炊豕店 (曉悅) (已結業)

每逢放假都會周圍搵吓嘢食，今次就嚟到長沙灣，搵到呢間以豬扒為主食嘅小店門外牆壁上一句”我們都是食豬大的”, 已經深深感受到呢間小店絕不簡單店內裝修簡約得嚟又有點獨特，還擺放了一部古老收銀機餐牌簡述了店名嘅由來，炊豕店，一家主食「豬」的餐廳望完餐牌就點了：▶️大阪燒豬扒飯 - 脆漿夠脆，肉質夠juicy，配上大阪燒醬汁，非常美味，必食之選▶️秘製豬扒撈粗麵 (肉燥汁) - 成塊面咁大嘅脆豬扒，由撈麵汁換上肉燥汁，特別得嚟夠美味▶️麻辣炸魚蛋 - 麻辣醬汁墊底，配上炸蒜，食落有驚喜總結：豬扒夠大塊，外脆內軟，份量十足，店舖雖小但環境給人感覺舒服，有機會一定再來試埋其他

中意食肉排飯,呢間以豬為主題既店當然要試下。價錢唔貴,但又唔覺似茶記,岩同朋友食飯吹水。我中意食米線多D,見佢有胡椒豬骨湯米線跟小唐菜,就點了呢個,本身個餐跟炸豬排,跟餐可加10蚊有厚厚的午餐肉。豬排有自家既調味,好特別,午餐肉似係炸過,特別香脆可口,跟個清淡既米線已好夠。我再加左罐可樂。呢度上餐快,真係快靚正!好中意呢度既裝修,有打卡位,有自己既賣點。門口仲有D懷舊既餐桌添!門口仲有幾盞現代化既燈,都好別緻。

嚟得呢到梗係食豬🐷扒啦～ 優點：係厚切夠肉，炸得香脆嘅。雖然佢肉質唔係軟身，都唔會太硬嘅，冧冧地咁啦。大阪燒豬扒撈粗🐷🍜至於大阪燒嘅做法都係幾creative！！！木魚燒和salad sauce都幾托得起豬扒，本身佢無加太多其他味上去，咁先做到反璞歸真，食佢嘅原汁原味㗎嘛～ 粗麵都係邪惡嘅選擇，因為佢係會加上風沙炸蒜，係幾惹味嘅。沖繩豬軟骨飯🐷🍚豬軟骨真心想推介～ 冧得嚟又多肉，有少少🤏肥膏。係食豬者嘅愛好。小弟覺得值得欣賞嘅係：客人有得揀小飯，或者多飯。自己覺得可改進嘅係：整體味道都比較heavy~ 所以食到最尾會有啲麻木/覺得too much～所以，餐廳可能要諗啲比較清淡啲嘅餸菜襯返。我覺得涼拌菜嗰啲都係未夠🙈 大豆芽有啲酸得濟，較返甜少少就會好啲！！

今日去長沙灣上堂 放學行內街出黎的時候想搵間餐廳食晚餐 見到有間食豬扒飯 之前銅鑼灣都食過大大份 就決定幫襯坐底睇餐牌都係有唔同豬扒飯選擇朋友叫左個蔥油豬扒飯 我就叫左叉粒豆角蔥花炒滑蛋飯 佢有得選少飯 以我上次食的經驗 非常建議女仔選少飯另外再加多左個小食share 餐廳設計幾特別 有油畫大字畫的豬好大塊豬扒的蔥油飯 朋友分享左一舊俾我食 豬扒易咬口 好食炒滑蛋整體上都唔錯 我覺得個滑蛋好做得有水準 不過飯都係太多啦 我都係食唔曬😅小食雞腎 每人有2-3 塊加$6 有野飲 好滿足

尋晚同幾個fd 係長沙灣睇戲，睇完戲去左附近一間台灣餐廳到食飯，坐低已經比隔離枱個d肉燥香味吸引到，我地叫左兩個肉燥滷蛋飯，一個蔥油豬扒飯，一個大阪燒豬扒飯，一個滷水牛展，一個肉燥凍豆腐，同埋4支豆漿。啲飯嚟到我發現原來啲木魚嘅香味仲吸引，個肉燥凍豆腐加埋啲木魚嘅香味將冷盤嘅層次昇華咗。值得一提，係佢個滷肉飯，滷肉汁煮得非常好食再加埋佢係用珍珠米，每粒飯都煙煙韌韌，5、60蚊既價錢d飯仲要大大碗，真係足料抵食，滷水牛展方面，牛展煮得非常冧，充滿滷水汁，食到佢嘅滷水味非常豐富，另外佢餐廳環境，燈光光猛，座位寬闊，除咗有矮身枱櫈坐之外，亦有一啲高身嘅枱櫈坐，總括而言，如果大家太耐冇去台灣旅行，而又想食台灣美食嘅話，推介呢一間餐廳就最好不過，佢可以令你搵返台灣美食嘅味道。

