潮米石磨腸粉 (已結業)

在太安樓小食掃街區有家專買腸粉的專門店平凡的三色蛋腸粉雞蛋皮蛋鹹蛋切成小塊米漿腸粉本來就易蒸熟腸粉皮不算太厚　有韌性另外每層腸粉皮都咬到有蛋用料挺足夠　當宵夜早餐也不錯

今次揀咗豬肉腸，再加芫荽同雞蛋($32) 豬肉碎粉量都幾多，蛋就加咗都唔明顯，但可能係因為芫荽味太出，所以遮蓋咗，當然如果芫荽可以再澎湃啲或者加啲新鮮芫荽碎喺面會仲正，重有就係腸粉都幾滑，整體性價比都唔錯

呢間腸粉唔同食開嗰啲條狀圓碌碌嘅腸粉，而係自家製石磨手工腸粉，仲要係即叫即整。叫左比較穩陣嘅鮮蝦腸，望住佢將米粉漿倒入蒸櫃內，再灑上葱花及鮮蝦，熱辣辣伴以甜豉油。腸粉好薄身同滑溜，仲食到米香，蝦肉新鮮彈牙，不過得兩隻有啲少。佢哋除左有大家平時食開嘅叉燒腸、鮮牛腸、蝦米腸之類，仲有一啲特別口味好似雞蛋煙肉腸、櫻花蝦腸、鴨絲腸等等，都幾有新意！特別口味好似雞蛋煙肉腸、櫻花蝦腸、鴨絲腸等等，都幾有新意！

在舊樓地下一個小商場，有很多小店，來到這間潮米石磨腸粉，網上有人推介所以來試試。這裏的腸粉可以加很多不同的配料， 例如雞蛋、菜腩、粟米、蝦米、叉燒、臘腸、蝦脯脯雞絲、帶子等等，不過我選擇了最基本，測試他們的基本功。蔥花腸 $18， 即叫即做，要耐心等待，大概15分鐘。因為疫情關係，只做外賣，所以拿了腸粉去附近公園食。我很喜歡吃腸粉，去酒樓叫腸粉食，去甜品店又要食腸粉， 連醫院餐廳硬腸粉都可以食一餐。不過大部腸粉都是一卷硬繃繃的米卷，加很多醬，不好吃。 要找好味的腸粉，可遇不可求。這個腸粉可以推介大家一試，即叫即做、即蒸， 才可以做到熱辣辣、軟淋淋、鬆軟、又有口感和層次感。首先試不加任何醬料，已經好好味。 然後加他們提供的特製豉油，更好味，我建議大家加， 不太鹹。基本的菜色，難做得好食。 這間小店過關。店員小姐很有禮貌，對我說抱歉，讓我久等了，我回答說不用客氣，美味的食物， 即叫即做即蒸，值得等。

去到太安樓花多眼亂，通常一定有啲食開繼續食。不過都睇下有冇新開嘅支持下。有好多想試，但好多都係炸野，見到腸粉清清地就買黎中和下。都有堆人排隊，又有好評就試試。叫左咸蛋牛肉腸加莞茜。等左好耐，應該接近半個鐘。似係夫妻檔做，廚房得一個男人，收銀一個女人，做唔切，好多單。賣相幾好，醬汁分開。個汁唔太咸，但本人覺得可以咸多啲啲。BUT，個腸粉唔得。講米味無乜米味，然後，好稀好爛，已經係即刻食，撈左汁係夾都夾唔起。一pat野咁，有啲似嘔吐物都費事影。然後，食完幾啖後，有少少酸味浮返出黎，係咪米漿唔太新鮮？不會再吃了。

🤤 滑滑腸粉 #潮米石磨腸粉 🤤叉燒腸粉 $20菜脯腸粉 $18食完柏林熱狗再食石磨腸粉，叫咗兩個腸粉一個叉燒另一個係菜脯！叉燒都唔錯都幾滑幾好食，但就普通啲！反而菜脯腸粉就幾surprise，菜脯係用傳統嘅菜脯唔係偏甜果隻，配上滑嘟嘟嘅腸粉，有一種細個時食到嘅回憶😂收銀姐姐好細心，朋友去買其他野，我坐喺度等埋佢先食，佢即刻拎個蓋嚟幫我cup實返盒腸粉，超nice ☺️下次大家去太安樓，都記得要支持吓啦！

今日想食得清淡啲，所以喺太安樓揀咗間食粥同腸粉嘅鋪頭。 🦐蝦腸+雞蛋 $25 (5.5/10)腸粉嘅做法同我想像中唔太一樣，我以為啲蝦會比啲腸粉包裹住，但原來係分開嘅。蝦都幾大隻同彈牙，都唔錯。腸粉略嫌偏老，而且醬汁好淡，麻麻地。🍳 雞蛋豬腸粉 $24 (5/10)呢個雞蛋豬腸粉口感好特別，較蝦腸滑，但啲醬汁偏少同溶入唔到嘅腸粉到，食落口感新穎，味道欠佳💁🏻‍♀️🚣‍♀️🥣艇仔粥 $18 (5/10)個粥煲得都算綿稠，但材料偏少，啲魷魚細條到差啲搵唔到佢🤣味道正常🙆🏻‍♀️———————😋味道：5/10🤵🏻服務：6.5/10💰抵食：5/10⏳排隊時間：15分鐘

