炉端金 (已結業)

朋友介紹下，來到這吃，星期五08:30時段，我們今晚十多人，首先一來一大刺身拼盤，刺身都算新鮮，此外，先再送上一大碟海鮮拼盤已爐端燒自煮！🍗🍠此外，有多類型選擇，壽司肉類🍤🍢熟食等，食到反肚，去到飲品方面成個涷櫃多類型🍹🥤選擇，酒精飲品🍻啤酒丶🍶清酒！而環境都算寬敞... 去到甜品方面無限次取雪糕，包括Movenpick,Dreyers 🍨🍦相比起其他放題來講，好少會有咁多種類，同埋上菜速度快！

之前經過這間舖門口既裝修感覺好貴，所以沒有幫襯過，近日聽朋友講轉做放題，3個人立即去試下，難得尖沙咀黃金地段有舖頭做放題，重點: 食材新鮮，待應生有高水準的服務，清酒任飲，銀聯卡有85折，埋單價每人$288- 值得再去，不過訂定位會好些...

點解話無下次，因為餐廳嘅衛生情況令人擔心！話說今日同友人一行10人諗住開開心心慶祝生日，食餐好嘅日式放題，點知食到半路中途，就出現咗第一隻小強！小強嘅出現就係係煮蜆煲嘅木板底上邊，當店員放低左煮蜆之後，友人就見到有隻小強從木板上邊走出黎！當時我哋都嚇親，即時同店員講有曱甴，點知一名年輕嘅店員反問我地係咪幻覺咋，而另一名大約40多歲嘅店員亦都以差劣嘅態度同我地講走咗㗎啦（隻小強）！當然友人的確見到隻小強仲喺度行緊，於是乎我哋再同另一位店員講，終於依位男店員拎出紙巾將小強殺死，然後離去！個一刻我哋一行10人其實都呆左，接下落嚟亦都好擔心會否再有小強，亦都唔敢食咁多野！點知，我地檢查另一份煮蜆既木板上會否有小強時就再發現米粒大小既殼類昆蟲.....

兩姊妹剪完新頭髮好餓甘入左間餐廳，妹妹話食過都唔差，見到menu有二人燒肉餐就點了，除左燒肉仲有蕃茄沙拉、有刺身、串燒、小卷、烤魚，我們另外點了天婦羅。燒肉係有唔同部位，至於咩部位冇深入研究，但牛舌好正最後先上湯烏冬，唔想食烏冬另外有石鍋飯，最後點少得甜品呢,選左藍莓牛奶布丁，完美地畫上句號👍🏻

呢日同男朋友行完山，佢話想食放題，我地之前食既時候申請左做會員有平D，所以呢日就去左爐端金。Book 左位6點準時尼到就有得入座，呢間野裝修同一般放題好唔同，就好似日本漁市場咁，Bar 枱前面放晒唔同既魚模型同酒樽做裝飾，好有feel.剌身分開左兩張紙，選擇多，魚生夠新鮮，同埋畫左幾多就比幾多蟹腳係送既，幾多肉，貼心比埋較剪壽司唔錯，飯有D暖帶子壽司有少少乾海膽手卷用加拿大海膽，大隻少少既天婦羅蝦同蟹柳炸物，炸蝦包左層米漿咁既物體，食落酥脆。串燒，調味夠，蝦好脆有追加。野飲方面，出面有兩大雪櫃裝有唔同種類既罐裝飲品，另外有清酒梅酒任飲，仲有熱茶。呢樽楊枝甘露裡面好足料，好味。甜品都多選擇，雪糕櫃兩個，movenpick 同haagen daz 係任食，仲有雪米糍tim呢款雪條比較少見，係mango + raspberry, 估唔到又幾夾喎

男友人生日，佢屋企人安排黎呢度慶祝，食過話評價幾好，生日者有半價。入到去安排我哋坐一個位都幾入嘅，係廁所隔離，嗰個位係好難叫到侍應過黎，就算叫到啲侍應好似未瞓醒咁，啲點餐紙由A至K咁排，逐份釘住，啲釘好易拮到手囉。一行6人好快就劃好哂交紙，啲野黎得算快而且無漏單。首先黎嘅係刺身，的確好新鮮，忍唔到口食左好多，但個wasabi無咩味，食到尾發現好多我地無叫嘅都砌埋落個刺身拼盤度，可能為左豐富視覺掛。然後黎左堆串燒，推介燒牛舌同燒冬菇，encore左幾次，雞皮得我一個食，好味，燒得好脆。食到中途無啦啦上左個長腳蟹，侍應冷言冷語咁話送嘅就擺底左，蟹肉有鮮味不過有啲太咸。循例都叫左啲壽司，舊飯太大了，比例唔啱。想叫烏冬食，但係得拉麵，無得轉烏冬，咁就無食到。另外仲有movenpick同haagen dazs雪糕作結。

