炉端金 (已結業)

今日剪完頭髮就約左班朋友去食飯佢原來就係我剪開頭髮的地方樓下附近超驚訝🙀 因爲平時自己真係無留意到一入座就覺得好上引水產的feel哈哈 店員當你一入去就會用日文同你打招呼好有置身於日本感覺全程都覺得店員服務態度非常親切一坐下來他們會為你預備魚生所以你安心點其他食物當我既朋友都走曬出去拎野飲時好振奮的一盤出現我眼前啦！有龍蝦、蝦鉗、生蝦、海膽、魚生、貝類等等好豪華既感覺🤤🤤🤤先講三文魚超好味無雪味又好吃而蝦鉗又預先剝好一口就可以吞落肚 真係好正😭😭😭其實所有魚生都好好味！呢個係佢地每日新鮮入貨的魚生每日都吾同今日就係金目雕！其實我都係第一次食呢條魚魚生見到佢上台其實有少少驚😂但佢切得超薄～擺得好令😂食落去有點似三文魚🍣的味道但比三文魚更好吃簡直開創了我對魚生新世界😂呢條燒魚吾會燒得太乾太硬燒得剛剛好所以魚肉食下去好吃的！之後就係我地點既野食啦其實佢地上菜速度算好快！天婦羅🍤是我必點既😂佢既番薯是紫薯所以好好吃😋南瓜也是甜甜的 很好吃😋見蠻少人點這個豆腐雜菜煲😂但為什麼呢？我們都點了兩煲食左兩次豆腐好滑菜也好吃啊😂😂呢個海膽海皇粥先有驚喜裡面有蟹肉、海膽、青口等海鮮吃下粥都很鮮甜好好味😌😌

十一外出 以為啲餐廳會人潮湧湧但居然超乾淨闊落坐得好舒服以為咁嘅格局咁嘅門面食放題會好貴啦劇透一下 一位先三百二以為實有伏啦一唻上盤正到咁嘅刺身心諗 可能得個樣呢其實仲好有內涵刺身好新鮮 質地都係靚質地廚房一眼望哂 好乾淨 可以放心食出面有沙律吧 清酒紅白酒水任斟雪糕除咗基本嘅dreyers仲有movenpick同Haagen Dazs 熱飲有花茶茶包 蒸茶 玄米茶 同咖啡機一眼俾你望哂所有食物選擇重質不重量質素贏其他放題九條街啲嘢好食我地係每一碟每一啖都清得哂咁嘅話其實邊食得哂個menu鵝肝多士真係俾超大塊鵝肝俾你連烏冬個湯底都好香好落足心機熬清酒煮蜆一啲都唔hea 蜆肉好鮮好飽滿Every detail was taken care of

同朋友行完海港城再邊行街邊搵野食太肚餓喇咩都唔記得影夾起咗一箸麵先記得放返低個麵應該無落太多味精，食完都無乜口乾壽司同刺身都幾好，三文魚刺身仲好肥美我地覺得好抵食呀因為一百蚊左右就有個麵，又有壽司加刺身，仲有飲品喎！啱曬有選擇困難症嘅朋友😂如果係到食放題應該都唔差斷估唔會放題同午餐俾啲質素差好多嘅同埋啲檯都闊落

今日朋友生日, 四個人一齊去食日式放題~ 但係日式放題真係有D食到悶悶地~ 但係今次朋友推介我地去咗一間被譽為而加香港數一數二既日式放題, 叫爐端燒, 係尖沙咀, 金馬倫道尾,其實爐端燒早幾年前已經食過~ 質素係OK既~ 未至於係最好~ 但係朋友話佢地而加走高檔路線~ 價錢拆後都係貴大乜屋, 乜喜屋少少~ 咁就今次俾多少少錢試下佢有幾得法~~星期四既晚上 7.30去到~ 9成入座, 好彩朋友預先BOOK咗位, 平安入座~ 大門口裝修好靚~ 一行入去經過飲品柜, 酒水BAR, 生蠔海鮮BAR, 雪糕柜, 已經傻眼了~ 生啤, 紅酒, 白酒, 清酒, 柚子酒 乜都有齊~ 生蠔有日本蠔, 南非蠔, 榮螺, 青口, 凍蝦, 最給睛係佢有一個日本飛機運到, 當日最新鮮既魚類刺生專區~ 仲有多款MOVENPICK 口味雪糕, 淨係行過個門口已經知我今晚一定飽到碌出去~~~坐底咗, 經理已經同我地安排咗個刺身併盤, 波士頓龍蝦每人半隻, 仲好細心叫我地等上菜時出去拎D白酒生蠔食住等~ NICE~生蠔好新鮮, 每隻都漲卜卜咁~ 日本蠔一般都會比較肥美, CREAMY,

