烤魚工房 (南天大厦) (已搬遷) 新店位置

約了久未見面朋友聚舊，大家都想找一間可以慢慢坐傾計餐廳，朋友推介這間位於元朗教育路的烤魚工房，一於試試！餐廳設計型格，牆上畫滿色彩繽紛塗鴉，完全不似中式食店，而且每張台之間都有充足空間，十分適合朋友相聚餐廳有多種口味烤魚選擇，我們選了毛血旺麻辣味江團魚（$288），一上檯才知分量極大，絕對足夠4人用。先試魚肉，肉質結實，完全無骨，加試麻辣香味，極之好味！配料有很滑溜的豬紅，煙煙靭靭的寬粉，很抵食！加點了手切肥牛（$88）及黑百葉（$78）作配料，肥牛有肉味，不肥，$88實在抵食得不得了。黑百葉在其他餐廳已經很少見了，淥後爽脆，火鍋必點。餐廳的燒烤食物亦出色，我們點了烤生蠔（$68），烤鰻魚（$36），烤茄子（$32）等，吃得十分滿足！這間高水準餐廳值得推薦！

我和老公本身好愛食魚，而且呢排都興起食烤魚，竟然元朗新開左間烤魚工房，真係岩晒鍾意食魚同食辣既我地啦!餐廳名顏色閃耀，行過都必定留意到。內裏位置都算大，當日只是星期三，都全場爆滿，非常虛堪。牆上既噴畫我很喜歡，非常精美，可見花了不少心思。這個溫馨提示真係幾有趣江團魚我們揀左香辣重慶豆花味配小辣，呢種魚既魚骨無咁多，魚肉滑而鮮甜，感覺味道非常正宗。服務員也即時告訴我們，所有廚師都是從國內聘請的，所以味道跟原來既都是一樣。燒茄子茄子好大條而且仲燒得好淋身，夠晒入味。燒韭菜菜通常燒完會比較乾，但呢個竟然燒到好juicy之餘仲好爽甜，值得一讚。燒饅頭麵包燒得好軟熟之餘仲好脆口，當中也添加左少許蜜糖，非常惹味。燒粟米粟米一條切成4小件，新鮮之餘仲好鮮甜而且仲燒到金黃色添。凍金桔青檸青檸味夠濃，甜酸適中，份量剛剛好，飲完非常開胃。魚加串燒簡直係絕配，一張menu齊晒，真係飽到一個點。

平日都會返深圳, 係深圳食烤魚, 水煮魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~ 但係朋友介紹我, 係元朗教育路有一間食烤魚,重慶燒, 新開叫"烤魚工房" 佢話佢個度D烤魚同重慶燒都幾好食, 所以今晚約埋朋友一齊去試下... 開心開心~ 去到環境真係好唔錯, 好時尚, 一D都唔似食中式野既地方, 卡位好濶, 坐得好舒服~~ 我地點咗一個必食江團魚毛血旺麻辣味烤魚$298, 間單時加配菜平D~ 每款$16, 後加就$20, 我地加咗火鍋寬粉, 凍豆腐, 我地再叫咗一堆重慶燒, 有燒蠔, 燒扇貝, 燒魷魚, 燒羊肉串,.... 價錢由26-68蚊不等~ 尚叫低食~ (烤魚開頭覺得有D貴, 上枱原來洗面盤咁大碗, 足夠4人食) 因為有朋友唔食得太辣我地點咗小辣, 未食聞到已經流哂口水~ 魚好滑, 但肉質好實淨好新鮮~ 開始後悔頭先點咗咁多野~ 有D驚食唔哂~ 但個湯麻辣好惹味, 面頭D花椒好正~ 好好味~ 而重慶燒, 羊肉串同燒牛舌係必食推介, 仲有要提提記得飲佢地個沙冰~ 好大杯好扺飲架~ 一杯可以由頭飲到尾~ 好辣既朋友必定要試既餐廳~

