灣景餐廳

營業中

休息中

去海洋公園食嘢貴我就有晒心理準備，但食物質素差就大大不能原諒！我點了炸魚薯條連雪糕，另外加烏龍茶。炸魚柳超頂級唔得，可與石頭比拼，硬過我條命。我相信炸起了好耐，所以唔夠熱，而且要長時間放得耐，所以炸到死實死實，唔怕擺到淋。烏龍茶 $36，貴唔貴就見仁見智，渴到死你會唔會唔買黎飲先？雪糕其實 ok, 但問題係我食完個炸魚柳薯條啲雪糕都已經溶晒，甘我係咪應該當飲品黎飲呢？炸魚柳盛惠 $185, 如果食品正常我覺得可接受，但是次出品之差真令人非常非常失望。

幾年前去海洋公園，去海洋冰室，$100多啲，在大熱天時，這個價錢，食物亦不太差，算不錯的選擇。但原來這店已關了約兩年😔今日再去，冇了這店的選擇，唯有揀灣景。一直諗，最貴應該大約$160啫！點知睇到餐牌，以為自己睇錯，台式牛肉麵加細杯雪糕要$17x，眼都突埋，但冇咩其他選擇的情況下，唯有留喺呢度食。而我選了咖喱雞飯，飯堂式派餐法，俾錢排超耐。咖喱夠辣，但雞全是雞胸，超‘鞋’，但太貴，唯有迫自己盡食😅有得揀，一定唔會嚟食😔

大年初三。赤口。不宜拜年。咁去邊度最好呢🤷🏽‍♀️我哋後生一輩又唔會去黃大仙/車公廟上香祈福，咁就不如入主題公園玩返一日啦。自從南港島線開通之後，都未試過搭地鐵直達海洋公園，就趁住今日唔拜年，試吓佢。可能大家都諗住初三赤口唔拜年所以入嚟玩，今日海洋公園超~多人！食嘢嘅地方，就算唔係lunch時候都好多人，我哋三點左右行到去「灣景餐廳」等左約半個鐘就有位（安排不錯，因為係㩒飛取位形式，而且有服務員帶位）不過，食物價格已經接近$200（一碟頹飯，沒有飲品，附送Haagen-Dazs雪糕）最慘嘅係，佢個飯係凍架😠連微温都談不上！（真心 - 我寫咗咁耐食評，第一次俾劣評，希望海洋公園賺錢之餘，都要檢討一下其食物質素！）

今日應海洋公園的邀請去玩，以便出blog介紹聖誕活動，由於活動只包門票，冇包餐飲券，所以應我老爸的要求到灣景餐廳享受午餐，其實上次到此餐廳已經係2012年生日那天的事，不過事隔幾年入去發現食物價錢貴咗差不多一倍@@昕昕跟我老爸食豬趴飯~~~我老媽跟我三妹食咖哩飯，老媽話d咖哩味精幾重~~~而我就清清地食河粉，感覺一般~~~每個餐包一細杯哈根大師雪糕，完全唔包飲品~~~今次最灰係冇餐飲優惠券，諗起4年前生日入來呢間餐廳都有生日折扣優惠，一個餐折實一百大元，兩個女仔食都ok，講真冇優惠入去食真係幾貴(>﹏<)反觀迪士尼樂園一個麵餐一百廿幾都有包飲品，如果不是老爸想食得舒服，我一定會選擇食平平地的小食檔飯盒~~~

香港海洋公园有几个主题的餐厅，湾景餐厅是其中的一个。因为我姑姐没去过海洋公园，年纪又大，既然来到我屋企，就带去老人家去海洋公园玩下啦，我都算乖女了！！！哈哈哈哈！天气虽然冻冻的，寒风呼呼地吹，但丝毫不影响游客嘅心情，我地两个上了年级嘅大妈级人马，面对一家大小嘅游客，来海洋公园玩嘅大多系大人带住小朋友过来的，突然觉得时光过得好快，作为未婚大龄青年过来抢细路仔嘅地方真系唔好意思我们跟一对母女拼桌，佢俩点左鸡扒饭同牛腩饭，我们就点了鸡扒饭同鱼扒饭鸡扒饭就系汁好味，但系肉远远不够佢地D汁嘅味道，真系差天共地，重要嘅系我们点了两个鸡扒饭，食到我地几个皱晒眉头鱼扒还是挺好吃的，对比鸡扒饭，我地推荐鱼扒多D牛腩饭也一般般不会有第二次！!!!!

