火水爐冰室火鍋

營業中

休息中

朋友推介呢間餐廳價錢正常可以任食，有雞煲又有打邊爐，咁我哋一行人就嚟咗呢間餐廳享用晚餐🌸首先會上咗雞煲先，雞肉質地正常，有啲豆卜，同埋豬肚，豬皮，一個煲入邊可以食到唔同嘅材料，雞煲嘅醬料都惹味，味道合格雞煲之後就到打邊爐，我哋揀鴛鴦鍋要再加錢。牛肉嘅質素就比較參差，質地比較韌，同埋睇個賣相唔係太新鮮，如果可以改善下牛肉嘅質素就更加好🫶🏻雞軟骨係任添嘅小食，職員見到我哋食完雞軟骨之後又好快再拎第二碟雞軟骨，服務好好。最後仲有送埋糖水總體嚟講呢間表現一般，呢個價錢嘅話可以再食好啲。要留意嘅係，喺紅日時間要比留位費，埋單嗰陣時會扣返留位費。不過呢間餐廳唔係太full booking，如果唔想俾留位費可以Walk in試吓都得。

之前一直好想嚟 見到有人講沙嗲好食好想試 仲有個甜唔都好想試 去到訂枱 見到好多評論話好趕 好差 所以抱著一試嘅心情 訂枱 自己都改過資料一兩次 無鬧我亦好有禮貌嚟到講都好清楚俾幾多 上雞煲又幫我哋整 後來加湯 都唔駛我哋叫就行埋嚟加 啱啱last order夠鐘 都幫我落一碟菜 有啲仲好好笑容 比起好多任食服務算好好餐係定得比較貴 $328都唔海鮮餃同炸物都ok 甜品唔差 個餐嘅牛肉有啲鞋 包3種特飲任叫 其他打邊爐料算幾好後記 因為同小朋友一齊食 佢唔食得辣 所以冇叫到 畀唔到意見

🥢旺角 今期流行 ‼️ 連Avantgardey 都去的超正麻辣雞煲招牌沙嗲濃湯 任食手切牛肉火鍋店 🥢最近去了位於旺角的一間火鍋店，之前一直已經好想去，因為主打招牌麻辣雞煲 ,沙嗲湯底，仲有超瘋狂嘅任食手切本地牛肉，最近見到爆紅女子舞團 ,跳今期流行嘅 avantgardey 都去咗打卡跳舞，就知道係幾咁有人氣，裝修風格用上香港復古風，最欣賞就係有整排火水爐同埋夜總會disco 打卡位，好有舊時香港風情，啱曬同班朋友去打卡🥢CEO 套餐$398 / 位 (120 分鐘）非常推介食呢個餐因為可以任食4款手切牛肉部位，同一款西班牙黑毛豬，平時出面食一碟都唔平，真係可以瘋任食係幸福嘅🥢前菜 共有三款，包括椒鹽燒賣，脆皮午餐肉，鹽酥雞， 全部即炸脆卜卜的，最鐘意係脆皮午餐肉，厚切又夠脆，就咁食又得，浸落雞煲到會變成內脆外軟非常正🥢招牌麻辣雞煲麻辣雞煲雞非常滑又夠真材實料啖啖肉，麻辣雞汁味道夠香夠麻辣，味道係自家調製味過，味道幾有獨特風味而且好濃，最鐘意入面事先已加入索湯豬皮，爽彈新鮮豬肚，豬大腸，一滾起就食得🥢鍋底六選一今日揀了招牌沙嗲湯，真係超級正，完全係我心目中要嘅嘢，夠曬香濃夠曬香，用

一餐好趕既任食火鍋食雞煲好趕，打邊爐好趕本身好期待個雞煲，點知唔入味…..😔打邊爐揀左沙嗲湯底，湯底唔算太差肉類揀左$398果款，但牛肉質素一般，完全唔值呢個價錢。Last order無通知，到加單先發現比人cut左單唔準再落單🤯甜品係一大碗既芋圓仙草……但咁大兜仙草只提供一個細細既奶精（我地有5個人）真係覺得呢間野好慳。最後由於上菜慢搞到都唔夠時間淥熟d野食，最後係食唔飽既情況下比人趕走。真係無下次……. 食餐飯要食到咁趕真係好無引，第一次食任食火鍋食到咁鬼谷氣。

