烤魚工房 (南天大厦) (已搬遷) 新店位置

7點到，等到9點先有得食，人有點多......鋪頭裝飾幾有特式，走街頭風。地方算乾淨企理，但是位置窄，坐得唔算太舒適！..三個人叫左3款小吃同一條魚，就夠飽。因為等太耐我地有去附近食小吃..🔸烤茄子好多蒜多汁，但係好咸，邊邊位置沒燒到，有點硬！..🔸蒜蓉燒扇貝扇貝彈牙，夠新鮮，但是燒過龍，粉絲乾曬黏著殻，完全食唔到！..🔸重慶雞絲涼麵最推薦既野食，味道酸酸辣辣，雞肉唔會乾，面幼過平時食既涼麵，口感更好，混著青瓜一起吃好夾！..🔸蒜香酸菜味烤江團魚主角烤魚，失望！本來選鱸魚，落單亞姐話鞋，問我地接唔接受到，最後屈服選左佢推薦既江團魚。好後悔呀！！！ 江團魚肉質係軟爛，唔覺得係似佢形容係滑，仲有點腥，有淡水魚既泥味，唔好食！炸蒜有一點苦苦地！..總結係食物麻麻地，優點係員工服務態度好，價錢唔加一！

星期六晚，又係諗食咩晚餐好嘅時候，朋友話之前食烤魚呢間幾好食，所以冒住要排隊都去碰下運氣。8點幾，我地2人竟然等一張枱就入得。之後入去坐低就剔食物。魚就必食，其實我地2人都怕食唔哂，但係又唔想咁悶所以都加餸+小食。我地嗌咗: 1) 江團魚 *香辣重慶豆花味煮法價錢唔係最平，咁多款魚算偏貴一種，不過見介紹話係冇咁多骨，就即刻決定。2）自選餸菜：豆腐、手工面條3) 小食：燒韮菜————————————————————————————-味道:1) 魚真係冇乜骨，好易起到。辣度叫小辣都可以接受，好香好好食。一開始唔係好辣，之後就算加湯都會再更加辣，我地唔係好食得辣，但都ok，覺得好爽。去到後面食到好咸，真係唔可以再加辣湯。2) 豆腐其實本身都有，但係朋友係豆腐學好者，所以再嗌多種先夠喉。好嫩好好食，比起浸落湯豆腐嫩滑。3）燒韮菜，食得咁重口味，都係想有啲菜落肚。冇乜味，較為失望，燒得唔係好夠咁，食過其他地方的好食好多。4） 芒果至尊，期望太大，好一般，甜。5） 益力多沙冰，真係要等冰融都有排，一般。————————————————2人埋單共$400頭朋友話去大陸食會平啲，但係一來一回、車費可

烤魚癮起，又沒有時間北上解癮，就找找附近有什麼不錯的烤魚吃。之前曾經吃過尖沙咀的一間烤魚，但是辣得不正宗，就沒有再在香港找了。我看了其他食評找到了元朗的這間烤魚工房，看到大家對這間食店的評語也不錯，所以有天放工就來試一試吧。我們選了毛血旺麻辣味，配上無骨嫩滑的江團魚，再加上每次烤魚必點的金菇。吃烤魚怎麼少得了冰凍的啤酒呢？主菜上來了！看樣子很不錯哦，因為選的是毛血旺麻辣味，所以變相多了午餐肉、豬紅等配料，挺劃算的。一口下去，味道真不錯！食材入味，魚也真的嫩滑非常，和平時在連鎖烤魚店吃到的也太一樣了。另外，門面的裝修新潮，店員的態度也很好，主動為我們加湯，以防魚肉黏底。

如果喜歡返下深圳等等，食下 探魚酸菜魚等等，有時候唔想專登返大陸，都可以試吓呢個烤魚工房 ！店鋪裏面以卡座為主，未算十分之逼，但座位有些窄，所以人流量都算快，排隊等位唔算泰萊平均 20分鐘 左右就可以入坐，記得要人齊因為人齊先至可以放你入座，等待期間都可以劃定食物 ，而上菜速度頗快。係 串燒需時 ！烤魚有 3 款魚可選，先選魚再選口味，有香辣重慶豆花味，毛血旺麻辣、鮮青椒味、泡椒剁椒味、菌香豆豉味、蒜香酸菜味等等，仲有兩款不辣口味。上枱的時候烤魚基本上已熟，只需待鍋滾起便可，由於叫左 小麻小辣，所以食起上嚟十分惹味，魚肉尚算嫩滑，但基本上只食到醬汁的味道，有配料但份量不多，而火鍋寬粉比較入味而且口感煙un。食得差不多一半時，會比較杰身可以加入湯底更入味。至於串燒，基本上都唔差，都係10分香口惹味！而食辣野，點都要叫返杯 飲品，爽一爽，這裏比較多人order 的係 百香果果茶，味道酸酸甜甜，十分開謂亦都能解些辣 ！