這裡窗外望向深水灣，景觀一流。不過這裡是大陸旅行團飯堂，聽旅客講，旅行團派給他們餐劵來換午餐，所以過了中午12點後，餐廳被旅客擠得水洩不通，很嘈雜。評論下食物質素，一個泰式雙丸河+富貴雪糕$158，白汁三文魚飯+雪糕$178，酒店價錢大家樂質素。而樂園是帶給人歡樂的地方，但遺憾是人人苦口苦面，我們未食完飯就想收餐盤，催我們離開。

去海洋公園最苦惱就係食，又唔想同人迫，又唔想熱辣辣喺室外地方食，最重要價錢唔好太貴！喺旅行社買入場券時，見到有餐券賣，仲有幾間餐廳可以揀，只係每位$85，包一個主菜同一杯汽水！心諗又幾抵喎，仲可以打去book位，唔使排隊！當然價錢咁平，我地都唔會抱太大期望 預先book左位，要求坐window seat，真係good！對住海景有冷氣，一流！我地12:30去到，餐廳開始好多人，無book位嘅重要搭枱，而且一睇餐牌，平均消費$170一個餐 即時覺得自己買餐券好醒 講返食物： 豬軟骨飯本人不好豬肉，但男朋友話不過不失，可能我地都無抱太大期望，只求填飽個肚！ 咖喱雞飯配薄餅呢個係巴基斯坦咖哩，比較辣，啲雞好鞋，只有薯仔比較可取！薄餅我只係食左一啖，好硬，好乾，完全食唔到！好在有咖哩汁可以撈飯，否則應該食唔到！

2013年12月22日是本人生日，去海洋公園玩是免費入場。想來已經有廿多年無上去灣景餐廳。本人是在6時30分入去餐廳。冷清得很。記得前未有咁多主題餐廳，每每要等上一小時才可進場。高朋滿座的情景已不復再。 我選個咖哩菜加朱古力蛋糕配哈根打斯雪糕。全個餐廳是自助形式。唔係好多款可以供應。咖哩菜 168元朱古力蛋糕 40元哈根打斯雪糕 免費因本人入場時是會場送優惠票。我可以享有免費哈根打斯雪糕，但超細杯。我有生日八折優惠票，付款時只需166.4元。我選咗個近吊車風景位。近吊車出入口可以從窗外看到吊車。作為很久無上來這所餐廳，回味一番好值得。海洋公園歷史悠久，係好多港人集體回憶。值得推介。撰文 原少風

二月頭的一個星期天到自由人勝地- 海洋公園一遊, 沒有來已經好幾個年頭, 上次幾時來記唔起,今次比上次來比較當然係內地遊客滿眼皆是, 一定程度上比以前的已經算是有文化的一群,中午時份到餐廳那裡拿點吃的, 沒有選擇CAFÉ那間, 因為唔想座戶外, 於是乎落了樓下的一間叫”Bayview”的食堂式, 等位只是等了好一會,唔夠10分鐘, 入內可以座咗window seat目下是深水角,對面那邊則是淺水灣至南灣, 由於天氣尚算不錯, 即使價錢貴一點還是可以接受的, 說回食物, 我們只是每人一個碟頭飯,印度咖哩羊肉配簿餅/飯 – 首先簿餅當然係買返嚟嘅行貨, 只係一片澱粉餅,沒一點香脆口感, 咖哩汁是咖哩粉做出來的汁當然表演不出什麼複雜味道來, 羊肉只可以算是整個飯裏最似樣的食物, 另一個韓式牛肉飯 – 這個似樣好多, 汁味道以甜中帶點點的辣, 牛肉亦有點牛味, 各種蔬菜類亦剛好口感,兩個飯一正一負, 只能說是”平平”吧, 如果沒有window seat可能要給它一個”喊樣”了

