃夠薄皮。擂沙煎堆仔。夠鬆脆及芝麻味濃厚。好似雷沙湯丸餡料。 但係炸兩腸份就不好吃。炸兩入邊嘅油炸鬼不鬆脆好林。 不過最離譜嘅就係雞扎入邊有條蟹柳。而條蟹柳個膠袋膠紙原條未拆。唔明廚房點解可以包到原條有膠袋蟹柳都唔知。雞扎好有問題。

前排，爸爸生日於是約埋一家人選一間酒樓食飯，我地夾夾埋埋都有12人啱啱好坐到一圍，於是就約去潮江春食飯去到發現原來有一個非常抵食嘅套餐。 12人一圍都只係2900百幾，實在非常抵食，油塘知道甜品總共10碟菜。而且店舖四周環境寧靜可以一邊進食一邊傾談。整個晚餐裏，我最欣賞就是燒雞和炒飯，整晚裡全部人都食到很飽，桌上還有剩很多餸菜。頭盤都幾好食這個就一般正常湯也不錯這個幾入味鮑魚就一般這個雞我最愛魚就實係養魚，所以不會有特別。綠豆苗我一般，因為草青味較濃炒飯就正，我最欣賞最後炸糖霜芋頭，我又麻麻地喜歡。但整餐全家人坐得舒服，味道又ok，食得開心，就值得啦。

新年同屋企人出街食飯, 去咗位於上環嘅潮江春飲茶食點心<柱候牛什>好耐都冇食過潮江春嘅柱候牛什, 咁多年水準依舊, 軟潤入味<炸乳鴿>媽媽同大食妹一樣咁鍾意食炸乳鴿, 嗌咗一隻兩個人share啱啱好即叫即炸, 新鮮香脆<春卷>春卷果然都唔錯, 香口脆卜卜<香煎臘味芋絲糕(左)及煎韭菜菓(右)>芋絲糕同韭菜菓相對其他煎炸野比較失色, 食落有啲油膩<XO醬蘿蔔糕>XO醬蘿蔔糕都係麻麻地, XO醬有啲死咸, 無XO醬應有嘅香味<黑糖馬拉糕>大食妹本身唔係特別鍾意食糕點類, 但呢份黑糖馬拉糕鬆軟之餘又帶點黑糖香, 推介大家一定要食<燒賣>中規中矩, 口感彈牙<蝦醬鮮魷>醬汁怪一定要食蝦醬鮮魷, 鮮味十足又帶有鹹香<豉汁鳳爪>大食妹最愛嘅點心, 滿滿嘅骨膠原<龍蝦湯鮮竹卷>龍蝦湯唔算好濃郁, 感覺比較健康

蠔仔粥微暖😡😡鮮蝦腸粉皮厚凍食😡😡韭菜煎果凍食😡😡點攪呀😡😡埋單$200雖然明知講都無用😬就算無下次都要反映下卦😬但侍應冷漠，冇乜反應😡😡可能已經習慣食客的問題意見😓唔通個市好番啲就好似唔憂做咁😓哎😓真係無言🙄

This place was super crowded during lunch because the food was good!We love Chiu Chow style cuisine and we were so satisfied with the food quality here.From the oyster pottage to pand fried noodles, to deep fried tofu, none of them will disappoint youBut remember to book your table if you are coming here for lunch, otherwise you ended up queuing for an hour

平日來<潮江春>飲下午茶，2pm開始，都幾受歡迎，因為大中小點都係24蚊同價，又真係幾抵食喎！！～呢道特別在有潮式粉麵供應，又有蠔仔粥，鴨肉絲撈麵等等。點心都有幾多選擇，都係正常的廣東點心。紅油抽手好大隻，都好多粒，味道微辣，不過雲吞皮好粉好厚，而且有好多皮仲爛開曬，做工比較粗糙。叉燒酥啲酥皮焗得非常鬆化，叉燒餡料蜜汁味道濃郁，而且仲大大隻，非常好食。牛肉腸粉粉皮夠薄夠滑，味道不錯。鴨肉絲撈麵，本身對呢一個撈麵有點兒期望，不過實際感覺一般般，鴨肉冇乜特別嘅味道，而麵條亦都較為生硬，下次可以試下其它潮式粉麵。蒸包類正常發揮。百花釀魚肚好足料，蝦膠彈牙，魚肚份量夠多。蠔仔粥有吾少蠔仔，keep到脹卜卜，入口鮮甜。蒸排骨都幾大碟，肉質夠腍。環境走中檔路線，坐得非常舒服，下次下午茶都可以再來。