好多香港人都喜歡返深圳食下火鍋或者烤魚，因為覺得個味道係香港暫時食不到嗰種嘢味。聽說元朗也開了一間專食烤魚店，同三個朋友時間遷就到諗住去試一下！見到有人排隊就諗應該不太差掛，星期五的7:00時間都有10個8個排緊隊。大概15分鐘左右可以進入。一開始叫了一款叫江團魚，嚟到既時候當然試下個汁，嗰種濃烈的香味道真是很接近在同內地食的一樣，我同幾個朋友叫了小辣，而配菜方面揀了烏冬，鴨血，金菇同豆腐，可以再配其他款式，款式都多,每一款配料都是$16元，之後其他就要$20。嗰種魚個肉質都比較滑身，而唔係結實既魚肉，配起個汁加上有部分的魚皮感覺是脆的，肉加汁加皮，入口感覺是，eee... 有料嚟喎！唔錯唔錯👍🏼跟住叫了一個重慶雞絲冷麵，四個人食係少啲但係我想試一試個味道，麵質有彈牙感，分量方面都可以每人夾一住半，價錢 $39，都算抵食。至於小食方面，嗰碟口水雞份量大大份，只需要$45，抵食兼好味，依個真係唔係講笑！另外烤串，叫厚燒牛舌串，都真係幾厚身，食落有口感，蒜蓉烤生豪，烤韭菜串，燒茄子，燒雞翼，一食的感覺都以為返咗大陸食一樣，爽呀！當然本人覺得價錢一定冇得比， 但每碟菜的份量佢都比得足夠。另外

新界大西北懶人如我 假期通常懶出門出門就不想馬上回家 這天去了朋友家晚上就順便約埋老媽子 在元朗覓食去飄了一整天的雨 冷冷的天好想食熱嘢高朋滿座烤魚店 感覺隱陣就拿票排隊輕工業風裝修 兩個人都係卡位幾舒服-🐟烤海鱸魚$268 毛血旺麻辣味$10魚種與口味都可選 愛鴨血就選了這款小麻小辣 十六蚊加了配菜萵筍酸蘿蔔 上檯鮮血火熱麻辣香氣 好多花椒粒粒 配菜好多每樣少少 其實可以不用加料牛栢葉餐肉魔芋鴨血薯仔青瓜酸菜 等烤魚肉香口 大推鴨血薄切好吸湯汁味 雖有火烘住 但也要快吃因魚肉會變老而且愈煮愈入味 後來太辣媽子沒法吃-🍴蒜蓉燒扇貝 $68 @ 3太辣叫了其他燒物中和下 質素不錯帶子三隻個頭不細 鋪滿蔥蒜很惹味-🍖烤羊肉串 $28 @ 2有羊羶味愛羊者會喜歡 不愛者小心-🍺藍妹 $19串燒怎可沒啤酒仲要這價位 啤啤佢-🍯烤秘製饅頭片 $13 @ 2好驚喜外超脆內軟 搽左蜜糖甜甜地比燒麵包好食 媽子食完想回家試整-🍆烤茄子 $32我至愛怎會放過 雖油左少少但好味-🍴烤鮮菇 $13以醬汁烤 不會太乾咬落惹味而多汁-🌽烤粟米 $18原條搽蜜糖烤好甜 仲切開左方便食-意料之外 飽到暖到上心口的一

