澳門咖喱王清湯腩

營業中

休息中

餐廳内部環境略為擠迫，冷氣則足夠。廚師推介套餐有12款，價格介乎39元至59元之間，選了粟米班塊飯配熱奶茶45元，粟米班塊飯份量足夠，班塊亦不少，外層粉槳略厚，內層肉質一般，粟米汁多，少少甜少少咸，白飯略硬但沾了粟米汁吃就可接受。熱奶茶的茶味香濃，少少苦澀味。總結：簡簡單單一餐，味道可接受，價格合理。

食左兩啖埋單走人  真係好難食醉雞完全無酒味 食緊凍嘅白切雞咁湯飯一啲都唔好食 淨係得個咸字蕃茄湯全部都係油垃圾餐廳 成餐飯無一樣野係好食等野食等左半個鐘都有 餓死都未有得食

今日十一點約了去觀塘整牙 ， 因為整牙後要等兩個鐘才可以吃東西， 所以 光顧附近一間餐廳,看見仍有早餐就坐下試試， 我叫了一個腩碎紅腸米粉+脆豬+ 熱杏霜套餐 ，米粉來了，賣相雖然一般，想不到食落口， 湯底很鮮味， 令這碗米粉加分不少，不過牛腩碎就真係十分碎了，但味道都不錯，清清地又唔肥，紅腸也很好食，脆豬都幾脆，而熱杏霜就比較淡了一點， $30一個早餐,,整體而言都ok啦， 不過這間餐廳 十一點幾已經坐滿了八成人， 原來都幾受歡迎，埋單的時候還見到一些明星相，想不到咁細小的餐廳，都會有明星食客啊！ 餐牌也有很多 不同的菜式任君選擇, 下次有機會經過都可以再次光顧的。

Openrice 開咗咁耐，我從未寫過食評，但難食既食店大把，服務態度差既食店亦大把。但剛剛食完呢間食店竟然可以速使我即刻係Openrice 開賬戶寫食評既，真係不得了！！呢間“澳門咖哩王清湯腩”其實上年定年幾前已係牛頭角定X街食過幾次，個時應該係總店(應該得一間細細間，嗰時食物質素好好又好食，個鬍鬚老闆又熱心又有禮貌，又會介紹菜式比我地。所以有時諗唔到食咩就會去食。因為佢有幾多招牌菜:咖哩牛腩都分幾種，又有特式麻辣食品同鮮茄食品。本人係幾鍾意食辣，嗰時係總店食過好食，仲介紹好多人去食。但現在唔知係咪出咗名賺到錢，開咗分店又搬咗鋪之後，我第一次去觀塘裕民坊呢間店(餐牌註明牛頭角店)，店內掛埋鬍鬚老闆張相，所以一定沒應錯。我地叫咗3樣野如下:1個常餐:沙嗲牛肉麵，火腿奄列＋方包 $421個咖哩牛腩飯+凍奶茶 $59 + $3凍飲=$621個麻辣牛腩飯+凍奶茶 $59 + $3凍飲=$62叫餐時與店員對話:👩‍🍳店員，🤷‍♀️我🤷‍♀️:常餐:沙嗲牛肉麵，火腿奄列＋多士👩‍🍳:多士加$2🤷‍♀️:咁要脆豬👩‍🍳:脆豬都要加$2，不過賣哂🤷‍♀️:吓！其實邊度寫要加$2？👩‍🍳:ae......你等

昨晚和朋友一行7人入了一間叫澳門咖喱王清湯腩的茶餐廳，叫了7位放題打边炉，先來鸡煲，怎知一開蓋，得几粒鸡，而任食的材料種類少之又少，只有幾款丸類、菜類、牛柏葉、午餐肉、云吞、豬頸肉、排骨、粉麵、包2杯飲品食材非常唔新鮮、云吞很難吃、加了一轉菜已經冇胃口再叫、坐位又迫、枱又细張，叫飲品時幾經辛苦才叫到，因為店内只有3個侍應，估計是住家式一家人開的,見他們好像很繁忙，每次都説（等一陣先），唉！算了，百四元一位當買個教訓吧！

