炉端金 (已結業)

食完隔左日我同朋友都肚痛同肚痾，搞到我標哂冷汗，痾到我腳仔軟！我好小可上openrice專登打一大篇野俾食評，但呢次搞到我痾到返吾到工，我就死都要上來打劣評。等d人知呢間垃圾放題有幾差！好心d生蠔吾新鮮就吾好拎出來賣比人食啦，垃圾又貴既放題我永遠都吾會再來！又冇乜熟食，熟食果d一係太咸，一係就難食到我要嘔返出來！壽司果d就正常，但我覺得比成4百幾蚊一位比d咁既質素既食物擺明係昆遊客入來食，因為試完一次就吾會再幫襯！

環境：⭐️⭐️⭐️⭐️⭐️門面裝修甚有日式風格，餐枱之間有拉簾風格，卡位亦充足，私隠度很高！部分海鮮如生蠔、青囗、風螺及海蝦以自助吧形式擺放供食客自取，場內亦設有飲料區及甜品區供食客任取，方便又衞生！食物：⭐️⭐️⭐️⭐️⭐️食物選擇豐富，海膽同三文魚子壽司值得推介，新鮮份量又多！生蠔有兩款選擇（加拿大同日本），同樣新鮮肥美！好酒朋友，這餐廳一定適合不過，因為場內任飲香檳、紅、白酒、西班牙果酒、梅酒、各類生果酒（罐裝）同啤酒，選擇非常多呢！甜品方面，單食movenpick 雪糕已經回本了！服務：⭐️⭐️⭐️⭐️⭐️待應會主動提議食客下載優惠券，有八折，仲贈送一支價值$98白壁蔵米酒俾食客回家飲（因為我咬斷了筷子而送的）,每位待應都非常主動有禮，殷勤招呼每位食客，值得一讚！註：⭐️⭐️⭐️⭐️⭐️五星為最高分，⭐️一星為最低分

同男朋友兩週年諗住食間好小小既放題所以揀左呢度我地揀左5:30既第一輪放題一入到去好似包場咁全場只有我地兩個都幾尷尬坐低無耐職完送左一份日本直送呑拿魚刺身比我地因為唔食呑拿魚既關係所以評論唔到新唔新鮮但肉質夠厚之後再黎左碟刺身賣相一般 除了三文魚味道較好其他都麻麻地 其實揀呢間放題既主要原因係比呢度既任食生蠔而吸引，點知拎左四隻返黎相當失望肉質唔厚 食落口無咩鮮甜味同埋唔算太新鮮海膽軍艦賣相吸引，質地creamy 但同我預期中嘅海膽味道不符味道重海水味而且有少少苦味唔係太適合我嘅口味食左一舊就夠其他炸物 爐端燒味道一般唔會推薦而且都冇特別影低正價438/位申請會員額外有八折每人都要385/位但對比起外面二百幾蚊既日本放題性價比較低較遜色不值推薦最重要係食完呢餐之後仲肚屙真係唔會再有下次

五百幾蚊嘅放題，有生蠔，有酒任飲，睇到之前嘅食評以為刺身有海膽，原本對呢間放題抱有好大期望，點知。。。我地8個人，以後頭輪刺身會有d驚喜，點知有驚無喜。原來頭盤係無海膽，仲要好求其有海膽軍艦，唔腥，不過唔鮮不斷漏單 (多數漏刺身嘅單)最深刻係個黑松露鵝肝多士，個鵝肝細個睇唔到，同埋唔係多士，係餅乾中段佢話送碟築地直送嘅新鮮活魚，靚就幾靚，但都唔係好鮮味天婦羅，蝦天婦羅比較厚粉，其他就ok，但都係中等貨色成晚唯一好食嘅就係燒鰻魚同牛柳粒一句到尾，食物質素一般，環境不錯，性價比低