去到餐廳門口已經被門口裝修深深吸引住。入到去大部份都係卡位。而且入面仲有兩幅好大嘅塗鴉畫喺牆上面。除此之外仲有陣陣嘅烤魚味道。未開始點嘢食Staff已經俾咗兩條圍裙我哋。今次我叫咗一條烤魚，一口薯，雞肉串，牛仔骨仲有一條茄子另外加一杯百香果飲品。百香果好大杯大杯到可以比兩個人飲，咁嘅價錢有咁大杯真係好抵飲。跟住就上咗啲串燒啲串燒上到嚟都係熱辣辣，絕對係係即叫即燒。佢個牛仔骨非常juice，一口薯都非常之甜細細粒一啖啱啱好。仲有茄子同埋雞肉串全部都好夠味好好食。跟住個重頭戲烤魚就上啦。離遠已經聞到好大陣香味，店員建議食BB辣先，有機會下次再挑戰更加難嘅味道。佢條魚本身已經有啲配菜，而且加咗少少所以除咗魚之外，仲有豆腐，萵筍，薯粉。佢條魚非常之香，而且佢仲有火係你面前一路燒一路食。所以只會越食越入味。總括嚟講呢間鋪頭都非常之抵而且好值得👍🏻

係位於元朗既烤魚店江團魚魚類都有三種不同的選擇，對於我這些沒概念的吃貨來說，都不知道有什麼分別，幸好餐紙上已寫出了各種魚的特點，我選擇的條件很簡單就是少骨！這個江團魚就完全合我胃口，非但少骨，而且肉質嫩滑，即使貴一點也很滿意只有一條直骨，其餘一大片都是無骨的嫩肉部分直接放入口，爽！我點的辣味是毛血旺麻辣味，再可以另外加湯底的材料！像是打邊爐似的雞中翼除了魚外，最出名的可說是串燒，雞中翼的size大很誇張！味道又香又可口，脆脆的外層加上嫩嫩的雞肉！一流烤羊肉串必點之一，羊肉瘦的和肥的各佔一半，所以口感很特別，既有羊肉的濃香，也有肉質的口感益力多沙冰好少地方有得飲！又唔錯WO, 加埋D爆爆珠, 又睇又好味

去元朗探朋友, 佢知我鍾意食辣, 於是就帶左我去食烤魚, , 佢話呢間開左唔係太耐, 所以見到裝修好新, 環境好乾淨, 我地坐左喺窗邊嘅卡位, 好闊落香辣重慶豆花味🐟🐟魚揀左江團魚, 鍾意佢骨少, 肉多而肉質鮮美, 而烤魚口味,就揀左呢款香辣重慶豆花味, 上枱後, 店員叮囑滾起就食得, 麻辣同香味好配合,好突出, 真係好惹味, 但係又唔會蓋過魚嘅鮮味, 另外啲豆腐充滿豆香味, 入口順滑, 仲可以加輔菜, 我地比較細食, 只係加左午餐肉,都好好味👍🏼👍🏼串燒 - 烤雞中翼除左烤魚之外, 仲可以食串燒, 全部都可以揀辣或者唔辣, 烤雞中翼, 皮燒得脆脆, 醃得好入味, 有孜然粉做調味, 個人嚟講就真係好鍾意孜然粉獨有嘅香味😋😋健康百香果水果茶味道酸酸甜甜, 茶內有新鮮水果, 解辣之選

烤魚初體驗話說經過教育路幾次都被呢間鋪個吸晴招牌吸引住, 今日決定擔粗粗去試下. 一入到鋪頭成間鋪裝修都好新潮, 帶小小工業風, 牆身都充滿塗鴉, 好有味道。位置獨立分配，有私人空間得黎又舒適。食物方面，顧名思義「烤魚工房」當然係以烤魚作主打，烤魚選擇分三種，分別是清江魚 ($258)、江團魚 ($288) 同海鱸魚 ($268)。店員推介無咁多骨嘅江團魚配泡椒剁椒味 (小辣) ，另外大家可以仲自行選擇配菜，第一次叫就$16一樣, 追加就要$20一樣。我地就則選擇咗鴨血、鮮豆腐、萵荀同火鍋寬粉。原來呢到除咗烤魚其實仲有串燒提供！無幾耐烤魚就黎到啦，香噴噴聞到都流哂口水，小辣剛剛好，中辣應該受不了～江團魚果然無咩骨，一大啖咬落去就係魚肉，肉質算鮮嫩，配埋配菜，大家都食唔停口，愈食愈辣就叫返碗百香果水果茶。百香果水果茶 – 無諗過$38咁大大大大杯，酸酸地十分開胃又好解辣，一啖烤魚一啖水果茶，正啊～～除咗烤魚都叫咗啲串燒黎試下烤羊肉串 $28 / 2串呢個實在太有驚喜，食落多汁夠膻味，推介推介，好味道烤豬頸肉串 $26 / 2串外脆內軟，表面脆卜卜，裡面肉質爽口烤台灣香腸 $18/ 條同樣