新春期間餐廳加一是常識吧！ 但係呢間餐廳實在太呃人呀， 喺門口完全冇講過額外嘅收費，坐低咗之後先至講，原本跟常餐附上既多士要加兩蚊跟既餐飲，凍熱都要加八蚊原本一個40幾蚊嘅茶餐，結果要六十幾蚊先出到門口如果喺門口貼紙畀客人知道而選擇坐低，就冇得講 ， 但坐低咗先知道咁多額外收費，就有欺詐成分囉最慘仲要唔好食， 下次唔會幫襯呀

去到叫咗個咖哩薯仔牛腩飯 如此簡單菜式等咗15至20分鐘 我媽媽同個侍應講:麻煩幫我跟一跟個飯，會唔會漏咗單？侍應:唔會呀出咗啦 完全冇幫我跟嘅意思另外一個侍應老啲嘅 睥住我哋然後指一指出餐位 完全唔知咩意思好啦 等咗好耐隔離遲過我哋坐低嘅兩位客人兩碟炒飯都到埋我哋個咖哩飯先到我問:麻煩你俾個碗仔我呀老師奶侍應:要等喎 (當然唔好態度)我衝口而出講咗句:吓？碗都要等？師奶侍應:係呀得兩個人咋睇唔到呀？！其實如果你咁忙不如考慮唔好做或者請多個人幫手 俾氣客受都解決唔到問題等咗5分鐘 佢終於好粗魯咁擺個黃色四方碗俾我，問題係 個碗好似冇洗過咁，好明顯有層油光鋪面。咁我唯有唔用，又唔好意思再阻住佢叫佢攞多個啦。到我差不多食完個飯，佢走過黎:原來你個碗唔用咖然後收咗。再回睥。我完全唔明白點解要俾錢受佢氣，想揾人嗌交可以去呢間食店。

因為住係附近，平時成日都會去呢間澳門咖哩王清湯腩食個下午茶。我自己本身好中意食佢個澳門炒飯，但佢啲飯越炒越少，越炒越少！半碟都唔知有冇！！雖然話下午茶姐，都唔洗咁少呀？然後好多次埋單佢找錢都會找兩個五毫子俾我，咁我覺得五毫子無所謂啦，就每次都接受，點知今日我埋單諗住用返幾個五毫子，佢大大聲話唔收！仲死都唔認有找過五毫子俾人！我絕對百分之百肯定佢好多次都找兩個五毫子俾我！！！豈有此理！惡人先告狀！！雖然我好中意食佢個炒飯，但自此之後我決定以後唔會再去牛頭角道呢間垃圾澳門咖哩王清湯腩！！平時服務態度都唔係好架喇，又貴。試過想坐比較裡面的座位，個店員竟話：「坐果度冇人理你架喎！」如果係咁既話，不如你拆左果張枱佢啦？大家如果想收藏$0.5同埋見識下呢個收銀「咁好」服務態度既話可以去呢間野試試！

去牛頭角附近處理完事務，諗住到附近茶餐廳簡簡單單食晚飯，點知入內才知道有火鍋放題......見天氣凍凍地，價錢又OK，就點了火鍋放題......猶豫點「牛腩煲」，還是「雞煲」之際，店員推介雞煲配蕃茄湯，這款特別口味......蕃茄湯雞煲，材料頗多，蕃茄味很濃，雞很滑。除了雞煲，仲可以點紙上的食物，這些是任食的 這碟肥牛，每兩位送一碟，如果瘦一點會更好！我們還點了一些丸、雲吞及菜，再食了很多雞，已經很飽了！店員極力推介這些蕃茄湯，自家煲，真材實料，味道濃郁，平時午餐、晚餐都大賣的。飲落又真係好好味，再配火鍋料作醬汁也好味。平時食雞煲，沒有飲那些湯的，但今次我們飲了很多碗蕃茄湯呢 ^_<就連每人送兩杯飲品，每人只飲了一杯！