港式懷舊風火鍋店🇭🇰 風格有舊式大排檔feel煤油爐去做標誌性的設計 吊著disco 燈好玩味 晚市是雞煲+火鍋一系列的任食‼️雞煲不會太大因為都驚大家吃不了後面的火鍋🍲而雞煲的麻辣香氣做得很出色 可惜自己吃不了辣只點小辣🥹感覺到再辣一點椒麻香氣更濃郁🌶️！大家可以先叫小吃配雞煲 大推脆皮唔餐肉和椒鹽炸燒賣👍🏼之後店員會為大家換上火鍋 沙嗲湯底是招牌不點會可惜！牛肩肉和手切封門枊都超好吃🥹 肉味很出完全沒有被湯味遮蓋~最後一定要煮公仔麵 即場變成沙嗲牛麵太一流了😍以為已經完結之際 竟然有人遞上甜品🥹是台式的芋圓甜品 這麼大碗竟然只是二人份量我跟朋友一共四位直接跟職員說要一碗就足夠了🫨本身晚市這樣豐富每位不用$400 #但我食到15成飽🫃🏻只有少部分食物例如海鮮需要加錢想跟朋友吃得更暢快可以加$68 有五款飲品任飲無限encore喔🍺

旺角任飲任食真手切牛肉火鍋120分鐘放題 招牌濃郁沙嗲湯底 麻辣雞煲 多款手切牛肉 如果沙嗲控黎到一定鐘意 簡單記錄一下.呢間平時夜晚比較多人 如果中午嚟到會抵食啲最平$298-$368有三款套餐最主要分別係每加$30多一款手切牛肉如果CEO套餐 可以任點⭐️手切安格斯三角肩肉 ⭐️手切穀飼牛板腱 ⭐️手切極上牛小排 ⭐️手切極品封門柳 ⭐️西班牙黑毛豬肉🥰幾款肉類都高質 同埋任食近40款火鍋配料必點 雲吞 水餃 魚皮餃 水魷 牛柏葉 紫菜響鈴.店員會先上炸物小食⭐️椒鹽燒賣 脆皮午餐肉 鹽酥雞3款都係熱辣辣即炸 可以點泰式辣醬同埋沙律醬之後會上⭐️招牌麻辣雞煲除咗雞肉之外 雞煲入邊仲有豬皮 豬腸 豬肚 豆卜吸完底下個雞煲汁之後都係超惹味.重點一定係佢哋個沙嗲湯底🥰超級濃郁 湯底好掛汁 基本上唔使再點其他醬料感受到花生粒粒 沙嗲控黎到一定鐘意記住一定要加多個公仔麵 絕配.最後一定要叫番個⭐️仙草芋圓糖水🥰配料有三色芋圓 紅豆 自家製仙草等等 幾滑.飲品方面 選擇都足夠如果加$68 可以任飲酒精類飲品 生啤 威士忌梳打 各款燒酎 好適合同朋友嚟飲番杯.#hkfunfoodrecord窮遊香港#hkfu

今次試左佢既花膠雞湯邊爐任食套餐 人頭價 ： 288$ 野飲另叫.湯底幾甜 好重雞湯味 幾好飲🤣 仲有雞件 同花膠兩人食 湯料都好足夠 .前菜 有炸燒賣 ，海鮮盤有蠔 蜆 4隻大蝦 鯇魚 魚滑 兩隻蠔蠔 係未解凍就拎左出黎 有點不太好其他都好正常 無雪味 任食材料 竟然有墨汁墨魚丸 好好味😋 .環境懷舊 裝潢都不錯 幾有feel-不得不提 套餐有甜品 估唔到有紅豆涼粉冰 幾正 .

又想食雞煲？又想食放題？依到幫到哂你！行入去好似去翻80年代香港🇭🇰裝修佈置充滿懷舊風，火鍋最多人叫招牌沙嗲湯底，有超過80款配料，包你食到夠😎—— 經理套餐 $328 全店總共3個套餐，主要分別喺牛肉種類，今次就係揀咗最平依款，有牛板腱、封門柳同黑毛豬，牛肉兩款都係手切，最鍾意牛板腱，脂肪唔係好重，但肉味比平時放題食嗰啲更加燶，肉質有彈性偏嫩，就算係最平呢個餐都覺得好OK！對牛肉有更高要求，可以揀其他套餐另外有安格斯同牛小排一開始先上椒鹽燒賣同鹽酥雞，包你全程唔會冇野食😂鹽酥雞又真係唔係hea幾好味！之後再上麻辣雞煲，好有誠意有大量豬皮豆卜索吓汁，如果個麻辣再出啲就更好；食到差唔多就會轉火鍋，沙嗲牛湯好香濃，質地上就唔係好杰身嗰種。配料超齊，基本上你諗到平時邊爐食嘅都會有！最後仲送埋仙草甜品，飽到捧住個肚出黎😂🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍 火水爐冰室火鍋 (旺角)旺角煙廠街33號朗廷軒1樓

