潮食地

營業中

休息中

屋企冇煮飯就係樓下買d外賣返去食，呢間潮食地食物款式都幾多，有焗飯、小炒、咖哩系列等等，淨係諗食咩都諗左5分鐘，太多選擇，如果早d 6點前去到仲有下午茶餐Tim，價錢都幾平，$30-$44左右，睇圖都幾吸引🤣依家外賣自取仲有9折咖哩芝士牛肋條｜$66店員推介即叫即焗，當然要試一試😆可以揀炒飯或者意粉底，我就揀左炒飯，等左約10分鐘就有，攞到返屋企都好香，芝士真係有拉絲❤️好足料，牛肋條同飯份量都唔少，我一個女仔都食唔哂，牛肋條好軟腍，咖哩香濃，唔錯晚餐選擇

最近又要去荔枝角開會，放工見到間Chil Cafe，返工咁辛苦，梗係要chill下啦。就試下啦。睇下餐牌有咩食先焗飯好似都唔錯喎明太子白汁芝士海鮮白汁味濃郁，芝士味又香口有2大隻青口，2隻蝦，1大嚿魚，仲有其他海鮮什錦同好多明太子。好有誠意又真材實料。 咕嚕肉分量多，咕嚕肉粉薄，肉多，特別脆。食到菠蘿嘅酸甜味，好開胃。鴛鴦紅豆冰/咖啡紅豆冰味道濃郁，出奇地夾。紅豆煮得好粉，但又有咬口。 +$12就可以換到一杯。必試。

去到門口想攞十幾位，著藍衫果位先生話到齊先講，佢話個個係甘好吾掂，講野大声，語腔差劣，沒有笑容，沒有服務熱誠，8成樓面口木面木，面部沒有表情，，，地方裝修靚又如何，比錢食野仲要受氣，整体服務態度差劣劣劣。味道就鹽左小小。

去到門口想攞十幾位，著藍衫果位先生話到齊先講，佢話個個係甘好吾掂，講野大声，言腔差劣，沒有笑容，沒有服務熱誠，8成樓面口木面木，面部沒有表情，，，地方裝修靚又如何，比錢食野仲要受氣，整体服務態度差劣劣劣。味道就鹽過小小。

公眾假期唔洗返工，陪人嚟 D2 Place 睇針織街頭藝術展，逛完過咗嚟羅氏商業廣場呢邊搵食。喺地下見到間門面好搶眼嘅茶餐廳，探頭內望，環境好 Chill，裝潢繽紛多彩，配色鮮豔奪目，既 Sharp 醒又富朝氣，真係令人眼前一亮，今日就一於喺呢度用餐。點咗兩個「大廚潮焗」，所有焗飯或焗意粉均奉送熱飲，轉凍飲+$3、汽水+$6、凍特飲+$12。兩個焗飯同時送上，熱辣辣，香噴噴，分量十足。焗咖喱芝士魚柳 配炒飯 ($62)  魚柳有兩大塊，肉質很滑溜，吃起來口感軟綿綿，不錯。咖喱汁嘅辣度啱啱好，入口濃香惹味，而且米飯已事先炒底，配埋面頭焗至金黃的芝士，格外香口。至於另一客焗芝士鮮茄豬扒 配炒飯 ($62)  亦做得十分到位，豬扒大大件，厚薄適中，食落肉質好鬆化。蕃茄汁超香濃，芝士焗到微燶，撈上不油不膩的蛋炒飯同吃，滋味無窮。飲品當然係點我至愛嘅黑牛 (+$12)，而人哋就揀咗杯咖啡紅豆冰 (+$12)，朱古力雪糕+冰凍的可樂，真係冇得輸。咖啡微甘不澀，同甜美嘅紅豆好夾，一樣咁正。

戲院開返哂，放工約左男友睇戲，先係附近搵餐廳醫肚，呢間平時成日經過，裝潢新潮又色彩繽紛，乾淨又夠新坐得舒服，係潮版茶餐廳，落單上菜都好快手。Chill 正滑蛋蝦仁飯 $64顏色鮮艷賣相吸引，個蛋好重蛋味，而且好嫩滑，加埋蔥花好香，用大size蝦有口感又好睇，而且蝦肉都好爽彈，個醬油係甜甜地好夾個滑蛋飯，份量十足，性價比高。咖哩芝士牛肋條焗飯 $66即叫即焗夠熱辣辣，芝士勁香又拉絲，牛肋條有4件又係好足料，牛味都重好有咬勁，咖哩味好香且不太辣，港式味道最岩我口味，焗飯係有誠意的炒飯底，讚。雪糕紅豆冰 (冰特飲 +$12)好耐無嘆紅豆冰，仲要加雪糕，超正，紅豆大豆飽滿又軟綿，唔會好甜，雪糕係雲尼拿味，配紅豆食好夾，仲有點懷舊feel。白雪公主 (冰特飲 +$12)係好立克味，上面加左大量cream，好邪惡但又好正，也中和好立克的甜度，好岩女仔飲。送例湯，中湯好好飲，唔會過咸, 味道又溫和，飲完暖哂。西湯係忌廉湯，唔會好杰，飲落順喉同埋有奶香，係咸左少少。

