炉端金 (已結業)

原本以為有蠔食點知去到要咩係咩，要咩就加錢。唔係價錢問題，是睇到佢個ads先嚟試。點知.....中矢了，刺身好普通，野食好普通。廣告過左就提下客人啦唉真係有啲上晒當中晒伏既感覺。v仔同毛記朋友好想反台。嬲到爆相都費事影。

最近想試間新既日式放題，搵到間尖沙咀既放題～地方都算方便，所以約左幾個朋友一齊去試下！七點幾入座，見到大部分卡位都有人坐緊，好彩我地有預先訂位，如果唔係就唔會有卡位坐，坐得都幾舒服😌呢度不含酒精飲品唔洗加錢，當然如果要飲酒類就要格外加錢啦～我哋幾個都唔飲酒，但在場提供嘅飲品已經好多，有凍櫃又有得沖茶包☕️因為我哋已經好肚餓所以叫咗一輪壽司先，炙燒壽司嘅質量都唔錯，份量唔太大，而且材料都好新鮮之後叫咗唔同款式嘅壽司，仲有清酒煮蜆，樣樣都好好味，最緊要嘅係份量太大，唔會話食完一輪壽司之後太飽食唔落其他嘢之後刺身拼盤終於嚟啦，其中我覺得最好食嘅有帶子同北寄貝刺身，其實樣樣都好新鮮，不過食到咁甜嘅帶子真係好開心🥳有時八爪魚刺身唔新鮮既話都會好硬，但係呢間食落唔會太硬，幾有咬口，合格之後到串燒類，我哋叫咗兩串蔥燒牛肉、鹽燒雞軟骨同鹽燒香菇，樣樣黎到既時候都係微溫，唔會凍晒，但鹽燒雞軟骨同香菇略為鹹，但整體都滿意～呢個時候食咗咁多野當然會有少少飽飽滯滯，所以叫咗個紫薯沙律🥗之後我哋叫咗好多款雞翼，因為我哋當中有人好鐘意食雞翼😛，當中最好食嘅係芝麻雞翼，佢熱辣辣而且燒到啱啱好，唔會太乾，好juicy之

環境很好，唔會覺得迫，而且食物款式多，上網自己落order食物夠環保，唔洗再浪費紙張。今次係第二次去食，都好滿意。我最喜歡食清酒煮蜆同埋海鮮粥，好好味! 用銀聯卡有8折。

食個生日飯想搵個坐得舒適啲嘅地方食，呢間上網評語唔錯喎！所以過嚟試吓先，裝修得比較和風，感覺同日本食刺身嘅地方一樣，比較寬敞，有唔同嘅魚類品種刺身，比客人揀（據說係以成本價出售）呢度係交特別啲係用手機掃描QR code進行落單，環保之餘較為方便，值得一讚。刺身好新鮮，食到鮮甜味，證明融雪融得好。值得一提嘅係芥末味雞翼味道較為特別又唔攻鼻，黑糖玉子都唔錯！最重要嘅係唔同品種嘅雪糕任食啊！記得一定要食希臘乳酪雪糕，因為手慢所以攞唔到啊🤣！

呢兩個月都無食過放題因為大飲大食真係需要好好既心情同屋企人行到去tst 想佢地舒服啲食於是帶左佢地黎 今次第二次黎都知呢間多野食多野飲岩哂老豆 怒飲生啤第一波既刺身食到一半先記得影 真係唔好意思呀 新鮮食先岩架嘛 無計喇然後就嗌大愛串燒 佢有季節性既野食！ 京蔥牛肉串真係出色 牛肉熟度恰好京蔥仲脆卜卜 食完仲再嗌左幾串添仲有免治雞肉串 佢好爽口喎 好似有雞軟骨係入面咁 雞軟骨串都不錯 正常水準！見到玉子燒 有殺錯無放過佢有蜜糖玉子燒 紫薯玉子燒基本上都係我一個人食哂 呀爸呀媽真係唔識食不過如果再熱啲就好喇 因為個蛋味暖暖地都已經咁出 我深信熱辣辣會仲出色我諗我食玉子燒食到傻左 當飯食咁😝🙋🏻‍♀️再來round 2 串燒煙肉車厘茄串 呀衰鬼 又燒得幾盞鬼入面粒茄無燒到過熟 仲有汁架咬個陣芥末雞肉串 都幾過癮 唔錯 好夾佢甜品都好多選擇 我揀左朱古力鯛魚燒！仲有紅豆綠茶味架 好多好多