尖沙咀特色餐廳之放題篇呢間放題食物種類繁多，主打時令海鮮，仲有築地直送限定魚生。特別之處係有勁多酒飲🍸🍺🍾，除左日式燒酒同梅酒外，仲有一部全港首部生啤機，比客人以自助形式體驗完美啤酒比例。有酒精的情況下，一大班朋友更可以暢所欲言，輕鬆下。不想喝酒的朋友，也可以泡泡茶。除左飲料外，食物質素當然好重要。呢間既魚生真係Ichiban👍🏻👍🏻👍🏻每枱會有一大盤刺身拼盤，魚生包括三文魚、帶子、海膽、甜蝦、北寄貝等等。三文魚片厚厚，十分肥美。海膽頂級鮮甜，超級推介。除了魚生外，還設有自助海鮮吧，主打生蠔、翡翠螺、蜆、龍蝦、蟹鉗等等，味道鮮甜，超高質。食完主食，點少得甜品🍨除左有各款迷你甜點外，仲有Haagen-dazs、Movenpick 、Dreyers雪杯任食。😍😍😍

值回票價，適合喜歡飲酒的朋友，本身知到508一位再加一想走😂因覺得放題食物質素一定係好一般～後來佢話有銀聯咭八折便試一試～刺身同酒加甜品係推介～其他都可以接收， 喜歡飲酒嘅朋友有 熱的 清酒，有梅酒，啤酒，紅酒，白酒任飲，飲多幾杯都回本😗😁， 甜品都係高質素嘅雪糕都係名牌子～ 飲品質素都好好，有日本波子汽水，有日本水果酒，烏龍茶等等，好多種類選擇 建議不要吃烏冬同埋火鍋類食物～質素好普通， 鵝肝亦都麻麻地，因為得三分一隻手指尾咁少😅

之前係討論區見到有人介紹有生蠔任食同好評都唔錯，所以去試食。當日係慶祝生日，環境唔錯，人也不多，好多空位。但侍應態度一般，認真唔太開心😂生蠔係可以任食，自己夾，無限每次幾多同唔使排隊。但味道就還好，為生蠔而黎，但都無食好多。其他食物都係一般放題質素，鮑片、甜蝦就最新鮮好味。埋單用銀聯卡85折平均每人$448。價錢對比食物覺得唔係好抵食。比預期中差。感覺係去過一次試完，下次唔會再推介朋友去的感覺。

對上一次食呢間我諗都有兩年前，當時都未有咁貴，而家加價加到4百幾一位，不過心血來潮好想食，老公BOOK位話lunch有75折咁就book左la!Lunch係食12至3，我地12點就去到，同場唔多人。侍應提醒刺身唔駛叫住，佢地會自動奉上，咁我地就剔d壽司燒物炸物先啦~剔完就出去行個圈睇下同之前有咩唔同，放眼一睇出面多左個前菜/salad bar(?)，個人唔太有興趣所以冇拎到!再行前d比以前多左好多飲品既選擇!好少放題有既自斟生啤同花茶都有，擺茶個corner擺左一格格櫃桶，入面擺左茶包，客人可以用茶壺或者杯斟都得。另一邊甜品corner有movenpick同haagnedaz，仲有dryers雪條、細細粒雪米糍同韓國雪條。番番埋位刺身已經到左，種類都幾多，質素都ok，係新鮮既。壽司都唔錯!細細件唔會咁快塞飽個肚!之後黎左個鵝肝多士，我真的不敢相信我的眼睛~這是鵝肝餅乾是嘛?而且鵝肝超細粒，太姑寒了吧~失望!燒物方面羊架最出色，燒得香而不膩，天婦羅就一定係蝦最好味~必定encore!和牛炒飯就真係慳番唔駛叫~個肉腸第一次落單冇黎，之後再叫先黎，味道都唔錯~可以一試!最後到甜品回本位，係狂

