灣景廳

已經有多年無再嚟食過，今次係老友宴客，揀咗呢度「蠔．燕」盛薈自助晚餐，一行八人坐圓枱，傾計好方便。首先食少少熱食，人參雞湯、片皮鴨、燕窩竹笙露筍撻、海皇燕窩翠塘蛋、豉椒炒蜆，樣樣都好味！每位奉送嘅特式生蠔，試完之後，就好自然同任食嗰啲比下去...法國生蠔(配青檸) - 肉質肥美結實日本室津生蠔 - 肉質肥厚，蠔味較淡，嫩滑丶清新口感，蠔鮮甜味鵝肝多士 - 必食！目測每件鵝肝約有1cm厚，廚師無間斷即煎即上碟，外脆內軟，味道濃厚，多士輕輕減咗啲油膩感，食完一件又一件！美國、新西蘭生蠔 - 新鮮丶品質好，不停refill；加拿大雪花蟹腳、東風螺，夠鮮味MÕVENPICK雪糕 - 雪糕、雪葩共有8款口味，係由侍應幫忙𢳂嘅，感覺會衞生啲～咖啡、茶、檸水都係自助任飲嘅，另外每位送一杯白酒。法式香橙薄餅配血橙雪葩 - 晚上8點起開始供應，廚師即場用橙汁、橙酒、橙皮煮汁煎薄餅，配上血橙雪葩 ，自己再試埋偏酸嘅青檸雪葩，酸中帶甜，味道非常夾。

新年頭梗係約好友出嚟聚聚啦，好友話不如去食buffet啦， 大把時間慢慢談。 老友安排依間酒店食lunch buffet 話用一個飲食apps訂位係有75折，好抵喎。好多年前食過灣景廳都覺得唔錯嘅，今次再嚟食下啦 ，友人預先已經book咗近窗口位，清清靜靜地傾餐飽，枱與枱之間都好闊落，又舒服。食物種類都算多， 冷盤區有我至爱嘅蝦、青口、蜆同螺肉。 青口好大隻，蝦都彈牙，蜆肉鮮甜，不錯呀。魚生區有三文魚同埋鯛魚刺身，都好厚身鮮甜， 壽司都唔錯呀， 覺得好新鮮囉。熟食區都不過不失， 樣樣都好食。最後梗係要留肚食我至愛嘅甜品啦， 甜品種類都算多，樣樣甜品都好味，尤其是最令我驚喜嘅係葡撻 同雲石芝士蛋糕，味道好细緻，芝士味濃郁。同好友痛快地吃了一餐！

之前媽媽同班姊妹去食過，話幾抵食又多款，所以今日去完教會我們一行五人一齊下午茶自助餐作冬至飯在金鐘及灣仔交界，地方環境都不錯，明亮光猛的感覺，乾淨舒適！前菜：新鮮沙律、時令水果（菠蘿、西瓜、哈密瓜、火龍果）、多款芝士拼盤、火腿、壽司、刺身等熱食：西冷牛扒（硬身）、燒腸仔、燒番茄、羊腩（入味又軟腍）、吉列豬扒（硬身乾了點）、京都豬扒（入味又香又軟）、雞扒（滑又好味）、珍珠雞、魚肉燒賣、即點即煮粉麵（咖哩魚蛋、蘿蔔、豬紅）等等最喜歡入味豬腳薑同京都豬扒甜品區：朱古力噴泉（餅、糖）、蛋糕、豆腐花、薑汁紅棗糕、自制pancake，M字雪糕