夜晚收工去左食呢間放題其實之前都想試 見平時都多人排咁岩今次放晏少少見唔多人就入左去填肚餐廳環境都幾日式feel 入去聞到一種居食屋既酒場味咁要讚一讚餐廳放題點單都幾環保是用電子qr點單幾方便放題食物種類選擇唔算多刺身:無吞拿魚 無長腳蟹食串燒類雞皮推介 脆口腎就太硬 唔太建議叫蝦就似係灼熟左先燒熟食:份量size比其他餐廳多少少一口牛肉質不錯~辣味清酒煮蜆好過原味榴槤炸彈好食 ~ 唔太厚漿雞翼口味多選擇~不過個人覺得辛辣同芥末蜜糖會有味道啲海皇粥味道okay 黑糖玉子賣相幾得意 唔係想像中甜到爆壽司方面: 芒果花之戀唔太夾的味道吞拿魚蓉有葱花碎會好食啲鹽燒和牛呢個真係唔差其他就一般啦 飲品都齊全 雪榚有movenpick簡整體服務都okay 價錢就中等啦不過環境就幾好 適合同朋友聚會食下野咁

13.07.2019因為要慶祝家中小朋友可以直升原校中學,所以訂位5人嘗試吓依間放題。原先幫襯開街尾果間實在太嘈,氣氛又太急。完全唔係享受今次試吓依間相對優閒環境高級好多刺身上檯之後,入口發覺的確係高級啲。新鮮不在話下,全無雪味。鮮甜可口,大家不期然真係一件接一件。Reorder都好快上檯除咗三文魚之外,赤貝脆口。活蝦大大隻,眼見都非常新鮮,有光澤。$198嘅松葉蟹(加錢),好抵食刺身拼盤幫襯放題可以優惠價錢享受嘅海鮮。$198嘅松葉蟹第一時間order燒物水準非常高,上檯時間準確,炸榴蓮球,炸雞軟骨,雞腸,黑椒雞翼,柚子雞翼,天富羅...新鮮滾熱辣甜品質量都屬高檔,日韓雪糕雪條受食。熱食嘅日式花蛤粉條好好食,有辣有唔辣。和牛炒飯好有鐵板燒嘅feel。順帶一提加錢可以有紅白酒,日本清酒供應。侍應可以因為暫時個場比較優閒,真係可以做到隨傳隨到相對附近放題有競爭力,相信再過多一段時日會更旺場。朋友已經相約短期內encore

本來食過一次，可以任食生蠔同任飲酒類飲品。今次去食青口同生蠔都要付費才有。立即令餐廳的性格比下降，因為它本身一些放題會有的食物，比如燒羊架，都是沒有的。現在沒有了生蠔任食，我未必會再來了

中午放飯時間特別多人，附近餐廳全部都爆曬，見到呢間日本料理仲有位就入去試吓！有好多唔同選擇嘅中午套餐，有烏冬有飯有壽司有刺身，我一個人就叫咗一份鰻魚飯套餐！呢個飯嘅等候時間超過15分鐘，我唔知道佢係留單，定係真係要等咁耐！鰻魚就唔錯，都夠入味，溫泉蛋都冇得特別！唯一要講嘅就係啲飯啊！非常之痴粒粒，啲飯係勁濕，唔知佢用咩米黎做！所以個飯我食咗三份一已經覺得好飽，但係我想講個碗係一啲都唔大！正常一個女仔嘅食量都一定食得晒！套餐有包一個小食我就要左份餃子！餃子就普普通通！煎得都脆口包左一個麵豉湯，都係普通好似沖粉咁飲！總括來講，今日我哋有五個人一齊去食，佢有個優惠價就係買四送一，我朋友就食到烏冬話有啲鹹！其他朋友都係叫飯 啲米都係咁 唔知係咪啱啱開市 啲飯岩岩煲出黎所以咁 平均一個套餐大概80至$90 但係我哋五個人食用卡簽賬，都係食咗200幾蚊送完一個餐仲有七五折，如果要求唔係話太高，呢一間日本餐廳值得一試！

年初同客人食過一次，覺得唔錯，所以今日再食多次，今次都係個客人請，雖然價錢仲貴過殿大喜屋，不過依度少啲人、食嘅時間又可以長啲，最後都係揀咗依間。但係今次有啲失望，各種刺身都好似冇上次咁新鮮...呢盆刺身有啲搞笑，個經理係都要話等齊人先至上，我仲以為有啲咩特別，只不過係加多舊乾冰😅依條唔知咩魚，一叫就成條上，但係坦白講啲肉麻麻哋...螺同埋蜆都OK，蝦就有啲痴殻，應該唔係太新鮮啲壽司都冇食過，海膽算係幾好羊架幾好味，但係女友話啲蝦霉霉地，最後燒過啲新嘅俾我哋，但係都差唔多我覺得個吉係幾得意雞翼有好多種口味海膽壽司係最值得食嘅總括來講不過不失啦

