潮興海鮮酒家

營業中

休息中

好耐沒有去食宵夜了，今晚去完大酒店，我和老公也感到有點肚餓，於是想去食宵夜。現在很多食肆很早收舖，便想起在三陂坊這裏的潮州打冷了。我們選了蠔餅及大腸墨魚雙拼，叫了支大啤。今次想寫的是蠔餅 - 太誇張了，塊蠔餅大到有點過分，至少五六個人夾份食就啱，大過一個人頭😅，我和老公只吃了一半，便好膩；其實大部份都是粉漿，於是最後只挑選蠔出來吃，味道是可以的，亦很香脆，不過真的要一大班朋友來吃才叫較合適。大腸好好味，不太多肥膏。

一直都搵緊一間好味地道嘅大排檔依家終於搵到啦！呢間星期五六日都多人食平日就正正常常咁 味道好夠鍋氣！好味道重點係老闆好熱情好好人而且會有優惠重點係個蠔餅勁好食重要好大塊一定一定要去試下

第一 入到店 ， 職員無出聲放咗 一碟蘿蔔一碟花生 喺枱面 ， 之後本人食完飯埋單後 ， 竟然蘿蔔同埋花生夾埋收我$30 佢同我講 餐牌有寫 ，下 咁樣下下 放碟餸俾你 又話收你錢 ，起碼你放得喺枱面 同人講要收費啊 ，咩都唔出聲 夾硬要俾$30 ，間舖頭唔老實。離晒大譜！有時候 唔係唔俾錢問題 ，但係咁様做生意 好似搏大霧 呃你錢 ，香港飲食業 真係俾啲舖頭搞到差 其他食客 希望睇到 可以避免中伏 ， 唔老實嘅店唔會有下次 👎🏽 食物一般，但係咁樣服務質素好差 。

人大要排隊冇問題！ 攞飛就見到3張，但特然話要等9張正呀！ 真係正到冇人有，可能陰人出現七月節到！不如咪比飛呀！垃圾不如！想嘔血一流！公道d真係會屎咩？想去大家真係諗諗！

勁差啊…d 嘢又唔好食嗌左韭菜豬紅 薑沖生蠔 （➗左熟 無味既）豉椒鵝腸（根本就係冰鮮大大袋嗰d 感覺 完全無味用）白灼瀨尿蝦（原本聽係百幾蚊斤既瀨尿蝦 買單話係8百幾買單千幾蚊 兩隻 大癲 ）

又係唔知自己食咗咩系列4個人係荃灣三坡坊間潮興海鮮酒家食咗$2000最貴呢碟椒鹽瀨尿蝦$1000 (800幾蚊斤)本身諗住帶父母食好嘢貴啲都冇所謂，但最期待嗰碟竟然係最難食🥲🥲啲肉霉嘅、冇鮮甜味，愈食愈懷疑人生滷水拼盤: 鵝片、鵝腸、墨魚ok，豬耳好食，雞腎一般，豆腐好難食辣酒煮海螺: 中規中矩，蘿蔔好食過啲螺椒鹽九肚魚: 幾好食，夠熱小炒王: 幾好食蒜蓉粉絲蒸扇貝: 火候啱啱好，係有啲炸蒜蓉好硬要吐返出嚟環境: 充滿麻甩佬的地方總結: 食小菜穩陣過食貴價海鮮，海鮮唔平質素又冇保障🥲埋單時同店員反映，態度冷淡愛理不理，應該都唔係第一次有客投訴海鮮唔新鮮🫠

本身同朋友打算去食餐飯，求其入一間，係門口已經見到客滿，心想我們2個人應該好容易會有位及應該食身質素唔差啦。點知入到被安排坐係一間房內，旁邊放滿枱布心想算啦都叫有個位坐，我們2個人叫了4個餸，蠔餅大大碟，但無咩蠔，有啲失望；鵝片拼盤，好味道，又係大大碟蒸扇貝，大大隻，好味😋；椒鹽豆腐略嫌失色，未去到唔好食，但唔吸引，整體這4道餸來說，鵝片可以一試，其他就試一次夠了。環境衛生方面，室內大排檔來講算可接收，但氣氛麻麻，服務態度算幾好。

