為食龍 (已搬遷) 新店位置

舖頭得少量企位，主要做便當同埋各類腐皮壽司、飯糰既外賣。果日我唔係好肚餓，就冇食到佢既便當la。試左兩款腐皮壽司，同埋一個飯糰，覺得唔錯，不過佢係逐件計既，價錢就貴左啲。  1️⃣明太子三文魚腐皮壽司（$22） 最推薦呢款。腐皮甜甜地，明太子微辣，加埋三文魚食，味道帶少少爽脆同鹹香。  2⃣️蔥吞拿拖羅蓉腐皮壽司（$24）一粒粒既吞拿魚，混合拖羅蓉，兩種唔同既口感加埋，不過味道就普通冇乜特別。  3⃣️炙燒左口魚飯糰（$22） 比較少係出面見到有得食左口魚，見到有得揀我就揀左，不過就有啲失望。左口魚份量好少，冇乜味。

銅鑼灣食飯貴就一定架啦 佢60蚊唔洗 有野菜牛肉飯加味噌湯喎 抵啦飯個份量睇落唔係好大 點知食唔哂呀 牛肉個量好多呀味道好 唔會老 又juicy 唔會似某公司咁得個肥字 真係出色👍🏼 絕對會再食過

銅鑼灣為食龍真心好味道，可以一早嗌定再去拎外賣，佢地只做外賣喔，價錢實惠美味又大件。我食左4舊腐皮加剌生做lunch ，咁就飽左，個腐皮係我食過最好食既，剌生又厚又大，同事食左個丼都覺得唔錯。🥰佢地真係好新鮮，啲魚剌生會發光咁，閃閃下既肉質，剌生拼盤都係$66我自己覺得超值，因為真心鮮甜。個辣三文魚腐皮真係超好食，腐皮甜得岩岩好包住啲飯，一口咬落去真係好正。服務態度又好，外賣又快出。大家行開銅鑼灣記得行去times後面，耀華行3號為食龍買外賣返去食啦，鋪頭細細你估佢唔到

新界牛的我真的較少到香港島，這家在銅鑼灣的小店一直被bookmark但沒機會去到。難得看到小店竟然自製團購，天天不同地點，其中一天是到我家附近！實在太好了 不過也代表在這疫情下，小店為了生存都好不容易... 所以一定要支持支持！🍣熱賣combo腐皮套餐 ($242/10件):在壽司店我都不會點腐皮壽司，但這裡的腐皮壽司是在上面放上滿滿的刺身 非常吸睛，而且味道和口感都更為豐富！是次口味有：明太子三文魚🐟、黑松露帶子🍄、鰻魚玉子🥚、火炙彈彈蝦🦐、柚子左口魚🍋每一款都很鮮甜 個人最喜愛的是柚子左口魚，左口魚用上肥美的魚邊，稍稍炙燒過後油脂更香；而柚子的citrus香味更為其點綴，也令魚油吃下去不會太有肥膩感。🍣火炙三重奏腐皮套餐 ($138/6件):炙燒焦糖玉子🍳、炙燒蟹沙律🦀、炙燒芝士蝦🧀火炙更為加添香氣，熱溶了的芝士更是一大賣點🍚蒲燒鰻魚溫泉蛋丼 ($72)溫泉蛋另外用小盒盛著，吃時才破殼打進飯入面，這樣就能保持其流心程度。鰻魚非常大條，彈牙而不過腍，味道也很好🍛咖喱芝士漢堡扒飯 ($54)日式咖喱汁甜而帶點少辣，非常濃郁惹味 漢堡扒又厚又多汁送餐將冷和熱分開兩袋，放得整齊所以很容易拿