荔枝角最近多咗幾間茶餐廳，在今次疫情影響下好多店舖都結果，能夠在逆市中生存，難能可貴。在公司附近有一間新開餐廳，走去連續試咗兩次，覺得已經足夠，兩次十分受氣。員工服務態度差到冇人有，一入門口，凶神惡煞嘅經理，就會問你幾多位，禮貌缺乏，員工都唔有善，一口叫唔好企係到🙄🙄。大佬唔企喺度，點行入嚟。第一個次食了燒味四寶飯，燒味冇味道，工廠式製作，賣相唔吸引。朋友食豬扒飯，賣相好似好得，豬扒醃得勁，好難食。第二次去員工同經理一樣咁凶神惡煞，叫了牛扒意粉，意粉無味，牛扒硬太。德國豬手飯，炸得太勁，好硬。冷氣又不足，食到出晒汗，仲話打卡勝地，根本上都唔容許你企喺條走廊度，絕對冇下次，唔想再受氣🤬🤬。

幫襯左好幾次的潮食地，水準依然能夠保持住。與家人來食個早晚餐，點了一個常餐$54，番茄薯仔牛肉湯通粉，飲晒成配碗湯都不會口乾，番茄味香濃，律牛肉切成薄片，夠軟淋。配炒蛋火腿多士。好滿足。另外叫焗粟米魚柳飯$62，炒飯底炒到粒粒金香，真的好抵讚。 粟米魚柳呢個汁送飯一流，芝士面焗得好香脆。被特飲名字白雪公主所吸收引，跟餐加$12係好立克唧上 忌廉，插上朱古力蛋捲， 適合夏天，爽快。服務員醒目，食物又快規靚正，是我們經常幫襯的原因。

一入門口已經覺得成間餐廳有活力，唔單止光猛，室內色彩鮮豔，互相輝映，睇得出係有設計師特登設計盡頭位有塊寶藍色透亮嘅面壁，上面大大橙黃色的「潮」的燈管字睇上去夠奪目！我已經比較鍾意打卡肉桂粉色嘅左右兩邊嘅牆色，上面其實係燈膽，設計得好雅緻。配上抹茶綠嘅卡椅影相好靚呀好耐冇食焗飯，咁啱見到大廚推薦又係即叫即焗，就嗌咗個咖喱芝士牛肋條意粉🍝熱辣辣送上檯有個木板墊住，費事辣親手。牛肋條連埋青紅椒同洋蔥🧅鋪滿成兜意粉，芝士顏色焗得金黃色咁，望見都食慾大開🤪一叉起牛肋條，睇啲芝士拉得幾長！真係唔誇張，證明芝士落足料！啲牛肋條燜得幾淋，食落唔會有牛騷味😃一開始會擔心啲意粉係會似成餅咁，後廚處理得幾好，啲咖喱汁均勻染滿每條意粉，食到最後都仲有咖哩汁，好好味！

潮人潮食星期五Happy Friday, 唔煮飯, 出去食, 知道荔枝角附近開咗間新嘅茶餐廳, 即刻去睇下試下先! 🤪 睇個門口都知道係新派茶餐廳, 入到去睇個間隔闊落, 裝修新派, 一睇都知道係潮地啦 😂話梅炆豬手(配飯套餐) -$88話梅豬手🍖係傳統菜, 豬手算炆得淋, 都幾入味, 小小甜甜酸酸嘅味道, 送飯🍚🥢一流👍🏻咖哩牛坑腩(配飯套餐) -$88咖哩香濃夠滑, 帶有少少椰汁味, 牛腩份都幾多, 全部都係煲仔上🍲, 夠曬鑊氣, 上到抬熱辣辣, 又係送飯🍚🥢一流呀! 👍🏻套餐都係跟飯, 跟湯, 我哋加錢要咗一杯紅豆冰 (+$12)一杯荔枝梳打(+$12)🍹地址: 荔枝角長沙灣道788號羅氏商業廣場地下B舖#hkfoodie#hkfood#香港美食#荔枝角#茶餐廳美食

