炻板燒 (已搬遷) 新店位置

-炻板燒🔥近期都係Work from Home 上星期就近近地係屯門食個lunch人大左就少左去雅都搵野食一於黎試下呢間聽得多但未食過既屯門石燒牛🐂離遠就已經望到個大大隻字既“炻”招牌就算少黎屯門既人 唔識路都一定會睇到餐廳格局較細 座位唔多 有4個卡位但坐落都算闊落 舒服 環境乾淨企理枱面會有鹽同胡椒揀 自行調味2個人share 一個石板 係幾慳位既職員換炭都好睇準時機 所以都好keep 到個火侯 唔洗等🐂Lunch Set - 板燒封門柳 （$128）肉質脂肪較少 肉味比較香濃但都唔會好柴咁 白飯有飯素 加埋好味呢+ 🐣唐揚炸雞新鮮滾熱辣炸好 炸粉唔厚肉質仲係有汁 都幾好+🧉面豉湯 + 🥤汽水🐂Lunch Set - 板燒牛小排 （$98）呢個對比封門柳就脂肪多啲 所以會更加香口 多啲肉汁 肉質都好唔錯 個人比較中意呢個🤗+ 🐙八爪魚丸原本以為係小丸子 原來真係炸 八爪魚丸一樣炸得唔錯 加埋少少調味都惹味的+🧉面豉湯 + 🥤汽水整體黎講係屯門區黎講算係較貴但係呢個質素同份量都係好值既間唔中想係屯門食餐好既 呢個都係個唔錯既選擇

今日同朋友去浩和街影相，出發前係屯門站附近搵左一間炻樣燒嘅餐廳食晏，我地去到已經2點幾，估唔到星期六都仲有下午茶食，而家份量都好大份！我地叫左午餐一份板燒吉列牛、滑蛋鰻魚飯同埋下午茶既唐揚炸雞，埋單200都唔洗，又唔洗加一，真係食到好飽肚又抵食！所以野食都上得好快，唔洗點等🌟 板燒吉列牛呢個餐跟左麵豉湯、飯素白飯、可樂，仲可以免費配多個小食，我地簡左八爪魚丸。吉列牛份量都幾多，有七片，放埋石燒燒一陣已經可以放入口食，外皮香脆得黎又唔會熱氣。白飯仲有飯素，食落去好香！🌟滑蛋鰻魚飯都有半條大既鰻魚，水準唔錯。啲蛋都炒得好滑，跟餐仲送左麵豉湯，麵豉湯仲醬足料，好多昆布。個飯份量都好多，差啲食唔哂🌟唐揚炸雞拼迷你蟹子沙律炸雞好大粒，唔會有好厚既炸粉，新鮮炸出黎，一出爐就有好香炸彈味，忍唔住流哂口水，第一啖就食左佢先，呢個餐仲跟左一個汽水同埋蟹子沙律，沙津有好多蛋黃醬，撈埋一齊好好食😋環境黎講，餐廳雖然唔算大間，但坐到好多枱之餘仲有適當既社交距離👍🏻👍🏻

行過新墟見到有板燒既餐廳😍即刻比佢吸引左～午市時段黎仲要十分之抵食！如果係學生哥仲有優惠添架！正常lunch set一百蚊都唔洗就食到一個set～跟餐有飯有湯有小食仲有野飲～大滿足呀😆餐廳裝潢仲有日本風情畫既感覺🤣每張枱都會有即磨海鹽同胡椒提供👍🏻牛小排SET $98- 每碟肉都會跟一舊牛脂肪比你燒肉😍成件事勁香！- 跟餐既飯係拌有飯素既飯～超香口就咁食飯都食到一碗🤤- 正反面各燒一陣就食得～肉質十分之好👍🏻有肉汁之餘好香牛味～食落唔韌😍跟餐小食同男朋友揀左炸雞同炸八爪魚丸各一～超級香口既炸物👍🏻點埋蛋黃醬無得頂😆板燒吉列牛SET $98- 坊間石燒少見既吉列牛！！為普通既燒肉帶黎多一份酥脆感🤪～整體都可以～不過可以炸得輕手少少就再perfect啲啦😉跟餐飲品 可樂+$0 茶+$12如果想解解油膩一定要揀茶啦🤍Donki都未見過依個款呀👍🏻好飲炻板燒仝人都好鐘意香港架💛一定要大力支持添啊～