9月11日, 呀比生日大大大快樂! 今日嘅主要行程就帶咗壽星仔去海浪公園去玩去癲~ 身處主打遊客生意嘅海浪公園當然不愁冇野食啦~ 唔同景區更有唔同主題嘅特色餐廳, 不論你係鍾意睇魚仔、睇熊貓、睇企鵝… 都總有一間適合你~ 不過我地兩個都大個喇~ 所以揀咗間睇風景嘅餐廳醫肚~::: 炸雞薯條 + 雪糕 ::: $138喺勻勻國際美食中揀咗美國代表炸雞薯條食~ 彷彿喺主題公園總要食下d小朋友野先啱口味! 不過炸雞薯條都係一早炸定, 所以都已經冇咁脆喇… 好彩擺咗咁耐都唔算好油~ 炸粉唔唔過厚, 同肯伯伯差唔多~ 咁嘅價錢真係算係咁架喇!::: 芒果拿破崙 :::托呀比嘅福, 壽星仔可憑生日coupon於購買主餐後免費換取蛋糕一件~ d蛋糕係一早整定放喺雪櫃入面等你羅, 所以都唔會expect有新鮮即整呢回事架喇… 不過呢個芒果拿破崙味道同質地都比預期中好! 雖然唔算好脆, 但係絕對唔淋~ 中間mousse忌廉甜度適中, 配以尚算新鮮嘅鮮果, 整體不過不失啦!其實海浪公園d餐廳都擺到明係搵遊客錢兼好睇唔好食架喇… 不過今次真係覺得比想像中好~ 環境座位光猛闊落, 加上半邊餐廳都裝上落地大玻璃

喺Ocean Park玩到下午4時許才覺肚餓, 在山上逛及玩完一圈(幸好玩得早, 因為4時半左右便3号波, 機動遊戲全停)就去到纜車站旁的灣景餐廳吃午餐餐廳以自助營式, 先排隊拿食物, 後付款。 與其叫做餐廳, 看來叫食堂canteen更為合適。 主菜都是$108一份, 沙律甜品小食都要$5X多, 但外貌上應是存放了很久韓式牛肋條飯$108...飯就似番蒸般的生骨質感, 粒粒飯是沒有黏性, 牛肋條是甜甜地的味道, 一碟有4大件腍身但帶根的牛肋條, 肉味香濃, 但千萬別擺放太久才吃, 因為會成膏 蔬菜望外貌都知道不甚新鮮奇異果汁$28, 當汽水、樽裝茶類飲品都是$28的同時, 估計選擇果汁是較抵 成份上寫明奇異果汁內含水及糖, 相反橙汁就只含鮮搾橙汁, Ocean Park自家品牌果汁都是香港製造。窗外景觀優美, 很多遊客就算不是在進膳, 也愛坐在窗旁休息, 談天。嚟得Ocean Park玩, 都預咗要洗錢(幸運地在路上拾到了1張餐劵)

男朋友生日，免費去海洋公園，而同行者亦只需半價即可入場玩＄140，有帶外攜食物，但因為太熱需要去抖涼休息和生日者有某些餐廳的優惠，所以去了＂灣景餐廳＂。餐廳是以自助的形式，好像food court ，不過食物起碼$110以上。本人認為食物基本上不是買點，因為味道真的很普通，有些更稱得上好難食，而唯一最有買點，最叫人Like的，是那大大塊玻璃大窗，望住外面無敵靚南區海景陪伴進餐。聽講是水母餐廳，而不知怎的，可能我們睇漏眼了吧，一隻水母也看不到！！ 燒雞蜜桃雜菜沙律（$50） 燒雞根本完全不曾燒過的，似白烚，難食。罐頭蜜桃，加上一些倒是挺新鮮的雜菜配沙律醬，開胃。 芒果拿破侖蛋糕（$30） 第一眼看根本不知這是拿破侖蛋糕，造型差，但味道更差，旁邊的雜果配飾也不新鮮，有點不知所謂的感覺。幸好生日者有優惠，光顧滿$50就送甜品，否則心痛錢包了。