我真係俾佢嘅裝修環境呃咗喇，以為咁靚嘅環境應該有好嘢食。入去試吓個中午放題啦，點知達仲招喇。魚生刺身唔新鮮又有大陣雪味。鹽燒雞翼，魚等勁咸又。炸物方面：榴槤炸彈，雞粒等又硬又油。地獄拉麵勁辣，鰻魚炒飯勁油。所有嘢食哂落肚應該膽固醇超晒標or有腎病。最離譜係有個肥仔侍應走埋離話你食剩咁多嘢會計番你錢。唔係掛，咁難食嘅嘢點吞得落呀。最終我都惡，食剩個麵同半個飯。真係冇下次囉，其他大集團嘅放題餐廳，人哋唔會埋你，你唔想食，人哋唔會迫你食又同你收咗佢，都冇話額外計你錢。你呢到屈字堆埋㗎，專屈你錢，服務態度又差，枱上面d嘢食完又冇人執。尖沙咀or旺角區大把平過佢，服務態度又nice嘅日式放題。我睇你呢間嘢幾時執。其實我應該醒至係，一入到去加埋我先得果兩枱客，唔多對路，好嘢永遠多人幫襯，全場坐爆。下次有咁嘅情況應該醒，即走。

If you want fresh seafood and sashimi this is the place you want as it has everything including ramen and bbq. Food was so good and the seafood was so fresh. Desserts were just the perfect finishing touch. We had 4 different types of raw shrimp and grilled tiger prawns. The geoduck was so fresh raw and even sweeter when grilled. This is the best Japanese all round sushi, sashimi, ramen, and bbq I have ever had.

約咗朋友食晚飯，一嚟就上個刺身拼盤，食極都唔完。朋友唔食生嘢，加咗$48燒烤，燒得都燒咗佢天婦羅幾好食，啲貝殻類都好正，個焗蠔同啲醬配得啱啱好。清酒煮蜆已經無晒酒味，即係無乜味，但我覺得好啱我食，有人或者會唔太鍾意。即場加$20入會就有折，甜品有Movenpick同Haagen Dazs，雪糕糯米糍同埋小杯甜品，大滿足。如果可以坐耐啲就可以食多轉，不過要早啲訂枱，今次係前一晚先訂就只可以食135分鐘。下次會再嚟食過！

次次係尖沙咀行街時經過炉端金，都會俾餐廳門口充滿日本風情嘅裝修吸引住目光。終於搵到生日飯嘅機會，可以入去食放題兼八卦下內裡環境喇！食放題當然係有理無理一坐低先劃好一置刺身紙俾店員啦，準備變身成焚化爐！叫咗三文魚、帶子、甜蝦、蜜汁飽片、赤貝、八爪魚、吞拿魚等一大堆刺身，仲有蟹腳。食勻晒之後，發現......居然無樣嘢好食，唔新鮮無味還好，無諗到有啲刺身食落仲有陣雪味，都幾倒胃口。咁就試埋熟食可能會無咁差，話晒燒肉有調味料，應該無咁惡頂。之後嚟左雞翼、一口牛柳粒、厚切五花腩、七味雞翼等等，係就係好啲唔洗捱雪味，不過亦食唔出肉味。一句講晒就係死咸後尾店員都盡責咁早兩個字嚟提你執嘢走都幾掃興，明明個時都食到七七八八唔似想有排坐，同埋佢完全唔記得幫我地雪緊個生日蛋糕其實都未拎出嚟添。環境係裝修得幾靚，但唔好期望過高，以為會有個種祭典熱熱鬧鬧嘅feel。仲有要提提佢張梳化塊皮爛左好大撻，夏天著短褲嚟坐住度卡住大脾真係好唔舒服，唯有坐對面位避開。呢間真係無下次，旺角有太多間平過佢，質素又好過佢（要好過呢間一啲都唔難）嘅放題，只為裝修而嚟根本唔值得。