從未到過太安樓搵食,，第一次嚟梗係要搵D平靚正既嘢填肚啦!收錢既姐姐好有禮貎，真係要加分!選擇了鴨絲腸粉，因為即點即做，所以需要少少時間等候。因為返到公司需時，所以到公司已經盒腸粉已經變成小小暖，但腸粉依然好滑溜溜，配埋豉油，真係食唔停口。鴨絲份量適中，鴨肉好香口，會再幫襯。

now電視節目主持推介，放工專登去試下。叫咗個鴨絲腸，即叫即蒸，等咗大概五分鐘。因為一叫即做，所以腸粉非常滑身，配上蔥花豉油，食落滑一滑，唔停得口。之前試過有啲布拉腸粉都麻麻地，呢個喺水準以上。火鴨絲很香口，但份量太少，成碟得六七粒仔。25蚊嘅價錢，老闆唔應該咁孤寒。

正，真心冇得彈，隻蛋係好大隻，又滑又軟，易入口，成世人真係冇食過咁好食嘅蛋。啲飯俾嘅份量都幾多下，而且又炒得啱啱好，唔乾，講真40幾蚊個餐都抵啦，食得飽人，又好食。仲要係黃店❗️❗️不過有一樣野唔係太好，就係個環境，得兩張枱，可能買外賣會好啲啦，堂食就唔太建議，而且好熱，特別而家夏天。不過整體來講，都幾好，服務態度同食物質素都唔錯，要比高分。

Chiu Chow cheung fun, also known as wrinkled rice roll, is very different from its Guang Zhou counterpart. It is famous for its rustic look, in contrast to the delicate appearance highlighted in traditional Chinese dim sum cuisine. A wide selection of ingredients, such as dried shrimp, lettuce, meat, etc, can be mixed in the rice batter to prepare cheung fun of various flavours. I ordered mine with egg today. The whisked egg gave the rice roll a golden, appetizing finish. The cheung fun was soft

//#黃店地圖系列間野叫：潮米石磨腸粉邊度黎：西灣河筲箕灣道57-87號太安樓地下A19號舖環境點：太安樓熟傢部架啦 唔洗多介紹啦下話🌝：參與罷市 支援手足 出post支持反送中抗爭運動▪雞蛋腸 $186.5分石磨腸粉從來都係兩大元素 腸粉米漿同自製醬汁 呢間個腸粉有層次 可惜米漿唔夠香 加埋雞蛋賣相黃得好吸引 但係蛋味唔夠突出 係隻好狡猾嘅雞蛋 至於醬汁方面 屬於稀身較淡 帶少少菇味 整體偏淡

其開個時已幫襯過個腸粉，但由於覺得唔太特別好食，所以之後都無買過，但個時為左儲印仔同試佢句蛋包飯，所以決意再俾次機會佢!又結果比預想中好食! 就算我地買走，回到去都好靚仔喎! 我相信老闆有用心，如果即食既會煮多陣，外賣既又會生少少，因為回家開都仲“流流地”，味道亦唔係只有咖哩磚，真係有落心機去煮既咖哩，飯既量都唔少，而個蛋都夠你食足每一啖都有蛋有飯咁!我諗我要再去試多次個腸粉同其他野，因為我第一次去個時，佢係紅紙都仲係到，對比起我食完呢次係會想試埋其他野既~

即叫即做腸粉、蒸米粉、粥品。搞笑地仲有飯類。餐廳有少量座位。話說我係外賣，朋友都話堂食即食會更好食，下次試下先。--🍲 艇仔粥 HK$18材料大概有魷魚、豬皮、肉碎、魚片絲。 雖然餐廳話粥底係用瑤柱粥底，但係整體比較淡。加返胡椒粉會好啲.🐣 雞蛋腸粉 HK$18雞蛋味道唔係特別明顯，腸粉層次分明。另外配嘅醬汁味道 比較稀，較淡唔會重口味。.🍱 牛肉飯 配咖哩汁 HK$38好在肉連汁同飯分開兩層。肉嘅份量好多，唔會好肥。汁好夠，但牛肉味道唔重。咖哩係日式個種味道，咖哩比較淡。

第一次食流心芝士蛋包飯忍唔住要比好評佢。以一個平民價黎講有甘既水準已算唔錯，雖然不算the top，但肯定是有溫度的蛋包飯。首先由蛋的中間切開，蛋汁和芝士已分散流出，而且配合炒飯底已經心心眼再者我揀選既係茄汁，有一股有d童年回憶泛出，所以以1個$48的蛋包飯黎講算很不錯當我食第一啖既時候，d香氣與拉絲的芝士一齊分散係空氣之中雞肉粒同蔬菜粒大小平均、不多也不少，整體感覺及口感非常好老闆與老闆娘人也不錯，親切有禮，值得幫襯