火山燒 (已結業)

第一次食哩間火山燒，覺得幾新鮮幾過癮！之前睇食評，感覺一般般，本身冇乜期待，朋友話想食就去啦。坐低覺得環境唔錯，牆上啲畫幾靚。四個人去，安排左坐卡位，用一個細細地嘅爐。唔好睇佢爐仔細細，又幾夠力燒得幾爽！食物方面都唔錯，牛柳粒牛肩肉牛仔肉叉燒粒都幾正，食左唔少～食肉獸！！！特別推介燒雞皮！本身叫黎玩下無諗住會好食，估唔到燒完又唔肥喎，仲好脆口，加少少鹽已經好好食！佢有個糯米雞棒，幾特別嘅，不過啲糯米幾易痴網，食到咁上下先燒會好啲。除左肉之外，海鮮都唔錯。帆立貝加啲燒汁燒，係出色嘅～大家如果去，記得個爐唔好開太猛，因為個爐都幾大力嘅，開太大會好快燶同燒著啲木簽。佢提供三個汁嘅，蜜糖汁燒汁同辣汁。個人覺得茶一浸唔多夠，茶一浸再燒下，再茶再燒，薄薄地就得不過多兩浸會好好味。但有時其實加啲鹽燒已經好好食，食返食材本身嘅味道，正！整體黎講都會再覆桌，野食幾好食，燒下燒下又幾好玩。咁嘅價錢食個放題都差唔多，但有得玩有得食，係幾爽嘅～

同朋友慶祝生日，兩個人想食放題又無book位，行下行下就見到火山燒，睇食評話係自己燒，覺得幾得意就一於試下啦！上到去侍應就介紹有三個汁，分別有燒汁，辣汁同蜜糖汁，我同朋友最鍾意燒汁不過原來野飲唔係任飲，要加多廿蚊雞，咁緊係加啦！食串燒當然要飲野，不過如果呢個價錢包埋野飲就好啦之後開始點野食，都好多唔同花款，我同朋友主攻海鮮同牛肉我覺得佢d牛肩肉好食，海鮮方面就有帆立貝，蠔，蝦同埋螺，第一次食燒螺，都幾得意，一路食一路燒一路傾計，過左一個手同口都好忙嘅晚上值得推介佢個燒芝魚丸同鯖魚

第一次同男朋友去食，之前去同一幢大廈食其他餐廳時，打開lift門見到有火山燒已經想食，所以今日終於去左好新鮮好好玩去到就即刻點嘢食侍應服務唔錯，都介紹我哋有一啲比較特別嘅食物例如有糯米雞串有同魚翅福袋仲有個海鮮拼盤，唔錯我哋叫咗好多野食，我鍾意食蔬菜，有叫秋葵，燒蕃薯仔同日本青椒日本青椒苦苦地幾得意，可能本身我鍾意食苦瓜但男朋友唔鍾意食男朋友話叉燒幾正不過我覺得有d“鞋口”海鮮都正正常常黎得火山燒，梗係食海鮮啦質素都唔算差，啲蠔同蝦都幾好食ps: 個爐同之前食評睇嘅唔同，燒得好快，我同男朋友反而唔知食好定燒好

隊長跟隊目去搵食，見到銅鑼灣都有呢d串燒食，仲要有得任飲任食，好似幾抵食，又有得上網訂檯，於是就放工去試下啦。被安排坐一張大卡位，對面已經坐左一對情侶，雖然張檯好闊，不過大家對住甘燒，又聽到晒對面講野，感覺無乜私隱。一坐低就有個火鍋，可以淥豬肉食，加多$20就可以汽水/涼茶/烏龍茶任飲，於是就加錢要埋任飲啦。果個火鍋都幾多菜，可以填補串燒無乜菜既缺點，至於個串燒爐，佢分開3部分放野食，因為個爐d炭係有唔同分佈，都見到細心之處，因為甘樣放就唔怕燒燶d蔬菜。點左個推介既牛肩肉，2個人點左4塊，「好矜貴」甘只黎2塊薄切牛肩肉，不過味道還好，醃得都入味，不過第二round就差d，有陣羶味。串燒梗係要燒下肉先香，不過呢到既肉就麻麻地，唔夠新鮮，好大陣雪味，雖然唔期望呢種任食會有新鮮野食，不過都有方法去將d雪藏肉處理得好d，果個金菇肥牛卷尤其難食，肥牛已經有羶味，金菇又好大陣泥味，真係想吐番成舊野出黎！海鮮就唔係好多選擇，只點左帶子同生蠔，帶子還好，生蠔就⋯⋯燒極都無乜反應，最後燒到舊肉縮埋晒，同埋隻蠔都幾污糟，食左一啖忍唔住吐左出黎，因為怕食完肚痛蔬菜選擇亦唔多，可能係好多我唔食既蔬菜啦，最愛既