坊間一般放題店都座位迫狹，食物質素一般，給食客印象只為填飽肚。但今天試的炉端金，就一反此負面印象！首先門口裝修已充滿日式風味，入到餐廳看到的不是一排排的檯，而是一列酒店buffet bar的任食海鮮盤！首先上一盤刺身併盤，極之大堆頭，其中海膽及帶子刺身都十分鮮甜，而且每款只有數片，可以試很多種類之後上原隻龍蝦，亦十分鮮甜，店方細心將龍蝦切開上碟，方便食用之後轉戰海鮮區，生蠔有兩款，日本兵庫縣生蠔 及南非生蠔。兵庫縣生蠔有手掌般大，肉厚且creamy,但味道較淡；南非蠔體續較細，但味道較濃最驚喜係店方會每檯送一條飛機空運到港原條魚生，幸運的我們獲送一條魴鮄魚，味道極之鮮甜！肉質爽口，配上特地調製醋，我和朋友都十分滿意值得一提此店的飲品及甜品都十分有誠意，有楊枝甘露，綠茶梅酒，Asahi生啤，movenpick 及Haggen daz雪糕，一定要試！

每次想係尖沙咀搵好野食，識去就一定去金馬倫道。由街頭開始逐間逐間試，今次終於輪到炉端金啦！ 門面裝修好有高級日式餐廳既氣派，店內裝修環境以木做主題相當有氣氛，野食擺放方式睇得出落左唔少功夫，琳瑯滿目。尤其係海鮮區，有築地直送海產，現點現切！經過咁多野食，行到入去坐低已經餓到肚響了，咩都唔使講，每樣黎一round先！拎左幾罐烏龍茶同Milkis，就等美食上場啦！刺食點左一陣就到，相當快手，但質素亦能保持，睇擺碟就知有番咁上下功架。刺身伴埋乾冰上碟，侍應加左水之後，白色煙霧吞吐著各種魚生，若隱若現，為美食加左一份神秘感。刺身類型都幾多，仲要有海膽同蟹鋏！魚生好新鮮，味道只能用正黎形容！另外出面自助仲有生蠔同青口、東風螺等自助餐食材提供，質素亦拍得住酒店新鮮質素，對於想一次過食好多唔同類型既我黎講，真係大滿足！之後一大堆美食陸續登場！由煮物／前菜開始評價吧！溫泉蛋沙律選菜都幾新鮮，配上少量蟹籽同蟹柳，作為料理開頭十分合適。汁煮海螺個汁甜甜地帶微辣，同海螺非常合拍，加上彈牙爽口既口感，不失為一道好菜。芝士雜菌帆立貝芝士份量好足，差唔多每啖都有拉絲，視覺同味覺都有惡魔般既享受。黑松露鵝肝多士，鵝

成日行過尖沙咀都被炉端金嘅門面吸引到，今次歡送同事，揀左呢間食飯。終於可以一試!!門面裝修好有日本特色，有居酒屋感覺~炉端金放題賣點都幾多，飲得之人一定要試，有任飲酒區，紅酒白酒日本酒同生啤都有提供，非常多款式!!!!此外，仲有兩款生蠔，一款係南非，另一款係日本產，南非蠔比較爽口，日本蠔creamy啲!!! 仲有當日時令魚做魚生，沙律吧都好吸引呢!!!甜品區有多款雪糕，我最愛嘅movenpick有4款口味，好少有呢!!!!正經一點，睇睇刺身有咩先，都唔少款。餐廳會按人頭黎一盤刺身拼盤先，見到有海膽，正呀!!! 味道唔錯，幾濃郁，無異味!!!仲有每人半隻龍蝦，唔細隻，多肉同有膏架，味道咸鮮咸鮮。黑松露鴨肝多士，邪惡食物組合一齊，當然味道一流!!!壽司卷物細細件，啱哂嘗新嘅我，試多幾款都無問題!!! 繼續海膽嘅吸入!!!燒物有炸豆池魚仔，好味呀!!! 忌廉蟹肉薯餅都唔錯，但比較濟呢!!!串燒當然要食必叫嘅牛舌同燒菠蘿，牛舌爽口，好正!! 燒菠蘿酸咪咪，可解油膩開胃~仲食左個健康之選，豆腐雜菜鍋同清酒蜆，兩樣都唔錯架!!! 仲食左好多天婦羅同小食，味道不錯呀!!!食到最後，記得要拎個甜品胃