真係好嬲，未試過要嬲到寫食評！！！明明book咗枱5個人搭正入，咁我都係遲咗十分鐘啫，都算數喇其實你未當我walk in囉，反正你間鋪一條友都冇, 入到去就話我遲到扣我時間???你間舖都冇人嘅。跟住就係咁sell佢中間個套餐, 試咗出嚟又唔係特別好食仲要貴勁多。啲服務態度仲要超差，個經理（應該係上級啲嘅員工或者老闆？）畀咗張卡我哋話要咩遵守啲咩規則（好似寫咩落單嗰時淨係可以一部手機跟住就唔記得咗）咁我睇完咪放枱面囉，佢又冇收走佢，跟住就上菜啦，啲嘢多咁就放到成枱都係㗎啦，跟住佢跑過嚟用勁差嘅語氣同我哋講唔好攞佢張卡墊枱，阿姐其實你張卡都過咗膠啦，你最多咪抹下佢，我又唔係將啲嘢食壓咗你張卡度，只係佢畀啲碟覆蓋咗啫，講到好似我做錯嘢咁樣🤣，唔講以為你先係個客。係有一個侍應好啲，係咁幫個經理兜，唔停咁幫我哋出菜，跟住食完嘅嘢又幫我哋執返好，本來到呢一刻都好啲，咁我哋其實都仲有十分鐘差唔多夠鐘，但係個經理當住我哋面指住我哋煲嘢話「佢哋夠鐘喇快啲收埋個煲！！！」咩事呀！？?!?!！使唔使咁呀！你真係搏唔會有人返嚟再食㗎喎！係嗰個員工好啲，應該都唔敢唔聽佢講嘢，跟住就等我哋攞咗個碗即刻夾曬入面啲餸

朋友從英國番黎指定要食呢間餐廳因為地址方便 環境都有特式幾年前我已經食過 覺得食物一般不過朋友既然想試 即管俾多次機會當日我同朋友去到餐廳 有位女侍應即刻趕我哋走 話呢家唔做生意 啱啱要拍攝 我哋表示一早預約咗佢依然態度惡劣 冇打算同我哋解釋 其實一早預約咗店主應該有責任通知客人取消booking咁簡單既安排都可以有錯漏仲用呢種方式趕客人走搞到我朋友失望而回 求其揀咗一間食 唔知係咪呢間舖頭係咪好好生意唔憂做 飲食業服務同食物都好重要 但偏偏佢哋兩樣都冇

裝修有特色，食物不過不失，但員工對客人甚有特色，是特權吧～用餐打邊爐限時衹有2小時多次催促實在反感!!!!!而幾位員工在2小時多次催促準時交枱，中間多次過耒施壓力提醒準時，全程被催，十分過份，由於台上放滿食物，於是最後耒的甜品我們放在藍色食物車仔上，那女店員走過耒說，話甜品不要放在車仔上，費事忘記給下一枱客人。此話甚荒謬，此員工多次催促及說話不友善，趕客就不要做食肆吧。最後每人消費$400, 可以說是這餐完全食錯。

食完一次之後 呢間任食手切牛肉餐廳 絕對係必食火鍋之一🤩🤩餐廳裝修好有舊式風味 好似去左8,90年代咁😆 店員態度都好有禮貌👍🍲 CEO套餐 $398有齊哂👇👇手切穀飼牛板腱手切極品封門柳手切安格斯三角肩肉手切極上牛小排一坐低就俾左前菜：炸午餐肉 燒賣 雞粒 全部都係新鮮炸起 熱辣辣 雖然好食 但建議留肚食牛肉🤣然後就上招牌麻辣雞煲幾足料 仲有埋豬皮 豬大腸 豬肚 味道唔錯👍 當然我都係冇食哂啲豬皮豬大腸🤣 都係留肚到重點邊爐🤩 叫咗沙嗲湯底 好足料 好重花生醬同沙嗲味 同牛肉好夾 建議試呢個湯底👍牛肉方面 我都唔記得叫左幾多碟🤣 總之就係不停叫不停車不停淥不停食個人最鍾意封門柳 因為油脂相對少 但食落唔會好嚡 重牛味😆牛肩肉同牛小排食落油脂平均 入口滑啲 自己都叫左好多嚟食🤤牛板腱會普通啲～除左牛肉 佢都有其他配菜 例如振興牛丸 手包雲吞韭菜餃 鵝腸 菜類菇類 絕對係好多嘢食揀🤓飲品除左一般茶類汽水 仲有特飲巨峰梳打 蜜桃梳打 呢啲飲品出面叫都唔平 淨係叫呢2杯飲都夠哂🙈最後仲有個芋圓糖水送🤩 有芋圓 涼粉 紅豆 晶球 用料唔馬虎 味道亦絕對唔俾出面差🫣呢個價錢有咁高質嘅手切牛肉食

