炉端金 (已結業)

回憶返上一次黎食已經係1年前，個時除咗日式放題，仲可以加錢自己鐵板燒，食物同服務高質素之餘，仲好抵食。今次果然都冇令我失望，手工唔馬虎，而且叫幾多比幾多，佢依家冇咗鐵板自助燒，嘢飲雪糕全包，但多咗個自助吧 - 海鮮（田螺，青口，生蠔（雖然size唔算大，不過好新鮮），龍蝦鉗，蝦），沙律（最特別佢有溫泉蛋），酒（紅白酒，梅酒，燒酒，啤酒）。款式很多，同一班朋友黎就最划算。佢一坐低就有一份刺身和龍蝦比你，每款刺身都好新鮮，個人特別鍾意甜蝦，因為佢比較大隻，口感一流。串燒方面，我哋叫咗牛舌、雞翼、菠蘿、羊架、燒鱈魚乾。串燒火候控制得好好，唯獨雞翼偏咸。卷物和一品料理都算唔錯，款式算多，海皇粥也算足料。呢度嘅坐位都唔錯，有簾分開餐桌，有個人空間，約會都好唔錯。值得推介👐🏼

呢間絕對係貴精不貴多嘅日式放題。佢嘅食物種類真係唔多，不過樣樣都幾好食。好小放題會有生蠔，就係因為咁樣，所以我比佢吸引到黎呢度食。啲生蠔都好肥美好大隻，而且定期都會有refill，所以都唔怕要等好耐。而飲品有極多不同種類，茶包都有四款，好適合想飲熱飲定女士。一嚟到佢就送咗個刺身拼盤俾我哋。除咗海膽冇得再order之外其他都可以稍後落單，其實每樣刺身都好新鮮，而我最鍾意嘅係佢嘅帆立貝，食落好爽口。呢晚我哋都係食刺身同生蠔最多，其他熱食都只係食咗一小部份，但個質素都好高㗎，其中最值得推介嘅係佢個牛舌串燒。今次真係食得唔多野下次一定會再去！

樣樣的好新鮮好食 清酒煮蜆一般般波味道 而且送了每人3塊深海魚刺身試下味道 一流鮮味和口感 和在日本本地食的同級數 但想再食就要比錢買條魚 應該的 一分錢一分貨 熟食一般般食完沒咩印象 深海魚刺身即開生豪超重海水味另加錢買的特級深海魚有驚喜的螺 居然有好重的海水味 一流 肉又肥美頭盤上的刺身 有龍蝦不過一般般

今日同朋友行尖東，經過見到有間以木裝潢的日本菜好靚，而且原來仲有午餐放題，用信用咭付錢仲有優惠，二百多元都抵食就入去試試，入到去入面好舒服，每桌都有一個間位咁坐四人桌傾計絕對方便。我地當然就嗱嗱聲點東西吃啦。點完出去見到好多不同類型飲品，汽水，啤酒，果汁，熱茶，但有驚喜是有炭燒咖啡和紅白酒任飲。岩晒我地。刺身是自動有的不用點，刺身都新鮮同有驚喜吾錯，仲有海膽添。壽司就叫了一點，份量可以而且飯質素都不錯。燒物雞翼夠乾身又脆口，鱈魚乾微燶岩朋友飲酒來送小食，天婦羅有菇而且十分好味，另外南瓜和蕃薯都可以。想食少少熱食就叫豆腐什菜鍋和蜆鍋，和出面的放題有不同，比較清湯底，但食那麼多不同東西，清清吃新鮮蔬菜和鮮甜的蜆都不錯。甜品選擇都多，西同日式都有，雪條名牌雪糕一定有仲要任食勁開心，沒想到仲有芒果韓國雪條食，之前食過十要十幾蚊當然食返條啦，甜品感覺吾太甜口感都吾錯，每款拿了一件同朋友分享剛剛好。

