炊豕店 (曉悅) (已結業)

滷水豬軟骨飯，入邊配菜有青菜蘿蔔同埋蓮藕。豬軟骨滷得超級冧超級入味，係骨嘅部份好似花膠嘅質感，用黎餸飯真係一流👍🏻👍🏻其他配菜都唔錯，可以用來中和返豬軟骨嘅油膩。另外加咗滑蛋，$10，份量好夠，比想像中多，炒得都okay。排骨米線，個豬扒好大份，切開有六至七件，外層好鬆脆好香口，另外仲加咗塊厚五餐肉，加$10，有成2至3cm厚，一啖咬落去，非常滿足，亦都好邪惡。胡椒湯米線都唔錯。價錢非常親民，而且份量幾多，好抵食。

係長沙灣路過見到呢間炊豕店裝修都幾靚，又係食台式野，於是無點睇menu就入去試下。一坐低我地就點左秘製豬扒飯（肉燥汁）同蔥油豬扒飯。如圖一樣,豬扒有手掌甘大塊，而且炸粉又唔會太厚,肉質唔鞋口，而且咬落仲會有肉汁,熱辣辣好好味，比台灣夜市買既炸豬扒仲好味道，每一碗既飯底仲要係好多，差點吃不完。食到甘上下，我地仲點左麻辣炸魚旦，魚旦經過炸之後，魚旦皮有口感好多，魚旦有嚼頭，麻辣醬好鬼麻，正！如果下次再黎長沙灣搵食，一定會再幫襯！

本身諗住去食壽司朗但太多人排隊就轉場去食其他就比我見到呢一間專係食豬嘅餐廳 分別叫咗一個秘製豬扒配米線 同沖繩豬軟骨飯秘製豬扒配胡椒豬肚湯米線佢豬扒同埋米線係分開上嘅 咁樣就可以保持到炸豬扒嘅香脆 豬扒好大塊而且好厚肉 肉質鮮嫩 一啲都唔鞋口 而且調味調得啱啱好 佢碗米線都算大碗 飲落去都比較清 但唔係好覺得佢係胡椒豬肚湯沖繩豬軟骨飯呢個飯真係幾高質 佢有三至四舊豬軟骨 而且每件豬軟骨都好大舊 炆得好腍好入味 肉質都好腍 感覺上有豐富嘅骨膠原🙈 成碗飯都充斥住豬軟骨嘅油香味 仲有啲蓮藕紅蘿蔔做配菜 滷水拼盤入面包含咗豬耳 豬大腸 豆腐 雞翼 滷蛋如果你係想食晒佢咁多款滷水小食嘅話我覺得可以叫依個 一次過滿足晒你所有要求 不過拼盤整體來講不過不失 冇乜特別

星期六要返工很不開心,放工都不知吃什麼喺公司對面搵間餐廳食，E間門口貼住新張9折， 所以就入去試下入到去裏面佈置簡簡單單，就畀牆上面嘅豬畫吸引到兩個人去1人叫1個再加多一個涼拌大豆芽一見到，大鑊喇，勁大塊豬扒麵又勁大，好驚食唔曬我自己就對飯、粗麵、幼麵都一般，好彩餐牌上面有一個新出嘅米線，所以就揀咗呢個胡椒豬骨湯配米線塊豬扒 勁大塊 ，我覺得其實淨係食塊豬扒可能都已經夠飽， 外面個脆漿唔會好厚，裏面豬扒唔靭， 剛剛好夠熟但係因為好食，最後我係所有都食曬， 胡椒豬骨湯就唔係好重胡椒味朋友就叫咗蔥油豬扒撈粗， 朋友就話返到屋企仍然係有蔥油味喺口腔裏面涼拌大豆芽就一碗綠豆芽裏面有少少豆卜，感覺都幾清新兩個人食咗162蚊,我覺得如果下次要食真係要留定肚呀,如果唔係真係會食唔曬因為間嘢近公司應該之後都會再繼續食

上次經過中環店想試，原來長沙灣都有～望樣幾吸引～～坐得都舒服涼拌大豆芽作為配菜唔錯加啲纖維😇😇秘製豬扒配米線+滷蛋豬扒夠大塊份量幾足外脆內軟咬落炸皮脆得嚟有啲煙韌，幾特別，可能加左木薯粉～？米線另上，質素正常，湯底係豬骨湯，不會過鹹，有胡椒味😌😌唐揚炸雞即炸不錯😋😋肉都juicy, 如果炸皮薄點會更好啦滷水牛展不知道質素和份量都滿意～～去開長沙灣可以一試，下次想試埋豬軟骨和炒滑蛋😌😌

