潮江春 (荃灣廣場)

營業中

休息中

星期日同屋企人去睇傢私電器，11點鐘左右行過就見好多人排緊隊，預左一個鐘左右睇完就拎定飛先，點知一黎已經係等70張枱。慢慢行慢慢睇大約一個鐘就真係到我地食啦。點心完全無意外蝦餃超大粒足料同棉花雞超級滑。燒乳鴿既擺盤好可愛，上菜時個個都掛著打卡先相機食先。最吸引我地既菜式都係潮洲黃金煎伊麵同潮洲家鄉煎蠔烙，係門口既poster都用佢地既圖片就知賣相同味道有一定水準，伊麵加上醋同糖一齊食好開胃，就算食到半飽時都唔會令肚好脹。蠔烙即係蠔蛋雖然無poster份量咁足，但係無用咁生粉無平時d蠔蛋蠔位咁膠唔錯唔錯。

來到潮江春，叫了一個澳洲龍蝦四人餐。金牌鹵水鵝： 味道正常，夠大份，啖啖肉，唔係好肥。豆腐亦都有豆香味。芝士牛油焗西澳龍蝦 ： 西澳龍蝦份量足，龍蝦肉爽口，平時食加拿大或波士頓龍蝦，總覺得太過濃味，西澳龍蝦有淡淡的鮮甜味，是我更喜歡的味道。敗筆之處是芝士牛油汁，完全沒有芝士味之餘亦偏鹹。茶樹菇花膠燉竹絲雞： 每人可以分到2碗，濃味夠火喉，不錯。清蒸沙巴海斑： 蒸得剛剛好 ，味道鮮美不覺得腥，而且亦都夠大條，肉質夠結實但又不會老。沙律菜伴沙拉骨： 沙拉骨用上千島海鮮醬，與排骨十分夾。煮得亦夠腍，不過有小小雪味，沙律菜不過不失。滋補紅棗糕： 有淡淡的紅棗及椰子味，同平時飲茶食嘅差不多，不過不失。總括而言，每款食物都十分岩食，而且份量足夠，埋單每人約 ＄250， 物有所值。

就嚟年三十啦 屋企人揀咗一個盆菜 平時都係去元朗圍村訂d好大好多人嘅盆菜 不過今年因為限聚令所以就搵咗一間酒樓去訂(≧▽≦)我哋係六人盆菜 大概$1300左右入面都好足料㗎 個同事同我哋講整返熱就食得㗎啦 都幾快大大粒鮑魚啊 六隻 仲以為係細細粒原來都幾大隻㗎😚 仲有花膠同埋鴨 雞 大大粒嘅元貝 當然唔少得嘅花菇同埋海參 全部都好入味😍我自己最鍾意嘅係髮菜鯪魚球 通常食盆菜都係鯪魚球同埋髮菜會分開😔😔估唔到加埋一齊係咁好味以前食盆菜 都會覺得雞鴨同埋五花腩 煮得太耐一啲都唔好味 點知呢間有驚喜！ 一啲都唔會覺得太硬 同埋一啲都唔會好難咬 始終屋企有老人家ma

好幾個月都沒有上茶樓，公司安排下放假就乘機嘆一嘆早茶， 飲早茶好處，有早市優惠，價錢相對平宜而食物品質一樣美味😋。我點了最喜歡的蝦餃，燒賣，义燒包，流心奶黃包，牛肉腸……真的久違了味道及現場氣氛。每檯不多4人的關係，茶樓開始營業不久就要等位了，平日不乏捧場客😃。期待可儘快恢復過去一樣約一大班朋友熱熱鬧鬧去飲茶喔！

煎釀三寶有茄子、青椒同埋豆腐。三嚿各自釀左蝦膠。茄子好大嚿，夠厚身，腍得黎有咬口，重keep到水份。蝦膠夠彈牙。豆腐嗦曬d水份，一咬d汁就咇晒出嚟。外皮脆，入面腍。朋友食左青椒，所以我唔知味道如何啦。

2020.7.5 Sun Dinner食物味道不錯，賣相又靚，份量多。這間餐廳前菜好食。😋😋😋😋😋《《是日晚餐》》🌱潮式茶樹菇黃花魚$198>魚肉是一片片片好的，方便食。。🌱薑汁芥蘭炒牛肉$108 >牛肉菜份量多，薑汁味剛好，不會太搶味，🍀脆皮炸子雞$158 deep fried crispy chicken>味道幾好，可能放耐咗。如果皮更脆更好食。🌱白飯$17🍵茶位$16/位🍵前菜$18

過時過節，都會同屋企人出街食飯🥢，又唔想同人迫，等位，就決定食~潮江春。但必須提早訂位，而且分時段，只限2小時，我屋企本身人數不多，所以2小時都以足夠，可能做節關係，位置都比較迫，同隔離抬好近，有d嘈，行開去洗手間都要隔離枱起身先去到 都幾 尷尬。😔鵝片🦆~入味，仲嫩口，唔鞋，好有水準，最正就係入晒咪嘅豆腐有花膠，海參，冬菇，味道剛好，花膠、海參夠林，入晒味，不過略太少，但雞肉便太多，好似食雞煲咁😅😅炸子雞🐓隻雞太大隻，最後都係要打包😂😂樣皮好脆，雞胸肉都唔“鞋”，擺碟靚到呢🤭🤭鹵水豬腳仔~ 夠彈牙，夠入味，小食之選，蠔仔粥! 推介蠔仔都好大粒，又飽滿，仲有柴魚，幾 惹味 每人得一碗仔，唔太夠喉咸🍋檸檬蒸烏魚阿嫂話細細個媽咪成日煮，所以係必叫我就食開 蒜蓉豆豉喇茶樹菇小豆苗，一心無唸過係溫室豆苗，但叫左就試吓，草青味太重，雖然已配上湯，但仍然 掩蓋唔到，而且賣相不討好。肉質夠嫩，又入味，幾開胃😋😋，咬時已離骨原本仲想叫兩面皇(黃金煎 伊麵)，但已太飽，要留下次再試😅😅同屋企人食飯，又想太貴，又想有d質素，款式又多，可以嚟試吓🤔🤔

