烤爐印度餐廳

營業中

休息中

25-7-08 (五)三個人叫了三份午餐一起吃。天氣炎熱，不想吃飯，三份都是跟烤餅。一邊等一邊回想在長洲吃的美味烤餅，讓味覺重溫舊夢。咖喱牛腩配烤餅：牛腩和羊肉一起上，分不清牛和羊。吃落牛腩肉質一般，至於咖喱汁，似乎不算很獨特，較愛長洲的咖喱和清真惠記的味道。一試烤餅，比較之下，真是相差很大，非常懷念那脆中又帶軟，又香又較薄的美味烤餅。咖喱羊肉配烤餅：羊肉不夠羶味，勝在份量多，吃極都吃不完。薄荷串燒雞：紅彤彤的燒雞，裏面的雞肉都頗嫩，但不覺很重的香料味，外貌比實質更特出。服務良好，如果是街市的熟食檔，這裏算整潔衛生了。

去朋友介紹既印度餐廳食野, 位置坐落在天后電器道室內街市上面, 大排檔風味但唔多人, 由印度人煮理, 我地叫左印度燒雞, 各款薄餅, 有蒜蓉味, 芝士味, 香蔥味及原味, 另外再叫左個牛油雞加辣, D汁好好味, 辣味亦剛剛好, 另外再叫左咖哩牛腩, 但味道頗中式, 另外再加多個鑊仔牛脷, 味道亦唔錯, D牛脷好入味, 原先呢味菜無汁, 不過我地叫佢加汁用黎送薄餅, D汁同咖哩牛腩差唔多, 我個人覺得加辣會好味D, 但有人唔食得咁辣, 所以我覺得牛油雞最好味, 大強同Ringo都叫左印度啤酒, 佢地話估唔咁好飲, 不過問過老細, 應該出面買唔到, 所以要飲唯有去食印度餐先得啦~

普普通通的政府街市入面有中式食肆.....呢個街市最特別既係~有間印度人開既印度餐館~兩個印度男人，以前係一男一女的，相信係兩公婆，不過而家請左個新既伙計番黎~老婆可以番屋企休息下lu~晏晝食飯時間，隔離間中式食肆通常都坐爆人，呢間印度野呢?6張枱入面.....一張都唔係太坐得爆價錢其實唔係平.....野食亦都唔係話特別好食...一碗湯，一碗咖哩，一碟飯/薄餅，一杯野飲~成人36，學生就收26~最攪笑係杯奶茶~真係睇住佢進步，由初初好難飲，之後到冇奶味，到而家既.....奶茶色但係冇奶茶味，變左一陣薑味同奶味~~反而幾好飲~~

上次食完雙辣屋, 又心郁郁想食辣嘢, 便跑了上來一解相思之苦。見餐\牌上有set lunch 就打算買個回家。此時仍未有其他顧客, 阿星哥正在準備。向他落單要個Tandoori Chicken Tikka 的set lunch, 因要即製他就著我等10 分鐘左右。我回來取外賣時不見有附餐\的naan 和餐\湯, 就問阿星哥, 原來他誤會了我不是叫餐\而是散叫, 跟他說明後他也補回給我, 不另收費。Tandoori Chicken Tikka - 隨附papadum 2 塊, 夠香脆, 又有我喜愛的薄荷乳酪點吃; 雞因是a la carte 分量所以有5 大件之多, 還有3 隻雞脾; 雞雖是雪藏貨(我親眼看見來貨是巴西雞), 醃得入味, 讚呀!Naan - 這個就沒有在雙辣屋吃得那麼軟熟了, 某些部分還起了硬粒, 原價$10 的話就麻麻地了；印度雞湯- 有點像忌廉雞湯啦。這家印度餐\廳之前已轉了一手, 還是上一手的時候也來過買馬沙拉羊, 吃過不錯; 這次的也吃得過, 而且在街市吃也好像較有「地道」風味。但見四周中式食肆坐滿人, 這兒就冷冷清清, 難道香港人真係唔鍾意食印度嘢?!

Butter Chicken is good tastePrice is reasonableFriendly and comfortable environment

不常在街市的熟食中心找到印度餐館，難得在這個市政街市的三樓有一間，見台前幕後也是印巴籍人士主理，也有點信心，又來一試。平日晚上八時許，幾冷清，大把位，隨便坐。看不見有套餐的選擇，就要了個馬沙拉燴羊膝及甜naan。先來兩塊胡椒脆餅作小吃，佐以青咖哩汁及果占。趁熱時吃是微脆，手慢一點已全腍掉，很久沒有在印度菜館吃到此等貨色的papadum了。羊膝一件58蚊，兩件則是78蚊，吃不了那麼多，就一件算了。羊膝燴得不腍，吃落也相當之「實淨」，牙力也要相當強才能應付。羊肉亦沒有什麼味道，醃肉的功夫，可以再好。馬沙拉咖哩則味道不錯，要了大辣，真的越吃越辣，也算是甜naan的良伴。這裡的甜naan，是椰絲餡，naan的表皮烘得不夠乾，軟扒扒的，吃得沒趣。不過咖哩羊配甜naan，幾時也是很配合的，也都全部吃清。侍應服務態度很好，笑容滿面，但似乎也是新手，有點雞手鴨腳的，不過也值得一讚。連甜乳酪一杯，埋單88蚊，不收加一。價錢是貴了一點，食物質數亦差了一點點，一般水準。