瀛風 (良景廣場) (已結業)

呢間係街市開咗好耐，都幫襯咗幾年，屋企人好中意食，基本上每個星期嘅星期六/日都總會有一餐係食佢。係附近黎講，除咗爭鮮同商場入面嘅八戶，基本上佢都真係算幾好，野食抵食，性價比相對高，咁耐可來一直幫襯都無野係最近呢兩次，有位上咗年紀嘅人士，兩次都大呼大喝，同佢講號碼拎外賣，大喝“等等啦，得唔得啊！“果種嘅喝係嗌到全場都聽到，然後等佢，等到佢叫拎嘅一刻，居然仲要不斷俾佢小，又話搞佢啲野，又話整亂啲野，叫完號碼又無講拎邊袋，咁人地點會知，咁一定係望下個號碼睇下自己拎得啱唔啱啦，睇一睇又大喝“搞亂曬啲野” 雖然都明可能星期六日夜晚多單，個人會燥啲，但未至於咁樣呼喝掛。以前買咁耐都未試過係咁，近排兩次都係咁，真係有啲失望

相信呢間店已經深受一班屋邨街坊歡迎，但對事唔對人，先講食物。我點嘅係火炙三文魚飯，三文魚有6塊，合理。但塊塊都得紙皮咁簿，壽司飯調較味道同口感都好一般，但份量還可。再講態度，打算同收銀開始落單，之後佢就係到聽電話，完全無意識有人等緊點餐，而且亦無示意唔好意思，輕描淡寫繼續傾。落單個陣，我先講一個豚肉泡菜烏冬，再加個軟殼蟹手卷，唔需要野飲。佢出張單竟然出左芝士軟殼蟹卷，收多我30幾蚊。我話唔好意思我係要軟殼蟹唔係芝士軟殼蟹，佢竟然話聽到有芝士兩個字。拜託，屋邨生意都係生意，一個該有嘅態度係好基本，食物質素我都希望你地對得住個價錢。

呢間位於良景街市嘅壽司外賣店，我哋屋企人成日都幫襯😆😆如果唔想企喺佢嗰度等嘅話都可以打俾佢哋，或者WhatsApp咗佢哋叫咗先再落去俾錢就可以即刻拎😉😉😉佢有幾樣必食嘅推介，一係灸燒蟹柳 灸燒帆立貝 灸燒牛油赤海蝦 炸蝦卷 蟹籽沙律壽司船都非常之好味😘😘😘不過今日嗰嚿三文魚腩壽司個部位就唔係咁靚🥹🥲但總括嚟講都係CP值好高 服務態度良好 如果唔想去咁遠 做街坊生意嘅話，我認為呢一間壽司店都好值得叫😇💗

今日去咗探朋友,上去前去咗良景市集買咗幾嗰日式便當上去開餐。見瀛風餐牌選擇多,有刺身、壽司、手卷、丼飯、烏冬等,而且丼飯和烏冬仲送飲品,每款價錢約$50-$60,都幾抵食。四色丼有新鮮三文魚、彈牙甜蝦、油脂豐富油甘魚、粒粒鮮味蟹籽,咁多款刺身撈飯食就最啱咖哩吉列豬扒烏冬塊豬扒炸得香脆,豬扒內裹仍有肉汁,加埋香濃咖哩汁撈埋煙韌有咬口烏冬,非常美味滑蛋雞扒丼雞扒非常juicy 又大件,滑蛋份量也超多,蛋汁滲到每飯粒,濕潤之外蛋味濃,口感唔錯飲品方面叫咗青蘋果荔枝綠茶、菠蘿草莓綠茶、薄荷荔枝綠茶,三杯都是大大杯,甜甜地,加上凍冰冰,清涼又解渴

炙燒三文魚丼呢個飯真係好好味！欣賞佢啲三文魚好肥美！整好之後即使app送過嚟都仍然有溫度！欣賞佢成個飯擺得好靚，而且仲有甜豉油同埋Wasabi！加落去食啱啱好，飯嘅份量唔會好多，都係適中！可以享受到一啖三文魚一啖飯呢個黃金比例真係冇得輸。三文魚刺身由於真係好鍾意食三文魚刺身，所以買咗盒大嘅再加多個少嘅！不過食落覺得三文魚刺身就一般，唔係太鮮甜。雞軟骨餃子雞軟骨餃子可能因為外賣嘅關係送到黎都林左，但係食落都係好味嘅！菠蘿士多啤梨綠茶呢個水果嘅組合好特別，飲落去都唔會太甜，而且仲有綠茶味！