潮食地荔枝角工廠多 茶餐廳多人食就緊！但今日星期日中午都唔少人等位 全場滿座！令我同朋友做完運動經過都想試下有咩特別😮環境其實同店名一樣 夠晒潮 有靚既裝修！同普通茶餐廳係唔一樣感覺～我地各自嗌左一份午餐套餐 有中式餐湯同一杯飲品：紅燒牛肉刀削麵配台式香腸🍜紅燒牛肉有六件 份量都算多👍🏼湯底有櫻花蝦 刀削麵亦都好煙靭！湯底係淆出嚟 冇味精架～😍港色燒汁雜扒餐配意粉 🍝分別有牛扒🥩雞扒 豬扒 腸仔同煙肉🥓～可能係午餐既關係 食完晒d肉已經食唔落意粉 但都食左一半既 意粉就正常發揮啦！總括黎講份量正常 價錢合理 環境舒適 ！👍🏼

Chill食地係一間充滿現代感嘅茶餐廳， 位於荔枝角地鐵站附近， 一分鐘就到非常方便！  茶餐廳設計得好似西式cafe咁，  餐廳面積頗大， 員工態度非常友善， 點了餐後很快就有食物送上， 適合一般打工仔！ 款式選擇多價錢又合理！ 蝦仁炒滑蛋飯蝦仁大大隻又彈牙，好足料，蛋夠香滑，唔會唔夠餸👍🏻👍🏻👍🏻非常美味！ 🍤🍤🍤 蔥油豬扒滑蛋飯份量非常大 🤣 豬扒好大件又煎得夠香口較淋身， 煎蛋係流心嘅😍 配埋蔥油撈飯食一流! 雪糕紅豆冰雪糕好大舊，賣相非常吸引！ 粒粒紅豆佔了半杯🤩套餐加$10就有，好抵食😍 薯條炸到條條卜卜脆， $25就有一大碟😋

夜媽媽OT放工，好彩仲有潮食地未關門可以去食飯~因為太夜，去到既時候已經唔多人，係一間偏西式格調既餐廳。平時都係lunch過黎食碟頭飯，食佢既小炒都係第一次。小炒套餐其實好抵食，包湯包飯包熱飲~沙拉豬扒豬扒份量超多，而且都好大件厚身。食落啖啖肉，沙律醬唔會太濃味，食左兩大塊都唔覺膩。中式牛柳酸酸甜生既醬汁配洋蔥，香口又開胃! 而且肉類份量都真係好足，牛柳都係又厚又大塊，入口鬆軟啖啖肉，超爽馬拉盞炒油麥菜無通菜所以點左油麥菜，菜夠脆綠好新鮮，唔會太辣，菜夠清甜~紅豆冰紅豆超好食，夠腍夠入味，篤散佢似落仲會起沙，超正❤️

呢日同朋友一齊喺荔枝角，我想簡單快趣搞掂一餐，問朋友有乜好地方，佢就帶咗我嚟呢間喺地鐵站附近嘅餐廳😆我哋叫咗呢啲食物share嚟食😋：- $65嘅「星洲炒米Stir-fried Rice Vermicelli in Singapore 🇸🇬 Style」，加$12要咗凍特飲「奶茶紅豆冰」：「星洲炒米」炒得幾香口，唔係好辣，好易入口，最特別嘅地方係竟然上邊加咗啲鰹魚乾😋。「奶茶紅豆冰」有好多紅豆🫘，仲有奶茶香味😋- $62嘅「蔥油厚切豬扒煎蛋飯Thick Pork Chop and Pan-fried Egg with Scallion Oil on Rice」配「熱檸水🍋」：嗰塊「厚切豬扒🐷」除咗厚之外仲真係超級大塊🤩，肉質重非常軟熟，好食😋

😄😄😄🍝潮食地🍝轉左工返荔枝角，男人的浪漫一定係茶餐廳。位置鄰近地鐵站，過條馬路就到。衞生都幾好，燈光算係光猛。收工準備OT點可以對自己唔好，食左個芝士焗肉醬意粉，加左個特飲雪榚紅豆冰：🍝芝士焗肉醬意粉意粉不會太軟太硬，有小許彈牙感。芝士焗落去都鋪哂個碗，肉醬都粒粒分明。$60🍹雪榚紅豆冰個杯都幾浮誇，旋上去。雪糕係雲尼拿。紅豆🫘都係喺茶餐廳Standard黎講都算中上，粒粒分明，唔會太硬，又唔會一吸即散。套餐+$12味道：🦙🦙🦙/5環境：🦙🦙🦙🦙/5推薦：🦙🦙🦙🦙/5抵食：🦙🦙🦙🦙/5暫時見佢開到7:30pm，早啲食完再OT都係一個好選擇。😄😄😄