難得有得看b就去飲個午茶啦，第二次來呢間潮江春。佢既叉燒餐包同埋飽汁雞腳都係必點的都是encore的選擇。今次點XO醬腸粉不過不算很惹味但都算好味女士們都愛食菜，點了烚牛柏葉，原來都有生菜附上的，不用另外再訂菜呢間就來變公司飯堂了

好耐無去潮江春度飲茶咯，今日得閑就去去哩度飲個早茶。啊爸每次必點噶就系哩度噶XO醬炒腸粉，夠火候，滴色水仲好好添，食落去感覺不是太多油，滴醬汁好好味，加埋滴芝麻蔥花仲正！我就比較中意食果個椒鹽九肚魚，雖然個賣相就無甘吸引，但系脆蔔蔔，滴魚肉夠滑，比較中意滴香口野。

屋企人食飯唔知食咩好就不如係酒樓食個套餐咁岩有匯豐4人餐首先有個滷水拼盤當然啦，4人餐每樣多數都係得4件之後泥左個胡椒金勾肉有個骨，有條魚，其實仲有個杏汁豬肺湯都幾好飲同幾多料應該係因為太好飲所以唔記得影相

來這裏飲早茶，人流不算太多，叫了數個點心，第一是糯米包，皮薄糯米很多，糯米又不油膩，非常好吃，值得推介。淮山餃，一籠有三件，也是大大隻的，味道也不錯，不喜歡吃太多肉的你也可以一試叉燒腸粉，腸粉很滑，叉燒也是琳琳的，不過加了胡椒粉在叉燒內，實在不需要，掩蓋叉燒的真正味道濃湯鮮竹卷，腐皮是琳琳的，餡料也足夠，湯也不肥膩，可以學下去，也值得推介早茶只需在星期一至五11:30前結賬，便可享有這優惠，如果放假也不妨早點去試試。

今日同幾個朋友去荃灣廣場食LUNCH，仲有一位好耐無見添，所以就諗住去飲茶敘敘舊，見潮江春有位，所以就入左去食，個侍應帶左我地入左一間房仔，入面已經有兩檯客高談闊論緊，我地心諗算啦，依家LUNCH時間周圍都多人，無位揀將就下啦。好啦到坐低叫野食，都係叫蝦餃，燒賣，牛肉，腸粉，蘿蔔糕等大路點心，大約十樣左右，仲叫左碟福建炒飯。咁落左單我地傾傾講講左好耐，發覺已經半個鐘，一樣野都未黎！於是就問個侍應，個侍應就話黎緊，又真係喎，一分鐘後就黎左碟福建炒飯，竟然飯都炒好左送黎而其他點心仲未黎？我地都Ｏ咀，不過唔理啦，大家都餓就分左碟先，１０分鐘後飯都食完，仍然未有野黎，我地又問，個侍應開始唔耐煩，都係話去問下，但已經黑臉，而又好奇怪，佢去問親就有一兩樣點心拎黎，我地心諗唔係次次都要咁先有得食嘛？講真你地Ｄ效率快少少我地就唔煩你啦！到最後我地食左個半鐘，我地由悠閒嘆茶變到要趕時間走，仲要到最後有兩碟點心未黎，個半鐘都未整好！（記得其中一樣係山竹牛肉，唔通隻牛仲未屠宰？！）只好CUT單，又因為一路等一路消化，所以走時感到肚空空，好似無食野咁！仲要俾人黑臉！講真野食質素OK既，但香港人唔止講質素，仲有

No service to bring us to the table, no one replying when asking for assistance.. And the photo speaks for itself... The table was dirty and worn out.... Not what you would expect from this chain of restaurants. The Tsuen Wan branch is the worst of all of them. Food is fine, but already turned off before we started eating. Not coming back here again.

荃灣返咗工三年，都未試過潮江春，以為同一般茶樓差唔多，但係貴價牌，所以一直都冇試。終於嚟試下啦，點心做得幾出色，雖然價錢較貴，但非常之好味。炒蘿蔔糕韭菜豬紅雞腳腸粉

今晚相約一班同學出嚟飯聚，有人提議 荃灣潮江春， 正合我意😁我已是潮江春常客， 但有好一陣子沒有過來這間了， 餐牌沒什麼變動， 我隨口點了幾味菜， 同學們也贊成。梅菜扣肉 ~ 潮州館竟能做出如此好味的梅菜扣肉，有驚喜👍😋蠔仔烙 ~ 必叫👍稻草鴨半隻 ~ 我的至愛😁 但同學們不太欣賞潮式煎麵 (兩面黃) ~ 保持水準👍😋薑汁芥蘭炒牛肉 ~ 好味👍但今次份量較少椒鹽九肚魚 ~ 好味👍但今次脆漿粉較硬身川椒雞~必食😁 沙鍋馬拉盞通菜 ~ 好好味喎， 又香口，一陣便清碟了😂