潮江春 (荃灣廣場)

營業中

休息中

裝修、服務都很好。叫了幾個點心，腸粉，尤魚牛百葉等等。全部都是微暖的。根本不夠熱。只有山竹牛肉球是熱熱的。單單這一樣點已好大問題。 Never come again.

周末早D食飯，較易揾位。點左幾款潮式食品，鹵水鵝片和豬大腸都好入味，保持水準。值得一讚係今次嘅煎蚝餅相當出色，蛋底煎得幾香，保持蛋汁唔太乾，薯粉蛋漿調教得宜，蚝仔鋪滿蛋餅，加上魚露和胡椒粉，夠惹味又唔太鹹，簡直無得彈，好快食完，唯有再來一件，好好食。

兩個人出去食晚飯，只係嗌左三個餸，落單後等左30分鐘，一碟餸都未有，催第一次，個個侍應扮睇你唔到，然後終於催到，侍應話唔記得落單，所以送兩碗糖水道歉。再等40分鐘，個芥菜煲终於到左，D菜煮到爛晒好似老人院D淋到爛晒.... 隻乳鴿係凍嘅！全部野極難食，好似食法國菜咁耐，但係食緊垃圾！叫一次侍應要起碼舉5-6次先有人應下。原來碗糖水咁都唔係送俾我哋，其實係每台都有免費糖水lor... 咁就唔好話送la~ 好唔老實！

同媽媽吃飯, 潮江春永遠都係首選, 雖然唔多選擇但係好多野食都幾好味丫, 所以我同媽媽逢放隻都會黎飲茶肉丸粥係簡單又好味既選擇, 味道唔算好濃, 但都幾綿, 肉丸量都夠餸粥食, 有少少蔥花提味都唔錯呀上湯鮮竹卷不得了呀! 唔似平時果D咁乾又JUICY, 係皮同肉都JUICY又多汁, 而且好香豬肉味, 好好吃呀!這個脆皮叉燒包有點失望, 因為好少叉燒...裡面只有叉燒汁咁既, 不過外皮焗得熱辣辣又香脆, 拎番唔少分數哦

好耐冇同爸爸媽媽去酒樓食野啦~ 今日去左食潮江春, 佢地一路都好鐘意食呢間酒樓, 話呢間D野食好食D喎第一碟就先上菜心, 佢地D菜心都幾大條, 同埋都幾甜, 不過就有D渣係入面, 唔算好好味呢個黑松露餃少少咸香, 皮薄而且入面D菜都幾爽口, 甜甜咸咸咁係幾好味~叉燒腸塊皮係幾薄但D饀唔靚...叉燒好乾好乾, 唔太好味好似糊仔咁既香芋焗飯, 雖然食頭幾啖都OK濃郁, 但食多幾啖超滯, 亦都有少少過咸, 好快就食唔落啦同埋佢一D都唔平, 所以...

星期六同屋企人黎飲茶，一早用app攞定飛，所以唔洗排隊😌 叫左幾款點心，但質素好一般。奶皇包唔係流心嘅，餡都足夠，但個包皮都係太乾，又唔鬆軟。粉粿一般，但唔知點解會落芋頭，好似唔係幾啱味，（或者係唔啱我自己口味？🤔）今餐最差係個糯米卷，一上枱熱就熱喇，但個麵粉包皮硬哂，食落又乾，啲糯米同樣硬哂，可以用「好難食」黎形容🤦🏻‍♀️🤦🏻‍♀️🤦🏻‍♀️今日最好食嘅，可能已經係潮式酸菜、花生同豆腐前菜😶

朋友相聚請吃飯，邀請到荃灣廣場潮江春，貪其就近荃灣西鐵站附近，方便回元朗。每次來潮江春，都感覺好高貴，充滿氣派，坐得又非常舒適。潮州打冷食物，烹調得又非常出色，尤其是反沙芋條，潮州煎伊麵都只有它才有得吃。稻草鴨，肉質嫩滑。煎蠔烙，非常足料，啖啖都是蠔仔，香脆可口，好香蛋味。涼瓜排骨煲，好有苦瓜味道，感覺熬了很久，好下火。潮州煎伊麵，來潮江春必吃的，因只有它才有，甜甜酸酸，麵底脆脆，好滋味。反沙芋條，也是必吃的，記得第一次食時，因芋頭很熱的，燙親了舌頭，真的要吃得好慢先得。糖身包著軟綿綿的芋頭，感覺好甜美，愛吃嗜甜品的女仕都難以招架。也多點了椰汁百合豆爽，估不到如此好吃的，因淡淡椰汁香，拌百合綠豆，超爽口又清新。今次吃了如此多美食，實太滿足了。

三條麻luck佬諗住食好啲就去潮江春，點知去到個侍應落哂咀頭話叫粵菜有85折，心諗潮州菜都係粵菜嘅一種，就聽她講試下啦！點了個鷄煱和豬手煲，前者喺枱面煮了吾夠二十分鐘就話夠熟，枱太細，要拿拿林拿走個爐，擺其它餸，都有啲驚驚咖咖，話哂禽流感肆虐，雞肉幾滑吾un，後者大件夾抵食，好肥腻，夠哂邪恶，最後來多個生炒糯米飯，食完呢餐都有點後悔，食得咁肥腻腻真係要跑山才消耗部份卡路里，下次再有推銷員講就咪制啦！

細佬生日，媽咪建議外出食晚飯，通常都係食中餐，我哋今日揀選左潮江春，位於荃灣廣場5樓！因為荃灣食飯比較多人，所以一定要預先訂枱！一入座，裝修都比較新淨，但係座位就比較逼夾！今次，我哋點了咕嚕肉，枝竹浸菜心，魚香茄子，火焰鱸魚，仲有最好味嘅鵝片！媽咪話味道幾好，食唔出好重味精，但係份量就偏小！侍應上菜嘅速度都算正常，服務都OK !