覓食在元朗 元朗美食多羅羅，但要搵間好食﹑價錢合理得黎﹑有FEEL﹑仲要坐得舒服嘅……我推介呢間雖則宜家返大陸都好方便，但食個烤魚要坐長途車又要過關，又好似煩咗啲。最後朋友就介紹咗呢間烤魚 先講下環境，烤魚工房內部裝修嘅真係一顱，格局分明，坐位同坐位次間有一定距離，相當之寬敞坐得好舒服，整體感覺好色彩好有活力，。亮點係牆上嘅塗鴉，畫咗了店名【烤魚工房】四字，唔講唔知以為係一間韓式燒烤店呢～ 據店員所講解，三種魚其實都相對地多肉少骨，我地最後就揀咗小編最後選擇了江團魚，配以泡椒剁椒口味 (小辣)值得一提的係口味一共有六款，簡單啲分嘅話就你四款是係辣，兩款係唔辣。 我地就要求食先試下串燒先，最後先到重頭戲烤魚 串燒BBQ烤韮菜：叫夠兩串，兩個人share一串真係點夠皮，一人一串先滿足，韮菜配埋調味粉真係絕配燒一口日本甜蕃薯：甜蕃薯平時放題先有機會食到，黎到呢到有得叫當然叫夠一人一串，正烤秋葵：一份的話份量其實都算多，秋葵爽口唔痴牙，中和返串燒熱氣，不錯不錯串燒海蝦：連殼食先算識食，蝦頭多膏，連埋殼食真係好惹味，調味粉無蓋過蝦味烤羊架串：價錢偏貴，但真係好好好好味，多汁之餘羊味好夠，啖啖肉又

烤魚工房真係令我一食難忘..其實每次經過都會聞到好香好濃郁嘅烤魚味..每次聞到呢種香辣嘅味道總係會有少少流口水嘅感覺😆😆一入到座位每次總係座無虛席非常之爆場..而且烤魚嘅味真係非常濃郁👍🏻今次叫咗江團魚..泡椒剁椒味..另外嘅配菜揀咗午餐肉，蓮藕， 同埋酸菜！其實兩個人嘅份量已經非常滿足， 本身仲想叫埋薯粉㗎但另外叫咗冷麵所以就冇加到薯粉，不過下次再去嘅時候一定會試埋， 因為相信加落個湯底都一定好入味姐👍🏻雞絲涼麵非常推介👍🏻👍🏻酸酸辣辣，連埋青瓜撈埋一齊食好開胃好正👍🏻串燒就叫咗豬頸肉同埋台灣腸，孜然粉嘅味道好香👍🏻👍🏻蜂蜜蘋果蘆薈綠茶..👍🏻呢杯係益力多沙冰👍🏻👍🏻好大杯🙈

