火山燒 (已結業)

近排想食日式放題，但出面好多每位都要400 up，見到火山燒任食都係298加一，任飲加20，任飲啤酒加68，3百幾仲要任食任飲覺得好抵，決定試下。款式選擇多，連生蠔同帆立貝都有有3種唔同既汁比你選擇，有辣有唔辣，任君選擇。用料新鮮，牛肉色澤分明，生蠔大隻味美。漁夫沙律，生菜爽甜新鮮，醬汁酸甜，醒胃一流。雛雞，由師父精心炮製，雞味十足，冇雪藏味，肉質軟滑，易於食用爐既火勢都算猛烈，唔驚食物太耐先熟，鍾意食濃味野既人士，可以加黑椒/鹽/7味粉加以調味。柏宇bb 都黎光顧過，證明質素有保證，有機會既話我都會再黎食

同朋友行完街, 去到鵝頸橋附近, 見到有間串燒放題, 之前玩過重慶燒已經好想再食, 而家有呢間, 仲可以室內自己燒, 即刻上去試下安排左坐卡位, 見到牆身壁畫, 好靚, 好和風, 如果侍應講埋日文仲正枱面有個用gas的燒烤爐, 仲有幾種醬汁同味粉比你調味肉類選擇都不少, 我地叫左叉燒, 黑豚腩片, 牛肩肉同牛仔肉叉燒醃得好好味, 我地燒好就可以食甜蛋絕對係我至愛, 轉個慢火自己燒, 燒到個面香脆D, 好有成功感呢個QQ大阪燒叫鱆魚蔬菜棒, 燒完配燒汁, 剛好一口, 好似粉子料理咁金菇肥牛卷又係必食的, 肥牛薄片, 好快就熟, 慢火處理, 金菇軟身即可雛雞半隻, 我要雞翼, 朋友要雞髀, 剛剛好, 如果比成隻, 我地真係飽左, 今次試唔哂, 下次再試其他款

今次絕對係為呢個而來啦! 四個就可以升級和牛海鮮拼盤, 有成8款食材, 每款食少少都圍番條數, 賣相已經超正, 開動先來榮螺, 手掌心咁大隻, 以為好難咬, 點知又嫩又彈牙, 超讚虎蝦, 手臂咁長, 蝦肉清甜, 蝦羔香滑, 淨係食呢隻都抵啦墨魚夠彈牙, 味道略淡, 但加上調味之後, 味道即刻提升, 我建議加少許鹽就OK和牛串, 大家自己試啦, 好好好好食食肉獸嘅我地點會唔點肉類呢,牛肩肉,黑豚腩片, 叉燒, 牛仔肉, 全部都靚仔喎你睇下D牛肩肉係咪好正呢, 呢間店個爐, 火力可加大同減少, 燒肉當然慢煮啦甜蛋&糯米雞肉棒又係必食之選, 甜蛋係我最愛, 而糯米雞肉棒, 燒完外脆中間軟內彈牙, 不用調味燒好就可以享用, 一定要試流心芝士年糕又係另一推介, 好似棉花糖咁, 小火就可以烤出金黃色外皮, 一個字, 鬆軟開番個大火, 燒好肉串表面, 我又轉中火, 火力由我地控制, 好快有得食, 唔識煮飯都無問題唔夠飽的話, 就要燒呢個豚肉漢堡喇! 真係手打豚肉, 好香口, 我覺得配埋一片蒜茸包一定仲正

見到食評有很多Like, 一心諗住有驚喜，便試試啦。我以為會好難book 位， 所以前幾日便打電話book喇。以為book 到間筍野添。但。。。好失望，超級失望，2人晚餐 $700（只收現金！），食d 咁嘅野，真心差，仲差過韓陽苑。不單止食物嘅味道，爐嘅設計。食物款式少，全部平野，無醃的，只靠提供3款醬汁調味, 但都只是很稀的蜜糖，豉油和辣汁。食物一d都唔生鮮，蝦送了4隻，好'梅'。蠔任叫，但一點都不好食。牛肉切到成張紙咁薄。無野特別。差到爆。拎咁嘅錢出黎，銅鑼灣大把選擇。完全中伏！！！唔信我的你去食。

