火水爐花膠館

營業中

休息中

垃圾晚餐外賣自取，叫左個花膠湯飯，同一個酸菜魚跟白飯，配菜加左炸豬扒同蝦卷，仲有一個菜連野飲，收178一食，只能說垃圾，連大家樂不如花膠湯完全冇味，個酸菜魚都係，第一次食酸菜魚個湯係冇喊味，連酸都唔酸下，求其落2條酸菜入去，個湯同你自己煲水加d雞湯一樣蝦卷叫ok個炸豬扒，一食落去林晒，可能係外賣回家途中水蒸氣焗林左，唔關佢事但連塊豬扒，都係冇味一塊冇喊味既炸豬扒。茶正常發揮，冇評價。176 2 個餐唔算貴，但都唔係平，求其食過茶記可能好過佢。

《火水爐花膠館》屯門時代廣場北冀地下35-38號舖食過多次，差不多每星期也要食一次的火水爐，今次就寫寫食評。今次都係叫左兩碗車仔麵餐😋 車仔麵本身包花膠或海螺（可自選一款），跟少量辣菜保（外賣經常唔記得比的🥲）。第一碗選了海螺，麻辣大辣米粉，自選餸叫了醬油糖心蛋、黃金炸蝦卷、陳皮魚蛋、清甜蘿蔔、芝士豆腐：第二碗選了花膠，麻辣大辣油麵，自選餸叫了豬扒、黃金炸蝦卷、豬大腸、鳳城水餃、炸魚皮：另加了鮑汁時菜，健康啲：車仔麵餐包埋餐飲。

又到外賣午餐日， 今次想冬天食花膠補補佢。花膠算大塊，但係冇調味， 令到成個飯較為淡調。炸雞脾大隻嘅，係鹹左小小。飯就係普通飯豉油撈飯。整體黎講，個飯偏乾同鹹，如果叫麵可能好食d。

火水爐花膠館屯門屯隆街2號屯門時代廣場北翼地下35-38號舖近排想打邊爐，甘岩搵到個懷舊既環境：舊報紙、懷舊海報、燈牌、燈......等等。4個人食，選擇左任飲任食 花膠雞安格斯海鮮套餐。張枱算大，唔會手肘惦手肘。醬料一坐低侍應就送上醬料俾我地。用完侍應就會攞走。花膠雞安格斯海鮮套餐肉類我只係分到豬肉同牛肉。肉既脂肪分佈平均，每片既厚度適中，好快淥熟，而且無雪味。基本上一叫肉，侍應好快就送上肉。餸埋單一刻，性價比就有進步空間。

我哋一行4人叫咗最貴嘅90分鐘任飲任食安格斯牛小排餐，湯底係招牌麻辣花膠雞煲。唔知係咪因為叫咗小辣，所以無乜麻辣香味，好似一啲辣都無，有少少失望。本身個鍋裡面材料好豐富：有大大塊花膠、雞件、豬皮同豆卜。我最鍾意食豆卜最，因為佢吸哂啲汁同精華。每枱都會有一碟餐前小食：炸魚蛋燒賣配泰式辣醬（約每人各一粒）。唔知係咪攤凍咗，所以唔係好香脆，食落有啲硬，味道還可以。個人覺得食完有啲飽同頂胃，可以叫侍應唔好俾，專心食火鍋好過。我哋叫哂4款牛，每款都超超超大碟（佢話係按人頭計的）。牛肉的確幾出色，特別係安格斯牛小排，脂肪同肉嘅比例一流，牛肉味好香，肉質好嫩好淋。牛頸脊都好食，牛肉味比安格斯更香，但肉質就無安格斯咁嫩。其餘兩款都唔錯，但我覺得可以專攻安格斯同牛頸脊。我哋只叫咗1 round牛，但最後有一碟啲牛肉食唔晒，有啲唔好意思，真係估唔到咁大碟，每碟每人起碼有4-5大塊。另外推薦嘅仲有紫菜響鈴，其他配料我覺得普普通通。汽水同有糖飲品任飲，但無糖飲品真係有啲貴，一罐烏龍茶要$14，唔係好明點解要額外收費，哩個位有啲失望。環境好地道，服務都算周到。