假日19:45-22:45時段 💲498*晚市供應自助海鮮🦞🦐✅ 梅酒清酒啤酒白酒紅酒任飲🥃🍶🍻🥂🍷 啱曬一班酒鬼🍾✅ 每日空運鮮魚刺身夠鮮新鮮🥰 但唔旺場的話要主動提店員先有😐❔ 生蠔易入口但唔肥美❔ 刺身一般🍣❔ 一夜干珍貴但多骨🐟

🥢尖沙咀食非一般放題🥢平時食大字頭的放題食到厭，今次帶大家試試呢間非一般放題店，因為除左有任食生蠔凍海鮮，仲有白檳白酒sake生啤梅酒任你飲🥢生蠔是有自助區任拿的，完全唔知產地，味道偏咸，而且未算飽滿，蠔是師傅即開的但尚算ok🥢酒： 有梅酒，柚子酒，清酒，生啤，白酒香檳，荔枝汽水酒，鍾意飲返兩杯呢到最啱🥢刺身：一坐底就會俾一盤有龍蝦的刺身盤俾你，其他劃紙仔的有三文魚，八爪魚，油甘魚，赤身，甜蝦，帆立貝，鰹魚，北寄貝，松葉蟹拑，味道尚算新鮮，合格🥢食到中段職員送了一碟貴價魚俾我地試下，（可惜同行朋友唔識欣賞，好想食多兩塊）雖然店員無介紹到係咩，但目惻左邊是彷彿魚，魚質鮮甜爽口，中間是金目鯛，肉咬落有勁度，而且越𡁻越香，而香港能夠食到這魚種類只有貴價日本料理先有得食，估唔到呢到都有得試食，實在驚喜🥢串燒：每樣都燒得乾身，恰到好處，有鰻魚串實在開心，一夜干太細條無肉，又係失望，menu 沒有牛舌串，真係可惜🥢炸物：天婦羅要讚一讚個師傅，炸到鬆脆可口，而且粉薄，以放題來講，實在好吃，其他特別有公魚仔食，送酒一流。而且讚一讚今次炸物食到是用新油炸的，所以非常爽脆乾淨，

第一次寫食評 ，居然是因為選擇了這餐廳 。囡囡18歲生日希望給她一個難忘的晚上, 早兩星期前，已經在網上找有生蠔食的自助餐/日式放題 。在openrice 看見 爐端金， 大部分食評都表示非常滿意。 所以就選擇這間日式放題首先講 環境一般，不是其他食評所講好像去了日本進餐一樣 ，不要被餐廳的大門口欺騙。 至於食物方面， 不及一般大眾化的日式放題， 首先送一盤魚生拼盤有龍蝦, 三文魚,帶子,甜蝦…… 龍蝦好像食擦子膠 ， 沒有鮮味可言 ， 刺身只能说失望。 重點食物生蠔 ， 非常瘦身但有鮮味 已經是全晚最好的食物。其他 燒物，熱食及雪櫃內的甜品沒有一款值得一提 ，選擇也非常少。 但酒的種類選擇非常多 ，有 啤酒， 日本清酒，梅酒 ， 柚子酒，四款白酒，也有其他非酒精飲品。而柚子酒可以值得一試。總括來說 這間餐廳😧😧，平均每人 用餐費$440 (已經用銀聯8折優惠) 。我會選擇其他大約$260的日式放題。

朋友生日飯尼左尼慶祝，一共4個人坐左係卡位，我遲少少先到，一份去就已經好滿座睇尼都名不虛傳。入到去就已經見到有酒區，原來飲品，茶同酒都可以自由斟架！！！酒既種類有紅白酒同香檳，我就偏愛白酒既，而且食生蠔一定要配酒啦！落左order等野食期間就衝左去出夾生蠔，佢地refill 得好快，所以拎左好多，非常好食！！！！！鮮味！！！！清甜！！！而且最緊要乾淨，講真只有少少問題我都好容易肚痾，但食完隔左好耐都無事就證明佢地處理得非常好食食下刺身就尼啦！好正呀！超大盤好誇張！不過全部都好夠凍，而且擺設得好令！！！！好甜心咁準備好晒匙羹同剪刀比你食海膽同龍蝦天婦羅都好好味，熱辣辣咁！又5會太油黑松露鵝肝多士，係我最鍾意食既2樣野加埋1齊，味道就當然5洗講，但塊多士就凍凍地同索左油之後冧晒，咁樣就扣左少少分但都係好食既。當然甜品選擇都好多，雪糕雪條都食左好幾款！埋單大概每人4百幾500到，以尼個水準咁既價錢絕對抵食，分分鐘可以媲美大牌酒店自助餐添想食記得盡早卜位啦！好full架！！！