朋友想吃中餐, 6點玩完宇宙公園去潮江春, 唔駛等位直入唔駛等, 入到去有迫, 椅貼椅, 但5個人坐人枱都算鬆動, 但因中菜碗碟太多, 枱面放菜就要成日食快些放菜.本想吃潮孖寶優惠菜單, 但應該係復活假期, 沒有做太多特價菜, 點了二人餐, 有湯有魚有果汁甜品, 小朋友啱食, 最緊要食飽小朋友, 另點其他菜式.拼盤:二人份量都幾多, 鵝片出色, 鹵水豆腐及海蜇蟲草花膠螺頭湯: 材料豐富, 好多蟲草花, 螺頭都好多, 好腍, 花膠好大塊, 仲好似係兩塊, 好好飲玫瑰焗鱸魚: 擺盤精緻, 沒有魚骨, 甜的, 很入味, 二人餐每人一件, 果然係二人餐精緻上菜豆醬焗大蝦: 真係大蝦, 每人一隻開邊上, 都好好味橙汁兩大杯, 甜品麥米粥兩大碗, 很多材料, 是很豐富的二人餐另點了沙牛肉炒芥蘭, 這菜先上, 很大碟, 沙嗲少少辣很開胃, 而且很多牛肉, 又係好腍, 芥蘭好爽, 價錢不貴.炸子雞皮脆肉嫩, 是美心集團的品質保證土家雞是用香料古法焗製, 似切雞但較乾身, 適合健康人士這是精緻中菜西式上法, 味道有保證, 份量也很足, 所以都坐無虛席.

潮江春是美心集團旗下的潮州菜食府，始於1981年。雖說是集團連鎖式的中菜廳，但不少屬美心旗下的也做得不錯，例如摘星的北京樓。我吃潮江春的年資，超過我年齡的一半，見證其荃灣分店搬了幾次，最後落在荃灣廣場。鹵水雙拼(鵝片、大腸）家人祖藉是潮州，因此生活裏不能沒有潮州菜的存在，而潮江春便稱得上是我家飯堂，父親連哪個員工做了幾多年也數得出。一道鹵水作頭盤是不能少的，基本來說鵝片是「膽」，另外拼些腩肉、大腸等。鵝片鹵得入味，重點是那層皮，油脂香腴，別因怕肥而錯過了。炸雙棗(蝦棗/蟹棗)小朋友都愛吃煎炸東西，所以由小時候開始，桌上一定會有這碟為我而設的炸雙棗。無論是蝦丸還是蟹丸都有放入細粒的馬蹄來增加口感，而紮實感多年來都沒變，必定要蘸一下特製的甜醬。唯一改變的是擺盤，原本這道菜還是有放些心思在擺盤的，但現在似乎連伴碟也不添一下。普寧鹽水炸豆腐炸豆腐作小吃也是常見，表皮炸得金黃薄脆，內裏的豆腐不但溫熱嫩滑，還充滿豆香味，蘸一蘸調過的鹽水，更加好吃。潮州黃金煎伊麵要知潮江春荃灣店十幾年來搬了數次，但保持味道的統一性上卻表現得十分出色，現在吃那小炒和十幾年前的美味大致上同樣。可是，其中一道個人覺得稍遜

美食哥倫布今次去咗荃灣搵野食!有乜咁古怪?一齊睇下啦!山坑魚仔都上得大場面？原來山坑魚唔一定係細過手指尾！潮江春居然用梅汁去整山坑魚！炸完又真係幾好食！好香好脆口下！梅汁就唔算好甜，係有啲油！仲有個蝦膠豆腐都幾過引，不過就淡味咗啲，而且舊蝦痴唔實豆腐，我對佢就麻麻喇

呢間嘢D服務每況愈下今日黎食老豆生日飯個炸白飯魚就凍嘅叫左D菜冇又唔同人講，等到食完又話無之後點甜品- 要羔燒銀杏話冇銀杏不過同步黎錯個銀杏芋泥又有銀杏喺面D服務差到冇人有⋯⋯

「天鴿」過後,到荃灣廣場閒逛，想不到那裡吃晚餐，見潮江春員工剛開門營業，就走進去，見有新餐牌及一坐下便送上功夫茶，有少少新意喎！新餐牌內的食物比較貴，只選了一個脆皮蝦醬雞翼，個皮都脆既，但我食唔到有蝦醬味，但以$68價錢在五隻雞翼都算優惠的。其他既就揀左平時鍾意食既野，魚蛋雜菜煲係我一家食極唔厭嘅，重有滷水鵝片、椒鹽九肚魚、同埋椒鹽大蝦，老公話最好食係椒鹽蝦，好入味，蝦亦爽脆。中餐食潮江春有一定既保證，一定唔會太難食。

今天是千載難逢嘅打風日，所以不用上班，故可以同家人一起出去食個豐富的晚餐。在荃灣廣場有這間潮江春酒樓，前菜已經好食到不得了，我最愛的就是花生，大大粒的！第一次食這個椒鹽海中蝦，味道的確吸引！蝦夠新鮮，醬味一流，下次必定再食！ Yummy 😋