食材新鮮，份量足，服務態度好，但已選最高價類別仍額外收醬油費，海鮮亦全要另收費，普通熱飲也如是，有點計較！我們一行3大人1老人，大約$1600有點不太化算，可以有更多更好選擇！

招牌花膠湯飯🌟好飲靚湯🍲呢幾日天氣凍，梗係想食啲暖笠笠既野，但晏晝又唔想食太多，所以試左呢間花膠火鍋專門店嘅招牌花膠湯飯😋原來湯底有幾款可以揀，今次揀咗胡椒湯底，仲可以自選兩個餸，湯底好正，味道岩岩好，唔會太咸又唔會太濃，花膠大大嚿，個湯飯配左枝竹、蘑菇同埋芹菜，飲完碗湯成身暖笠笠☺️自選兩餸花膠湯飯配胡椒湯

第一次來，試左個糖心蛋沙嗲牛肉一丁，糖心蛋味道剛剛好，流心的～🤭沙嗲牛肉都幾濃郁😍令到成碗湯底都濃厚了，份量都唔算少，諗住食個公仔麵唔會好飽，點知食完都幾頂胃。辣菜脯都幾辣下🥵話係自家制的，可以散賣。試左少少隔咗好耐嗰浸辣味仲係口🤯鍾意食辣嘅應該幾喜歡。不得不提呢度個裝修是懷舊風格，餐桌椅、餐具、甚至周圍都貼滿舊時的宣傳單張同海報，雖然價錢唔平但食到個種情懷😐下次再試其他😃火水爐打邊lo睇嚟要試下🙈

見到咁多好評 想試好耐 但一直都無食過今日去食夜晚揀左中間果個都$300，未加任何收費，跟住好多野都要加錢，啤酒又要錢，最後每人食左$400。就算唔叫其他收費野 每人都要$350 豬紅無味 花膠係好大塊 但麻麻地好食 牛更加失望 我咁鍾意食丸都真心無乜邊粒好食 收得咁既價錢 食物質素都係一般 好評不符事實 員工服務態度ok既 但性價比一般 我寧願食 「但馬屋」仲抵 無賣廣告成份 純粹個人意見整體環境唔差 服務都唔差 係野食麻麻 如果成班人去都ok既

跟朋友逛完街想試試這間火鍋他選級數，反正我都沒所謂一進來醬料已經在枱上平常我吃火鍋都不太愛點豉油他都放在這就先弄一碟沒想到在結帳時才知道醬料每位收$14其實我最終都沒醮過醬料不知道下次不要是否可以不用付這項收費我們選好肉後他們立即放下了小吃有炸魚蛋炸燒賣麻辣青瓜皮蛋，麻辣的確很好吃但魚蛋燒賣真的會令人飽了一點下次是否能說不要小食沒拍照我們太笨點了太多其他丸跟雲吞之類下次真的只吃肉也夠了店內有盞藍燈，所以拍出來顏色有點怪封柳門豬男友比較喜歡以下3款牛肉質嫩肉味重配上沙嗲湯底真的沒可能要點豉油花膠件有3大件，剛好每人一件吃完覺得皮膚也多了骨膠原最後肉只點了一轉再點又漏單等了很久再追又沒來90分鐘用餐時間，時間到了又趕我們走還有我結帳時他問我還要不要加單我說我還之前下單的還沒來他又說那個不用理我問你加單我怕重複了就沒加單最後就是沒下文這裡所有免費飲品都有糖份想飲茶要付錢問他要水，也要付錢我不想變了水魚…所以沒有買水喝這價錢吃2轉肉才算合理怎料漏單說跟進又不了了之

第一次試火水爐火鍋外賣，選粟米豬骨花膠湯底，湯好飲，但有點咸，4件大豬骨，4件大花膠，4件粟米，其他配菜。最好吃鱸魚片，真係好滑，其次北海道帶子，黑毛豬肉片。最失色是大蝦，不太新鮮。希望下次有機會試下其他菜色。

6個人任食火鍋選擇咗中間價位，啲肉ok唔錯，係豬肉片覺得厚咗啲。入到去先知鴨血唔係任食，想叫就每份近50蚊，本身想任食食埋點知失望。佢係劃紙仔叫火鍋料，1就係1碟/份，按你張檯人頭幾多個，咁打邊爐緊係咩都試啲，咩丸都叫下既後果就係，每次上都每款6粒，剩係食丸都食到飽，建議張紙仔改良做粒/件，唔好強制咩都比晒一碟，要食丸我去佳寶食唔好！？唔使加錢既野飲太少選擇，都係罐裝汽水，冇咩特別。佢啲檯做到好似大排檔咁，所以預啲位迫啲，同朋友吹水食飯冇所謂啦。最後人多真係揀丸！