我去良景街市買餸間中會去呢間買外賣，鍾意佢即整熱辣辣，攞到返屋企（要15分鐘）都仲係熱👍🏼之前叫過鰻魚滑蛋飯，味道正常但份量不足食完唔飽😅。夏日炎炎，唔想食得太油膩，又想食啲肉，叫左泡菜豚肉飯，有肉有菜酸酸辣辣感覺開胃😂。意想不到今次呢個飯份量十足，泡菜豚肉都多👍🏼泡菜唔辣，豚肉則較硬身，比較厚。跟餐送一杯飲品。我揀熱柚子茶，好少柚子似飲白開水🙈😆

今日午餐就入咗去良景街市嘅日式餐廳買咗個咖喱飯。-1.咖喱豬扒拼炸蝦咖喱飯首先炸蝦都有2-3條，炸粉嘅份量都唔會太厚，個蝦嘅size雖然就比較細，但係蝦係彈牙，唔會軟林林，沒有咬口，而且配搭埋啲洋蔥，油膩感就會冇咁大，其次就係豬排，都有4-5塊，食落去都幾嫩，唔會太韌同埋太鞋，飯就普通泰國米，但係飯都係粒粒分明，包住咖喱汁，好香日式咖喱味。-2.青蘋果荔枝綠茶首先佢個賣相都幾靚，杯嘢飲係陽光之下係螢光色，不過就有少少死甜，建議可以叫佢少甜，不過就好香荔枝玉露味，青蘋果就唔算太突出，茶底就唔算太突出，不過不失。

夜麻麻想食壽司飯，屋企樓下就有啦，超方便，小店位於良景市集入面，開到凌晨十二時都可以食壽司/刺身/煮物/手卷等等，仲要價錢平民價錢，性價比高連埋野飲都係$62，超抵呀⋯⋯入面仲有勁多材料每一啖都有滿滿既魚生有三文魚/吞拿魚/玉子/帶子/蟹籽/青瓜粒分量又十分充足食落十分過癮等待時間大約十分鐘左右，依家佢哋買滿$60仲有抽獎活動添個餐牌仲有好多其他野食，壽司呀手卷呀仲有其他野食，又經濟又實惠，半夜三更想食宵夜最佳的選擇

🌸 評分(5分為最高):好味指數:❤️❤️❤️❤️🖤抵食指數:❤️❤️❤️❤️🖤回購指數:❤️❤️❤️❤️🖤_<#火炙三文魚丼 >質素好參差真係好睇邊個師傅做有時會熟得過熟有時會燒得剛剛好炙燒三文魚上有甜甜地既沙津醫三文魚既油脂滲入壽司飯中令人好開胃🤤但份量略嫌太少😕.🗺地點 :#屯門#良景市集#瀛風💰價格 : $55

呢到係每一日晚都會經過....這間是我在良景邨食過最好味壽司...每一次都不同壽司...刺身壽司每一樣野都很新鮮...特別推介軟殼蟹手卷都好好味....價錢唔係貴...

瀛風，之前經過良景有嚟過街市，記得有間食日本野。今日喺附近又嚟買外賣返屋企🍣🍛平日夜晚真係幾多人嚟買外賣返屋企食，平民價錢質素高！今次試吓佢哋嘅刺身丼，刺身算幾新鮮，好有驚喜，隻蝦非常鮮甜🦐🦐🦐另外叫咗滑蛋吉列雞扒飯，滑蛋冇熟透，撈埋飯食超級好食，雞扒又幾滑。佢哋話屯門區叫滿300就送貨，不過要預早幾小時。下次想食壽司或者屋企有gathering，可以考慮吓嗌佢哋既野食返屋企😋😋😋