不嬲鍾意早食飯的我因為吾洗等就有位入坐5個人叫左5樣野落order 後都好快就一次上晒全部的菜每樣都好大份大份都完全食吾晒蠔仔肉碎粥（窩）蠔仔鮮甜到呢鹵水雜拼 + 鵝片蝦醬通菜鮮魷呢個一般蠔餅大份到吾知點形容椒鹽九肚魚大部份的野都好好食有機會會再黎試下其他菜

每次同朋友係荃灣食飯相聚好多時都會揀潮興，食左都好多年，味道都依然保持水準，不過坐入面真係有啲嘈，傾偈就會攰啲。蠔餅係必點之物，好少地方炸到個蠔餅咁酥脆，配啤酒真係一絕！幾個麻甩佬係到梗係叫麻甩野，炸大腸同黃金鮮魷真係走唔甩，大腸炸到表皮乾身但係入面唔乾，好快就清碟，而黃金鮮魷真係啤酒殺手，食一兩舊就清左兩大枝啤酒。咁來到潮州鋪梗係唔少得整個滷水拼盤，又係用來送啤酒，今鋪仲唔肥死。成餐飯幾個男人傾下計，食下野，一打啤酒好快就飲哂

之前都有幫襯過，食物質素都可以嘅，可惜今次我哋坐錯枱，3人去坐正冷氣機底，叫咗1個羹3個餸，明明熱騰騰嘅食物上枱未食到一半已經吹凍晒，鹵水併底已經凍到起ger，諗住叫職員搞搞個風口，個個見你唔係再嗌嘢食就求其應一聲等等，之後就不了了，最後有個亞姐話無辦法轉風口會影響其他客叫我哋下次嚟唔好坐呢張喎，吓，我都有俾足錢架，乜講到我唔係客咁，今次咁食法吹到痛都頭埋，嘢食都未食完就頂唔順要走，邊度會仲敢有下次呀，起碼短期內唔會再去住🥺

本月12日我約咗－行8人往潮興食飯飲酒，當日我們叫了幾個小菜其中一個炒蜆。當時我幾個朋友都食到炒蜆好多砂要求更換，當時職員遲遲都不肯換，再次追問下－位女性樓面，過問我們為什麼其他人都冇投訴炒蜆有事偏偏你那就問題。我回應他其他人冇投訴，並不代表你碟蜆冇問題，如果不信的話你可以自己試吓。之後我話改叫打炒聖子啦！想不到那位女樓面竟回應一句，你們都係不合適食貝類海鮮、係貝類海產都有砂架啦！然後轉身走人⋯⋯。試問潮興這樣的出品加上如此服務態度真係冇下次幫襯。

幾年前路過此店一試，還可以，對風味來說都不錯，久不久都會再來，不經意不覺曉都可能有年多沒幫趁，昨天路經於是叫了一碟燒汁鱔球，一碟鵝片。兩支大啤兩公婆撐枱腳。燒汁勁醎，無厘文味，真係唔佢想點？鱔球，嚴重overcook，炸到好老，仲有少少腥味，懷疑係味新鮮搏命炸，炸到死死實實，炸粉好厚，如九流咕嚕肉咁。超級失望。鵝片，片得好厚，入口韌，有渣，滷水汁得個醎味，無鮮味，無滷水味。失敗中嘅失敗。都有一樣野可以讚，就係叫啤酒，原本叫一支，呀姐話叫兩支可以有冰桶，飲唔晒，可以退。呢位呀姐服務態度好。整體食物水平跌到不勘入目，眼見隔離枱啲食物賣相都差。真係唔會想再嚟，難怪以往未夠7:00都已經坐滿，昨天，到7:30都係五成，相信熟客都頂唔順。太難食了.！