店舖裝修完全係我杯茶都見到好多人推介又係黃店本身好高期望點知希望越大失望越大叫左個set有三款軍艦其他兩款係正常味道旣但有牛油果呢款簡直係我食過最難食旣牛油果唔知咩事人生第一次食到硬到咬唔到旣牛油果挑出黎睇就係咁黑燜燜我想講切果個人其實一定見到塊牛油果係黑晒旣再加上切果下應該都會覺得異常地硬但係居然可以當睇唔到照放上去咁樣就算同路人都好難支持真心失望原本係鋪頭等緊野食旣時候仲好開心咁左影右影覺得d擺設都好得意Dinosaur concept貫徹成間鋪頭可能係個別事件喇但我就唔會再去食第二次喇

銅鑼灣翻工既值得一試，建議外賣，堂食位置少同得企位。🍚食物[👍🏻温泉蛋紫菜丼+明太子$32+10]$42係銅鑼灣食個飯算平好抵食，係銅鑼灣翻工既人值得一試。同埋加明太子就無咁單調，加一份就好了，我試過加二份份量多得少少。[👌🏻壽司為食腐皮系列$20-25]唔用紫菜用腐皮包住，幾特別的，味道都不錯，打卡幾靚，壽司個size都偏大，但二十幾蚊一舊就偏貴。[👎🏻正飯團$20-25]飯團份量係大，但食既時候好唔方便，唔係全個都用紫菜包住，好易散，會一路食一路跌。[👎🏻附送麵豉湯]味道好咸，要加熱水中和番先正常。⭐️店舖營業時間不準確，建議上 社交平台睇下先再去，唔係就好易摸門釘。

根據非正式統計，腐皮壽司常被嫌棄，又或是被標籤為「兒童食物」。不過，當大家吃過這所位於銅鑼灣的小店後，小妹相信大家都會跟我一樣，對腐皮壽司改觀喇！這所小店就是主打腐皮壽司。別以為那些是實而不華、只有腐皮和白飯組合而成的腐皮壽司，而是色彩斑斕、餡料滿瀉的腐皮壽司（認真說：這些壽司是頗巨型的，小妹最初想把整件壽司放進口裡，但確實不能，建議分2-3口才能真正享受「啖啖肉」的感覺）。左口魚腐皮壽司的油脂香在口中徘徊不散、黑松露帶子壽司的帶子鮮味充足、三文魚明太子腐皮壽司、火炙系列把海鮮烤得香香的（這個如果是即燒即吃的話一定會更美味）。2020年大家都未能去日本爆吃，在香港可吃的壽司選擇又比以前少，所以看到這類用心經營的小店真的要多多支持呢！

聖誕節大餐唔想叫嗰啲連鎖壽司，叫左Canape Room到會（btw係十級正，大大推薦！）再加多幾盤壽司🍣🍣🍣每個款叫左幾粒，外送到過黎一打開已經好興奮，賣相正到爆！個個都爭住食，差啲唔夠分，好在叫左到會啲熟食夠大份又好食😋連九十歲既阿婆平時唔願食壽司生冷野，係我地鼓勵下試左舊冇魚生既款，竟然食完lamlam脷大讚喎🔥🔥🔥真係估佢唔到🐽溫馨一提，所有款都勁足料，當然係勁正，但亦因為咁，個辣味三文魚既後勁好堅🤣🤣🤣超正既一餐

最前為食龍係FB搞左個團 有幸食到銅鑼灣嘅壽司👍🏻平日食腐皮壽司只有腐皮嘅甜味 但呢間嘅腐皮壽司重有埋其他材料 鰻魚/帶子 好好多唔同種類 一舊要分3啖食 因為好好大舊😂😂聖誕同朋友買黎試下一口食唔食得曬 都係唔錯嘅選擇食左幾舊先記得影相🙈🙈