尖沙咀係繼旺角之後，又一放題的龍頭地。平時行街都會經過的炉端金，以為食日本菜，原來又係另一間放題店。價錢未必係最經濟，不過食的食物種類都好多。一坐低，店員首先送上一個刺身拼盤，今日惠顧仲送龍蝦。刺身拼盤都幾豐富，除咗一般嘅三文魚、吞拿魚、甜蝦等等之外，仲有油甘魚、北海道帆立貝以及海膽，我諗鍾意食海膽嘅人一定會好開心。放題黎講488可能真係有少少貴。不過如果你好鍾意食生蠔就唔係咁講了！因為有2款生蠔無限量供應，今日有南菲和日本兵庫県產生蠔。係香港比較少機會食到來自日本的生蠔，有呢個機會就可以大吃特吃。日本生蠔大隻，肉質好爽，又creamy! 幾時都係我至愛。除左日本生蠔，仲有自助沙律和海鮮。鍾意食海鮮的人不可以錯過！自助飲品仲包括大吟釀，柚子酒，抹茶梅酒呢類相對貴價的日本酒！仲有築地直送的鮮魚，有𩶘魚，間八等等，幾新鮮。呢類白身魚出面比較少有，更何況係築地直接，百分百飛機貨。熟食方面選擇亦唔少！不過今次無試過呢間的燒物，只叫左少少天婦羅和炸物。比較驚喜嘅係有骨付腸。海膽海皇粥粥底好面或，入海有淡淡海鮮嘅清甜味。不過份量就大左少少，食晒一碗應該會好飽。最後，同男朋友各自叫左碗手打烏冬。他叫

高級放題@尖沙咀好耐無食過放題，原來宜家啲放題咁高級，有築地直送嘅魚刺身 點啲酸汁食，開胃啲，就可以食多啲啦～刺身拼盤種類好多，出哂煙咁好靚仔下！特別啲嘅有海膽同蟹鉗，蟹鉗拆哂殻又鮮甜，好高質 其他刺身都好新鮮。連龍蝦都有，好豪華，哈哈！一樣係開哂邊，唔駛點拆殻就食到，好好。生蠔係出出面攞嘅，開定哂自己攞，唔駛等。食幾多攞幾多都得，真係好好 有兩個唔同產地嘅生蠔，鍾意食爽口定係 creamy 都滿足到！壽司都整得幾靚，壽司、卷物、軍艦同花之戀都有好多唔同嘅款。我哋主力係卷物，因為卷物會多啲創意啲海膽都幾多，質素唔錯～至於啲飲品真係令我幾喜出望外，好多放題都有酒飲，但呢度齊全到一個點 紅白酒、rose、梅酒、吟釀同柚子酒，應有盡有！就算唔飲酒都有好多選擇，連花茶都有！有咁多酒飲，就點咗份鱈魚片送酒，脆卜卜好好食，非常 chill 惹味嘅串燒都啱送酒㗎，哈哈！一夜干都有，我真係服得好緊要 一夜干呢種製法會令魚嘅肉質紮實啲，食咗唔少刺身再食呢啲，係另一種風味～點咗蝦天婦羅、南瓜、蕃薯呢啲，仲有啲菇，味道都唔錯。酒鬼們仲點咗個清酒煮蜆，哈哈～有甜品櫃嘅自家製甜品，又有雪糕、雪條、雪米糍呢啲。

