炻板燒 (已搬遷) 新店位置

原本一心諗住喺網上發現這間小店它的食評也不錯，諗住滿心歡喜支持一下。當我12:15踏入這店舖時，看見那名年青女侍應，沒有什麼招呼，就連所謂那些你有沒有用「安心出行」有沒有「填紙仔」也不理會。心想這或許是黃絲店舖應有的態度吧！心想不要緊，我來只是食嘢，咁我就叫咗一個吉列牛及封門柳，誰不知當食物拿來枱上時，真是令人十分失望。首先是先來三件炸雞及數粒雞軟骨，味道都適中，沒特別。等了一會兒，才有兩碟主角牛的出現，但當等多5分鐘，那碗很硬的所謂素飯才出現。那兩碟主角不知是不是之前太高期望，發覺一點味道也沒有。心想那算了吧食了一餐就算。但當食到最後發現有一隻小強在牆上爬着，當我告知那女侍應時，她的反應是沒關係，只是很小的小強，然後把它掃走還掃在我的身上。真心O哂咀。所以這一間店已被列入為我自己的黑名單。有時心想，真的很想幫助一些小店支持一下，但是他們好像很不在乎你的幫襯與否。希望這只是例外的例子吧，真心希望大家不要一竹竿打一船人，繼續幫襯及發掘其他我們認為應該幫襯的小店。

熟悉屯門嘅都知新墟係屯門睇戲熱點！有兩間開咗好耐嘅戲院，仲要係好平！而今次呢間吉列牛店就喺新墟，下次睇戲前後都可以嚟幫襯💛•🥢 板燒吉列牛 $158板燒套餐包一份10片/15片吉列牛、一碗飯、麵豉湯同一杯飲品，吉列牛可以煎到自己想要嘅生熟程度，吉列牛食落幾嫩，唔會好韌，但有一兩件吉列牛嘅炸皮有啲分離😢 餐牌寫係配白飯，但原來係有加飯素，而且都唔少！可以足夠配埋吉列牛食～😋•🥢 原條鰻魚飯拼封門柳 $168鰻魚幾大條🤩 仲有唔少木魚碎，食落係正常水準，唔太特別；旁邊有大約6片封門柳，牛肉味比吉列牛濃，唔韌，但有少少乾。•🥢 軟殼hi $88兩隻軟殼蟹都幾大隻，食落唔乾，亦唔太油，但就比較淡，無咩調味，除咗蟹本身嘅味就靠蟹籽同沙律醬😢

周圍揾牛丼食，見到呢間炻板燒嘅餐牌有好多牛食品，一於入去食吓先！入到去就即刻奉上一杯熱辣辣嘅茉莉茶，好香好飲！我本身諗住食吉列牛，但由於我約咗朋友，所以揀咗一款簡單丼！我仲見到牆上面貼咗日本和牛認可証書，應該呢度啲牛無得輸🤭我等咗差唔多廿分鐘，只有杯飲品，但仲未有飯食，我開始有啲趕時間，老闆娘見到我仲未有嘢食，就主動幫我跟進吓！首先佢叫咗一位店員先俾碗麵豉湯我飲住先！麵豉湯入面好多昆布，又夠熱，唔錯！然後我等多八分鐘左右終於有飯食啦🥺💛滑蛋牛板腱丼滑蛋整得好靚，入口即刻滑入喉嚨，好好食！牛板腱切得好薄，牛味好出色，而且口感好嫩滑，可惜得六塊，唔夠口🙄以呢個價錢嚟講係有啲貴！⚠️如果可以改善速度及份量，我相信呢間餐廳會好出色！可能過於注重熊貓外賣單多啦！咁樣好易忘記堂食客都可能趕時間！雖然係咁，但老闆娘嘅細心同主動真係令人加分👍🏻

