潮福蒸氣石鍋 (已結業)

專登去開心慶祝生日， 今次第一次去tst揀咗個任食蒸氣鍋(兩年前食過大埔同旺角果間都幾好)，所以今次滿懷希望咁樣去食....點知食到一肚氣.... 話說我哋雖然係揀咗任食，但想食蟹咪諗住散叫蒸隻蟹食吓，咁我哋就揀咗隻膏蟹，點知放到埋嚟嘅時候發現係一隻肉蟹， 之後我哋搵返幫我哋落單嗰個男部長問， 佢答我哋係有少少膏㗎， 我哋梗係好愕然問 有少少膏就係膏蟹??? 我話我哋明明叫膏蟹 ， 咁呢隻係唔係膏蟹 ???佢就答唔到我哋 淨係話呢隻係有少少膏都好食㗎… 之後問我哋係咪唔要， 我哋梗係唔要啦!! 啲人咁唔老實.....在早兩日明明見到有人放上open rice既任食蒸鍋係有牛...而我哋 去嘅時候淨係得啲菜同埋丸係任食( 張紙仲要係黑白影印，明顯係啱啱更新)... 總括嚟講係勁唔抵食 因為只有第一輪係有每人一隻既海鮮 同埋啲人感覺係好唔老實.... 唔知係咪因為尖沙咀遊客區想劏遊客錢， 之前去大埔同旺角食都唔係咁㗎....總之呢一間真係blacklist

同一大班朋友食晚飯，唔係打邊爐就係雞煲，想轉下新口味，然後有朋友提議不如食蒸氣鍋！又好喎，睇人食得多，自己就未試過，而且見到網上圖片啲海鮮好豐富，就已經流哂口水。潮福位於尖沙咀厚福街，可能佢要上樓梯，平時行過唔係好為意到，上到去環境光猛乾淨。我哋揀咗任飲任食。粥底：南瓜排骨粥滋潤燉湯：淮杞燉魚骨湯 / 冬瓜燉響螺 （每人可選一款）自選海鮮八選四：新鮮蟶子皇 + 生猛鮮鮑魚 + 象拔蚌仔 + 北海道大元貝海鮮要讚，因為每款都好大隻同新鮮！食哂海鮮後就可以食粥啦，略嫌未滾得起，同埋份量好似唔太夠，比較稀，八個人份量佢只落咗兩小杯米，不過都幾鮮甜嘅。丸類好彈牙，特別推介手打鮮蝦丸同手打梅菜豬肉丸，後者好特別！好似食緊梅菜蒸豬肉咁！5:30 p.m. - 8:30 p.m. 前入單計（2.5小時）：每位$388 2起位8:30 p.m. 後入單計（2.5小時）：每位$348 2起位每位另收醬油，花生$20及加一服務費📍潮福蒸氣石鍋 尖沙咀厚福街5-6號多富閣1樓．．環境分數：7.5/10食物分數：8.5/10Encore分數：7.8/10

一大班人入冬都唔想打邊爐，反而揀左食蒸氣石鍋。今晚同返班舊同學黎我地以前成日黎既地方 - 厚褔街。上樓既潮福蒸氣石鍋裝修同酒樓差不多，大部分為大枱，更有一間間VIP房。我次我地8:30入座，揀左$348放題蒸汽海鮮餐。除了幾款指定食物，仲可以自選四樣海鮮，非常豐富。海鮮份量足夠，整體都好新鮮。全部原汁原味蒸起，唔洗再加調味，都已經好鮮味！話明放題，食哂海鮮食埋個粥底，就可以蒸其他食材。安格斯牛同手打蝦丸/肉丸較為突出，推薦！唯一蒸氣石鍋唔同打邊爐，每次蒸食材都要一輪輪，比較花時間。不過同一大班朋友傾下計，相信邊蒸邊食都係一種享受～蒸汽海鮮餐$348🔸冬瓜燉響螺🔸脆皮燒乳鴿🔸貝殻盛盆🔸生猛龍蝦🔸生猛大元貝🔸蘇格蘭聖子皇🔸生猛鮮鮑魚🔸北韓象拔蚌＊ 任飲啤酒、汽水、竹庶水/ 六位或以上送白酒一枝＊醬油、花生$20/位＊加一服務費．by VIN環境分數: 7.5/10食物分數: 8/10

同朋友聚會，天氣凍凍地不如食下熱鍋，打邊爐 ，雞煲又好似冇咩新意，行經尖沙咀見到兩間蒸汽火鍋店，潮福呢間比較平d，所以就揀左佢。先揀粥底，我地揀左雞粥，見佢就咁倒晒所有材料落既鍋底又唔洗加水，非常有趣。有3款定食再自選4樣海鮮，d海鮮真係好新鮮，佢地教既時間蒸出黎十分鮮嫩。食完海鮮就任食蒸火鍋，我最鐘意食薑汁糕。食完最後就係食粥，煲左咁耐，果然夠晒鮮甜，精華都係晒度。因為所有食物都係蒸，健康得黎又冇打邊爐雞煲既熱氣，值得推薦。