好鍾意食日式放題但放題通常係夜晚, 次次都食到頂住個肚瞓覺唔係好舒服. 所以一直都想搵間食中午放題. 朋友介紹話呢間好食就二話不說即刻同個朋友去試.中午放題12-3:30pm, 每位$390 +10%. 任何信用咭都有7折.坐低之後侍應同我地講會有一份刺身. 呢份刺身有海膽,三文魚, 帶子, 北寄貝, 蝦, 吞拿魚,八爪魚同油甘魚, 另外龍蝦同蟹鉗係熟嘅. 全部都好新鮮, 三文魚好厚身. 我就最鍾意油甘魚同北寄貝. 清酒煮蜆都幾清甜.天婦羅叫咗南瓜, 蕃薯同舞茸菇. 炸粉唔會好厚食落唔覺好熱氣. 最好食係舞茸菇, 菇味好香. 芝士軟殼蟹, 海膽三文魚碎同芥茉八爪魚卷物細細舊味道不錯.鱈魚干好好味, 有鱈魚鮮味之餘因為輕輕燒過, 所以脆脆地又香口, 用嚟送酒一流!飲品種類好多, 唔止汽水, 紅酒白酒清酒啤酒, 連炭燒咖啡都有.仲要任飲.岩晒慢慢傾計至好.甜品款式亦都好多, 日式西式都有. 我就鍾意日式特別係有芝麻果兩款.

相約幾個友人飯聚，其中一個朋友就係網上send咗條link嚟係介紹呢間放題，話有蠔任食同好多種酒精類飲品可以任飲😚😚仲可以食3個鐘，真係聽到好心動😍😍急不及待想快啲到嗰日。當晚準時到餐廳，見到入面啲座位都好闊落，大部分卡位為主，出邊放咗啲冷盤海鮮（蝦，青口，螺等等），最重要係有兩盤兩款唔同國家嘅生蠔😍😍，放係自助吧度等我哋拎🤤🤤，見到都開心🤗🤗另外仲有多款唔同嘅紅酒，白酒，清酒，梅酒及啤酒俾人選擇。熱食款式就少咗啲，成日諗住叫啲鍋物試下，但飲酒都已經飲飽咗，所以今次冇食到好多嘢~下次一定要再嚟過食服務方面都好好，我叫咗樣食物係芝士焗元貝，食落口超咸都已經唔想食，點知我朋友又叫多份，又係咸，最後忍唔住叫侍應幫我哋收走，同埋話咗俾佢知呢款食物超咸，佢哋問使唔使補返，我哋話唔使，因為怕第三份嚟到一樣😅之後有個類似經理級嘅人過嚟道歉話會跟進，都問要唔要重新整過俾我哋~我個人認為佢哋服務好，起碼唔會黑口黑面對住啲反映意見嘅客人先~🤭大至上所有嘢都好好，個人都滿意，最後原來有銀聯卡係有8折~真係覺得抵呀～😆

已經係第二次去爐瑞金了！上次來係因為地點方便，店面光鮮！今次再來係因為有酒飲有靚雪糕吃，同埋坐得好舒服，一點都唔會逼同趕！一來先探下酒水區先，有涷/暖清酒，紅白酒，仲有日本生啤！之後先發現原來仲有生蠔呀！有兩種添呀！日本同法國！之後就吃我最愛的沙律了！有無限的蟹子呀。。。。。好感動！呢到仲有築地直送的海產，價錢都幾合理！不過我們得兩個人，本身放題的野食都吃唔曬！所以我們就無試啦！之後餐廳已經送上第一輪的刺生拼盤！難得地有龍蝦蟹鉗同海膽！正！正餐比較特別的係呢個黑松露鵝肝多士！卷物size不算細，但選擇又多，用料又新鮮，好味推介！其他熟食都有好多選擇！炸物串燒天婦羅最後一定要吃甜品(和菓子)同雪糕！

因為朋友食過，覺得不錯，所以我們也來了。我們只有三人。餐廳跟一般食放題的有點不同，不會坐得密密麻麻，幾好坐，有個L 位的自助取餐位，都有幾多野食，蝦、蜆、翡翠螺、生蠔（唔係特別大隻）、沙律，另外仲有酒都係任飲，有清酒、梅酒、柚子酒、紅酒、白酒、啤哂等，對於鐘意同朋友邊食飯邊飲返幾杯ｇｅ人，哩度真係幾唔錯。至於放題食物，都好唔錯，大部份熱食都係好食ge，另外刺身都好有誠意，有海膽添，都唔差。而且服務都好好喇。係收碟收得好密。個晚仲有送左D日本直送ｇｅ刺身比我地食。唯一有一樣野，就係朋友好想食個榴蓮波波（佢之前食過）而家無左。