食肉獸最愛的豬排飯系列！門面有日式感覺店面乾净企理豆漿、橙汁 加配價$10葱油豬排飯 $64  加滷蛋+$8豬扒分量多，葱油炒得香氣十足，送飯一流餐廳用上珍珠米，不錯豬排炸得剛剛好，粉漿非常薄，所以沒有太油膩的感覺每塊豬排都很大，足以掩蓋整個碗面拌匀d葱油，一口飯，一口豬排，口感很豐富另一個餐點，選了肉燥豬排配撈粗麵 $60肉燥分量多，足夠撈曬一碗麵但要一提，餐廳的厠所用自動門，自動感應壞了沒有貼告示提醒客人，很難用店員態度一般，沒有耐性跟客人解釋今日得兩臺客都如此，真的令人不解

menu好貼心，有講埋舖頭讀音😂😂，正確讀音係「吹始店」。沖繩豬軟骨麵 $64 加滷水蛋$8豬扒飯就食得多，第一次食豬軟骨。轉左配撈粗麵，撈麵夠汁同油，一啲都唔乾。豬軟骨好入味，肥瘦適中，都算腍易咬。蔥油豬扒飯 $64份量多到堆到成左山咁高😮，蔥油配搭埋芝麻、乾蒜味道更加香，油唔會多到好膩，豬扒炸到好脆口，炸粉好薄👍🏻👍🏻。飯同肉都好多，最後多到食唔曬。豆漿 跟餐價 $10豆漿係一支壹品豆漿。

喺附近返工，先發現原來之前食過幾好食嘅炸豬扒店開咗新分店，放工就決定喺度食晚飯🤤新分店的裝修很寬敞，有日式設計的感覺，餐牌亦加入了新菜式，毫不猶豫地選擇左大阪燒豬扒飯一試🤤大阪燒豬扒飯~一上碟就看到滿滿的大阪燒材料，感覺有如食緊真的大阪燒一樣，只是換了炸豬扒作底，炸豬扒king size，比我塊面還要大😍剛剛炸起鬆化香脆，薄薄的炸醬包裹住啖啖肉的厚切豬扒，肉質軟稔，配白飯格外滿足😍白飯吸收了豬扒精華，味道格外香濃，軟熟質感忍唔住扒多左幾啖飯🤣順帶一提，如果女士們怕太大碗飯食唔晒，可以選擇小飯，會有減一蚊的優惠~

咁岩過黎做野 就黎左呢度揾野食見OP全好評就入左去喇首先上菜既係唐揚炸雞 Total5舊食2舊都夠脆夠熱但朋友舊大大舊就話中間仲係凍既然後就係我既蔥油豬扒飯話晒係招牌菜 睇落好有滿足感塊豬扒差唔有成個碗咁大朋友嗌左大阪燒豬扒飯佢話普通睇我就係大阪燒上面嘅木魚片加大阪燒汁同沙律醬好唔好食真係見仁見智了仲有值得一提嘅係佢可以將你個餐轉做撈麵仲可以揀粗麵同幼麵同埋少飯可以減一蚊但係我個蔥油飯就算減咗飯都超級多我諗基本上一個飯量正常嘅男仔都可以考慮吓減飯或者正常多飯就加2蚊新張有全單9折

呢間新開嘅餐廳食豬扒出名，signature蔥油厚切豬扒係必點😋。豬扒又厚又淋，加上滿滿嘅抄蔥油，送飯一流！如果麻麻地蔥油，仲有咖哩同肉燥豬扒飯供選擇。所有飯麵都可以加錢加配飲品，加6蚊至$10不等。呢度除左飯，仲有麵食ga，有唔同湯底同麵款，自由組合！此外，仲有各款特色小食。唐揚炸雞 - 外皮又薄又脆。滷水拼盤 (雞翼、大腸、豬耳、滷蛋、雞腎) - 份量都ok，幾入味， 如果有多d汁就一流喇！如果食唔到咁多，滷味可以單點。餐廳設有高枱同矮枱，店舖細細，但都有不少座位，坐得都算舒服，環境光猛又乾淨。如果吸煙者，可以揀坐室外，但只得一張枱，手快有手慢無。店內仲有d壁畫俾人打卡同影相，裝修新淨，冷氣又夠涼。

聽朋友講最近新開左間炸豬扒幾高質，今日放假就黎左試下呢間「炊豕店」。門口大大個「炊」字，好易搵！出門放個menu都幾吸引，無介紹錯。入面裝修都有心機，大大隻豬仔幾得意。落單自己寫紙仔，方便又清晰。今次我揀左咖喱炸豬扒加厚午餐肉，一上菜勁開心！因為勁大碗呀，岩晒我呢啲肥仔！豬扒多到下面啲飯都見唔到啦！夾起一塊，豬扒好厚身，食落外皮炸得卜卜脆，咬落有聲添！入面豬肉都keep到肉汁，唔會好硬，好正，食完一舊忍唔住又一舊午餐肉同樣厚身，唔同百佳買個啲餐肉咸到死，呢塊又ok夠味又唔咸。咖喱汁好重椰香味，淋落豬扒同飯到食勁正。另上咖喱汁唔會搞到啲炸豬扒淋晒，好細心！食完飲返杯蜂蜜生薑茶，好足料，飲到底真係見到有幾舊薑係到，唔係得啲薑水埋單唔洗一舊水，食到咁高質，開心仔