大學同學生日，我地成班朋友同佢食飯慶祝，合共10人。揀左尖沙咀呢間潮福，貪佢就腳，同埋有偏廳圓枱，唔會過於嘈吵，適合一大班人聚舊傾計👬👭我而家先知，蒸氣石鍋都可以任飲任食（除左海鮮）😋 海鮮有好多選擇，今次我地食左鮑魚、聖子、龍蝦、扇貝、奄仔蟹同蜆，跟著就任食任飲其他野 😋 啲海鮮新鮮好食就預左（每人半邊龍蝦，都幾大隻，呢下好驚喜😍），估唔到啲牛咁正，肉味濃郁，又夠鮮味😱仲有好甜既粟米，又係另一亮點😄最後，黎個蒸馬拉糕、姜汁糕，好滿足既一餐😋👍🏻👍🏻

一班人食飯最好打邊鑪，而家又多個選擇，健康啲，食蒸鍋！仲要全海鮮咁滯！款式好鬼多，有蝦、鮑魚仔、扇貝、蜆、聖子⋯⋯⋯ 乜都有啲咁啦！都幾新鮮，係有少量貝殼類有沙，但都算接受到。亦有刺身、湯水、牛肉、丸類、蔬菜，總之食到好好好飽！！！😂😂食晒野之後，當然要食埋個海鮮精華粥啦～～入晒味，就算飽都要食😂不過服務就一般般，中途有個好似經理既人，係咁叫我地加錢點其他野食，但我地明明係任食，又點會加錢叫其他野姐😒😒仲要叫左幾次，我地都好無奈😯

早幾天已打去預約房間，但到店舖時卻說我們沒有預訂，他有叫我們提前到店先付訂金，但由於我工作比較繁忙，我建議店員可來電重新確認或提示我訂金方面問題，而不是不了了知我們12人，佢有2房，我地選了細房，有點窄，我認為細房坐10人感覺會舒適啲，而且大細房有不同底消，細房$5000，大房$6000全程有一位店員留在房內為我們服務，而且各方面也細心照顧我們的需求，值得一讚，簡稱好像叫DJ,間5時會替我們更換碟，收拾台面，整個過程為我們安排食物的先後次序海南花螺鮑魚蘇格蘭聖子韓國象拔蚌賴尿蝦 肉蟹梅菜蒸肉球蒜蓉蒸勝瓜清蒸手切和牛清蒸雜菌蟲草花蒸雞排骨南瓜粥底-店員先幫我們去面層油先西瓜整體感覺幾好😊

話說突然知道有個老朋友由北京黎香港出TRIP~真係好耐冇見喇, 好即興咁就約左佢出黎食飯~諗左好耐, 帶佢食乜好呢?! 最後諗左蒸海鮮, 冇咁悶又有D新意, 佢又真係幾食過~ 好開心揀岩左~我地係中秋節補假黎~ 紅日諗住會好多人, 但又唔係WOR!!DINNER $338-388~有指定海鮮同埋任食食物~呢堆冇得ENCORE 既~唔好以為好少, 食哂都好夠好飽~出面有自助醬料區任執~然後我食食下都唔記得影相~WAKKAKA最後個粥底超飽咯~~~~ 但又忍唔到唔食..所以都係照隊~

今晚約左台灣同澳洲朋友同行7人，係到食蒸氣海鮮石鍋！朋友無食過，所以都好期待，滿懷歡喜！之後一直上菜，都有一兩個服務員招呼我地枱係唔錯既。但係我朋友飲飲下水，之後突然上面跌咗隻曱甴落嚟😱，好快就走左！我地都算啦，冇出聲，又唔係係啲野食到！點知！我地食到最後既馬拉糕既時候，係蒸好左切好晒分比我地每一碟既時候，係兩件馬拉糕中間有隻中size既曱甴跌咗出嚟😵😵😵😨,我地成枱叫左出黎，再睇下碟上既馬拉糕， 全部都係曱甴😱😱😱！係極多極多！😱😱😱😱最嬲既係😡😡😡😡😡😡😡果刻既服務員一秒間收晒啲野，相又唔比影！我地同佢講咁好過份啵，點食丫？之後服務員就問咁想點丫？仲要見過曱甴嗰位服務員 即刻唔見咗！之後其他服務員就過嚟，係到講比過碟我地！大佬！比曱甴榚我地，比多個點食呀！？ 即刻話埋單走人！ 隻曱甴器喺馬拉糕入面仲要 產卵！真係唔知見馬拉糕放咗幾耐