經常係尖沙咀行街 見到炉端金既門面非常日式， 好似去左京都咁 未入去已經好有feel裹面空間好大，唔似其他放題好逼既感覺 呢樣好加分一入去佢會先每枱一盆魚生 唔使擇， 仲有加一隻龍蝦。d 魚生都係d大路野，都幾新鮮。仲有少少海膽，驚喜都幾新鮮喔 ，不錯👍🏻 但係就無得再order海膽 只係第一盆會有 ， 唯有再叫海膽壽司啊因為都過左暴食既年紀，叫野食都只會叫d自已中意既， 其實選擇都ok 多 放題黎講都幾有誠意出邊仲有自助bar. 有d冷盆 ， 朋友就拎左好多生蠔 話都幾好食喔總括而言 環境真係不錯 👍🏻 野食都 ok 多野選擇 價錢就中價啦 可以一試！

今日放假又係揾好嘢食嘅時候，朋友介紹呢間炉端金唔錯所以試下價錢方面比一般放題貴，大約400$左右到但就有生任食生蠔有法國及日本蠔，法國蠔比較甜但細隻。另外有凍海鮮以自助形式供應除紅白酒外仲有啤酒、果汁酒、清酒、梅酒…等等簡直係酒鬼天堂，當然還有其他氣水果汁供應一開始會送活魚刺身和刺身拼盤，我當初以為送一條所以有少少失望，但活魚刺身可以另外加錢單點價錢約200$左右至於串燒方面比刺身壽司出色，尤其是牛肉串和烤羊架非常美味，還有一夜干和海膽粥也值得推介但可惜漏單問題非常嚴重，我們點了很多食物唔齊和很久至到真係要改善，另外壽司選擇唔多，海膽和三文魚籽份量又少感覺很小氣環境方面幾舒適整潔，經理和員工也很有禮貌只是位置唔算很方便和價錢未算很物超所值未必再來

食過無限咁多次放題.....炉端金真系可以話系最高質既一間，刺身選擇同海鮮真系拍得住酒店級數。我地食5:45pm個場，出面有自助形式蟹籽沙律。可以無限食大量蟹籽，真係好正個自助bar仲有生蠔、青口、凍蝦同埋翡翠螺，真系好似食緊酒店buffet！隻隻都好大好肥美，尤其生蠔，一口氣吃左半打! 好鮮甜！極力推介！超大隻之後每一枱都會自動上一盆刺身同埋龍蝦，龍蝦好多蝦膏，刺身併盆有三文魚，赤身，油甘魚，甜蝦，帆立貝同帶子，仲有松葉蟹腳同埋鰹魚，全部都好新鮮！炉端金最特別之處系除咗平時啲放題都有嘅sake同埋啤酒之外，仲有紅白酒同柚子酒，另外自動生啤機，呢個真係好得，幾貴都要泥體驗一次高級放題！包你滿意！另外都左多款小食同壽司，小食我最中意黑松露鵝肝多士，上枱即刻聞到香煎鵝肝味，一口氣吃左3舊，好回味！最後食埋個MOVENPICK雪糕，今餐真係超滿足!!!

炉端金係一間唔可以錯過嘅放題，價錢唔係平，但堅高質，有酒飲，有即開生蠔，回本無難度凍海鮮不停refill , 生蠔就係師傅即開即拎的，每次三隻，幾個師傅同時開工，非常快手，近乎唔使排隊！生蠔唔算太肥，不過味道鮮甜，口感幾爽，任食唔嬲，好滿足！食生蠔要配乜嘢？正是白酒！呢度酒水任飲，紅酒白酒清酒梅酒啤酒乜都有！啤酒杯仲好有誠意雪凍左，仲有得玩啤酒機，唔講以為自己去咗日本！除咗凍海鮮，仲有啲沙律可以自己整！我就整咗碟超足料蟹籽沙律 第一round刺身係唔使order的，餐廳會自動送上，超大盤，乜都有啲，最正係有成pat海膽、原隻龍蝦同埋去左殻嘅蟹鉗！原隻龍蝦啖啖肉，肉質結實，好好味呀！其實食完呢盆刺身已經唔需要再散叫不過食到咁上下，師傅開咗幾條魚，我哋又有高質刺身食！分別係兩款鯛魚、池魚同海膽～黑色皮個款好正，味道好鮮，魚皮仲爽爽地海膽份量都幾多，如果俾埋紫菜就更加好啦！跟住我哋點咗幾款壽司。佢啲特色卷物做得唔錯，而且幾款都配搭得宜，我仲encore左前面個兩件！跟住飲杯熱茶就食熱嘢。熱茶好多款茶葉，揀完自己放入茶壺沖！呢度啲熱食都好好味，串燒係必點嘅項目燒一夜干味道好特別！咸香十足！燒牛