每年酒店聖誕自助餐都非常搶手，所以今次就和家人到灣景國際灣景廳食buffet 提前慶祝，於11 - 1月期間的自助晚餐換上「鮑魚．海參．花膠」主題，細味珍饈美饌共迎佳節。餐廳環境寬敞，座位排得鬆動，充滿空間感，店員態度親切友善，勤快收碟執拾，坐得舒服自在，食物refill 速度亦夠快。不論酒店大堂或是餐廳，聖誕佈置都隨處可見，令節日氣氛更添濃厚，而且臨近聖誕，當日亦全場滿座，有很多枱都是扶老攜幼，一邊吃大餐一邊樂聚天倫。聖誕節要吃頓豐盛大餐慰勞自己，自助餐勝在花款多，同枱食飯也可各自「修行」，大堆頭的海鮮吧可以回本之餘又可食盡海上鮮。全晚冰鎮海鮮源源不絕地供應，款式有加拿大雪花蟹腳、新西蘭生蠔、鮮蝦、鮮蜆、藍青口及東風螺等。生蠔肉身非常肥美，肉質厚實爽滑，海水味濃烈，蠔味留在口腔久久不散。我自己就最喜歡碩大肥美的蟹腳，肉質新鮮，爽彈蟹肉雪白細膩，鎖住原始鮮甜海味。魚生刺身夠鮮美，款式多達8種，包括三文魚、八爪魚、鯛魚、北海道帶子、希靈魚、甜蝦、北寄貝及油甘魚。鮑魚松茸瑤柱燉水鴨湯每位只限1客的燉湯真材實料，精選原隻南非鮑魚、瑤柱、新鮮水鴨件、以及具藥膳養生功效的乾松茸片，加入預先用雞及

年尾埋數，忙到飛起！為奬勵自己，便約老公食Buffet。做完資料搜集，決定揀灣景廳的「鮑魚．海參．花膠」自助晚餐，因透過網上預訂可免加一，仲送紅酒1杯，3百幾蚊，好抵食！鮑魚松茸瑤柱燉水鴨湯 (每位1客)踏入秋冬，天氣特別乾燥，最好飲一碗滋潤身心的靚湯。這個燉湯十分足料，有精選原隻南非鮑魚、瑤柱、水鴨及具養生功效的乾松茸片，入口清澈、鮮甜美味。冰鎮海鮮 x各式刺身開餐前，當然要食海鮮及刺身啦！每次來食buffet都起碼要食半打生蠔、肥美的三文魚及北海道帶子才滿足。花膠豬耳凍千層滋陰養顏的花膠，配合爽脆的豬耳，製作成8-10層的啫喱凍，加配刺激惹味的麻辣汁，爽口味美。香煎鴨肝 (必食)多年來喜歡食鴨肝/鵝肝，今次又怎少得！這裡的鴨肝煎得香噴噴，厚身有口感，很有水準！脆炸海參百花丸外層脆卜卜，彈牙的蝦膠內藏綿軟的海參，口感層次豐富，沾點甜酸汁，味道更突出。花膠海參炆豬蹄筋 (必食)天氣乾燥，要保持水潤緊緻美肌，滋補好重要，我極力推薦花膠海參炆豬蹄筋，炆得入味、花膠厚身腍滑，愛美必食！鮑魚虎蝦天使麵 x砂窩花膠雲吞雞美食一浪接一浪，接著就食有大大隻虎蝦的天使麵，但略嫌鮑魚切得太幼；而經典上海

食物種類都算可以、現場環境清潔又衛生！當日使用指定銀行卡有8折優惠！但有些食種如沙律已被客人食空了、很久還未添加和一些用具如大碗已用完，還未加上！當日中午已不算多人。今次的感覺總括是不錯。

中環、金鐘、灣仔上班一簇有福了, 即日到2019年12月10日出示上述地方的工作卡片,可以用優惠HKD158 (已包加一)享用灣景廳自助午餐。性價比來講激抵，當日食物有刺身價(三文魚, 鯛魚)以及壽司;凍海鮮(兩款青口, 凍蝦, 凍沙白); 熱盤 選擇不算多, 有牛扒, 豬腳薑, 金沙骨, 時蔬, 意粉….等 等) 沙律吧和甜品都吾錯, 尤其即整窩夫餅夾雪糕, 飲品又任添。 整體食物質素滿意，服務員收碟速度好快, 值得讚的。快些約地中環、金鐘、灣仔上班的朋友去食返個自助餐!