星期日同屋企人飲茶, 好耐都冇去過潮江春食點心, 有少少掛住佢嘅春卷添<炸芋絲春卷>潮江春嘅春卷特別好食即叫即炸, 外皮脆卜卜, 裏面係大食妹最鍾意嘅芋絲<香麻叉燒酥>屋企人鍾意食酥酥嘅叉燒酥入口啖啖叉燒同牛油香<蟹子蒸燒賣>蟹子蒸燒賣相對比較一般, 肉質唔算太彈牙<蝦醬蒸鮮魷>蝦醬蒸鮮魷份量亦比較少<豉汁蒸鳳爪>豉汁蒸鳳爪中規中矩, 尚算入味<四寶滑雞札>四寶滑雞札滑雞比較瘦, 滿足度一般<海皇腐皮卷>海皇腐皮卷外皮好脆, 裏面加入左馬蹄, 更有口感<蜜汁叉燒腸>最後當然要食埋大食妹最鍾意嘅蜜汁叉燒腸又白又滑又薄皮

我十分喜歡飲茶，蝦餃係我鐘情點心之一。潮江春嘅蝦餃皮薄適中，餡料嘅蝦夠豐富，每次嚟到係必然會選擇嘅點心另外叉燒酥都係我心水之選，夠熱辣辣配上叉燒餡，很配搭好味，呢度點心水準平均都高。由於今次飲茶食晏得兩個人，所以唔能夠叫太多點心款式，呢個潮州拼盤，人少少份量就啱晒喇

这家店是跟好多朋友一块来的，朋友定了位置，所以去了就有座位，我们一行十二人点了一份十二人餐，我拍下的只是一部分，还有红枣糕等，菜量都大到可以吃撑的程度，好几盘菜里面有好多蔬菜，于是借着这个机会疯狂吃蔬菜补充营养，按朋友说，最后算上了套餐加学生优惠，平均一个人150hkd。

午餐時間訂了位都要等位,不過朋友12點已經到了,所以免了等位的時間。潮江春相比在附近同集團的酒樓點心款式比較小。茶水$18位咸菜$24一碟碟咸菜除了咸菜外還有青瓜雲耳...咸菜甜甜地,非常好味,食到停唔到口。我最愛這裡的蒸鮮魷,好小酒樓點心有鮮魷食。蒸的時間剛好，魷魚彈牙,蝦醬不會太咸,不過配菜的豆卜又乾、又不入味、只有層油在上面...其他食物普普通通，服務可以，環境也可以，枱和枱距離不近。

潮江春今日返工 老闆請食飯老闆就揀左潮江村潮江春我平時都會食 平時就係上水食今次有幸 黎到上環食今次叫左好多野蝦🦐餃 燒賣呢d就肯定唔少得啦今次仲叫左鵪鶉蛋🥚燒賣牛百葉 金錢肚 鳳爪今次我唔係想講野食因為2間d野食大致一樣水準都係差唔多野食都係上得好快 同埋熱辣辣我想對比飯2間嘅環境上環 d 環境明顯舒服d上水就冇咁好而上環d 位置就逼擠d上水d 位置就鬆動d侍應方面上環d 就醒目得黎快手快腳上水d就反應冇咁快唔知係咪關我老闆事呢？今次飲午茶今次我老闆係上環潮江春常客d人都特別醒目呢？

去上環買海味，附近無乜好酒樓，每次都來潮江春，未曾輸過，今次令我失望。 煎蓮藕餅$32，每次飲茶，見到一定叫，未曾食過咁難食，不是煎，炸的，油淋淋，空心無乜蓮藕，無乜肉，散，一粒蝦肉，硬，要吐，我都唔明，好好一件餅，會攪成咁，好簡單，不需明貴材料，蓮藕粒，猪肉加粉，加點調味，黏一起煎，已足夠，講究加的蝦米粒，芫茜葱也可，唉！吐吐你失敗！ 浮重眼唔知點解會叫炸兩，over all ok,除咗油炸鬼，洩氣，企身，硬而不脆，不脆而靱，跨跨啦啦！ 潮洲粉果$39合格，但都欠芫茜香不夠；糯米包$39,有丁丁臘味，夠香，粒粒米，當然唔夠富豪金殿好，但價錢貴的。 最好食都都係咸酸菜$24。 浮重眼，飲飲吓壺鐵觀音，點解無味，揭開蓋發現無茶包，我話係咪唔興有茶包，找侍應問，幾難才有人經過，即刻加咗2包，即濃即香！ 還有廁所，我認為一食肆洗手間好重要，佢唔太乾淨，不可接受，因為美心集團標誌，還有水龍頭一半壞咗，可想巳知淨潔度如何！懷疑自己是否在潮江春！