更多
2021-01-20
947 瀏覽
去到太安樓花多眼亂,通常一定有啲食開繼續食。不過都睇下有冇新開嘅支持下。有好多想試,但好多都係炸野,見到腸粉清清地就買黎中和下。都有堆人排隊,又有好評就試試。叫左咸蛋牛肉腸加莞茜。等左好耐,應該接近半個鐘。似係夫妻檔做,廚房得一個男人,收銀一個女人,做唔切,好多單。賣相幾好,醬汁分開。個汁唔太咸,但本人覺得可以咸多啲啲。BUT,個腸粉唔得。講米味無乜米味,然後,好稀好爛,已經係即刻食,撈左汁係夾都夾唔起。一pat野咁,有啲似嘔吐物都費事影。然後,食完幾啖後,有少少酸味浮返出黎,係咪米漿唔太新鮮?不會再吃了。
張貼