瀛風 (良景廣場) (已結業)

炙燒三文魚丼呢個飯真係好好味！欣賞佢啲三文魚好肥美！整好之後即使app送過嚟都仍然有溫度！欣賞佢成個飯擺得好靚，而且仲有甜豉油同埋Wasabi！加落去食啱啱好，飯嘅份量唔會好多，都係適中！可以享受到一啖三文魚一啖飯呢個黃金比例真係冇得輸。三文魚刺身由於真係好鍾意食三文魚刺身，所以買咗盒大嘅再加多個少嘅！不過食落覺得三文魚刺身就一般，唔係太鮮甜。雞軟骨餃子雞軟骨餃子可能因為外賣嘅關係送到黎都林左，但係食落都係好味嘅！菠蘿士多啤梨綠茶呢個水果嘅組合好特別，飲落去都唔會太甜，而且仲有綠茶味！