Another heaven for meat lover, especially Japanese BBQ style. All the meat here can be grilled accordingly to your desire. And the choices are very wide, like beef of course, and the seafood also impress us a lot. Simply top quality with simply seasoning!

1. 性价比低 人均350 唔觉好食2. 放题冇咩拣 水产得生蚝 带子类 生蚝又细又腥3. 冇茶水提供 饮品另加钱4. 油烟好大 頭髮衣服整身味5. Cash only 食咗幾百蚊唔祿得卡

今日同男朋友提早慶祝情人節 佢原來一早仆左呢間火山燒 好耐之前已經聽過呢間野 幾出名今日就黎試下啦 男朋友最中二食牛肩肉 好juicy 我就覺得大部份都幾好食 主要因為個醬汁好味 但蠔就麻麻地🙈 總括黎講 都算係咁啦 出邊一串串燒十幾二十 佢價錢都可以接受：）不過佢主要得咸既串燒 如果多翻小小甜食同小食會好d女仔應該都幾虹二佢個甜番薯haha 而我地去既時候簡左5點 所以唔會太多人雖然係食三個中 但佢兩個中就已last order 所以要點定啦要平時無咩想食得閒食食下都ok既：）

見咁多讚嘅食評，諗住應該有保證。食物款式少，一啲都無味，牛肉un到啃唔落，雞髀菇難食有怪味，食咗好少因為太難食。諗住食評話過路太慢笑得太少所以要求侍應幫我地燒，點知啲嘢燒到上黎又唔熟，又凍。成間野星期六晚上都唔滿座，又唔比綠卡要比現金。不過侍應態度好好招呼唔錯。三個人食成＄1000要諗清諗楚先好幫襯。

約左朋友行銅鑼灣，梗係要搵定有咩好食，見到呢間火山燒好似幾得意就book左台，可能平日，都唔算多人。環境都可以，我地安排左二人卡位台上擺左蜜糖同燒烤汁，燒野食果時可以隨自己心意調味每人有半隻燒龍蝦，唔算大隻，不過味道都過得去串燒種類都比較多，玉子燒，蕃薯仔，菠蘿呢d都係我d最愛另外唔少得牛肉而且有生蠔，不過掛住食唔記得影開始燒喇，燒左一陣店員就過黎講解返，原來個爐左邊係保溫，右邊就主要係燒烤既。bbq一定要落蜜糖先好味，加埋燒烤汁都算色香味俱全架自己燒既串燒感覺都唔錯，不過略嫌個爐太細，每次都只可以燒幾串，而且好多食物唔係咁易燒熟。如果多幾個人食就應該唔夠食喇。環境味道都ok，但價錢唔算平，感覺去到係燒多過食，間中玩一次半次都可以既

首先食物質素唔高唔好食,我地8個人用兩個爐，燒一樣野食可以等成20分鐘先熟，根本1人爐當4人爐用，同職員反映個爐唔夠熱，佢拎枝測溫槍黎測一下就話正常喎 係咁架。如果100分係滿分 我比-100分 垃圾中既垃圾 ，仲要銅鑼灣咁既質素 ，食個麥記都仲開心過佢！320$位 我到底食左d咩 享受左d咩 3小時任食根本浪費時間 燒一舊肉用成20分鐘有多 直係我食9舊肉就會飽？真心唔係打手 希望大家唔好中招！低質素高價錢 ！5點半食到7點半都可以唔飽，到底我食左d咩！