一班朋友仔係附近meet up，之前食過銅鑼灣分店既大碗豬扒飯想翻炒就帶朋友黎食😆我叫左碗招牌竹木日炸葱油豬扒飯，份量真係勁多仲有海量葱油撈飯，豬扒炸得完美，外皮非常香脆，豬扒夠juicy，唔會炸到乾箏箏，肉質鬆軟易咬，我地仲有叫左個小食係肉燥凍豆腐，夏日熱辣辣緊係要叫返啲涼拌小食，豆腐好滑捋捋，一滑落喉嚨有陣涼意好舒服，仲有滷水牛展都好入味，牛展煮得夠稔，朋友叫既肉燥滷蛋飯都好好食咁，朋友大胃既話加飯都只係2蚊，中意佢用珍珠米大大粒有嚼勁，大阪燒豬扒飯都好食，有木魚同大阪燒汁，讚👍

一直想試既豬豬專門店見佢喺九龍開分店，壽司郎又要等位6點幾，見冇人排就試下佢有幾專結論：有期望，有失望😂😂同天后豬軟骨差得太多無法……天后太高班，神級也🌈🌈豬軟骨冧，但柴，少啲牙力都唔得😂😂勝在食完唔口渴，份量配料幾多😃可惜蘿蔔太老，有渣，失敗味道普通喜歡清淡既👌👌喜歡味濃既，可能覺得唔夠味

之前一路都知道呢間豬扒飯，不過都未有機會，原來佢唔止銅鑼灣有店，荔枝角都有，所以今次特登lunch黎試下12點黎到唔洗等位即刻入得餐廳唔算大，裝修係走懷舊路線野食既選擇唔算多，D圖睇落去都好吸引點左個蔥油豬扒飯，望落去好吸引，豬扒既炸漿唔會太厚，不過就有d乾，肉質都鞋鞋地，蔥油唔夠香，而且都無乜味，有d失望另一個揀左沖繩豬軟骨，肉質夠淋，豬軟骨都唔會太硬，味道唔錯，仲有少少配菜，似平時食既台式鹵肉，不過有d肥

呢間台式餐廳主打豬扒，有不同味道的豬扒選擇，愛豬人士必試🐷😍門口位很有台灣餐廳feel ,木系裝修，可以打打卡😉入面不算大，有10張枱.點餐是用餐紙形式選擇， 每份用一張點，可選擇多或少，走配料，小食，方便有些不食某配的客人☺️價格方面，好便宜而且份量很多很大.上菜速度好快😳叫了不久已經好快到👍🏻👍🏻💠蔥油豬扒飯 🐷🥩🍚 $64見到份量嚇了一跳😱好大份，完全是2人份量.豬扒件件厚切大件，炸得金黃香脆，外脆內軟😊完全不嚡不黏牙😋加上超香的蔥油拌飯食，食到整個口充滿蒜蔥味😬飯的份量真是好多，如果食量少的朋友可選擇少飯，不然吃不完就浪費食物啦😌💠沖繩豬軟骨幼麵 🐷🍖🍝 $64包有大白菜， 蓮藕和蘿蔔做配料，豬軟骨好多肉，大件，軟骨不多😛豬肉炆得夠腍，好軟熟.麵是炒麵，可選幼或粗.麵口感彈牙， 不會乾身😚💠涼拌大豆芽 $22豆芽好清爽口，應該加了少少麻油醬，因為食到很香的麻油味，味道好像韓式的豆芽拌菜😋主菜加配6蚊就有飲品🔹可樂 $6 🔹蜂蜜生薑茶 $6啖啖薑味，加了蜂蜜不會辣，健康好飲😊

日常飲食不可缺的豬。經過簡約裝潢的<炊豕店> ，再加上一個極搶眼的口號*我們都是食豬大的！*就吸引了我走入店內*大阪燒豬扒飯脆漿夠脆，肉質ᴊᴜɪᴄʏ，大阪燒醬汁，還有會跳舞的鰹魚片，得意又美味*秘製豬扒撈粗麵+肉燥汁同樣大大件的脆豬扒，一般撈麵汁換上肉燥汁，味道更驚喜*麻辣炸魚蛋麻麻辣辣，灑上炸蒜特別惹味，唯一就係幾粒魚蛋價錢偏高結論是豬扒大塊，皮脆鬆化，價錢可以，更有期間限定款。地方小小環境尚算舒服，再來機會大～