知道尖沙咀開左間新放題，主打高質食材，而且仲紅酒、白酒、梅酒、香檳任飲！！😍😍最適合一班朋友一齊黎食。黎到門口，見到裝修好用心，而且坐位寬敞，坐得非常舒服。店員好有禮貌，全程晚餐都有種賓至如歸的感覺。☺️我一行二人，原本是坐一張八人枱，然後店員把坐位中間的簾拉落，分隔開兩邊，變成2張四人枱，令私隠度大大提升。食物方面，除了填紙下單之外，還可以出去自行夾取海鮮，生蠔都有兩款，全部由師傅即開即洗，十分新鮮。最特別的，莫過於每天由日本築地直送香港的海產，店員還介紹每天的海產也會不同🤤🤤。我們點了幾款魚，包括了香港少見的黑目魚，由師傅決定如何食用。師傅造了刺身、小卷、壽司和日本食法混合了薑和蔥。魚類鮮甜肥美，每種食法都各有特色，很高級的享受。☺️壽司方面，花之戀可明顯看出是用三文魚腩製成😆；亦有我最喜愛的海膽壽司，海膽鮮甜且沒腥味，入口即溶；香芒炸蝦卷及芝士軟殼蟹卷大小適中，一口一件，能一次食出多重層次的口感。注意力都全放在魚類、刺身及壽司上，熟食反而沒有order什麼。最後當然少不了甜品！🤭Movenpick同Haagen Dazs雪糕雪條任飲任食😍仲有多款口味可以選擇☺️

食物質素完全唔得。選擇又少。凍櫃自取甜品絕對難食。明知係交黎貨色。但都要入到口啦。星期五黎講個場有啲冷清。但唔知點解。啲服務員唔多願收碟。咁既價錢。服務。食物都👎👎👎👎👎👎👎👎👎👎👎👎

我們今晚搵左間價錢比較貴放題, 佢是任飲任食, 而且重要包括酒精飲品, 喜歡飲酒的我們就當然要去試下啦！入座即送：刺身盤一個和波士頓龍蝦每人半隻!自助Bar方面都是任食的, 包括有生蠔, 蜆, 青口, 蝦, 溫泉蛋, 另外, 每日有不同既鮮魚, 每人可以有一客鮮魚刺身! 任食方面: 海膽壽司和鵝肝多士當然是必食啦! 唔洗剝殼蟹鉗都好味, 而且好方便! 重有其他刺身, 壽司, 天婦羅, 海膽海皇粥和牛炒飯, 不過個人覺得串燒就麻麻地(除了芝麻雞翅外).... 3小時食多啲生蠔, 海膽, 鵝肝多士就足夠啦! 任飲方面：無酒精飲品, 紅酒、白酒、梅酒、清酒、自助Asahi 啤酒機.... 3小時飲得幾多就飲幾多啦!  還有甜品, 雪糕有Movenpick, Haagen-Dazs 等等 ! 現在銀聯咭有8折!

食到成肚氣，刺生好多都有雪味鰻魚飯多油到食唔到，梅酒甜到飲完會“辣”口，唔敢飲，驚飲完有糖尿病，擺盤更是毫無技巧、心機，味道已經唔掂連個樣都唔得真係擺唔落口，相都唔想影，呢個價錢真不應該，仲衰過百幾蚊位果D，同我上年食時完全唔同，變曬質，走時有同個男服務員反應以上問題，希望有改善，如果唔係遲早倒自己米，好難再維持落去，雖然今次銀聯有8折，但我情願佢無折但D食物有返上年嘅質素，隔離檯有兩公婆食到發脾氣食到一半埋單走人，個老公同個類似經理嘅男士反應問題，佢好串咁叫佢地下次去D再高級嘅地方食#唯一雪糕值得食

食過咁多間放題估唔到居然俾到驚喜我無漏單，服務態度又再加上銀聯又有折講真我私心覺得好食過好多連鎖放題！講返食物先串燒方面燒蝦超好食又大隻蝦頭又有羔又多汁未食都已經聞到香噴噴清酒煮蜆洒味濃又無乜沙極鮮甜！熱辣辣啱唒食完刺身嚟暖肚刺身夠唒凍唔洗剝殼蟹鉗懶人最愛有汁得嚟勁好食炸物熱辣辣串燒香噴噴可惜肚皮空間有限仲有好多好多好多未試甜品名牌雪糕飲品選擇超多我隔離枱鬼佬起碼幾枝清洒幾杯雪糕一定會再嚟👍🏻

尋日心血來潮去食呢間餐廳，上次已經錯過咗時間。餐廳環境都唔錯，選擇都多既，揀咗呢樣刺身啊冇乜味，送嘅生蠔反而比較鮮甜。有驚喜既係榴蓮球同天婦羅，炸嘢好食過壽司。最後雪糕有好多款，有哈根達斯同dryers。銀聯卡有8折，兩人埋單577，唔算平