臨近生日，飯局又黎喇～ 屋企人今晚一行8人，請我食放題預祝生日。炉端金之前家姐食過話唔錯，所以我地今晚再去。晚市正價成人 $328/位 (135分鐘)黎之前上 Openrice 唸住望下有咩食，點知見到 +$20成為會員之後，即刻可以全單有85折優惠，而且生日個位仲有半價優惠。我地book 咗6:00，頭一輪未算太多人。除咗有吧枱之外，亦有卡位。入座之後，侍應會為每位客人，送上一人一隻長腳蟹。蟹腳有淡淡海水味，肉質非常鮮甜。飲品方面，除咗一般汽水啤酒之外仲有日本有氣啤酒、波子汽水 同埋有梅酒、清酒。全部任飲～放題梗係要狂點刺身啦～ 先黎珍寶赤蝦、三文魚、吞拿魚、油甘魚、劍魚腩、鮑魚片、北寄貝、生蝦、甜蝦、八爪魚刺身擺得好整齊，未食已經好吸晴。珍寶赤蝦成隻手掌咁大，肉質鮮甜爽口。三文魚、吞拿魚、油甘魚、劍魚腩全部厚切，大大件超新鮮，大滿足。咁多人，一盤刺身又點夠喉。再黎珍寶赤蝦、象拔蚌、北寄貝 - 象拔蚌就一般，食落比較韌，要俾Ｄ心機咬。吞拿魚、甜蝦、北海道小貝柱 - 值得一讚係再落單，刺身依然係厚切。熟食方面，選擇都好多～焗廣島蠔 - 蠔大大隻，食落無腥味。壽司 - 唔食生野嘅阿媽，壽

路過好多次，星期日終於入去食。即場入會有85折，平日有8折。只需20蚊入會費。我地兩個人入去都係6百多少少。飲品選擇好多，仲有日本韓國飲品，重要有啤酒，全部自取任飲。啤酒有幾款好野選擇添。。仲有雪糕雪米糍自取任食。。另外服務員都好醒目。仲有寫單，我地每張都有唔同數字，完全準確送達食物。正明服務員冇亂入單，真係好值得讚賞！食物質素都ok, 試左6-7成野食。都好食。燒物。燒得好靚又好食。魚生。。重點推介。油甘魚。蝦。真係勁好食。只有鵝肝唔好食，清酒煮蜆冇味同煮得太熟。

3人新春敘會、見好耐冇去、試下啦、一試不得了、差過以前好多、鸿星咁大個集團都係咁、特別係所有炸物、硬、咸、油……一無是處。強烈建議多清潔地面、油、滑、年青人侍應係好有活力、但係唔該你睇下前後、經常撞到人。唔好意思、你可以見到我以前寫過一編大讃賞、但從今以後、一定唔會再去！可惜炸榴槤波波賣相味道ok、但食左一個已見頂胃、係想嘔嗰種、強力建議唔好試！只有魚生及飲品可以讚一下、特別係楊枝柑露、不過外面都有得賣、去7仔買好D！

Hungry Bear 今次帶了朋友一直好想去的<爐端金>食放題，超級有水準的一個放題喔~!😍😍😍-刺身: 刺身絕對唔嘢少! 全部都好新鮮~ 而且全部都大大件! 連大大隻珍寶赤蝦/冇殼蟹鉗/多款魚生共17款等等都係任食! 而且擺碟好精緻，有小乾冰伴碟，造成煙霧瀰漫的感覺😝 相機食先是常識吧! -壽司/軍艦/手卷: 真係太多款式了! 不能一一盡錄~ 食完大大盆刺身之後，這個小叫了。不過之後又好後悔，唯有下次再食。-天婦羅和炸物: 天婦羅炸得唔錯，炸粉不厚。炸物強烈推介紫心香芋丸和榴槤炸彈，兩款都是甜甜地的，榴槤炸彈的榴槤芯更是流心的，超好食!!!-串燒: 我自己就食咗牛舌和牛柳粒，大大粒的! 好有牛味。蔬菜串燒例如翠肉瓜都是厚切的。非常足料! -其他: 一口牛柳粒好食! 肉質嫩好juucy! 推介!!! -仲有好多好多其他嘢食....烏冬，拉麵，蟹粥，清酒煮蜆，炒野菜，沙律等等... -飲品: 多款選擇~ 有我最中意嘅波子汽水和忌廉溝鮮奶。仲有好多日韓飲品可供選擇, 日式清酒也是任飲👍👍-甜品: 有多款小甜品/雪糕/雪米糍等等。因為太飽關係只食了一盒movenpick雪糕

Ordered all-you-can-eat with my family. We managed to try almost everything from all order sheets. The food is well cooked and seasoned wherever suitable. Drinks and ice cream are also unlimited. There is movenpick, mochi and haagen daaz to choose from. The interior and atmosphere suits the Japanese food. Reminds me a lot of the restaurants I’ve been to in Japan. The staff is generally quite helpful and dedicated. Good for family and friends gatherings.