今次叫咗為食龍嘅外賣因為位於銅鑼灣公司附近成日行過都想食但因為佢無座位堂食 只有企位所以今次就叫外賣返屋企食(о´∀`о)甜蝦蟹膏爆丼飯$90甜蝦真係好多多到可以一啖幾隻個蟹膏都唔腥 加埋甜蝦覺得好夾！不過個飯略嫌有少少硬可能因為拎返屋企個時間長咗 有啲失色但整體都好好食 唔會好膩！腐皮壽司十件套餐$236佢個套餐有五隻味 明太子三文魚x2辣味三文魚x2火焰彈彈蝦x2鰻魚玉子x2黑松露帶子x2其實我本身唔太鍾意腐皮因為偏甜 覺得同壽司好唔夾！但今次真係好有驚喜個味道都有少少甜 但加埋壽司豉油竟然完全無違和感 仲覺得好好食！同埋原來佢啲腐皮壽司唔係一般壽司嘅大細係一個拳頭仔咁大！買嘅時候我仲唔知 所以先會買十件(*ﾟ∀ﾟ*)其實食咗4件我都已經開始飽其他6件就要老公幫手執手尾最好食就係明太子三文魚好多明太子三文魚又好肥！超級好食！火焰彈彈蝦其實即係火炙甜蝦火炙咗嘅甜蝦反而無咁膩 好易入口！我本身好鍾意食連鎖店個隻辣味三文魚壽司但呢間就好似整得無咁好食 雖然啲三文魚好肥 但隻辣汁好似唔係太夾！另外鰻魚玉子 玉子係切成一條條蛋絲因為太足料 一食落口啲蛋絲就飛晒出嚟 好正蛋同鰻魚呢個組合果然好

街坊會上星期攪咗團為食龍😍😍估唔到可以食到過海既餐廳🤤🤤聽人講佢d腐皮好出色架👍🏼今次食完果然同平時食開既係有分別既！·•腐皮套餐 8件 ($190) + 腐皮套餐10件($236)。2個set係唔同配搭既，不過每款都好好好大件呀！腐皮果然唔會好甜，好味😋，不過由於真係好大件，好飽好飽😂😂•紫菜泡菜肥牛丼($56) +西京味噌豚肉丼($56)。唔好以為好細兜，其實都好有料到，味道唔錯👍🏼送到黎仲熱架！•另外再加咗辣辣吞拿魚腐皮 (二件,$40）同火炙彈彈蝦腐皮（一件,$22)真係飽到一個點😂😂，好足料，好抵食👍🏼鍾意食腐皮既你，真係要試下，大家要多多支持呀🙇🏼‍♀️👍🏼細食既你真係唔好叫咁多🙈

今日第一次食，完全有驚喜，好好味，食物個賣相好靚，味道又好掂！因為團購關係，選擇唔多，今次試左雞扒飯，鰻魚溫泉蛋飯，同2件腐皮壽司，雞肉滑溜，鰻魚肥美，下次一定要去佢舖頭encore試埋其他款先！極力推介腐皮壽司，食材新鮮，飯團同腐皮恰到好處，完全食過翻尋味！而家為食龍係唔同區都做緊團購，如果唔方便去銅鑼灣店舖幫襯，可以留意下佢既社交平台 page,總有日會去到你個區既 btw, 老闆同員工都勁nice,服務一流！

⚠️邪惡毒物出沒注意！​最近流連銅鑼灣，比我發現間專做外賣魚生腐皮軍艦嘅小店「為食龍」！每款腐皮軍艦壽司都係2-30蚊左右，但size足足有我2/3手掌心咁大，上面仲舖滿刺身肉粒，食2-3件已經勁飽肚！加上外層嘅香甜腐皮...食完啲罪惡感出晒嚟（印象中腐皮都幾高卡😅）！但無計啦，人就係咁，越墮落越快樂！😅​另外，店家仲有一系列車仔魚生丼，一個丼70蚊，可以自選揀3款鍾意嘅魚生配料，個人覺得份量都幾大，以銅鑼灣嚟講，CP值都幾高！​✦吞拿魚拖羅蓉腐皮壽司我對呢款壽司都幾印象難忘，因為上面真係勁多吞拿魚似粒！魚生體積差不多同舊壽司飯一樣大，底層則是加咗京蔥嘅拖羅蓉，睇見都流口水！🤤​吞拿魚及拖羅蓉令口感好有層次，入口即有濃厚嘅油香味，點少少醬油食，感覺真係好正。​✦甜蝦蟹子雙拼腐皮壽司呢款對比肉味好濃嘅吞拿魚，味道會比較清爽。甜蝦及蟹子好鮮甜，同煙韌香甜嘅腐皮勁夾。​✦黑松露帶子腐皮壽司帶子厚肉，爽甜，加上少許嘅黑松露點綴，鮮味更突出，整體味道唔錯。​✦自選刺身丼（帶子、三文魚、味付螺肉）呢款刺身丼好足料，淨係帶子都有4件！三文魚及螺肉舖滿飯面，份量勁多！​P. S. 為食龍買滿4件壽司，或