上到去覺得地方又夠闊 位置都坐得幾舒服 老闆安排左卡位比我地 呢間野係用gas 爐, 啲食物又黎得又快又齊👏🏻白色個串有芝士流心.. 我個人覺得好食 漢堡好多汁啊開說燒啦 一開頭樣樣都想食 有雞髀菇， 翠玉瓜，玉子燒，燒生蠔都不錯👍睇吓件金菇肥牛卷燒得幾正中間嗰兩串係豬頸肉仲有雞軟骨串雛雞係廚房燒好出黎的 好滑啊啲雞掛住食有好多野都唔記得影添下次有機會再嚟影過啦仲有仲有... 呢到有得飲健康工坊飲品 女仔唔洗怕食完好熱氣 大讚！

我同老婆和舅父一家行完Sogo肚餓，老婆話想食燒烤，貪方便撞下撞下上左火山燒。第一次試估唔到都有D驚喜。一坐底見到個爐咁細，招呼得切我地四個大人嗎？誰不知個爐火力咁鬼勁，我一個做細的要服務三個老板我須不時反食物，燒到我手都軟。一般燒烤店食材大家差別不大，而這裏的食材選擇多，雖然我想一次過試晒全部食材，但真是不能也。而自己燒當然也要有一定的手藝啦，好似我老婆燒咩燶咩，所有食材一上爐就即上醬，我叫佢咪嘥料，等我來。在此分享下燒烤的心得啦，燒肉要注意肉邊，見肉邊一開始變色就要即反，燒多陣就上味醬再燒多陣就食得。（左）漁夫沙律。 （右）秋葵冷麵👍（左）墨魚鬚。 （右）墨魚嘴👍👍燒烤良伴啤酒😘 （每罐HK$30)左起。牛肩肉👍、牛仔肉👍、牛舌心👍、黑豚柳片👍、黑豚腩片👍。醬燒腩片鹽燒牛舌醬燒秋刀和多春魚燒蠔左起。糯米雞肉棒、元貝燒賣、蔬菜棒、芝魚丸👍、腐皮左起。 糯米雞肉棒、魚肉年糕、玉子燒👍、漢堡、免治雞肉棒最後食菜

放工約了隻食肉獸去銅鑼灣食飯。Whatsapp 傳來店名地址：火山燒？咩來的。地址亦亳無印象。出咗地鐡站跟住 GOOGLE MAP 走，被帶錯方向；還是用番原始的方法，睇路牌指示——原來就在銅鑼灣廣場旁邊。一早講清楚咪唔駛嘥我時間囉。原來係日式串燒。上到去見牆上面畫咗浮世繪風格0既畫，幾靚。地方唔係好大，但座位之間好闊落，中間有兩張大枱，靠場有四五枱四人卡位。非常欣賞卡位之間椅背隔板極高，坐低完全遮住個人，夠晒私隱，講是非都唔怕﹙不過無隔音啦﹚。店員帶我地去卡位坐低，仲介紹咗一0的特式推介。食肉獸其實已經一邊點菜，劃咗一輪先醒起睇吓我想食咩 =.='睇番Menu, 野食選擇都算多。食肉獸點咗肉食，咁我就睇前菜同蔬菜類啦。因為唔知佢份量幾大，所以第一回合只係叫少少望吓先。結果，成餐飯幾乎叫晒餐牌上的所有食物，仲有唔少翻兜之選！前菜中的秋葵冷麪、蒟蒻凍同漁夫沙律都係翻兜之選！冷麫同蒟蒻個汁都係帶微酸，好開胃。至於個沙律，雖然只係普通菜，但估唔到咁新鮮。簡直喜出望外。仲有佢個漢堡扒，千祈唔好以為只係漢堡包入面塊肉。我覺得佢似比較淋身的貢丸。食落好香冬菇味，燒到外脆內軟，好好食。流心芝士年糕同