今次同朋友特登訂位食，友人又想食生蠔，小編想食海膽同鵝肝，終於比我搵到間全部既野任食一坐低送上一盤刺身，質素還好，最值得食劍魚腩同甜蝦仲有赤蝦，蝦全部都新鮮，爽口又甜每日都會限定新鮮魚，今日係吞拿魚蠔先係重點今次係用日本🇯🇵全新勁大隻，蠔身creamy 一人食三打必回本仲要係任食唔洗排隊，喪食蠔不是夢，自助吧仲有大量紅白、水果酒清酒任擇第二樣必食係鵝肝又係無限點，仲要配左黑松露，略嫌太細鵝肝，友人話如果仲要大份人地唔洗做生意哈哈第三樣必食既海膽，海膽新鮮甜仲有壽司類，都不過不失，最好食係和牛卷其他都有水準熟食小編基本都冇乜點食，不過我就唔建議食煮娊，有沙最後仲有H牌同M牌大牌雪糕都係任食整體依間算好高質，放題食物種類唔算多主要都係串燒壽司，但係如果你係蠔迷，想食海膽又想食鵝肝依間就真係岩曬重點人唔多，可以慢慢比你坐低飲酒吹水食野，細細聲話你知佢係任食3個鐘

一直留意左依間日本餐廳好耐 本身覺得放題嘅價錢太貴 而且自己又唔食生野 所以無好大決心去試！但今日下午經過 見有多款種類的定食提供 而且做緊四人同行一人免費的優惠 所以就去咗試嚟到依間日本餐廳 當然一定要試吓佢嘅壽司 我點左個有炙燒種類而且全部都係熟嘅壽司定食配烏冬 果然冇令我失望 壽司的確很不錯！分量亦都適當 二身邊朋友選咗壽司飯和海鮮烏冬 都覺得很不錯魚生非常新鮮 ！ 非常值得再去食！食過最抵食嘅Lunch日本餐廳埋單每人只係六十幾！一定會再去食！

高質！可以再去嘅一間放題餐廳♥️ 地址方便 平時少食放題，因為感覺一般放題質素成日都好一般！環境又差又迫，又無服務。食野應該重質亦重量！這𥚃店大，裝潢尚算ok。勝在地鋪方便、人少、服務好！即開生蠔、刺生新鮮、熱食多選擇、多款雪糕，所有質素一定不會令你失望！仲要飲飲😅真係好抵，當然任飲酒水Sake 唔會要求高質但合格。講真淨係食生蠔同飲白酒都抵返晒！係甜品section 啲和菓子個樣有少少奇怪 不過我冇食到😅 Overall 非常值得推薦！！

簡單寫寫這一頓生日飯⋯其實去年年底已經有吃過一次別人的生日飯，這次回頭是因為食品質素不錯，酒水選擇多，加上壽星+銀聯卡8折優惠更划算（原價埋單就有點卻步）其實整體跟坊間日式放題相約，魚生、特色壽司、串燒、炸物、熱食無一不在餐點紙，大概貴就貴在生蠔青口任取 - 是新鮮的，酒水包括生啤清酒梅酒都是任飲 - 是順口的。此外，每檯贈送築地直送魚生3款，我都忘了它們分別是什麼，只記得味道清淡，因為本身偏好白身魚所以覺得不錯吃。唯一要抱怨一下就是店員處理生日優惠的手法。埋單時店員並沒有扣掉壽星半價（電話訂位時已聲明有壽星和銀聯卡），所以我們主動遞上壽星身分證以作核實。誰知店員表示我們吃這個5點半場次是不能享用壽星優惠，可是在去年年底吃沒遇過這問題，這次也在電話確認過可以了才預訂⋯最後店員聲稱「破例」處理，語氣不佳，確實有破壞到完成餐點的心情。建議餐廳方落實優惠方案後應在官方Facebook 等公布，店員處理顧客使用優惠的手法也應一致。老實說，本來人流不算多，推出優惠限用在晚市也常見，但只指定晚上唯一黃金時段使用就對顧客沒什麼吸引力了，因為質素相約（無酒飲，其實食放題點會飲酒打爆自己個胃），尖沙咀一

lunch 套餐本來$78起，見佢有買三送一，同同事試下。一入店，一陣陣臭臭飄過黎。唔知係咪d魚生味。叫左個鍋燒烏冬，套餐跟小食，叫左三隻餃子。套餐都有好幾款選擇。個烏冬食落似稻庭烏冬，有一隻天婦羅蝦，隻蝦好食，仲脆，但塊魚片食落有d臭臭地。食完好彩無肚痛。至於個湯底，係好咸既。食完成口都係個湯味，好耐都唔散。用信用咭埋單居然仲有75折，除返開每人都係$50。味道老實講，真係麻麻地，但咁既價錢，係尖沙咀仲要地舖食，真係相當抵食。