外賣腐皮壽司😍@hungrydino.hk 位於耀華街平日要排隊搭lift上百樂中心隔離，開左間即叫即做嘅外賣壽司🍣岩哂附近嘅打工仔，而且大大件絕對食得飽😛..............................明太子三文魚腐皮壽司 $20 好多料啊！有少少微辣，必點⭐️ 黑松露帶子粒腐皮壽司 $20黑松露味好濃配原粒帶子，黑松露味有啲掩蓋左帶子味，大家互爭😂鰻魚玉子燒絲腐皮壽司 $20鰻魚粒彈牙味道好豐富，大啖大啖好好味😘柚子左口魚腐皮壽司$22🤔柚子味略微唔突出，但魚肉彈牙新鮮😋

🤎今次食左《腐皮壽司系列》🍣🤎之前上網睇到其他人食三文魚款式嘅腐皮壽司 但我個日去就冇🥺我估佢地個Menu應該定期會轉 不過好彩其他款都冇令我失望🥰 btw 我有選擇困難 所以我叫曬個陣嘅所有款 除咗辣豬肉腐皮壽司-▪️鰻魚玉子絲 (𝚄𝚗𝚊𝚐𝚒 𝚠𝚒𝚝𝚑 𝚂𝚕𝚒𝚌𝚎𝚍 𝚃𝚊𝚖𝚊𝚐𝚘𝚢𝚊𝚔𝚒) ($24)▪️甜蝦蟹子(𝙰𝚖𝚊𝚎𝚋𝚒 𝚊𝚗𝚍 𝙲𝚛𝚊𝚋 𝚁𝚘𝚎)($22)▪️柚子左口魚👑(𝙶𝚛𝚒𝚕𝚕𝚎𝚍 𝙴𝚗𝚐𝚊𝚠𝚊 𝚠𝚒𝚝𝚑 𝙿𝚘𝚖𝚎𝚕𝚘) ($25)▪️蔥吞拿拖羅蓉(𝙼𝚒𝚗𝚌𝚎𝚍 𝚃𝚞𝚗𝚊 𝚠𝚒𝚝𝚑 𝚂𝚙𝚛𝚒𝚗𝚐 𝙾𝚗𝚒𝚘𝚗) ($24) 上面係吞拿魚粒下面係拖羅蓉😙▪️黑松露帶子粒(𝚂𝚌𝚊𝚕𝚕𝚘𝚙 𝚠𝚒𝚝𝚑 𝙱𝚕𝚊𝚌𝚔 𝚃𝚛𝚞𝚏𝚏𝚕𝚎) ($25)▪️蟹膏蟹柳絲(𝙲𝚛𝚊𝚋 𝙿𝚊𝚜𝚝𝚎 𝚊𝚗𝚍 𝙲𝚛𝚊𝚋 𝙼𝚎𝚊𝚝)($24)▪️芝士明太子(𝙲𝚑𝚎𝚎𝚜𝚎 𝙼𝚎𝚗𝚝𝚊𝚒𝚔𝚘)($22)-🤎全部都真係好足料👍🏻唔係薄薄一層 而係我諗d餡料有佔咗1/3嚿壽司咁多😋✨我個人覺得mvp係**柚子左口魚**👏🏻🥰 左口魚充滿油脂香 加埋柚子又有清新嘅感覺✨鰻魚玉子絲都推薦喔～❗️其實真係全部都好好食 同腐皮好夾💕-總