《烤魚工房》 #食在元朗📍元朗教育路37號南天大厦地下8-9號舖-食烤魚又唔一定返大陸嘅 平時約朋友食飯已經難 更何況話夾一日返大陸呢 所以自從開左呢間之後我就bookmark左啦 仲要係元朗 實在太方便🔹香辣重慶豆花味 海爐魚 $268超級大條 重量有成1kg 兩個人食唔加配料都夠飽 但我地又想試埋其他🙈我地嗌左小辣 的確唔係好辣 可能就返香港人口味不過個火就好快燒完 可以叫店員幫你加火食左1/3就要加湯 如果唔係好易痴底 同埋會幾咸架烤魚配料 🔹鮮豆腐 🔹豆卜 🔹火鍋寬粉 每份$16 （配料建議加4款以內） 如果唔係就太多架啦呢三樣對我黎講係必點！缺一不可🔹厚燒牛吞串 $36/2串幾有彈性 燒烤調味料不算重手 不錯🔹牛油錫紙金針菇包 $32/份超香蒜味 仲有牛油味好香 真心幾好味唔係返大陸食果d成份淨係得蒜 🔹芒果至尊 $32芒果味有啲假假地😂不過甜度剛好🔹藍妹生啤 $48識我嘅都知香港飲啤酒黎講我最鐘意藍妹🍺呢到仲有生啤 真係連酒吧都未必有 私心地加左分平日夜晚食都full house架 多人嘅話建議book定位唯一唔好嘅話諗係張枱細左d 不過係香港都好難避免整體都幾好 但建議3

食烤魚唔一定係嗜辣者嘅專利，唔食辣一樣可以食得好滋味✨ 揀咗大蒜酸菜湯底配江團魚，湯底雖然一定冇辣嘅咁重味，但有食唔完嘅蒜頭超開心，而江團魚肉質偏嫩兼近乎冇碎骨咁滯另外仲揀咗幾款配料，當中土豆最正，索哂啲湯汁夠腍又濃味，而火鍋寬粉都幾得意，煮極都係好彈性唔會腍到似粉團咁，而且都幾飽肚✨除咗烤魚仲叫幾款小食，冰鎮芥末青瓜條凍冰冰然後點wasabi豉油，下火得嚟成件事又幾日式串燒台腸淨係雕到旋風形咁已經好煞食，烤豆皮更加有驚喜，入面包住一大堆蒜蓉同青蔥仲有烤茄子都好高質，落蒜落到唔洗本咁，簡直係重口味之選😂其實呢間都幾爆下，當晚閒日八點去到拎咗飛響周圍兜幾個圈先有位，聽店員講話十點幾後仲有宵夜優惠，不過就冇問佢係咪得閒日先有，如果假日都有其實成班玩完去食宵夜都仲得，反正佢開到成凌晨兩點超誇張😂

自從係深圳食完烤魚之後 就愛上左烤魚😍不過呢排就未去深圳住~~元朗呢間店都有烤魚食 平日仲爆晒場🙊 烤魚口味一共有6款，有辣同唔辣揀，辣度都可以選擇我地揀左#鮮青椒味配江團魚$ 288✌🏻 烤魚鋪上左勁多青椒 勁香😋 小辣關係 愈食愈麻 唔係好頂得順🙈🤣 湯底愈煮會愈咸同入味的 魚肉每條約1kg 食極都仲有好多魚肉🤣 啖啖肉 肉質尚算嫩滑 不過夠惹味😋 .除左烤魚 我覺得燒烤食物都做得唔錯！！！ 燒茄子 $32好香蒜味 juicy 不過有少少偏油膩 雞軟骨 $26 雞腎 $22爽口滋味蒜蓉生蠔 $68幾好食 另外 百香果水果茶 $38好好好大杯 （雖然我影到好細杯><)味道清新 最適合用嚟解辣 烤魚工房 地址：元朗教育路37號南天大厦地下8-9號舖

周末黎到元朗買野，就同朋友一齊食烤魚☺️☺️☺️好彩我地都早到，唔算等得太耐🙈我認為烤魚十分香同吸引！我未食過深圳嘅烤魚，所以比較唔到呢度既烤魚正唔正宗，不過味道10分惹味！🤩🤩✌🏻我哋叫咗青椒味，要先煮3分鐘，烤魚嘅味道就會入味啲，起初食時唔算太辣，不過就食耐左會變好麻😂😂我認為可以魚肉可以再滑啲🤩🤩唔係太多骨，所以食得好方便！我哋仲叫咗金菇菜，煮到勁香同好入味！烤茄子都好好食，好有蒜香味！