新年快到, 先祝各位食家朋友們 開飯愉快, 日日有食神! 昨天同男友一齊去海洋公園玩, 在此餐廳用膳,算是今年最後一篇食評啦! 由於是假期, 所以不少遊人到海洋公園遊玩. 玩得盡興自然要吃飯, 而海洋公園有不少餐廳. 灣景餐廳最大賣點是無敵海景, 加纜車景, 店子的室內燈裝飾有點像珊瑚, 真討人喜歡. 我也認為坐在此餐廳用餐,即使吃最普通的食物, 也可以樂而忘憂. 該餐廳採半自助形式, 即人客要自取食物並付款. 我們到達時, 職員正忙於收取用過的餐盤, 但當我們要求一個職員為我們拍照, 她也沒有推卻, 服務還是教人滿意的. 一般人對灣景餐廳的感覺是價錢偏貴, 因為一碟咖哩飯加飲品索價一百三十八元, 一家大少用膳真的花費不少. 我們二人同行, 醒目地要了一個沙拉,一個鮮果沙律和 cheesecake, 花費不多, 卻享受了餐廳的環境和服務.食物:德國茨仔沙律: 推荐食品, 沙拉醬和配伴(乾肉碎) 美味, 茨仔軟硬適中,有一些葱拌碟, 男友讚好吃.二人分吃, 分量剛好鮮果沙律: 有蜜瓜 火龍果和西瓜,各種鮮果是新鮮的, 配搭算不錯了吧!cheesecake: 因為

從朋友口中得知，原來生日去Ocean Park 係免費。已經有十年以上無黎ocean park，佢地最緊又有新遊戲同水族館，於是就喺生日黎行吓。除咗免費之外，仲有餐飲同購物優惠，於餐廳用膳有8折。到咗灣景開餐，個view真係無敵，無敵大海景；但食物同服務都好一般。自助形式，雖然有服務員，但佢地都唔多會執枱同抹枱。我地兩個人，要咗咖哩雞飯($128)同紅酒炆牛肉飯($138)，兩個都跟haagen dazs細杯雪糕。咖哩雞飯有飯同薄餅，仲有好多雞，但就無薯仔。味道唔錯，唔辣；薄餅用夠牛油都整，所以好香。紅酒炆牛肉飯，牛肉粒較韌較鞋，但個醬汁唔錯，都真係食到有紅酒味。仲有蔬菜，係西蘭花同紅蘿蔔之類。環境雖好，但食物一般，而且偏貴，8折後都有$106/ person。

生日諗住同阿爸一齊去睇大熊貓原本想去海龍王餐廳食晏or下午茶, 但時間match唔到唔知响邊度睇到有介紹話尼間Bayview入面有jellyfish睇, 咁咪揀咗尼間law但入到去搵極都搵唔到jellyfish.... 但終於等到位, 外面又開始有風有雨, 阿爸又tired, 咁咪坐低囉去到food court, 可能係星期一, 果日真係冇嘜野揀, 之前見到有食評話既金沙骨都無...阿爸唯有揀咗紅酒燴牛尾+haagen-dazs(set)我之前一日腸胃炎肚痾, 所以當日冇嘜胃口, 所以決定同佢share但....生日coupon要夠$200先有折所以我就要多杯coffee同蕃茄忌廉湯, 咁就啱啱好 $201 碟牛尾飯真係冇嘜野好講, 好彩D牛仲咬得落口... 蕃茄忌廉湯太酸喇haagen-dazs 因腸胃唔好都只敢食幾啖...不過阿爸話, 原來廿幾年前我哋一家嚟玩都係响尼間食既, D裝修都竟然冇嘜大變....我就真係冇嘜印象喇, 但心諗, 又係尼間?? 早知揀第二間喇