影片
港鐵觀塘站 A2 出口, 步行約5分鐘
繼續閱讀
電話號碼
23285128
營業時間
今日營業
09:00 - 22:00
星期一至日
09:00 - 22:00
*早茶時段：9:00 - 11:00
午市時段：11:00 - 14:00
下午茶時段：14:00 - 16:00
以上資料只供參考, 請與餐廳確認詳情
食家推介
朋友約我到觀塘“潮薈軒”懷舊酒樓，前身是潮菜館，現在改了做粵菜～ 不熟悉觀塘的我起初都不知地點在哪裡，朋友一講就明，原來觀塘站A2出口直行，落扶手電梯轉右，不久就找👍 前菜是酸蕎頭，醒胃🤩 海蜇青瓜$52蒜泥超香，青瓜爽脆清甜,開胃之選😍 薑葱焗桶蠔$198大大隻，隻隻都脹卜卜，外皮焗得香脆，但蠔肉仍保持好juicy，滋味無窮😋😋😋 紅燒乳鴿$58乳鴿顧名思義即係BB鴿，鴿肉當然是鮮嫩肉滑啦😅我特別喜歡鴿脾仔，連皮一口咬落去，真係好好味👍 豬骨大芥菜煲$108淨係見個湯底就知道有幾香濃，有啲似阿媽老火湯😍芥菜索晒啲湯，真係超正🤩排骨煲得剛剛好，夠腍但仲好有肉味～燒鵝晚飯居然有燒鵝送，簡值係意外驚喜，超窩心🥰 地方寬敞，招呼又週到，食下傾下又一晚，食飽飽仲有糖水送👍 糖水雖然是免費，但一點都不馬虎，火喉十足，好香陳皮海帶嘅綠豆沙，食埋真係好滿腹又滿足👍😍 仲見到有好抵食嘅晚飯全包宴餐，下個月媽咪生日就吾使四圍搵地方喇✌️
繼續閱讀
男朋友喺觀塘返工有咩好野都逃不開佢嘅法眼最近佢留意到觀塘潮薈軒有個抵食套餐於是叫埋朋友一行四人一齊去試試潮薈軒位於巧明街APM行過去好近餐廳裝修高雅樓底高仲有幾間包廂可以辦小型宴會我仲見到酒樓有雀局自選套餐幾正喎！我地四個食左海蝦生翅套餐湯品同小菜都有得自選整體水準唔錯份量合適燒味拼盆頭盤黎個三拼燒肉皮脆叉燒微焦香甜唔錯紅燒花膠海皇翅份量多每人可以分到兩碗翅湯足料入口夠膠質啖啖精華滋補清蒸沙巴龍躉仔魚新鮮蒸得剛剛好魚肉細嫩無腥味淋上熱油同豉油夠惹味又保留到魚鮮招牌小炒皇炒得好夠鑊氣！蝦乾、魷魚絲、腰果都炒得香脆入味椒鹽比例啱啱好送飯一流上湯海蝦伊麵大蝦隻隻新鮮彈牙伊麵掛湯汁唔會淋成碟唔算細食完好飽最後仲食左杞子桂花糕清新唔膩桂花香淡淡地滲出嚟加上杞子啱啱中和返啲甜清清地收尾一流男朋友果然好介紹潮薈軒地方闊落人多仲可以包廂可以慢慢坐好啱家庭聚會、朋友飯局
繼續閱讀
屋企人鍾意食粵菜，搵到呢間酒樓好抵食，晚飯時間2-5位竟然送一碟例牌燒鵝。燒鵝平時都唔平，見到咁抵食，決定嚟呢間酒樓試吓。燒鵝（例牌）估唔到送嘅都好正，出品好有誠意。燒鵝唔係凍冰冰，有溫度的，而且皮脆肉嫩，咬落去啲皮度充滿油香，鵝肉有肉汁，絕對唔會又乾又柴，屋企人食得好滿意好滋味。粟米深海魚塊呢個係非一般嘅粟米斑塊，魚塊係超級厚一大件，用上靚魚，肉係一索索。粟米汁係分開上，保證食嘅時候炸魚塊表面係脆身，口感先係濕潤嘅粟米汁，然之後脆脆嘅薄薄炸粉，然之後係厚厚爽滑嘅魚肉。生煎蓮藕餅呢個又係好好食，蓮藕餅煎得好靚，色澤金黃金黃，咬落去肉餅充滿肉汁，而且有一粒粒嘅爽脆蓮藕，口感好好，加上適量嘅芫荽蔥調味，味道絕配。乾燒伊麵呢個雖然係好普通嘅菜式，但係好香好好味。伊麵質感好好有彈性的，唔係好腍斷晒嗰啲，而且每條都入晒味，掛滿蠔油香氣，加上芽菜同埋韭黃增加爽口嘅口感，香氣十足，我好鍾意。最後仲有糖水送添，我哋嗰晚有綠豆沙同埋芝麻糊。我試咗綠豆沙，有臭草同埋果皮香氣，絕對唔會馬虎，一樣係送嘅都好好味。