前日心思思想食烤魚，上黎open rice 搵下搵下搵到入黎，7點到門口有人等，我地等細檯第4張係門口已經揀好食咩，入到去坐底就入單，因為有小朋友，所以點左串燒佢地食，大人就食江團魚配鮮青椒味小麻小辣再跟年糕（呢個一定要叫），火鍋寬粉，同鴨血! 個烤魚越食越辣越好味佢條魚係先炸後落爐！我鍾意食佢先炸多過烤！所以我like ！個年糕我覺得配菜入面最好味！所以呢樣如果黎食一定要叫！串燒全部要唔辣！但茄子阿仔食都話有d辣可能太多蒜蓉！我地都係叫熱門既雞翼，牛仔骨，肥牛金針卷，雞軟骨，韭菜，烤魷魚乾，炸魷魚鬚，燒茄子野飲叫左兩個沙冰同汽水！冇咩特別

本身都有北上食烤魚的習慣 一直都希望香港有類似的見到烤魚工房就想try try可以自由選擇唔同既魚唔同既味道配菜可自由選擇 每樣$16 今次我試左海驢魚+蒜香酸菜味 配菜: 鴨血 大豆芽 凍豆腐整體蒜香味好夠但酸菜味就唔係好食得出開頭魚未入味 所以好似冇咩味咁但越食會越濃 甚至於有啲鹹而魚的肉質比我預期中*鞋除左烤魚我仲試左另一樣喱個一定要介紹比大家烤茄子🍆！就算唔食得辣都要叫BB辣 茄子上蒜味超夠 超香口😍😍

有日心血來潮想食烤魚，就上網做下research , 就search到元朗有間比較出名既烤魚店，立即出發試一試！未到七時已去到，入面已經坐爆左，要拎飛等位。 大約要等十幾張枱。最後等左around 45分鐘，終於有位了！Order 點一條江團魚 (HK$288)湯底揀左香辣重慶豆花味，小辣江團魚比較小骨，而且肉質好嫩滑。條魚面積都幾大，而且以豆腐作為免費配菜，豆腐吸左香辣湯底既汁，變得十分入味。另外，我點了蓮藕，鴨血，金菇等配菜。 當第一次order 連配菜同時order , 每款配菜$16。 如進食途中追加配菜，就$20一款。總括來說，這家烤魚同大陸既烤魚店不相伯仲，值得一試！

好少會去元朗嘅我，前日放假入去做義工，下午3點幾先食lunch,經過見到有間去食烤魚，我至愛食烤魚嘅男朋友，當然唔會放過就試吓，坐低姐姐好好招呼，地方乾淨，食嘢嘅時候仲有圍裙保護你件衫，真係好窩心我哋叫咗個大辣烤魚，姐姐仲驚我地食唔到估唔到咁好味，辣得好香條魚好新鲜，仲有好多配菜，唯獨是配料嘅新鮮牛柏葉有啲韌，鐘意食辣一定要試大辣，佢地d水果茶真係好好食，尤其草苺多多，平時我係絕對唔飲呢類飲品，不過試過就愛上，下次一定再幫襯

烤魚是炸熟後擺上烤魚爐，眼看非常油膩！到食用時已鞋，一點滑得感覺都無，一條烤魚以兩個人份量來講算少！燒烤串燒唔係直接燒熟的，應該先叮熱加蒜蓉烤一烤，因為生蠔及扇貝的殼邊完全凍的一點剛燒好熱辣辣嘅感覺都無！還有海蝦，全部痴肉，好唔新鮮！$40蚊4隻可以新鮮少少。不過...雖然如此，愛吃蒜蓉香的我還是全部KO掉！總括來講，烤魚還是去深圳食吧味濃魚滑！至於燒烤串燒，只是香味搭救！

一去到門口已經好多人，但等左大約四五個字左右就有位。入到去個環境好靚，好吸引人打咭。d服務員好有禮貌，雖然好多人好忙，但佢地都好好。起門口已經睇定食乜，所以一坐底就即叫。但個人覺得價錢有點貴，兩個人叫一條魚加兩杯嘢飲都每人二百。坐底見到有圍裙，呢個真係要加分。好細心，唔怕整到件衫，特別係白色衫嘅朋友。不過行返出黎件衫好大陣烤魚味。叫左鱸魚同豆花小辣，加寬粉。個寬粉好難咬，個吸左d湯味好好食。個豆花比我想像中滑，好好味！！！條魚都不過不失，個人覺得小辣啱啱好，因為佢會愈煮愈辣，而且可以加清湯或者辣湯。食完出黎仲見到好多人排隊。