最近先知，依一間神級餐廳係九龍開左分店之前係銅鑼灣食過一次之後，一直掛念著佢嘅味道。可是疫情嚴重，冇點出街搵食門面十分簡潔，有小小文青風睇唔出係專食豬扒嘅地方入面有小小懷舊嘅感覺，不過其實佢地好high tech, 廁所門都係電子門落單紙，十分簡單想睇圖都有咖喱豬扒飯 是日晚餐之前試過蔥油同肉燥，今日就試下咖喱豬扒水準keep 到，厚，多汁，個皮炸得夠脆d 肉冇點醃過，不過都已經好夠味d 飯好有誠意，係靚米。個咖喱汁，我覺得唔錯，不過蔥油同肉燥重口味d. 我再加多隻蛋，賣相再加分總結，香港應該冇幾多間食豬扒嘅餐廳係好食過依間，地點尚算方便。價錢合理，長沙灣番工嘅朋友就正出去食lunch,唔洗點稔食咩

好難得😂約到個朋友仲要在長沙灣食晚飯，兩條友去左位於福華街北段既‘炊豕店’。我們星期五晚的7半到餐廳，人唔太多，無需等位😄；餐廳裝修係幾有特色既，由門口大大隻醒目字眼到填紙仔入箱仔至餐廳入面既裝潢，好似總有一些台灣食店既感覺。😙😙我們二各人點了兩個炸豬扒飯作主食，分別係蔥油豬扒飯 & 大阪燒豬扒飯，配凍豆漿、熱柚子蜜，仲加左個麻辣炸魚蛋。😋餐牌簡潔，唔複雜，圖名並茂，一目了然。👍🏻兩碗飯份量十足，細食的話兩碗應該夠四個人食了。蔥油豬扒的蔥油類似姜蓉，幸好沒有太咸，豬扒外脆內嫩，咬落去係充滿肉汁，並不乾身，而兩碗豬扒都是厚切，相比之下我覺得朋友點的大阪燒會更有特色，佢好識揀，豬扒上面有燒汁，木魚絲，不過我相信木魚絲幼細d，熱力效果就明顯好多。另外值得一提的是兩碗豬扒飯都有配條小棠菜，菜色鮮綠唔黃，放在豬扒飯上色感都好豐富。😆😆幸好店員都無趕我們走的意欲🙈🙈，我們食飽傾多好一會兒才離開。

炊豕店門面比較似一般台式小台一心諗住食返個肉燥飯同台式滷味～入到餐廳後就好似時光倒流80年代屋企咁首先，量體溫嘅位置以古舊嘅存物櫃再加上懷舊風扇同信箱，相當有心思呀👍🏻地板仲採用咗80年代普遍的小格花紋階磚♦️牆紙設計方面仲好配合返餐廳主題，以豬為題材🐷睇完餐牌就發現佢地嘅主食都係以港式為主，而且份量都相當大份呀😳今次就叫咗2個主食，1個小食及2個飲品😝*蔥油豬扒飯*$64大大塊嘅炸豬扒覆蓋整碗飯，再佈滿香噴噴嘅秘製蔥油醬汁😋厚切豬扒炸得金黃香脆，肉質更嫩滑多汁，再拌入蔥油醬係飯中，邪惡程度十分高呀🤣*煎蛋焗豬扒飯*$68港式餐廳其中一款出名嘅菜式，點小得焗豬飯😋由於係即叫即焗嘅關係，所以要預10分鐘嘅order time~濃濃嘅番茄香味配搭份量十足嘅豬扒，再加埋隻煎蛋😋蛋黃位置仲要半生熟，mix係飯入面更香濃美味👍🏻*滷水雞翼*$25自家製嘅滷水雞翼，啖啖嫩口雞肉外散發著好香濃嘅滷水浸入雞皮內～*原味豆漿*$15餐牌排版好細心，飲品方面都分咗3個類別👍🏻值得一提就是健康飲品：原味豆漿，橙汁及蘋果汁。叫咗主食仲可以加配價$10order~起初以為係一杯，但原來一枝嘅價錢，相當抵飲呀🤣

點咗一碗䓤油豬扒飯、如果賣點蔥油嘅、我反而覺得ok。但係佢哋主打賣炸豬扒、咁就要俾多啲力。炸粉多、肉、骨既比例係1:2、咁啱我只係鐘意食肉、所以塊豬扒只係食咗一半都冇。其他配菜類感覺似台灣嘢、但係飲品竟然係冇珍珠奶茶等台式飲品、選擇有啲少。價錢方面、正常、但係我會想俾多啲錢去另一地方食啲更有質素嘅嘢。

下晝4點去到，無咩人🙈叫左豬軟骨同滷肉飯😁兩樣野都好入味 滷肉飯醬汁偏甜🙈但好岩我口味，蘿蔔唔夠入唔夠味，蓮藕口感唔錯😀但飯既口感就好一般般🥲軟爛 完全唔係有口感同米香既飯🥲 扣分啊🤣🤣🤣另外就係員工既服務麻麻 你想轉野飲 佢會因為唔想改單 叫你轉款同價錢既😂😂因為怕麻煩😂😂其實得一檯客😂😂😂唔好咁懶啦