無極冰廳 (美暉大廈) (已結業)

見到餐廳裝修唔錯咁就諗住試試佢，反正未食過，一入去望住阿姐，點知阿姐絲毫沒有反應，咁就自己搵位坐啦，冇人理都算，明明menu有得揀轉河粉，又走黎話冇得走，個阿姐態度仲要係「冇得轉嫁喎」一啲都冇覺得唔好意思呀～咁你有得比我撳我理所當然預你係可以，之後叫佢比碗同匙，因為得返叉係枱面，態度差到呢，「枱咪有囉」有就唔使問你啦！唔該前唔該後嫁啦喎已經，冇下次！但平心而論，食物味道是不錯的，但比個阿姐搞到咩心情都冇哂，唔想做唔好做啦

呢間野真係錯到離晒大鋪！以後唔會再幫襯！中午去食lunch叫左個乾炒牛河跟奶茶，中途已經見到其他食客不停催單，唔知關唔關佢轉左手機點餐關係，啲單好多都甩晒，個廚房同樓面都打仗咁，樓面啲侍應大吵大鬧嗌晒交咁，完全當啲食客係無物。我見等左20分鐘都未有就催下侍應，連杯奶茶都未上俾我，班侍應一係扮聽唔到一係就敷衍話即炒嘅係要等下。中間眼見個廚房係咁出外賣單，但一份堂食都冇出過，最搞笑係阿姐水吧枱唔夠位擺外賣，見我地張枱未有野食竟然放晒啲外賣喺我地枱面，認真係世界級服務。好心你做唔切堂食就唔好接咁多外賣單啦。到等左差唔多半個鐘我再催單，侍應阿姐問我有個香葉肉碎飯有枱客等唔切多左出黎，有得即刻食問我要唔要轉。但我上次食過呢間嘅香葉肉碎飯係咸到好過份，於是我問佢乾炒牛河仲要等幾耐。荒謬嘅係佢完全冇理過我就走左去，好似焗我食佢多出黎個飯咁，完全冇其他選擇。等左陣我決定都係無奈地轉佢個香葉肉碎飯，唔係等到2046都未有得食。最最最搞笑係，我同枱有另一個人叫左揚洲炒飯，又係等左好耐都未有，個侍應阿姐用同一套路問佢要唔要轉我取消左嗰個乾炒牛河，有得即刻食唔洗等，真係夠晒環保一個飯都唔好曬！呢班世界級侍應可

今日同老竇老母去灣仔食午餐，見到一間叫無極冰室嘅餐廳，諗住試下新野，點知入到去就無極後悔。😢第一，個價錢真係貴到爆，三個人食咗一個午餐兩個下午茶，加埋飲品就要$169！😱點餐嗰陣話呢樣冇嗰樣冇，好似我哋掙佢地錢咁。😡侍應又嘈，客又嘈，想靜靜哋食可以去第二間。個日本秋田縣腸仔奄列飯根本係茄汁炒蛋腸仔飯，賣相核突，又食到一嚿好咸嘅鹽，唔知係唔係廚師手震。🤮出餐又耐到痴線，又話今日好多單，等咗40分鐘先等到個鹵水雞髀配沙律，點知個鹵水汁又同雜果沙律擺埋一起，又甜又咸，雞肉入面又好似冇鹵過。🤢總之，呢間餐廳真係無極難食，唔會再去第二次。😠

📍無極冰廳 (灣仔)灣仔謝斐道110-116號美暉大廈地下1-2號舖性價比極高餐廳🎏日式照燒飛魚子鯖魚飯 $68即叫即煮，新鮮出爐！ 好多好多好多飛魚子，小編好鐘意佢地入口個感覺，覺得好搞笑同埋好正。 鯖魚睇得出係岩岩燒起，因為魚皮還好脆，燒得岩岩好。 最緊要係啖啖肉，好香魚味， 入口有小小魚油， 再用黎餸飯都真係幾好味，最緊要係係魚骨🤭🌟 新店同9舊店裝修環境都好寬敞，唔會有好逼好逼感覺。 難得lunch hour, 最緊要係可有時間種比人坐得舒服感覺，依樣對打工仔黎都幾緊要。🔔總結：食物新鮮，送食物速度極快！ 灣仔食lunch 黎講價錢可以接受。 地點⭐️⭐️⭐️⭐️⭐️味道⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️（5星為最高分）