同D friend打完波，有人提議去呢間銅鑼灣＂火山燒＂食串燒，然後我地成班食肉獸即刻醒神！向目標急忙進發！到店後未等到生料黎到，已經黎左幾客冷麵及沙律，我地一窩蜂咁好快已經將佢掃淸！店內的調味醬汁有蜜糖、燒汁及泰式辣汁，店家竟然會用不同顏色的油掃將它們分類，容易識別👍🏻侍應捧來招牌燒雞，我哋食肉mode隨即啟動，燒雞肉汁豐富，質感嫩滑👍🏻隨之而來，送來一客客串燒，有丸類、蔬菜及肉類，我地忙個不停，而好彩個gas爐好幫手，食物好快就熟曬，飢民們全部都好滿足！😂當然我哋並冇忘記廚房燒出嚟的海鮮！我哋個個攬住個肚返屋企，向頭先打波消耗嘅脂肪説：Hi~ welcome back!😉

一家人行完街，係銅鑼灣唔知食咩好。見到喱間火山燒有好多好評，就試下佢啦。樓下大大個牌好易搵～上到去環境都唔錯，多人但啲位都幾闊落，坐得舒服。啲野食都唔錯，有好多唔同種類選擇。成家人都食肉獸，所以叫左好多肉！佢啲肉切得唔算厚，所以都好快熟。個爐係gas爐，都幾猛火，試過幾次燒斷埋啲竹簽！除左肉類其實佢仲有好多海鮮類。我見有啲食評話啲海鮮唔新鮮，我地叫左少少黎試下先。好彩我地個日啲海鮮都算新鮮，係隻蠔細隻左少少整體黎講都唔錯，食物種類多，又幾好食，坐得又舒服。加多二十蚊先有飲品任飲，食串燒又好難唔飲野嘅...佢飲品有平一支支嘅上，有竹蔗矛根，都算ok。下次行開喱頭可以再試下

因為俾腦細捉住而遲到, 等候時間不能作準呢間我未食過, 朋友話以前呢度用石來燒所以叫做火山燒, 而家改左用GAS 爐好力左。個爐好好火, 打左兩個鐘換左兩次氣, 所以對手密密燒個口密密食。燒豬肉O既時候仲因為油脂多而出哂火, 不過佢唔同日本咁有冰俾你滅火, 不過見佢抽風好索性拎個雞皮去火炙, 超香成晚叫左大半個MENU 冇重覆過, 到最後都有野未食。絕對有下次, 當中印象最深刻係一人得一盤O既精選, 當中和牛, 八爪魚同雞都好正。缺點時間, 如果太肚餓就要有心理準備只有冷面可以頂一頂, 另外任飲要加錢感覺有點不爽。

第一次去呢類放題店, 開頭以為串燒會係炭爐, 但呢間店用呢款, 以GAS作推動, 可調教火力, 咁又好似唔錯喎!佢地提供左三種醬汁:玫瑰花蜜、泰式酸辣汁、日式照燒汁, 另外仲有鹽、黑椒同七味粉, 仿似置身屋企個小房食物種類算多, 有D見到個名都想叫, 好似流心芝士年糕同糯米雞肉棒燒烤一定要有蝦先成事架嘛, 一次叫左8隻, yummy yummy和牛串又係驚喜喎! 因為我地夠4個人, 佢升級左一份食材比我地,虎蝦都係升級食材, 好大隻, 有手臂咁長, 真係抵食呀燒三文魚頭都係, 哈哈哈, 送嘅食材都堅好食同新鮮喎, 下次約齊腳再encore先燒雞半隻, 廚房燒好比我地, 都幾香口, 雞味濃但肉汁少係時候比你地睇下個爐夠唔夠火力喇, 中火燒肉已經OK大火燒肉, 可以出哂火, 所以大家肉同菜類可以中至細火, 海鮮貝殼類就用大火就OK了

