灣景餐廳

營業中

休息中

形式好像商場的food court，但價錢就十分昂貴，售賣形式是先取食物後付款，我們六人取了墨西哥雞飯、鮮茄肉片意粉、日式叉燒湯麵、沙律和忌廉湯，找數要$300，真係狼過華秀狗，質素方面就犯了唔夠熱的大忌，就算是即煮的湯麵也是冷冷的，而味道屬一般，只是價錢帶結人驚喜，四個字去形容「貴夾唔飽」，食完還覺得肚空空唔夠飽，但環境不俗，炎炎夏天是避暑好勝地，但衰在當人羊牯咁劏，下次一定去食番麥記算數。

以前同屋企人去親海洋公園唔係食快餐就食M記，又貴又唔好食，第一次同男友去，就選擇左呢間餐廳，一來舒服，唔駛同人迫，二來景觀一流，我坐窗邊位，睇哂成個海....一入到間餐廳，有個我估係帶位o既姐姐企係門口，但佢見到我地又冇問幾位，完全冇諗過招呼我地，咁我地唯有自己入去搵位啦~~ 入得黎就梗係坐窗邊位，我地行到最入，睇到海景，又睇到d吊車，唔錯........買野食係美食廣場方式，即入閘後先取食物，拎哂你要買o既食物之後，去到出閘位比錢，食物種類唔多，而且唔係樣樣都有標價，要到比錢先知......西瓜汁：OK啦，唔係好水，有西瓜味雞扒拉面：雞扒尚算可以，但D拉面唔得，好勁鹼水味，出前一丁果個豬骨湯仲好味過佢鮮什果：有菠蘿(夠甜)、藍苺(好酸)、士多啤梨(好酸)、西瓜(有沙，好甜)、火龍果(好甜)......** 環境一流(靚)、價錢一流(貴)、服務二流(冇服務)、食物二流(我煮仲好食) **

排完水母館成粒鐘真係累到不得了, 想坐纜車又排長龍, 見到呢間野就入去坐下休息先, 估唔到入面有個水母魚缸, 無咩人就坐左係水母魚缸隔離張出去諗住買d野食, 點知樣樣野都唔係好對胃口, 之後買了支果汁飲算, $20支就可以同水母排排坐, 抵

我同朋友食左生果盒、西米甜品、煙三文魚、雞排飯等，論野食就一般，但個雞飯算唔錯的了，不過ｄ野飲就好貴ｌｏｒ，但個境就值１００分，感覺好好ｆｅｅｌ。

第一次去海洋公園唔吃M記..食物選擇唔多..很多都辣..不過個view 真係值!! 180度海景..而且全年証有折都算抵食..今次吃了青咖哩雞飯- 微辣.. 咖哩雞好好味!! 喇沙- 一般.. 唔太好味3文魚冷面- OK!! 唯一唔辣的海踅- 超辣.. 友人受得辣都頂唔順支fresh juice 有點假友人的perrier 莓味水就好味!!出面買都十幾呢度都係廿蚊比迪士尼抵得多!!好奇怪地方係呢度有帶位但係買野食係自助形式.. 都唔知算唔算有service..