剛好朋友介紹話只要出示中環、金鐘、灣仔公司地址之名片，即可以優惠價HKD 158 (已包加一服務費）享用自助午餐🍴，見個價錢咁抵，就搞一次公司聚餐😆當日係星期五，座無虛席，可以由12:00 食到14:30。海鮮方面： 總共有四款，大蝦 🦐都幾爽彈新鮮、沙白都算清甜、青口偏細仔無咩味、藍青口好大隻鮮甜，可惜有沙。刺身得鯛魚同三文魚🍣😆三文魚🍣好薄🔪、不過味道過得去，吾會話好新鮮。sushi 得幾款，比較乾食。熱葷方面：選擇都算多，大推既士多啤梨🍓骨🐖、酸酸甜甜，豬骨部分骨肉容易分離，咬落焾身。有我最愛既八珍甜醋姜醋蛋，豬骨完全不吝嗇，食多點補補骨膠原😍，另外都有基本炒麵炒飯和車仔面檔仔，因為太飽要留肚食甜點🍮。甜品🍮方面：蛋糕🎂種類繁多，幕絲蛋糕🍰係主打，另外有即製pancake 🥞可自行加雪糕🍦，仲有媲美KFC既迷你葡撻，不錯。總結： 咁既食物對得住咁既價錢食物方面都係中上水準值得ENCORE

11月,好多酒店既自助餐都轉了新主題我今次就介紹灣仔區既其中一間呢間平日晚餐低至$378！好多人一家大細都黎食！一致都話抵食!最緊要係大人細路都岩食!灣景廳　灣景國際酒店1樓呢度平日都坐滿場，記得要網上預訂! 先講冷盤海鮮類有青口,螺,蜆,蝦主角當然係 冰鎮加拿大雪花蟹腳新西蘭生蠔永遠大排長龍！$400以下好少包埋生蠔任食聽講最多有人一次食５０隻! 壽司刺身有三文魚壽司,蝦,卷物,豆皮壽司壽式不算多,但味道賣相也不錯！ 北海道帶子,三文魚,鯛魚八魚,希靈魚,甜蝦等刺身供應！爆食無難度!食到佢爆廠！刺身色澤都夠油光，鮮度都合格架!有幾款時令沙律,冷盤凍肉！花膠豬耳凍千層鮑魚海蜇青瓜沙律 精選熱葷煎羊架，煎鴨肝，煎蔬菜,豬腳薑!鴨肝爆油夠曬香味,羊架煎得夠香口花膠瑤柱扒菜苗 豉汁炒青口花膠海參炆豬蹄筋香草蒜香烤羊肩紅酒燴牛頰肉 鮑魚虎蝦天使麵, 炸豚肉扒鮑魚海參海鮮炒飯 呢道食過唔錯,炒飯夠爽口加上鮑魚海參既醬汁拌埋一起食！似福建炒飯食法! 香煎鯛魚柳配刁草汁番茄汁煮青口大蝦脆炸海參百花丸炸得好脆口又彈牙! 熱食有燒牛肉,煎肉腸片皮鴨,蒸魚 砂窩花膠雲吞雞以濃湯加鮮雞,豬骨等食材製作而成雞