❐ 封門柳丼🍚 $188評分 ▮ ▮ ▮ ▯ ▯ ▯ ▯ ▯ ▯ ▯⟰ 封門柳🥩同醬汁係分開既應該係普通燒肉汁，封門柳份量適中，但望落燒得比較乾身同少少凍❄️⟰咬落封門柳太煙韌，咬落都無咩肉汁，好似燒到過左火，沾上醬汁食先無咁乾‼️⟰飯既口感都算正常配上大量飯素，有飯素的東西都會變美食✨❐ 牛小排丼🍚 $168評分 ▮ ▮ ▮ ▮ ▮ ▯ ▯ ▯ ▯ ▯⟰牛小排份量適中，望落好似比較Juicy💦無封門柳燒得咁乾⟰ 咬落牛小排口感果然較封門柳出色💛脂肪比例平均一咬肉汁出哂黎牛脂肪佈滿口腔，肉質嫩滑多汁💦不錯不錯👍🏻整體黎講呢個價錢現場即燒可以接受，但外賣真係太太太太貴，性價比低🚫🍚推介指數☻ ☻ ☻ ☻ ☹ ☹ ☹ ☹ ☹ ☹ (10為最高)

市區大鄉里入屯門旅行，周圍搵黃店食，其中呢間體驗真係頗大改善空間，所以想獻上第一篇食評。咁我同男朋友叫咗兩個lunch，一個係燒封門柳餐，加咗六十幾蚊轉個白飯做蛋包飯。另一個係肥牛烏冬。烏冬就一般ok啦，個跟餐麵豉湯淡咗少少。但個蛋包飯好咸。然後個燒牛肉我地等咗好耐，我地食曬個飯同烏冬，問咗一次，再等咗好一段時間先到。其實侍應妹妹都態度好好嘅，仲好抱歉我地等咁耐送多兩片牛比我地（我地由頭到尾都只係問咗一次，無係咁催），但個問題係，等咗咁耐啲牛係未溶曬雪的...可能我地去得早未準備好？（我地十一點左右佢地啱啱開時去的)但會唔會考慮早少少開始準備或者晏啲先開始供應燒牛呢？

一入到去播緊假使世界原來不像你預期我隔離果位十歲人仔跟住唱比店員姐姐聽到 話佢犀利 咁都識唱🤣因為禁晚市堂食唯有5點就去到食tea價錢即刻平一截一個套餐跟湯、一客小食、飯素飯/ 烏冬 (+$15)同飲品成枱都係嘢食🤣比埋舊用火熱住嘅石你自己燒嘅幾生幾熟自己控制仲俾咗舊肥膏你迫啲油出嚟先煎板燒和牛入口即溶 讚不絕口👍🏿Dee Dee大讚好味過喺日本任食果啲燒肉店呀封門柳亦牛味十足反而貪得意叫嘅吉列牛普普通通無乜特別餐湯平平八爪魚丸正常發揮雞軟骨好大碟 食到Lam Lam脷😋飯素飯令人胃口大開轉烏冬要加$15 略嫌太貴早幾日特登諗住去翻兜點知佢冇開門話裝修 要遲啲再見🥲希望真係會再見 希望佢撐得住因為真係好好味 真心推

大西北一樣照有高質和牛燒肉食，今次黎屯門食呢間隱世小店，店鋪細細地係巴黎倫敦紐約戲院對面，唔算難搵。自己燒肉可以控制到想要幾熟就幾熟，又可以聽到治癒既滋滋聲過程好好玩。呢度既牛肉質地嫩滑，牛味十足啖啖 juicy , 放入口即融套餐有埋麵豉湯，白飯同野飲，cp 值夠哂高，整體真係唔錯。可能係小店，店鋪店員全程都好細心好有禮貌，店員一開始會比舊脂肪我地燒一燒，等煎肉果陣時唔會癡哂底，中間都會睇下我地燒成點，夠哂貼心，值得推介

💛黃店🔱今次要介紹嘅食物就係位於屯門 ！📜”炻板燒 (屯門)📌 地址:屯門屯門鄉事會路112-140號雅都花園商場地下G10A號舖🕐營業時間: 1100-2200🍽分店地區: 屯門📝評價💬📢 1️⃣吉列炸蝦手打烏冬 $42下午茶去揾野食🤤發掘到呢野日本野🥰 果然都吾錯😌 雖然係下午茶份量都吾係太細仲食到飽😍炸蝦真係即叫即炸 脆🤤🤤正！烏冬個湯又夠曬入味👍🏻 食完都忍吾住飲多幾啖😉2️⃣吉列牛 $168今次吾洗搭車就可以近近地係屯門食吉列牛😋😋店員們都好有禮貌👍🏻👍🏻大讚👍🏻👍🏻呢個價錢又有湯同飲品真係吾算貴😋😋仲要黃店💛💛牛既質素又吾差 好快就放曬入口🤤🤤又坐得舒服😌 新界既朋友仔 想食吉列牛 可以黎試下😬😬又近西鐵站好易揾🥰 吾洗係出面又貴又等咁耐🤪🤪KS評分 5分最高🏵環境指數:⭐️⭐️⭐️⭐🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️