熱愛打邊爐嘅我哋，真係可以一星期打三四次邊爐。火鍋放題食就食得多，平時加埋一，一位都要HK$150啦，今次畀我哋搵到位於牛頭牛嘅澳門咖哩王清湯腩，仼食火鍋兩位只係HK$268，無加一，包兩位飲品，試下佢得唔得先！麻辣雞煲價錢咁吸引，呢到啲湯底一啲都唔馬虎，有牛腩煲、麻辣雞煲、排骨煲同酸菜魚煲。冬天最啱食羊腩煲，暖笠笠，每位都只係加多HK$40。我啲就叫咗中辣麻辣雞煲，嚟到就好香辣椒香味，有大量乾葱、莞茜、洋葱、辣椒等，真係好惹味。不過平時啲雞煲一開始就係炒到好乾身，之後先加水打邊爐，呢到一開始就已經有湯，啲雞煮到好入味，入口嫩滑，以呢個價錢嚟講，真係無得彈！火鍋配料呢到仲有超過30款火鍋配料任食，有豬頸肉、蟹籽丸、牛栢華葉、午餐肉、生菜等。最後一完要加米線，吸晒啲湯，正呀！肥牛2位仲送肥牛一碟，份量一啲都唔少，有成十幾塊，不過再瘦返啲會更好！食麻辣雞煲梗係要飲嘢啦，每人仲送一杯飲品，真係好抵！

今晚約了舊大學同學到觀塘APM 睇戲，睇戲之前同學說附近有一間茶餐廳的牛腩不得不試，於是她帶我到那裡吃下午茶兼晚餐。除了餐廳門口貼上了一些名星同老板的合照外，表面看來就像一般的冰室、茶餐廳。坐下之後，我們點了侍應向我們大力推介曾獲獎的澳門炒飯及川醬干炒招牌牛腩河，另外再點了澳門豬扒包，當然有不得不吃招牌特級清湯牛腩。先來了澳門豬扒包，跟一般的豬扒包差不多，麵包烘得很脆，豬扒配上生菜番茄沙律醬，不會出錯的配搭。之後來了清湯牛腩，招牌食物的確不錯，清湯湯底鮮甜，灑上大量芫茜葱，很香。牛腩鮮嫩爽囗，柔軟且不肥。蘿白入味且很淋，一口蘿白便是一口清甜，蘿白跟牛腩的份量亦足。澳門炒飯跟招牌干炒牛腩河一齊上枱，侍應向我們大力推介也不無道理。炒飯是蝦膏炒飯，蝦膏把飯炒得惹味香口，咸香十足但不過咸，另外，除了一般的蛋，火煺絲及菜絲外，還加上不少迷你軟殼蝦及魚乾，炒飯吃來也特別有風味。川醬干炒招牌牛腩河，跟一般干炒牛河最大不同是用了牛腩取代牛肉，牛腩炒過之後依然爽囗，河粉很薄，滑而爽口。加入川醬去炒，干炒出來的河粉帶點香辣，很惹味，香辣得來又不會太油，這個得獎炒河真好吃。

今晚收工後本來想簡簡單單食餐晚飯，所以就揀咗呢間茶餐廳，但坐低後發現茶餐廳竟然有打邊爐食，覺得幾吸引，於是我哋就試吓呢個打邊爐有四個唔同嘅煲，平時雞煲食得多，侍應話佢哋啲牛腩煲係用新鮮牛腩，一於就叫呢個我哋叫咗麻辣嘅BB辣，份量好多，一大煲！配菜都有好多，食到好飽牛腩炆到非常之入味同 “林”身，好正，個汁辣辣地非常惹味，好食呢碟肥牛係送嘅，都可以接受，如果再瘦多少少就好啦食左個牛腩煲之後就叫其他打邊爐料啦由於太肚餓，先叫咗一大碟野食先排骨好好食，估唔到食落去一啲都唔韌，好得！再encore排骨，豬頸肉都唔差幾好食牛腩煲個汁實在太香，所以叫左碟米線放入牛腩煲度煮，變成牛腩米線每人包2杯飲品