炻板燒 (屯門)屯門屯門鄉事會路112-140號雅都花園商場地下G10A號舖朋友嚟到新界搵小妹食LUNCH，當然一盡地主之儀，帶佢搵間唔差嘅良心食店先得啦～💛💁🏻‍♀️LUNCH套餐包括：主食(牛肉)、小食、味素飯、麵豉湯、罐裝汽水～板燒封門柳 $128呢個部位是每隻牛只得一條的橫隔膜肌肉，出名產量比其他部位少有，封門柳肉味濃，雲石肉紋適中，油花雖較其他部位少，但一路燒一路都會有牛油燒出黎🤤同埋即使小妹掛住電話食先打卡📸，燒到熟晒都唔韌！入口仍然是軟腍嫩滑～板燒吉列牛 $98唔韌～雖然肉味同軟腍度點都會較封門柳遜色，但炸過既吉列牛薄薄的表皮咬落脆脆哋，多了一份口感～炸8爪魚丸(套餐小食)炸得外層香口，內裹唔乾，仲咬到丸內有8爪魚粒，面層以七味粉(?)調味唐揚炸雞 (套餐小食)炸得香脆，一啲都唔乾，有保留肉汁，面層以七味粉(?)調味

聽說屯門站不遠，有間食店可燒牛肉，所以今日專誠來試一下。一到屯門站F2出口直行，沿Google map指示，不到5分鐘就找到了此間小店。雖然店子不大，但整個牆壁都畫了一條條魚，充滿日式風格。雖則是星期六，我同朋友兩個都可以點lunch set. 每個Lunch set 包括了一碟牛肉燒物，一碗飯素白飯，一個小吃，再加一罐飲品，一個麵鼓湯。一個女生，此份量實在是剛剛好。叫了一個板燒牛板腱餐，同一個板燒封門柳餐。侍應生很有禮貌，教我們先用肥膏粒搽勻石板，之後，再燒牛塊，這樣就不會將肉黏在板上。牛肉自己嚟燒，所以一定唔會老。👍白飯上面加左d配料，我第一次食，覺得都幾特式，小食是唐揚炸雞，八爪魚丸，配以沙律醬，一邊燒一邊傾吓計，都算唔錯享受。

前一排返屋企經過呢間食炻板燒嘅餐廳，已經諗住搵日試吓。屯門附近都冇乜地方有得食，上一次已經係前兩年喺大角咀小店食。餐廳除咗燒肉外，都有蛋包飯、烏冬、咖喱飯等等嘅選擇。唔想食燒肉都有其他嘢揀。我哋叫咗一份牛肉同埋一碗咖喱飯牛肉分量唔算好多，質素就不過不失。鐵板都夠熱，可以燒得幾好食。咖喱飯係正常水準，見到隔離枱食蛋包飯好似幾好食，有機會再嚟可以一試！店舖小小，不過得一位員工做嘢，佢都好忙，但服務態度仍然幾好！值得一讚👍🏻👍🏻👍🏻

原條鰻魚飯, 呢個鰻魚飯有一整條鰻魚, 條鰻魚嘅份量都算多, 鰻魚嘅上面同埋啲飯嘅上面都鋪滿咗鰻魚汁, 條鰻魚咬落去裏面有魚油嘅香味呢個鰻魚飯係即刻整出嚟, 所以要整大概十分鐘左右, 另外仲會包埋一碗麵豉湯板燒吉列牛套餐, 呢個套餐包咗七塊吉列牛, 咁佢會畀咗個鐵板燒你嘅, 啲牛你可以決定自己燒幾多成熟, 仲有會包咗一個小食炸八爪魚丸, 另外仲會有一碗飯同埋一碗麵豉湯呢間餐廳唔算大, 大約有8張枱, 其中有5張枱系卡位來的, 餐廳個位置喺屯門地鐵站行過嚟大約五分鐘就到