是晚一行四人，網上訂位連加一，都係四百蚊有找，食物選擇都唔少，長腳蟹，生蠔，煎鴨肝都有，先食冷盤，冷盤有麵包蟹，蝦，青口，蜆，生蠔，同埋長腳蟹，生蠔唔錯，新鮮，都唔算太細隻，有海水味，長腳蟹就咸左些少，另外每人奉奉送焗蟹蓋，味道比較濃，就咁食略嫌有d膩，如果伴以麵包食就一流，熱食煎羊架唔錯，另外亦有片皮鴨，7點半就有煎鴨肝多士，雖然燶左少少，做唔到入口即溶，但味道唔錯，是晚主題係龍蝦同蟹，龍蝦意大利飯非常好食，但其他龍蝦伊麵，龍蝦肉就唔多，蟹肉粉絲煲，亦唔太多蟹，不過粉絲味道就唔錯，反而是晚主題食物就唔算太突出，另外刺身有三文魚，帶子，甜蝦，八爪魚，都唔錯，熱食選擇唔算太多，但味道還可，飲品亦有可樂，燈汁，咖啡，檸檬茶自助，甜品款式都唔少，除左西式蛋糕，麵包布甸亦有西米露，紅豆糕，朱古力噴泉，有馬仔，木糠布甸，葡撻仔，晚上8點亦有紫薯煎餅配movenpick海鹽雪糕，而movenpick雪糕亦有多款選擇。以晚餐buffet黎講，算非常抵食，staff收碟快，亦算有禮，值得encore。

酒店大堂被木板圍封，起初感覺是否會「中伏」但可以話比大家知，食物熱葷選擇幾多.. 魚有龍躉，盧魚，白汁青口，蜆，龍蝦燴伊麵，蚧多士，波菜，牛仔骨，片皮鴨，燒羊扒，鴨肝.. 燒牛肉...凍食：蝦，麵包蚧，青口，新鮮開好左生蠔..刺身見圖，飲品任飲。 雪糕🍦甜品種類唔多，對我不喜甜品沒有再去留意。整體是 80分

好耐無食過自助餐，朋友誠意邀請，就book左佢地試一試整體食物算多，味道唔錯生蠔新鮮，但過份清洗沖走曬海水味道，佢每轉出8隻，保持新鮮羊架非常出色，容易咬，肉夠淋，我都食左2件鵝肝新鮮，軟滑另有其他熟食，因為胃部位置有限，不能全部試曬埋單平均每人$400，算係抵食

不論每季的自助餐換上哪一款新主題，其實最受食客歡迎的永遠都是海鮮，灣景國際灣景廳於9-10月期間呈獻「龍蝦．蟹」 自助晚餐，以時令龍蝦及蟹演繹各式美饌佳餚，彰顯海中瑰寶殿堂級「味」力，讓我這個海鮮迷在剛過去的中秋節吃到捧腹離場！餐廳環境寬敞，座位排得鬆動，充滿空間感，店員態度親切友善，勤快收碟執拾，坐得舒服自在，食物refill 速度亦夠快。食buffet的十居其九都是衝著海鮮而去，這裡集合各種優質的冰鎮海鮮如麵包蟹、加拿大雪花蟹腳、新西蘭生蠔、鮮蜆、鮮蝦及新西蘭青口等。麵包蟹內儲滿豐富的蟹膏，甘香軟滑，封存海中鮮味。蟹腳碩大肥美，肉質新鮮，爽彈蟹肉雪白細膩，鎖住原始鮮甜海味。生蠔肉身非常肥美，肉質厚實爽滑，海水味濃烈，蠔味留在口腔久久不散。魚生刺身夠鮮美，肉質油潤而軟滑，帶出鮮甜的魚味。牛肝菌龍蝦芝士焗蟹蓋想吃蟹但又不想拆蟹，釀蟹蓋可以說是懶人之選，表面舖滿厚厚的芝士，可以造出拉絲效果，每位只限1客。裡面裹滿用洋蔥、蘑菇、牛肝菌及忌廉汁炒香即拆的阿拉斯加蟹肉、加菲蟹肉、花蟹肉及波士頓龍蝦肉，「芝」味與鮮味同時滿瀉。龍蝦清湯啫喱以金箔點綴於晶瑩剔透的啫喱上，造型矜貴，由上湯雪製而成的啫