烤焗工房 (已搬遷) 新店位置

雖然自己有時間都會搵機會走到黎葵廣搵食，但係啲較為入少少既位置又真係冇行到去過，今次會有心走過黎都係因為朋友，而且最重要既係，我見到人地食薯條。薯條對我既吸引力其實都唔細，所以我就沿住啲人拎住薯條既方向，黎到呢一間烤焗工房。店如其名，都主要係賣烤焗既野，而主打既除左薯條之外，就輪到佢啦！佢就係轟炸大魷魚。佢有幾轟炸就真係要點左黎食先知。一般對住炸魷魚呢啲，我最怕佢多炸粉，但係呢一度既魷魚又冇啲咁既事發生架咼。炸粉相對上佢落得比較少，唔會令人覺得食緊炸粉多過食魷魚，冇喧賓奪主既感覺。而佢除左咁樣之外，仲有唔同既口味可以選擇，而我就選左蒜香味，食落去蒜味不重，但就添上左少少香味。要講魷魚既話，佢係原只大大只咁，所以其實食落去都要比少少牙力咬開佢。但總括黎講佢比其他地方炸得好食。

葵廣3樓一向有很多美食，可是有不少小食店也在小巷開張了，就好像烤焗工房，位置卷之屋對面，本來是想去買手卷，怎料發現這家新店。這家店店面，貼了很多食物的照片，張張都很吸引，我們站了一會才決定到買什麼吃。我們最後買了牛柳粒拼薯條，雖然食物賣相很好，可是老實說味道一般，牛粒的份量有點少，而且也很普通。雪條底下還藏着一堆椰菜絲，所以薯條份量也不多。33元的價格實在有點貴。薯條可以挑選不同的味道，我的是芝士味其實可能其他小食的味道不差，但吃完薯條已經太飽了，吃不下，看看下次有沒機會試試

「花啓飲食誌之二」這客炸流心雞球，新鮮熱辣炸起的外皮是脆而稍硬的，拌著酸辣醬汁，吃起來是有少少芝士味，可能由於芝士已溶於雞球內，所以芝味不很明顯。雞球肉質不是死實實的，作為輕鬆小吃，已有交代，當是過下口癮吧。若芝士真是流心，就更好。這店位置在葵涌廣場頂樓的top世界，要花些時間才找得到呢。葵涌廣場的小食店種類多，要突圍而出，憑突出的食物外貌尚且能火速呃讚，但要持續有穩定生意，食物質素才應是重點吧。

為食豬行行下突然“貢”咗入一條窄巷，咁窄嘅巷都竟然有幾間小食店。為食豬揀咗呢一間嚟試，點知就好後悔。小店提供嘅選擇都唔少，為食豬就揀咗薯條配安格斯牛柳粒($30)，可以揀一款醬，為食豬就揀咗芝士醬。由圖可見牛柳粒少到可憐，唔講仲以為係肉碎，薯條份量都唔算多，事關盒底墊咗啲椰菜絲。份量令為食豬失望，點知味道亦一樣。安格斯牛柳粒得嗰幾粒仔，諗住貴精不貴多，應該ok啦，點知入口好油膩，但一啲都唔香，相信唔係牛本身嘅油脂。除咗油，仲好韌，咁細粒都有筋。薯條呢，係熱辣辣炸起，但竟然唔脆，仲好油。總括呢一間小店好馬虎，用料唔靚都不在話下，煮得仲好冇心，為食豬唔會再幫趁。環境亦唔衛生，店嘅前面放咗一個紙箱俾客人掉食完嘅蠔殼，紙盒等等，個箱滿到瀉晒店員都唔拎走，只係加多一個箱，實在好求其。