朋友推介的火山燒是日式串燒放題，賣點是用火山熔岩冷卻後的石頭來燒，好處是熱力平均，食物燒久了也不易燶，沒有明火油煙也較少。而且這𥚃食物種類多，前菜、牛、豬、海鮮、小食、丸、蔬菜樣樣有。餐廳有2層，座位幾寬敞，每張枱上有抽油煙機，所以店內沒有太大油煙味。由於訂較早的5點至八點的時段，所以一開始沒有太多人。每人$298，但飲品要加$20(任飲），食串燒甚本上冇可能不加飲料吧。爐的中間位置放肉類，左邊沒有網的位置可以直接放貝殻類海鮮在石上燒，右邊則放已熟的食物做保溫或再加熱。其實爐的設計偏細，一次不能燒太多食物，如果人多只有一個爐燒，就實在太慢了。食物質素基本上都不錯，食材新鮮就不用太多調味料。玉子燒本身已熟, 只要加熱就可以食，厚厚的玉子幾好食。牛肉都軟腍有牛味，而且肉汁挺豐富。生蠔燒後有點縮水，不過還是有鮮味。龍蝦（每人半隻）是已熟的，不過殼多肉少，肉質還算彈牙。Keep 住不停燒，3小時很快便過去了。埋單每人約$350, 呢個價偏貴了。

我二月份去完韓國，好掛住韓國嘅食物，好想食韓燒，但係因為太多人排隊的關係，咁就轉戰另一個地方，去咗火山燒，試新野！估唔到日式串燒咁啱我口味，仲好食過韓燒😋😋😋地方寬敞舒適，場上壁畫很漂亮😍，睇得出店主很用心佈置裝修👍🏻👍🏻👍🏻七味粉、黑椒及海鹽玫瑰蜜糖、日本燒汁及酸辣汁調味料及調味汁款式好多👏🏻👏🏻👏🏻上：香草羊背肋；下：叉燒牛舌心🐮，鹽燒最好味❤️有我最鐘意食嘅魚🐟🐟🐟，由上而下，秋刀魚、鯖花魚及多春魚，配上日式燒汁，Yummy!!!黑豚柳片🐷，比我喺韓國食嘅更好味，爽口而不油膩 青口配以酸辣汁爐火夠猛🔥，燒起嚟食物更快熟！而且唔咪用炭嚟燒，燒完離開都唔會一陣味😁嚟日式燒烤梗係要燒菠蘿啦啦啦！燒到微䁔好啦！又酸又甜又開胃🤤雞髀菇、鮮冬菇、日本大蔥最後梗係燒埋蔬菜類啦！幫助消化👍🏻蒜頭、日本大蔥、三色甜椒、秋葵、日本青椒仔

今日嚟到火山燒同幾個好友慶祝生日。 入到嚟餐廳就見到一條好孤單嘅魚喺魚缸裏面遊來游去。以前火山燒係用火山石作招來。但近期作出改變，改用了日本嘅燒烤爐來燒烤，效果卻比火山石好。火力均衡。三款不同的醬汁。一堆串燒由於我哋四個人嚟嘅關係，餐廳會送出一盤海鮮拼盆，呢盆會交由餐廳廚師幫我哋燒嘅。烤牛肉炸雞皮串燒牛舌，羊肉餐廳必食推介燒春雞燒蛋卷燒和牛串呢度啲嘢食尚算新鮮，但可惜價錢略貴，但係如果四個人呢，又會送出新鮮海鮮拼盤，咁就抵返好多啦。

喺大概一年前已經嚟過，以前都好味，但可能之前用熱石....燒得慢，所以就無再黎.近排見到其他OR 食評話原來已經換晒爐，D相好吸引咁就上來再食。果然我都要相機食先..haha果然今次食多左同快左..因為小妹係好心急同食嘢成日都「禽禽青」，所以呢個焼爐好岩我style值得一讚既係D蝦好甜美，一啲都唔「梅」仲有，要keep fit 嘅朋友仔都表示好滿意，因為有好多蔬菜選擇，不是淨係主打肉類而今次有兩樣野係必食...就是漢堡扒同糯米棒漢堡扒非常非常juicy ~一塊一定唔夠喉我而家post 呢張相嘅時候都好想食（我超級為食)糯米雞肉棒口感特別，雖然醬汁本身已有，但唔會膩不過三個小時過得好快，燒下燒下就夠鐘lu~今次呢間係另一番兜之選