一開頭入嚟都係俾個環境吸引咗，見到入面有好多燈牌，好靚！而且牆上面中貼咗一啲好舊好舊嘅報紙，而且餐廳望到大馬路，啲陽光照入嚟真係幾舒服。講返嘢食，嗌咗個三餸車仔麵，分別有雞翼，沙嗲牛肉，同埋牛柏葉，碗麵會附送花膠。因為冇得揀兩個汁，所以就揀咗小辣麻辣汁。嘢飲嗌咗冬瓜茶，本身見佢有得揀少甜少冰嗰啲，以為係自己煲嘅冬瓜茶，提提大家！係罐裝嘅。我覺得個湯就麻麻哋，因為好似話個辣汁係秘製辣汁，我覺得就普通麻辣咁，湯底都冇乜特別。我揀咗幼麵，正正常常。而餸方面我就覺得份量係足夠，而且牛柏葉特別彈牙！留意翻！佢個沙嗲牛肉係凍凍地。另外，佢枱上面亦都會有一啲菜脯係免費嘅，幾好食，攞嚟撈麵食一流👍🏻。而花膠我諗大約有兩三塊左右，都係預料之內，彈牙得來又帶點黏糯嘅感覺😂。整體買單好似$60左右，我覺得以一碗車仔麵來講就唔太抵了，主要都係比個環境吸引咗，我就覺得冇後悔一試，但未必會再去。

某次想食另一間米線但等好耐好肚餓底下見到依間餐廳都有米線就入去試下。坐低見到係車仔麵就揀咗幾款鐘意食嘅餸，碗麵嚟到先知原來每碗車仔麵都set好有一塊花膠！Venus 本人係唔鐘意食花膠，因為覺得腥。見到花膠又大塊，唔食又浪費，果刻頂硬上食la，食落完全無腥味，正確嚟講係完全無咩味，我叫麻辣湯底，浸住食就係麻辣味咁la，完全對腥味花膠改觀，咁花膠美顏㗎嘛，無腥味就完全唔抗拒la，就係咁開始咗耐唔耐經過就去食下！花膠真係好大塊！入口軟淋淋加少少彈牙，最緊要係零腥味，同樣地塊花膠無咩味道，嗌咩湯底就係咩味咁la車仔麵餸種類都幾多，不過我以前好鐘意食嘅黃金炸蝦卷依家要+$2，依樣都超級推介大家試下，我今次想食菜所以無叫到依到d蠔皇花菇好入味，不過今次細粒咗d，之前食開好多次都大粒㗎，可能咁啱今日細粒la，但味道一樣好味！記得要落枱面樽烈火菜脯，真係幾辣，又辣得惹味。以前有唔辣菜脯，問咗侍應話依家無咗變咗炸蔥油，落咗一羹試下湯底即刻好香，鐘意蔥味可以試下。依到d菜鋪可以買返屋企㗎！

平時食車仔麵不外乎都係魚蛋豬皮果啲配料，但呢度竟然有埋花膠，仲係手掌咁大塊😍😍滿滿嘅骨膠原😆每碗花膠車仔麵都會跟花膠，另外可以再揀餸，花膠煮得好夠淋😋·花膠車仔麵+2餸($54)去左好多次，我地試過唔同配料😂部分配料需要另外加$2-$10不等，加錢嘅大部分都係肉類🙈沙嗲牛肉嘅汁好香好濃、牛腩大大舊，夠淋同入味😆豬手都好食👍🏻·另外每張枱都會有幾罐菜脯，有辣有唔辣，我地就中意食烈火菜脯😈就咁食真係幾辣，撈埋落湯同麵一齊食，辣得好過癮🤤·呢個價錢都ok啦，話晒有咁大塊花膠😂包部份罐裝飲品，如果肉類配料唔洗另外加錢就好🥲·環境以懷舊香港為主，好多霓虹燈牌，餐廳音樂都係八九十年代嘅歌🤣