朋友好想食煎蠔餅，所以嚟咗二坡坊覓食，睇過幾間小菜都冇蠔餅，最後揀咗潮興。我哋兩個人叫咗一碟潮式拼盤，煎蠔餅，炒通菜。個蠔餅有驚喜，煎得好鬆脆，仲有好多蠔仔肉，價錢又好抵食。

闊別四年有多的同事，有人牽頭話聚下，就去以前我們常光顧的荃灣三坡坊潮興海鮮大排檔，去飲下啤酒吹下水。6：00pm相約六人准時到達大排擋門口，門口外已擺滿4至6人圓枱，店鋪內都是如是，有雪白的枱布鋪面，籃色圓型膠櫈圍着圓枱望落都幾整齊企理，牆身貼滿彩圖菜式，要吃什麼一目了然。顧客尚未太多，我們隨意座靠牆邊一張6人枱。首先叫了三支藍妹啤酒用桶截冰粒及水雪住。我們選了：蝦醬通菜，椒鹽九肚魚，豉汁蒸白鱔，九菜猪紅，煎蠔餅，小炒皇，六款小菜。蝦醬通菜，份量足，翠綠，鮮嫩，配上蝦醬相當惹味，又够獲氣，個人認爲偏咸了，同事話系 好咸。椒鹽九肚魚$108，上枱，咦！縮水了，太過精緻了吧，可能九肚魚價格爆漲了，各有各説對九肚魚份量的質疑。試下先，味道不减當年，脆香肉質嫩滑，好味的。豉計蒸白鱔，切到一片片，都幾厚，鮮甜，有咬口，味道唔錯，若多番啲豉汁會咁好味。九菜猪紅，不過不失。煎蠔仔餅，應該叫做炸蠔仔餅，熱辣辣，好大一塊，金黃金黃，卜卜脆，火喉剛剛好，蠔雖然少了一啲，但大家一點都無介意，因爲粉都做到酥脆好味，絶對稱得上系飲啤酒的佳餚。小炒皇，够獲氣，九菜花鮮嫩，蝦幹，腰果都過得去，味道唔錯。歇後語：可能

友人相邀，黃昏時分，遠征荃灣，老潮大排檔。到達之時已天黑，大排檔人人湧湧，路邊兩旁擺放枱櫈，非常熱鬧。甫坐下，啤酒妹，不是啤酒姨姨，不斷推介嘉士伯。今晚飲拱橋，吾想飲馬尿。見到promoter 成件嘉士伯着上身，又咁落力推廣，叫兩三支略表意思。鹵水鵝肉，正常，鹵水吾太咸入味，鵝肉香濃有嚼口，肉質肥瘦適中，滲透誘人肉汁。伴盤鹵水豆腐稍微硬身，可能油炸過火，鹵味不足。蒜蓉粉絲蒸扇貝，鮮美扇貝同糯滑粉絲完美結合，加上蒜香衬托，肥美幸福味道滿溢口腔。蒜蓉香味帶出扇貝鮮甜，粉絲又吸引咗蒸出湯汁，三者之間配合得天衣無縫，好似咸酸菜同牛歡喜咁夾。薑葱炒肉蟹，其本係無失手之作，加上秋風起，蝦蟹肥美，好難炒得難食。事以願違，蟹肉非常瘦削，連至愛蟹蓋都少挟為妙。聲稱肉蟹，完全無蟹肉鮮味，水蟹石蟹都不如，失敗。號稱菲律賓肉蟹，可能孟加拉垃圾蟹。豉椒炒蜆，完成離曬大嫂。吾知係炒到過火，定係用咗死蜆。蜆肉同殼離曬罩，只見蜆殼，不見蜆肉，食吾出蜆肉鮮甜味。簡單製作炒蜆，炒到不知所謂。白灼花螺，樓面阿姐大力推介東風螺，通常推薦果D都係賣吾出籮底橙。寧願貴D要花螺，果然一分錢一分貨，花螺比較鮮美，無東風螺果陣怪異味，