餐廳：炻板燒地區：屯門地址：屯門屯門鄉事會路112-140號雅都花園商場地下G10A號舖日期：29/11/2020 時間：20:45人數：2人 等位： 0 mins 價錢：$359朋友請食生日飯，但當日要返工所以入到屯門已經好晏，但幸好尼間餐廳既last order係九點半，餐廳位置唔多大概有五六張枱，但唔算好狹窄，乾淨企理。佢哋尼度除非板燒仲有鳥冬、丼飯、蛋包飯同小食都幾多選擇。但我哋兩個都想食板燒，一個嗌10片板燒吉列牛（$158），另一個嗌10片牛小排（$168），兩個都會配有白飯、麵豉湯同野飲，咁啱有個優惠兩個一齊嗌板燒會送一份小食，我哋選擇唐揚炸雞。佢會俾一個爐燒兩份牛，自己掌控牛既熟度係幾多，首先牛肉方面，吉列牛既口感比較實，外皮好香脆，而牛小排就比較鮮嫩，容易入口，其實兩款都香牛肉味，各有各特色，我哋兩款都中意食，而佢送既炸雞份量都唔少，炸粉唔會好厚皮，肉質算嫩滑，整體不錯，下次如果想喺附近食板燒一定會再揀返呢一間👍

一直好掛住係台灣食過嘅虎次郎如果你有幫襯過會明我點解甘掛住😂因為又平又多肉又抵食 都講緊70-80蚊港幣食到唔想再食一直想係香港搵類似嘅就係甘比我搵到呢間炻板燒入到店鋪店員全程都好有禮貌同埋好細心經過見到無火會即刻加番火今次我同朋友點左2個set 都係燒😂佢有10片同15片肉揀 如果同時揀2set10片 送1款小食如果同時揀2set 15片送2款小食重要個Set 已包湯、飯、飲品想轉烏冬要加錢 我同朋友就揀左1set 10片吉列牛1Set10片 牛小排 送嘅小食揀左三文魚腩邊再另叫蟹子玉子燒食物到齊職員會介紹肉碟邊有一粒肉嘅油脂係用黎塗係爐上令到肉好燒D可能會問肉質如何？坦白講我唔識分佢係咩牛但放入口唔洗咬好耐佢就已入左我個胃😂我想話呢到甘多野食計埋加一先408 我同朋友食到一半已經好飽飯又係食到一半 講開飯佢地好貼心有飯素係上面重要係三文魚飯素🤤🤤講左肉同飯 甘就要講講小食 由於燒肉已經較油 再食三文魚腩邊會有種油膩嘅感覺但係佢炸得好脆口 蟹子玉子燒又係好正 唔知你地有冇試過食一D望落軟到好似夾唔起實質夾落幾挺身食落好軟硬適中明明係玉子燒但好似形容緊蛋糕😂😂不過佢價值48蚊有小小貴

位於屯門嘅炻板燒，名副其實主打就係炻板燒肉，最得意嘅係有塊細嘅石，俾客人自己慢慢玩😆 好彩有訂枱，去到唔駛等！最值得一讚嘅係職員嘅態度，好nice而且好有活力，令到客人都食得好開心👍🏼10片吉列set再追加和牛，每一盤肉隔離都會有細細嘅脂肪，揸咗喺塊板上面先，咁就唔使癡底！叫set會配麵豉湯同白飯，加錢可以轉其他嘢😎 和牛望落都幾靚仔，不過又未至於入口即溶嗰種好嘅吸數，百幾蚊 六塊，值唔值就見仁見智啦～望住佢燒都幾治癒啊！另外點左個烏冬set，唐揚炸雞，配咖哩汁。食物味道唔係特別驚豔，但係總括而言，成餐飯嘅體驗都幾好！服務好好而且幾好玩！