屯門好似好少呢類石板燒既舖頭，仲要係黃店！所以放假同屋企人黎試下😋。去到舖頭唔算多人，所以2個人都有卡位坐👍🏻。叫左2款lunch set試唔同牛😋。每碟牛都有俾舊油脂燒下個塊石，燒1碟肉又真係差唔多用完舊油🤣。有黑椒同喜馬拉雅粉紅鹽自己加，醬汁就每人一碗。🔅 牛板腱 ($88配白飯)牛板腱雖然瘦啲，但都唔韌唔會痴牙，都幾香牛味。比較想提飯素飯，本身未試過飯素飯😂，出去食更加少見，但發現原來又幾好食！撈埋醬油好適合送飯！🔅 封門柳 ($128+$15轉烏冬)封門柳油脂分佈都幾平均，啲紋好靚，幾有牛味。見到碗稻庭烏冬以為幾頹，但意外地又唔錯，幾彈牙，幾香豬骨濃湯味👍🏻。🔅 小食 (雞軟骨 & 唐揚炸雞)Lunch set會1份牛配1個小食，叫左呢2款。炸得好香好脆。雞又唔會乾柴柴，加埋七味粉好香🤤。💬Lunch平時就唔會食咁貴，但呢間水準唔錯，自己燒又幾有趣。加埋成個set齊晒味噌湯，又有小食，又有野飲，石板燒牛黎講cp值幾高。

餐廳o既牆身畫上巨型波濤中躍出o既鯉魚同蠻牛，氣勢磅礡~ 除o左主打燒牛肉，亦有丼飯同烏冬可以叫。我同friend 星期日o黎幫襯，竟然照樣有lunch 餐牌，仲唔使加一，實在太感動……一場o黎到炻板燒專門店，又點可以唔試下佢d 燒肉呢﹖店鋪提供o左最高級o既和牛、牛小排、牛板腱同吉列牛肉等等幾個肉款，其中封門柳係我之前食另一間打邊鑪時貪得意叫過，但食落好有驚喜o既部位，所以二話不說，決定嗌一客板燒封門柳(午餐$128)，o係呢堆牛肉入面屬於中等價位。封門柳正如上次一樣，睇起上來有住比其他部位較深沉o既顏色。午餐有7 片，呈現出亮麗o既雪花紋。先用附送o既牛脂肪o係塊石板上塗抹幾下，再放上去燒，隨即就聞到好香o既氣味~ 佢食落唔酥，但富有肉味，算係唔錯。我friend 有再點精製牛肉汁，不過我就prefer 瀋下黑椒岩鹽就ok，味道天然d！呢個燒肉會跟麵豉湯、白飯、一個小食同餐飲，感覺盛惠~ 個飯瀋上o左我超鍾意o既飯素，而小食呢係三選一，o係店員姐姐推介之下試o左唐揚炸雞(另外有雞軟骨同八爪魚咀)，三大粒雞球經深度油炸，令人流晒口水，同埋有少少辣，更覺滋味。另外一個我地則試o左佢o既

有牛魔王之稱嘅我最鍾意就係食牛肉平時食開煎扒 又或者牛肉打邊爐石板燒平時見人打卡就見得多今次就真係第一次試——板燒吉列牛（$158）平時見人打卡就影得多第一次食梗係試一試吉列牛吉列牛嘅味道好特別 因為燒完之後會令到表面更加脆卜卜突顯牛肉嘅味道無論係打卡定係味覺都絕對係享受套餐包埋白飯味增湯及飲品欣賞呢度嘅白飯加咗飯素令到個飯好好食味增都唔會好鹹適中而飲品我就揀咗凍檸茶少甜少冰而餐廳亦提供左鹽黑椒同埋燒肉汁覺得唔夠味嘅朋友可以自己調味我最鍾意就係鹽加黑椒清清地 更加特顯到牛味—炸八爪魚丸（$38）除咗食肉又想食下炸嘢叫咗個八爪魚丸試吓啱啱炸出嚟熱辣辣 再加惹味嘅味粉 正見到午餐同下午茶都幾抵食下次再嚟就一於試試下午茶餐！

又係屯門發掘高質小店今次依間唔起眼嘅餐廳係一個小市區商場入面正常人路過係唔會入去有幾份menu我係叫左個全日板燒試牛小排，唔太貴又唔係最平有湯有飯有野飲都算係咁先上麵豉湯，正正常常。有料，唔係開粉的冷檸茶，正常叫多份唐揚炸雞，新鮮炸，好熱，個粉唔太厚。唔錯白飯有加飯素比你，開胃牛小排，個賣相係幾唔ca嘅。再上個石比你燒有跟d 鹽同黑椒比你。不過牛小排已經好夠味，唔洗再加。好好送飯。依隻牛小排，肉質好好，肉味好重，不過唔係瘦嘅，夠油，唔會燒濃。總結，$200有找屯門區唔算平，不過一份錢一貨。間中食下好野，係ok 的。