繼續閱讀
位於觀塘的潮薈軒，主打正宗潮洲小炒小菜，每日都用新鮮的海鮮每逢假期，有很多人在門外等候，建議大家打電話預留座位。===-===-===-===♦️紅燒花膠海皇翅♦️這道紅燒花膠海皇翅湯色金黃濃郁，花膠厚實軟糯，入口即化，膠質豐腴黏唇。海皇翅絲絲分明，吸飽高湯精華，鮮味層次豐富。老火湯底以金華火腿與老雞熬製，醇厚不膩，帶淡淡干貝香氣。整體火候到位，滋補奢華，盡顯粵式燉湯的講究功夫，冬日暖身首選。🥰♦️燒味拼盤♦️這道燒味拼盤薈萃粵式精髓：蜜汁叉燒油潤晶亮，肥瘦相間，入口焦糖香與肉汁交融；脆皮燒肉三層分明，金黃脆皮下脂肪如雪，蘸黃糖更顯鹹甜層次；海蜇爽脆解膩，麻油香畫龍點睛。拼盤火候精準，冷熱搭配得宜，一次盡享三種經典燒味的豐盈口感，佐酒下飯皆宜。 😋♦️清蒸沙巴龍躉♦️這道清蒸沙巴龍躉火候絕妙，魚肉潔白如蒜瓣，用筷子輕撥即離骨，入口細嫩鮮甜帶淡淡海水味。師傅以豉油皇與爆香蔥絲提鮮，襯托龍躉本身的清雅。魚皮膠質豐厚，魚鰭邊的軟嫩膠質更是精華所在。蒸製時間精準，魚眼凸出泛白，盡顯新鮮度，是考驗廚功的經典粵式海鮮佳作。🥰♦️杞子桂花糕♦️這道杞子桂花糕晶瑩如琥珀，質地Q彈卻不失細膩，入口即化出淡雅桂花香氣。枸杞點綴其間，為甜品添一抹自然甜味與養生意味。糖水比例恰到好處，甜而不膩，尾韻帶有蜂蜜般的溫潤。冰鎮後食用更顯清爽，是兼具視覺與味覺享受的經典廣式甜點，宴席完美的收尾。🍰🍡🍧====-====-====📌店名：潮薈軒📍地址：觀塘巧明街107號國基集團中心3樓
繼續閱讀
同朋友去觀塘搵食，發現呢間「潮薈軒」真係正！觀塘站行4分鐘就到，方便到爆。入到去環境光猛闊落，枱與枱之間空間充足，坐得好舒服。我哋四個叫咗個「海蝦翅餐」($788)，人均$237食到超滿足，仲有驚喜甜品送！ 必食重點明爐燒鵝（免費送！）而家佢哋做緊優惠，只要一坐低就會送燒鵝，我哋四個人送咗例牌燒鵝。唔好以為送嘅嘢就求其，相反啲皮脆到「咔嚓」聲，肉質嫩滑又多汁。最正係個皮同肉之間嘅油脂，入口即溶，配酸梅醬簡直絕配！ 燒味三拼（水準高）- 脆皮燒腩仔：皮脆過薯片，三層肉肥瘦均勻，個皮可以脆足成餐飯，真係有啲料到。- 蜜汁叉燒：用脢頭肉，邊位燶燶哋，蜜汁香甜唔會過火，連平時唔鍾意食叉燒嘅，我都覺得好好味。- 涼拌海蜇：厚切爽脆，麻油香好突出。清蒸沙巴龍躉（鮮味爆燈！）條魚蒸得啱啱好，魚肉一夾就離骨，嫩滑到不得了！魚皮仲有層啫喱狀膠質，豉油調味恰到好處，蔥絲鋪面帶出鮮味。最驚喜係魚肉完全冇腥味，新鮮度滿分！ 上湯海蝦伊麵（原來伊麵才是主角！）海蝦大大隻，蝦肉爽口彈牙。伊麵煮得剛好，索晒上湯嘅精華，湯底清甜唔會太重味精。 紅燒花膠海皇翅（足料到嚇親）湯羹入面真係睇到一疏疏魚翅，仲有花膠同埋粒粒蝦仁，飲完成個嘴都黏黏哋，膠質豐富到爆！ XO醬炒帶子（鑊氣十足） 帶子煎到外脆內嫩，size有成銀仔咁大！西芹爽脆清甜，完美平衡XO醬嘅濃味。 甜品時間- 杞子桂花糕（跟餐）：清甜唔膩，桂花香好自然，仲有杞子增加口感 - 額外送糖水（二選一）： - 陳皮綠豆沙：煲到起沙，陳皮香若隱若現 - 芝麻糊：香濃滑溜，芝麻味好出 今餐真係食得好滿足，由頭盤燒鵝到主菜蒸魚，再到甜品都咁出色！朋友已經約定下個月要再嚟encore～
繼續閱讀