味道唔錯😋😋👍🏻👍🏻店員有禮貌地方好清潔價錢好合理地點方便值得屯門友多啲支持！💛兩點至六點係tea time ，吉列牛/ 牛小排$98 only 仲有小食一客。另一驚喜係個湯都好濃！ 就算連杯凍檸檬茶個茶膽都好濃好好飲！😋😋連牆上幅手畫畫都好靚好吸引， 疫情去唔到旅行都有日本feel，正！

最近因為疫情嚴重已經好耐冇出外堂食了，今次難得一次，就試咗呢間小店。其實考慮咗好耐要唔要寫呢篇食評，因為我感覺自己可能會有啲偏頗。呢間店嘅位置都幾好搵嘅，而且門口嘅招牌都非常顯眼。而內部環境唔算大，但枱與枱之間嘅距離幾大，幾寬敞舒服，唔會太有壓迫感。然後就等我講下食物質素啦。🥶當日其實我地五點半左右入座，有得選擇下午茶時段特價套餐，但最後都係選擇咗普通嘅套餐，因為叫兩個餐就會送一個小食，感覺比較抵食呢！我叫咗板燒吉列牛套餐。板燒吉列牛（10片）$158其實呢次只係我第二次食吉列牛，上一次食吉列牛同今次嘅感覺有少少唔同，可能係牛嘅部位唔同？今次食到比較多類似筋嘅部位，圖中右上角部分嘅應該係比較多肥膩嘅，我expect燒完會比較肥美，至少應該會係脂肪融化嘅油脂感。但事與願違，燒完依然比較硬，令我覺得有少少失望，咬起身要咀嚼好耐，有啲仲咬唔到，太硬了，可能係我掌握唔到正確嘅燒嘅技巧。😣不過瘦嘅部分都ok嘅，正正常常冇乜特別啦。呢個餐就有跟飯嘅。飯都正正常常，不過不失。而我覺得份量都幾多下，食唔曬。仲有湯。感覺就係一般嘅湯。我本身都幾鍾意飲，所以覺得幾好。等我順便介紹下朋友嘅套餐啦。封門柳（1

本打算食牛角但因為去到好多我地重傻間間甘等到成7點幾服務員都話九點收工 未必食到90分鐘於是 我地都轉場了炻板燒 之前都有朋友介紹過 甘我地都去試吓了因為舖面太細 行過左我地都唔知 其實就係海南雞隔離入到去staff會叫你消毒手先 探體溫既 之後就有得入去坐了staff會拎menu過黎 我地睇左一陣佢就問我地係唔係第一次食 之後佢就會介紹d肉食咩係最好食我就同staff講想食燒肉 佢就續一介紹架啦日本和牛 好好食入口係化 脂肪比較多 好似食緊綿花甘 放係口到就溶 唔洗點咬 而且脂肪平均 肉質新鮮 滿口充滿油香味神級蛋飯 蛋好多 好多蛋汁 但蛋既味道不濃 而且好飽肚 飯裏有牛肉粒 但我覺得一般無咩特別烏冬都是一般 只係比較彈牙既烏冬封門柳肉質煙韌 而且佢既肉汁比較多 好有口感同濃牛味 燒一陣就食得 有咬口 加d鹽一齊食 牛味更突出 佢唔似牛和甘 和牛食幾片就感覺膩 但封門牛就真係食肉甘 會有食到飽既感覺 小食我揀左鹽燒三文魚腩 同追加封門牛我覺得鹽燒三文魚腩 鹽無咩 感覺有小小腥但都有三文魚味 啖啖都係肉 落翻檸檬汁調一調味最後食完甘濃既牛 口腔一定會覺得油 所以來一杯 凍檸檬茶 走甜

屯門嘅其中一間要懲罰嘅良店，我哋嗌左兩份燒肉餐，第二份半價，每個餐包一杯嘢飲...晚市前黎食仲免收+1添⋯⋯其實呢個價錢食到呢個質素真係相當唔錯，有得玩有得食嗰價錢重要平，性價比好高。其實佢好近V city，大家食奄左商場嗰啲連鎖食肆不妨幫襯下呢啲良心小店