琴日同女朋友同兩個fd去食 出面招牌就話258蚊兩位雞煲放題 見到好似幾平就入去食啦 點知坐低 個店員一開口就知伏左 ：吾該你地要咩野飲? 以為服務咁好拎埋野飲比我地 咁我就話要可樂 點知佢就講:無可樂喎 我就心諗你出面咁大隻字寫放題 入到嚟話無可樂 真心呆左 咁就話要雪碧啦 佢就同我講:汽水要另外加錢 要21蚊 。我地四條友都同時呆左 個啊姐仲要興致勃勃咁 真心頂你吾順 好啦 到食物方面啦 入左去坐成15分鐘先出左煲雞 我地中間催佢個時 佢就話:廚房得一個師父 多客人 要等等 但明明間鋪除左我地依檯 都係得三四檯人客 加埋都係7-8個人 ok 咁都算 諗住食雞啦 點知一打開真係o左煲雞就得幾舊啦 但啲菜就多到呢 仲要啲雞都未熟 咁你係廚房入面搞成十幾分鐘係為左啲乜 出到嚟仲要吾熟嘅 之後我地係坐個時落左啲丸啦 食完煲雞 都仲未嚟 咁就食啲牛肉啦 放題但牛肉得兩碟 仲要其他可以嗌嘅野好少 最重要 得一個鐘時間 啲野又慢 食得少少就同我地講夠鐘 食物質素又吾好 真心好伏

平時出街簡單打邊爐得幾款湯底可以選擇，大部分都無咩特別，想要好些的湯底通常價位高，想不到這間食店有靚湯底，真材實料，價錢平$268兩位包兩杯飲品加任食，非常驚喜。湯底不得了，店員好好招呼推介我們醉雞窩，湯底本身已有很多材料，金菇蔥雲耳三色椒等等，味道好香濃酒味和藥材味，到吃完酒味仍然很濃郁，可以當湯水喝，建議大家打邊爐前必試湯水。雞件另外上，份量好多，有一隻雞，雞肉嫰滑，非常入味。另外點了豬膶，爽口彈牙，煮很久都不會變口感，用料好好。另外最喜歡蘿蔔，薄切快熟又易入味，湯底高質會令食材升級。

係觀塘工作左咁耐，公司附近既茶餐廳已經俾我差唔多食勻哂啦，每次一到lunch諗食咩都諗到我頭都大埋今日咁岩要拎野去牛頭角果邊，誤打誤撞入左間茶餐廳，佢吸引我既地方係門口貼左好多明星既合照連明星都黎食，相信都一定有返咁上下店內貼左呢張poster, 個價錢都幾吸引喎可以搵日放工黎食其實呢間茶餐廳既野食款式超多，我睇左好耐都未決定到食咩好彩服務員叫我睇左咁耐都仲未落單，佢好主動咁過黎同我介紹下川醬炒飯原來呢碟炒飯好有名堂的，係得獎菜式黎架辣度可以根據自己口味而要求炒到粒粒飯，超好味，麻辣味更能刺激味蕾，有越食越想食的感覺酸菜魚魚塊夠大件，不過食既時候都要小心，會有少少骨！味道唔會太酸又唔會太咸用黎送飯就最正底下有啲粉絲吸哂啲汁，超好味奶茶紅豆冰平時我唔飲冰飲的，不過服務員好熱情咁推介奶茶，咁就試試啦奶茶茶味好香濃奶同茶好溶合成一體，總之同平時茶餐廳飲的好唔同，唔知點樣形容相信係茶同奶撞出黎既味道，而不是沖的