一行8人去完Visit諗住係銅鑼灣附近搵下好野食，睇完評分決定試下呢間火山燒。其實環境唔錯既，食物種類算多，肉類新鮮，但最大問題就係個燒爐！餐廳職員話用300度高溫燒烤，但就唔明白點解一塊薄切牛肉都用左10分鐘先開始變色，而其他厚身肉類、海鮮仲大問題，30分鐘有多都唔識熟！我地一行8人先後問職員點解決爐火問題，但職員只解釋每枱都係甘燒無問題，更有職員攞探溫槍進行所謂溫度測試，到最後當然解決唔到啦！遇著爐火問題，推廣3小時任食都無補於事，串燒最緊要係個火，食物質素都係其次，而家連個火都處理唔好，唔需要再講咩質疑好與差！一行8人完全食唔飽，又夠鐘交枱，成肚怨氣！唔會再幫襯，每人$320，甘既服務甘既食物我覺得完全唔值！希望呢間餐廳作出改善。

今日朋友帶我去食火山燒，什麼是火山燒呢？原來是串燒放題，普通日式放題就食得多，但串燒放題就未試過，今晚可以大開眼界。火山燒在銅鑼灣L Square，店舖不大，朋友說有兩層，這裏是樓下，一坐滿就要上樓上。先叫前菜，有沙律，蒟蒻凍和冷麵。店家每人先送一串燒雞皮。因為我們四人到嚟又有訂枱，所以又送了一個海鮮關東煮。另外再送了我們一隻香草燒雞，燒雞送上枱時熱辣辣，雞肉嫩滑，燒得皮脆多汁；好好味。每張枱上都放了個燒烤爐，裏面有些黑漆的石頭。我原先以為是碳，但店員說這些不是碳，是火山石。以火山石燒烤比用碳好，因為熱力傳送比較平均，而且也不會很大煙。好，開始燒烤啦！放題只限兩小時，所以要快快手。先燒些容易熟的，有魚翅福袋，玉子燒和免治雞肉棒和各款香腸。而旁邊則放了燒生蠔和雞翼串，用盡每一寸地方。等待期間先試試前菜，沙律和冷面都不錯，口味清新。最特別的要算是蒟蒻凍，把蒟蒻切成粒粒，再伴上醬油和高湯，口感煙靭很好味。燒生蠔差不多熟了。檯面有三款醬汁，是玫瑰蜜糖醬，燒烤醬和酸辣醬，可以自行添加，增添風味。生蠔燒過後反而突顯了蠔肉的香氣，不錯。而我最喜歡的則是玉子燒，甜甜的有陣陣蛋香。跟著到沖繩鱈魚片，這種

第一次去食串燒放題好有趣，自己燒好似係街邊開檔，肉類可以，蠔就差，苦嘅，蔬菜都可以，但想不到雛雞好吃，好嫰又有香草味，但飲品任飲要加20每位，啤酒30一罐，真係要看清楚，唔好以為任食放題就包任飲

臨近過年，朋友出bonus話請食串燒放題咁窮人我梗係狗衝去啦呢間火山燒之前食過一次，係一間算高質素嘅放題餐廳兩人行入去食，安排左張勁大嘅卡位畀我地坐得好舒服，又唔洗因為驚張枱爆而拿拿林塞曬啲食物入口醬汁有蜜糖，辣醬同燒汁蜜糖添完又添，串燒加蜜糖簡直係絕配種類選擇好多，牛羊豬乜都有，仲有玉子燒~而且件件都唔係縮水又難食仲有啲特色串燒，例如燒賣帶子，芝士餡年糕特別推介雞軟骨同雞腎兩串都咬落脆卜卜，點蜜糖再燒兩燒好惹味燒緊嘅時候，侍應都會過黎提醒下點樣放串燒先最慳位同最有效率同埋跌左舊菠蘿落底侍應一望到都會即刻過黎幫手整體黎講服務同食物都幾高質素

Volcanoe Grill has a Comprehensive menu with food that is of mixed quality. To elaborate, the pork ribs and jowl were probably the best cuts while the seafood was really average. The choice of seasoning you get is nice although all on the sweet side with nothing really savoury unless you just use salt and pepper. Our biggest gripe was the fact that only around 50% of the grill was ever hot enough to cook anything, and half of that was really nice and hot and the other half was average. Overall w