星期五約一大班fd食飯即日book都book到👍嗌左沙嗲+胡椒豬肚湯🙆🏻‍♀️沙嗲湯好食唔會好咸落牛肉超夾💗胡椒豬肚湯好多胡椒粒少少辣落菜可能會辣左少少不過都好好食😝想講任食火鍋都有靚牛真係好出色嗌左勁多碟😳牛丸都好出色推介推介必嗌👍另推鹽酥雞都係超好食即炸熱辣辣調味啱啱好🤤嘢飲蜜桃梳打good💗 青蘋果梳打normal臨尾仲有芋丸仙草糖水都好好食💯力推配搭: 沙嗲湯+烏冬+牛佢啲烏冬系幼烏冬勁好食😳🤤

位於旺角煙廠街的火鍋店「火水爐俱樂部」每晚人氣滿滿，排隊等食嘅食客多的是，今晚我就係其中一個，點解？就係為咗佢哋嘅招牌沙嗲湯底同埋任食手切牛肉火鍋放題，真係大癲，牛肉全部都係靚牛，加上其他火鍋配料都經過精心挑選絕不怯場，食好嘢梗係要等㗎啦🤣🤣🌟▪️招牌雞煲、手切牛肉，火鍋放題120分鐘分別有三個套餐由$ 328 ～ $ 398我就梗係揀咗CEO套餐 $ 398，全部食材都可以任點任食，真心抵到癲🔥🔥▪️湯底選擇方面分別有六款，招牌濃郁沙嗲湯鍋、特濃皮蛋芫茜湯鍋、胡椒豬肚湯鍋、麻辣蕃茄湯鍋、麻辣鴨血湯鍋、養生野菌湯鍋，我哋就係為咗沙嗲湯底而嚟，暫時我食過嘅沙嗲湯底，我認為呢間係世一，再加多個胡椒豬肚湯底，就係我最愛嘅鴛鴦鍋🐓▪️招牌麻辣雞煲首先出場嘅係佢哋最新推出嘅豬雜雞煲，我哋點咗中辣，醬汁加上麻辣嘅味道，簡直係越食越上癮，材料有豬腸、豬肚、豆卜、豬皮、雞件，食雞煲有呢啲材料，我都係第一次，配合醬汁真係超級惹味😋🔥▪️主角出場招牌濃郁沙嗲湯配胡椒豬肚湯鍋基本上呢兩個湯底，食材滾完之後基本上唔需要再點任何醬汁已經好夠味，胡椒豬肚湯底要先飲一啖湯，胡椒味特別香濃，豬肚夠腍，沙嗲湯底唔使講，濃郁到不

首先我想講嘅係呢間餐廳，食物質素係唔差，選擇都有好多，但係就算係咁，都唔會再有下一次！呢間餐廳有三個價錢餐牌可以選擇，分別係貴，中，平。一坐低個侍應就推介我哋揀佢哋中價嘅餐牌，咁我哋都有聽佢嘅建議最後揀咗中間價位嘅餐牌，之後佢再upsell 我哋，佢話不如揀埋鴛鴦湯底，好平㗎咋，都係加$48，咁我哋都聽咗佢講揀咗鴛鴦湯底，最後埋單原來係人頭計$48，我哋一行五人，揀咗個鴛鴦湯底等於總共加大約$250，真係O晒嘴。咁嘅餐廳要用啲咁嘅招數誤導人，是否很唔掂？另外佢限時兩個鐘，qr code點菜，上菜勁慢，我哋7:30入座，8:10先上打邊爐嘅餸俾我哋，9:00已經催我哋埋單，0925埋單，就算我哋成枱都仲係嘢食，0930已經趕咗我哋出門口。所以勸大家，如果要喺度食要諗清楚！趕時間到好似冇食過嘢咁滯，而且埋單都唔平一個人差唔多五舊水。