次次經過呢間放題都好想食，今晚終於試到，食完覺得係:非一般！我地揀咗第二輪時段: 7:45pm未試過放題有咁多酒飲！除咗Sake、梅酒，仲有紅白酒！另外，亦有好多款茶包、汽水😍👏呢個”自助區”有好多海鮮，大大隻翡翠螺、愛爾蘭生蠔、凍蝦、鮮花甲等等👍🏻🥂首先係每台都有嘅刺身拼盤，不得了，有三文魚、吞拿魚、海膽(肥美又creamy!)、帶子、甜蝦、鰹魚、北寄貝、松葉蟹鉗、龍蝦😍刺身非常鮮甜，食得出係靚野😍跟住就係築地直送飛機魚刺身，師傅刀功一流，有薄切、厚切，無論味道、口感，都無得彈！<黑松露鵝肝多士>鵝肝煎得好香，入口溶化，同黑松露味道好夾，幸福啊！串燒亦出色，牛舌充滿牛油香，食落好彈牙，正！壽司d餡料豐富👏<紫芋栗子薯餅>好有驚喜，入面有好多栗子粒粒，紫芋亦blend得好creamy！最後點少得甜品！有我最愛嘅Movenpick! 我食咗2杯！總括黎講，呢度食物質素好高，服務態度好，坐位寬敞，有好多仲要係卡位，會再黎！

又係食放題嘅時間～今次同係外國返黎嘅表姐一齊去食，佢話一路都好掛住放題，所以就揀左呢間地理位置好方便又就我放學地方嘅餐廳黎食。我本來都冇特登睇過呢間餐廳嘅介紹同評論，所以一入到去就比佢嚇親，一睇就係豪華嘅放題～有好多唔同嘅酒類可以斟，仲有好多海鮮冷盤，仲有我愛嘅生蠔真係眼花繚亂其他飲品嘅選擇都好多，好多平時放題見唔到嘅野飲，連楊枝甘露都有一開始我斟左少少柚子酒黎試下，雖然唔係好鐘意飲酒，但覺得柚子酒又幾特別。佢嘅柚子味好濃好出，一入口就湧出黎，後來先慢慢滲出酒味。酒味唔係好強烈，我都接受到～呢樣野飲我未見過，一開始以為係果汁汽水先擺，後來先發現都係有酒精嘅，但佢嘅酒精味都唔濃，兩隻味都唔錯，唔會有陣假味～一開始餐廳送左個海鮮刺身拼盤比我地，超級豐富連龍蝦都有色澤、口感、味道都話比我知刺身好新鮮～仲有好多唔同款嘅刺身生蠔超大隻，海水味好出～佢有幾款蠔可以揀，可惜我冇咩研究過邊度嘅生蠔最好，所以唔係好識揀壽司同卷物嘅選擇唔算勁多，但每樣都好足料，同埋好精緻，又唔會太大舊令我太飽～海膽軍艦嘅海膽真係超多～呢個帶子群邊真係好爽口味道又調較得好。好特別嘅係呢度嘅蕃薯天婦蘿係用紫薯黎做我真係第一次

香港放題好多款，但有幾多間係任飲酒，任食刺身，任食雪糕呢？但係炉端金就可以滿足曬我既慾望！！首先個環境門口完全係日本既築地海鮮餐廳的設計，十分華麗，內部環境都一樣係日本風格，好似真係係日本食飯一樣。🇯🇵🇯🇵🇯🇵晚市海鮮放題套餐，一開始就會送一個龍蝦同埋 三文魚刺身🍣雖然係送的，但一點都唔會馬虎，都好新鮮，食落好有口感同其他放題既刺身好唔同，點啲酸汁開胃，就可以食多。到熟食方面熟食選擇都算多，各樣日式的熟食都會有。😄😄不得不說，炉端金既熟食真係好好食，不得不說 和牛炒飯，和牛好食不在話下，炒飯有鑊氣配合埋真係好正。同埋 地獄拉麵 個拉麵都冇馬虎都有用心製作，但係唔太夠辣，唔食得辣既朋友可以一試。重有小食方面，叫左骨付雞肉腸，炸雞翼，芝士年糕呀，😄😄各款惹味嘅串燒，串燒當然要食必叫雞翼，鰻魚啦，燒得岩岩好，上菜時重熱辣辣，可以做一個開胃菜，又可以拎黎送酒既好選擇。重有而到有多種飲品選擇，同埋多種酒類飲雪糕有2個牌子揀，同埋係任食，真係好正