去開屯門先知呢到有間板燒牛肉，係其他區都食過唔同嘅燒牛肉，呢間除左吉列牛仲有其他款嘅牛肉揀，見到價錢幾吸引，所以就入左黎🔸板燒封門柳 $128 配飯素飯封門柳啲雲石紋真係好靚🤩，油脂分布均勻，而且厚身，燒完出黎亦都唔韌。飯素俾得好多，配埋牛肉一齊食好正🔸板燒牛板腱 $88 轉烏冬 +$15牛板腱比封門柳冇咁多油脂，但肉質都好嫩滑，配餐廳俾嘅燒肉汁甜甜地幾夾。烏冬都好彈牙，仲係豬骨濃湯湯底，$15加得過🔸椒鹽雞軟骨雞軟骨炸到脆卜卜，椒鹽調味得啱啱好，唔會太鹹。餐廳好細心咁提供埋岩鹽同黑胡椒俾我自己落，想自己另外調味都得🔸唐揚炸雞炸雞同雞軟骨放埋一齊，小食黎講份量都幾多，同樣炸到脆卜卜，入面雞肉唔會乾，邪惡之選😈呢個價錢有埋小食真係好抵食，而且有質素，飲品都係加幾蚊。除左燒牛仲有其他丼飯可以揀，平時外賣都可以嗌黎試下，價錢都相宜，可以推介朋友黎試❤️

自己燒肉最開心就係可以自己控制有幾熟，一路燒滋滋滋～ASMR好治癒🥰天花掛左好多良心打氣卡，見到真係有感動❤️呢度既肉問心就唔係最高質，不過勝在性價比高，非常抵食💪🏻—————————————————📍吉列牛板腱 (6/10)石板燒重點係石板要熱辣辣🔥，先可以將牛肉煎封表面，食個時有油香之餘，亦可以鎖住肉汁🥩。呢度石板火力好夠，店員仲會比一塊脂肪，令大家煎個時唔會咁容易痴底。牛板腱係位於肩胛骨上面既肉🐮。因為個部位成日運動，肉質比較結實有肉味。舊肉有咬口，不過本身肉質比較普通，無咩肉味。另外，吉列皮雖然好薄脆脆地，但係好易鬆，一煎就甩皮甩骨。📍牛小排 (7/10)牛小排係前胸肋骨既肉🐮，油脂分佈明顯比牛板腱豐富。肉質軟腍鮮甜。雖然肉味都唔係好夠，不過比牛板腱有更多肉香，好食好多。煎到7成熟就perfect la✌🏻📍小食 雞軟骨 + 炸雞🐓 (5/10)2款小食都炸到好乾，不過炸雞會好食d，juicy 少少。

間唔中都會好掛住秘嘅石燒牛，不過一諗到佢條長長嘅人龍，就會望而卻步😅。早排去咗屯門，知道入面有間都係食石燒牛嘅炻板燒，當然把機會去幫襯。試咗吉列牛板腱（10塊）套餐，板腱原來係肩胛骨上面嘅肉，肉質鮮嫩富油花，每一隻牛隻只有好少，所以特別矜貴。呢度嘅牛板腱比較厚切，燒完之後，入口啖啖肉，亦有油脂香，唔錯👍。再叫多個封門柳丼，所謂封門柳，即係橫隔膜肌肉，油花較少，肉味偏濃。封門柳粒用蒜片炒香，送飯一流，食食下肉粒變涼，我哋就將佢放上去塊石上面燒一燒，又即刻變返熱辣辣，好食😋。

約姊妹2點起屯門食tea，起v city行左陣，姊妹話唔想食連鎖店，去左新墟邊行邊搵，發現左呢間好似幾好食，姊妹仲話好似起Open Rice見到過，咁就試呢間啦～2個人都係牛魔王，就叫左一份牛小排同一份封門柳，不得不讚下自己燒得好好食，加少少鹽同黑椒燒，味道啱啱好，如果唔加都可點少少燒肉醬黎食，不過就唔建議加調味燒完再點醬，咁會咸得滯，當然佢d牛肉質素好都係好食既原因黎既～ 食得津津有味，埋尾食多個沙律先。如果要講唔好既地方，美中不足應該係個飯，因為佢個飯唔知係溝左米，定係加太多水，有d爛。p.s. 店員誤會我好大食，其實我好細食囉～