呢間算係我經常回頭食既日本菜呀，疫情的時節，只有吃才可令心情好🤪🤪一盤款式多樣的壽司拼盤，誰不喜歡❤️之前係藍田做咗會員，今次嚟到屯門瀛風買嘢食都可以有9折，好優惠呀👍店肉有壽司、刺身、手卷，仲有丼飯，鰻魚飯、滑蛋豬扒飯，每次都會食軟殼蟹手卷，好正！今次見壽司拼盤款式好多，一於嗌咗兩個派對壽司拼盤😍 蒲燒海鰻，三文魚，吞拿魚，小帆立貝，刺身蝦，玉子燒，赤貝，烤三文魚腩，甜蝦，蟹風味捧，蟹籽等等🤪🤪我最鍾意就係玉子燒壽司，勁大塊勁厚身嘅玉子燒真係好足料🤪三文魚腩好新鮮😙帆立貝壽司都好厚身，好鮮甜😍最後忍唔住再嗌左盒玉子小壽司，細細粒一啖擺落口，真係勁好食呀啲玉子😙呢間小店質素保持得好好，服務態度又好🥳🥳最後要介紹番呢支飲品，好有日本感覺超正👀

假期去左朋友度，晚飯落左樓下買外賣，想食下日本野就揀左黎瀛風，貪佢多野揀價錢又親民。攤檔細細但人手十足，見伙計密密手包壽司同沖野飲，好忙呀。等左大概廿十分鐘左右就有得拎了，唔想等太耐可預早打電話落單㗎。要左一份卷物盛B，fing下fing下咁拎返屋企亂左添。第一排係炸蝦卷，香脆炸蝦加埋軟綿綿的日本米好食呀。第二排係軟殼蟹芝士卷，火炙過的芝士很香口。另外仲有三色小卷，青瓜卷，甜蛋卷同蟹柳卷，雖然外賣回去，但紫菜仲脆脆地喎。朋友鍾意三文魚又點左四件呢個火炙三文魚壽司，燒過嘅三文魚迫哂啲魚油出黎，好甘香好正。非常大方比左好多豉油同wasabi。價錢親民的外賣店。

今日入屯門做野的好處，係可以係屯門搵食🤣🤣🤣， 唔洗我多講大家都知良景市集幾多野掃架啦！今次我受命於老豆，佢話想食日式牛肉飯果d, 咁我就去左瀛風買👍🏻叫左牛肉丼仲送野飲，菠蘿草莓綠茶，咁樣樣 52蚊， 呢到的牛肉煮的入味，飯量都大， 中間有隻溫泉蛋， 拌飯好味。我和媽咪就鍾情壽司的，所以叫左 派對 A 110蚊和雜錦刺身丼 跟杯青蘋果荔枝綠茶58蚊，呢d價錢食日式野係邊到搵呀！派對A 壽司款式幾多每件都新鮮，最緊要即叫即做，唔係一野做哂預先包裝的，我喜歡呢一點。因為預先包好d壽司飯凍冰冰雪到硬邊好食架， 反而呢到你會食滋味的壽司飯。絕對要讚美個雜錦刺身丼，平到咁都可以咁足料，我同媽咪 share 食一人都一大碗，蟹籽落得好重手架,其他刺身粒都多。呢間絕對要回頭，來近聖誕節來叫d返去食正到爆。

又去左良景食野，上次就食左間由美樂轉戰良景既小店 #由美樂轉戰良景既米線 ，今次不如食下日本野！？Cuisine: Japanese TakeawaysPrice: Around $100 per personAmbiance: Street Market Neighborhood mallFeatured Food: Sashimi Don茶餐時間到來，食坊人流依然不斷，相信是疫情持續的關係，坐位都收起，化身外賣店，經翻新的街坊食街，環境總算整潔。北海丼 ($92) + 三文魚刺身 (+$20)賣相本身已經幾吸引，第一眼望都已經覺得大大份，魚生都算多，未算十分新鮮，但也沒有冰冷雪藏的感覺，拖羅和三文魚都有好幾片；甜蝦刺身有融在口中的感覺；扇貝都尚算嫩滑，以這價位而言算是幾好。加$20會有大大份三文魚刺身，另外配有黑糖薑蜜，冬日暖身一流。