相比起我上次同老公去水上人家食蒸鍋，差唔多嘅材料，$2700埋單，今次$900唔洗，我直情覺得係有賺。呢到反而覺得地方棋你啲，乾淨啲，個地下冇咁跣，同埋啲員工親切啲我哋今日揀咗任食，$388一位。有部份海鮮係可以自選嘅，唔每張相分開講，因為所有海鮮都好新鮮，又可以自己揀，而且都係好巨型你碗粥要再讚一讚，一滴水都冇落過，全部係海鮮度滴出黎，其實我已經食唔落，都夾硬食左兩碗。全餐飯，我一滴調味都冇用過，因為食材相當新鮮。雖然話任食，但識左佢本身包嘅海鮮，基本上已經食唔到其他野

今晚有同事介紹來這裡食蒸海鮮。可散叫或者任飲任食，一到餐廳最吸睛係有－個大魚缸，裡面有帝皇蟹，魚類，鲍魚等生猛大海鮮，歡迎食客在魚缸面前點選海鮮，但我地有同事大食，所以覺得任飲任食會比較化算！任飲任食有四個不同時段價錢，星期日至四每人＄338，八点半後入座會平＄40。星期五及六每人＄388，同樣八點半後入座也會平＄40。時限2個鐘，另加每人＄20醬料，有12款醬料選擇，食客可任添醬料。再加一服務費！任飲任食套餐包:粥底三選－我地揀了瑤柱鮮淮山粥，粥底好綿，有瑤柱粒，看不見淮山可能已溶入了粥裡，可惜當晚蒸了咁多海鮮個粥卻沒有海鮮鮮甜味燉湯二選－每人有－款燉湯，但今晚只有冬瓜燉響螺，眼見湯料豐富，不過我地不約而同都覺得個湯得個咸字，沒有燉湯的鮮甜味每枱必有刺身盤，貝殼盛盆及半隻龍蝦，數量都是按人頭計。刺身鮮味－般，size細件!貝殼鮮味大隻龍蝦肉厚新鮮自選海鮮有八款任選四款，數量都係以人頭計算，我地揀左鮑魚（size比較細，不過肉質爽口），每人２件龍躉件（肉質嫩滑，魚皮有膠質），聖子皇及大元貝（兩者肉質鮮味，有咬口）海鮮新鮮蒸得剛好，但以上各款食物不是任食，任食選擇只有四款手打丸（彈牙），

今晚約左中學同學去潮福食海鮮，因為係星期六所以一早就已經訂咗位，去到發現幾乎滿座，好彩有訂位。海鮮龍蝦、蟶子都係我最愛，啲海鮮全部都係用蒸氣蒸熟嘅，原汁原味，好新鮮！仲有刺身食，刺身都好鮮甜。

今日去咗食任點任食海鮮蒸鍋 ，食海鮮梗係要食蒸啦😛，先食到海鮮嘅原汁原味，同埋本身海鮮嘅鮮香味。 其他乜嘢日本爐端燒嗰啲燒完出嚟，已經冇曬食物嘅原味，淨係得一啲燒烤味🙁，本人就唔係太欣賞啦😞。任食任點，又有大大隻海鮮😘，果然抵食。龍蝦鮮甜肉質爽口彈牙，每人一隻，食到十分滿足了🤗。新鮮的石班片用來蒸，味道可保持鮮甜肉滑🤣🤣。牛肉鮮嫩肉滑🤤，一點都不老，又有肉汁蜆肉非常鮮甜，可以再來一個。呢度應該係用咗新鮮嘅蜆肉😲，看其蜆肉 色澤呈橙黃，應該係活躍時期，所以肉質緊緻有序，鮮味四發。

呢間餐廳要上一層樓不過 上到去就會發現樓上舖既好處座位又闊 又大張檯不過都岩既 咁大個鍋 無番咁上下位置真係擺吾落食物所以坐得好舒服佢一方面有蒸氣海鮮你揀另一方面有刺身你揀刺身方面 有外國直送既海膽質素吾錯 當然無日本築地咁正啦 但好過香港一般既餐廳蒸氣海鮮方面 有專人幫你計時蒸到岩岩好 又熟 口感又正 又保持原有鮮味食吾切更加可以要求遲少少先蒸下一道菜吾洗怕蒸到老曬最後一提 所有海鮮既汁液都會滴到下面既粥底 所以碗粥一定要飲 因為好有鮮味整體黎講 呢間餐廳性價比高 環境舒適 值得一試

上次同同事們嚟過食宵夜之後念念不忘，尋晚又同朋友嚟再食過，都係食返放題，HKD350全包連加一，有湯，有刺身，有多款蒸海鮮，有好好味嘅和牛粒，仲有汽水啤酒任飲，滿足哂你N個願望呀XD仲有就係呢度服務好好，每樣野都有人幫你蒸，set哂鬧鐘，絕對唔會蒸太熟唔好食！而且仲好有禮貌，不得不讚！