喺荔枝角返工都算幸福，附近有好多好嘢食。最近發現一間近長沙灣，好有趣嘅豬扒專門店。原來呢間餐廳喺中環&銅鑼灣都有分店，行過見到佢嘅裝修都好有趣，又好台灣feel，令本來都唔太特別喜歡食豬嘅我，都好想去試吓🤣🤣。我同朋友兩個人入到去揀咗張高枱坐，感覺好舒服，裝修好文青。餐牌見到食物啲相都好吸引，好多都好想試，價錢都好合理。見好多人推介秘製蔥油豬扒飯，就叫一個試吓，另一個就叫沖繩豬軟骨飯，大家share 食。啲嘢食嚟到，真係嚇一嚇，啲餸好大碟，我同朋友兩個女仔都有啲擔心，唔知可唔可以KO到佢哋😅。秘製豬扒果然係招牌菜，厚切豬扒炸得好香口，超大件好抵食，加埋勁多蔥油，撈飯真係好正😋！豬軟骨飯又係性價比超高，有三大件，炆得好腍好入味，成碗飯都有好香嘅汁，連啲配菜都好食，餸飯一流！我哋兩個女仔真係差啲食唔晒，因為真係份量好多，男仔去食一定食得好開心。食豬食到咁滿足真係第一次😆😆

係長沙灣收工就約左朋友黎陪我食飯咁附近行一行就見呢間個樣同價錢唔錯就入了佢裝修都幾台灣feel, 門口嗰張枱又幾靚可以用嚟打卡添🔸蔥油豬扒飯 $64加$10厚切餐肉見係呢度嘅人氣之選就叫啦，超大碗呢，無論係飯定豬扒都好多份，仲加咗超多蔥油。豬扒好嫩滑，一啲都唔(鞋)同硬，啱晒我呢啲食肉獸😍 但蔥油對我來講有少少咸🔸秘製豬扒飯(肉燥汁) $60朋友叫左呢個，我試左啖發現我鍾意食呢個多啲😂😂肉燥好香🔸滷水豬耳 $25最後，我哋兩個女仔都各自食唔晒一碗飯。呢間咁嘅水準又大份， 60幾蚊一碗飯好高性價比呢豬扒好正呢個年代好難可以幾十蚊食到一個晚餐🥣原來返工附近有呢間咁高質嘅豬扒飯，可惜之後翻full time 要轉地方了，太遲發現添

今日約咗個多年冇見嘅舊同學，光臨長沙灣一間食豬扒嘅人氣小店-炊豕店。之前聽過其他朋友話呢間舖頭嘅豬扒係大件夾抵食，既然咁高評價，作為平民飯堂嘅支持者，趁呢個機會當然要一試佢嘅廬山真面目。舖頭係主打食豬扒，但餐牌延伸出嚟嘅變化都唔少，我哋花咗一段時間先諗到心水選擇。而且呢到價錢一啲都唔貴，介乎喺$58-$68之間，相當之抵食。我哋左諗右諗，最後揀咗一碗秘製豬扒幼麵(肉燥汁)，另一碗係秘製豬扒粗麵(咖哩汁)。呢到啲豬扒超大塊！！！同埋佢唔單止大份，仲係好厚切，啖啖肉，對於我哋兩個食肉獸，簡直係滿足感爆棚。秘製豬扒幼麵(肉燥汁)($60)秘製豬扒粗麵(咖哩汁)$64大家可以睇到啲豬扒幾厚身，啖啖都係肉，認真誇張。麻辣炸魚蛋($25)額外叫咗麻辣炸魚蛋，辣辣哋好過癮！飲品叫咗罐Coke Zero同埋蘋果汁~

因為要提早食晚飯，又唔想食普通茶餐，剛巧經過此店門口，被外面的門面，標語吸引，於是進來吃一個早晚餐。雖然餐牌上只有幾款選擇，全部與豬有關，但已足夠讓我有選擇困難。最後與友人點了蔥油炸豬扒飯及豬軟骨飯，加普通汽水作飲品。炸豬扒飯的豬扒不油膩不乾，大大塊，把整個碗面蓋着，豬扒上面有厚厚的一層蔥油汁，將飯豬扒蔥頭汁一起放進口裏，感覺非常滿足。至於豬軟骨飯，味道剛剛好，不太油膩不太鹹，豬軟骨嘅肉質美味，加上肉操汁，與飯一起吃，味道一流。老實說，份量超多，遺憾不能完成整碗飯。餐廳內座位寬敞，座位與座位之間有安全的距離，可以坐普通枱或者高枱，一樣舒服。店員年青有禮，服務也非常順暢。