今次係同老婆去食生日飯，呢間半自在日本食放題睇網上都幾都好評！所以黎試下！如果要泊車的話就免啦，因為冇停車場係附近！食物方面我最欣賞係佢個生蠔，因為好新鮮，好肥美！另外刺身都好好食，溫度夠凍，仲有天婦羅，串燒，燒物等熱食亦都係即燒即煮嘅好好食，現場仲有紅酒，幾款日本茶等任飲。餐廳環境好大，有好多大枱，同埋卡位。員工都好Nice，收碟同埋落單都好快！但價錢就覺得貴左少少，不過性價比都好高！大家都黎試吓啦👍🏽

倖存者終於等到出糧日，仲唔即刻約埋朋友搵食，證明自己仲生存喺世上!今次朋友推介去呢間獲得唔少好評嘅炉端金，其實倖存者一直都想試好奈，但由於晚市放題有性價比唔高，所以未有機會試到，今次見到銀聯咭有優惠，即刻同朋友把握機會！ 晚市放題每位$438+10%食物種類繁多，主打時令海鮮、刺身同串燒。如果食悶普通日本放題，建議不妨黎呢度轉下口味，同樣係日本放題，但絕對不一樣嘅風味！門口裝潢極豪華，門面大招牌同大燈籠一定唔會搵唔到！倖存者除咗野食之外，最欣賞就係飲品！平時放題重點放晒去食物到，但飲品同樣重要！呢度設有酒精飲品，有埋唔常見嘅柚子酒同梅酒，係名副其實嘅把酒言歡！串燒種類俾想像中少，但全部都重質，款款都係高汁之選。倖存者推介牛舌，口感軟腍，又有濃郁牛味刺身呢盤刺身係訂位送嘅，全部魚新鮮由日本空運，甘甜可口

最近喺尖咀食過呢間放題，D刺身中上水準，其他小食，炸物，壽司和一品料理亦高於我之前食開的那間，價錢係貴咗少少，但絕對值。店內環境好大，有大大卡位，不錯，此行重㸃是吃刺身，海瞻好新鮮，鮮度爆燈。油甘魚，三文魚，帆立貝，八爪魚都你中上貨色，好吃，而最特別係有鰹魚供應，原來鰹魚魚味好濃，好特別，好好食。那天還有築地直送限定，有鯛魚呀，超鮮，超正。另外自助海鮮吧主攻生蠔，海蝦和翡翠螺和蜆，任食，重有龍蝦+蟹拑，鮮甜爆!你一定可以回本，海鮮吧質素也很好。其他雜項食物，其實唔係話極多，但味道好，有D有特色野食，好似係揚物，我最愛是唐揚秋葵蝦，食落好有嗆鼻的味道，炸野有款忌廉蟹肉薯餅，勁香口。一品料理必食地獄炒烏冬，辣得想食但又好想食。那海膽海皇粥，好鮮粥底好綿。壽司通通好食，推介芥茉八爪魚軍艦，玻璃蝦夀司。串燒的鱈魚乾好吃，少少咸鮮，D魚味好出，送酒最正。至於飲品好多野揀，有埋酒類自助飲品區，紅酒，白酒，生啤，清酒，梅酒，雖然係普通貨，但係有酒任飲放題呢個價抵晒。甜品有名牌雪糕，雪米糍，飲品有我最愛鮮地，果汁先生，閒日食四佰幾，係值。