平日都會返深圳, 係深圳食烤魚, 水煮魚丫個D~ 但係唔知點解香港係好少見哩類型既餐廳, 可能香港人唔太仲意食淡水魚啦~ 但係朋友介紹我, 係元朗教育路有一間食烤魚,重慶燒, 新開叫"烤魚工房" 佢話佢個度D烤魚同重慶燒都幾好食, 所以今晚約埋朋友一齊去試下... 開心開心~ 去到環境真係好唔錯, 好時尚, 一D都唔似食中式野既地方, 卡位好濶, 坐得好舒服~~ 我地點咗一個必食江團魚毛血旺麻辣味烤魚$298, 間單時加配菜平D~ 每款$16, 後加就$20, 我地加咗火鍋寬粉, 凍豆腐, 我地再叫咗一堆重慶燒, 有燒蠔, 燒扇貝, 燒魷魚, 燒羊肉串,.... 價錢由26-68蚊不等~ 尚叫低食~ (烤魚開頭覺得有D貴, 上枱原來洗面盤咁大碗, 足夠4人食) 因為有朋友唔食得太辣我地點咗小辣, 未食聞到已經流哂口水~ 魚好滑, 但肉質好實淨好新鮮~ 開始後悔頭先點咗咁多野~ 有D驚食唔哂~ 但個湯麻辣好惹味, 面頭D花椒好正~ 好好味~ 而重慶燒, 羊肉串同燒牛舌係必食推介, 仲有要提提記得飲佢地個沙冰~ 好大杯好扺飲架~ 一杯可以由頭飲到尾~ 好辣既朋友必定要試既餐廳~

很懷念大陸既老壇酸菜魚🐟，所以入內一試。結果...失望而回！本人討厭食魚有骨，所以點左無骨既江團魚。江團魚烤過，皮有少許焦味，免強可以接受。滿心期待可以食到又滑又無骨既魚，但佢都係未清晒d骨。起初以為佢比錯第二條魚我😞。配菜方面加左娃娃菜同鴨血。吸左濃湯汁後其實味道ok，但始終同大陸食到既無得比。除左魚外，我地仲點左一份羊串🐑🍢，一份兩串，唔夠食。不過佢個羊串烤得好好味😍，調味料份量恰當，有味得黎唔會偏咸。 可惜得兩串。最後一句：要食中菜，番大陸食最好。

睇完紅葉🍁去左教育路睇下有咩好食，經過見到間<烤魚工房>幾乎滿座，自己又好耐冇食烤魚，所以即刻入去食啦😍😍首先簡魚，有4款🙎🏻‍♂️簡左第二貴既江團魚🐟 話因為冇骨，岩晒我xd 之後就係簡烤魚口味，我地都鐘意辣，一致決定要香辣重慶豆花味😆跟住當然唔少得配菜啦，有20-30款簡我地叫左豆芽、娃娃菜同烤魚一定唔少得既寬粉😛等左10分鐘度有野食啦條魚係煎過既，所以個皮係脆脆地，正呀👍🏻個汁係好香，d配菜（尤其係寬粉）吸晒d味超正👍🏻👍🏻除左烤魚，呢度仲有串燒，簡直係滿足晒我2個願望呀😆😆😆Order左烤饅頭同埋燒雞軟骨個烤饅頭真係好正，個皮係蜜糖味，仲要超脆!如果唔係太飽就真係會叫多一碟🤤🤤🤤另外個雞軟骨都好入味，細細粒可以食好多串，哈哈服務方面都唔錯，叔叔見我地個爐太猛火驚好快痴底，所以即刻幫我地較細d而且每人仲有條圍裙，好貼心💕2個人$300幾蚊食到好飽，又好味，好滿足😊Ps 7點幾食完已見到門口有好多人等位，要早d黎。

元朗一向係好多雞煲同烤魚聚集嘅地方😍今次呢道烤魚工房食烤魚，入面有啲類似塗鴉嘅畫係牆😆原來呢度除咗烤魚之外仲有串燒㗎，不過我已經食唔落😙首先㗎烤魚種類、再揀口味然後揀配菜🐟#江團魚 ($288)😋好味指數：(7.5/10)+$10 毛血旺麻辣味我揀咗中麻小辣，又幾惹味😍烤魚食落去真係冇咩細骨，不過都要小心啲🧐食落去魚肉比較實，唔怕夾到散晒，魚皮脆卜卜又幾好味🤔其實烤魚入面，每樣配料都有少少， 例如黑白百業、薯仔、午餐肉同魔芋等等😙每份配料第一次落單嘅時候單點就$16，後加就$20😚我覺得豆卜同鴨血都唔錯😆#手切肥牛 ($88)😋好味指數：(6/10)肥牛比較大舊同多筋😢不過肉味ok嘅😚飲品大大杯幾抵飲.⭐溫馨小提示📌建議加四份，配料令到烤魚更惹味😚

烤魚呢個食品係今年先開始興起 一向都要長途跋涉及返大陸先食到好食嘅烤魚 估唔到依家喺元朗呢間烤魚工房都食到 真係勁開心呢度嘅烤魚分咗三種唔同嘅魚類 包括江清魚 江團魚 同埋海鱸魚 我哋就揀咗江清魚 魚肉好嫩滑 配上小辣嘅湯底 已經非常好食 旁邊嘅豆花其實係豆腐 索曬啲辣汁勁惹味 不過略嫌湯底煮得耐會咸 所以建議不斷加清湯去保持湯底嘅味道 除咗烤魚之外呢度仲有串燒食 叫咗個黃金烤饅頭 外面烤到脆卜卜 有啲似麵包嘅感覺 上面再加上蜜糖幾好食Wasabi脆魚皮 魚皮用咗涼拌嘅方法去做 非常爽脆 而且一啲都唔腥 wasabi嘅味道夠過癮 不過食到最尾有啲過辣