這間無極冰廳位於灣仔站附近，性價比極高，每逢午市時段都大排長龍，難怪最近擴充規模，連旁邊的鋪位要了。新店內裝修跟舊鋪一樣，環境寬敞舒適。菜式方面，除了每日不同的午市快餐外，還有數十款食物，如炒粉麵飯、常餐及沙律等等。焗鮮茄雞扒意粉 - $72即叫即焗製作需時，大大塊雞扒嫩滑多汁，淋滿香甜的鮮蕃茄醬，焦香的芝士富鹹香，意粉正好掛汁，或可轉焗飯。名古屋牛肉炒烏冬 - $68即叫即炒熱充滿鑊氣，一片片鮮牛肉嫩滑軟腍，煙韌的烏冬帶日式醬油的鹹香，更有不少椰菜絲及芽菜等蔬菜增添口感。雞肉凱撒沙律 - $56超大碗沙律菜，翠綠的沙律均勻塗上甜酸的凱撒醬，更有少少多汁的車厘茄，為數不少的雞柳肉好嫩滑，入口好清新。奶茶紅豆冰&鴛鴦紅豆冰 +$9一杯有著濃郁的奶茶味好順滑，另一杯則同時帶著咖啡香味，同樣每口也有綿密的紅豆，起沙好香甜。

唔知大家有冇發覺最近開咗好多新嘅食店及茶餐廳, 仲要係有別於舊式茶餐廳, 餐廳非常光鮮, 乾淨企理, 無極冰廳都係近期灣仔新開嘅茶餐廳, 俾佢哋嘅菠蘿包代替餐包/多士所吸引, 入嚟食個早餐先 。大家細心睇牆上的字, 你會發現其實句句都係有意思的, eg Never forget your hopes and dreams。大路早餐、午餐、茶餐及晚餐茶餐廳食品, 亦有新餐牌, 例如日式蒲燒鰻魚滑蛋飯。歐陸扒餐 ($48/包熱飲)感覺很不錯, 有大大件牛扒、北海道3.6牛奶炒滑蛋、腸仔、菠蘿包及茄汁焗豆。牛扒有厚度, 唔乾唔韌, 以$48 早餐來說很不錯, 畀大型快餐店的件頭及食味好好多, 牛扒淋上蒜汁, 蒜汁唔係淨係得個鹹字, 似係燒汁加鰻魚汁的鹹香及香甜及, 滑蛋不過火, 炒很嫩滑, 菠蘿包跟餐上, 上枱還是暖暖的, 菠蘿包皮鬆化, 裏面卻是很鬆軟的奶茶 (跟餐)茶色金黃, 茶奶比例適中, 入口夠茶味又順滑, 早餐提神不能少。

之前幫襯過謝斐道嗰間「無極冰廳」，食物選擇非常之多，種類豐富，而且價錢合理，大份又抵食。最近路過，發現餐廳喺隔離開多咗間新分店，門面燈火通明，趁今日落開嚟灣仔，專登過嚟食個午餐。原來入面地方都幾大，而且佈置得很有心思，設計時尚，裝修簡潔雅致，座位闊落舒服。點咗焗鮮茄豬扒飯 ($72) 同 泰式豬頸肉炒河粉 ($72)，配冷熱飲品+$6，而特飲就+$9。豬扒飯即叫即焗，送上來時熱辣辣、香噴噴。豬扒厚度啱啱好，肉質腍滑又 Juicy。飯底炒得很香，飽滿煙韌，粒粒分明，伴甜甜微酸嘅蕃茄汁食，更覺醒胃。炒河嘅用料亦唔輸蝕，豬頸肉大大片，份量十足，肉質爽脆帶彈性，香口又唔油膩。而河粉亦炒得好夠鑊氣，甘香薄滑，每條都平均地沾上醬油，惹味非常。

公司搬左辦公室係灣仔，番工前去食個豐富早餐醒神下，地鐵站附近 又近又方便。好大間鋪，新淨，一於食新餐廳。幾時都鍾意沙爹牛肉公仔麵 ，真係好抵食。仲要配滑滑炒蛋同丹麥麵包多士 。牛肉大塊新鮮，湯底沙嗲味又夠濃唔會太鹹，公仔麵係用幼身嘅公仔麵，食落特別有口感 。炒蛋奶黃色，好有水準嘅炒蛋 ，通常都只係用普通方包做多士，但係呢間茶餐廳用丹麥麵包 ，配上炒蛋特別夾，而且都只好香脆刷上薄薄的牛油 。去茶餐廳梗係要飲一杯港式奶茶，識飲一定係茶走。

返工出黎搵食，通常都唔想洗太多，食下茶記係最經濟實惠之選。不過要搵多岩心水嘅茶記都唔易，自己係利東街果頭返工，都無咩好食，呢日就過黎謝斐道搵個係稅務大樓返工嘅舊同事，近近地就佢，於是試下幫襯無極冰廳，估唔到咁有驚喜。👍🏻👍🏻呢日我地叫左日式照燒飛魚子軟殼蟹飯（$72），同埋泰式豬頸肉飯（$65），跟餐加多杯熱檸茶（$6）同熱檸水（$6）。雖然係茶餐廳，但估唔到做起日式料理上黎，會咁出色，個日式照燒飛魚子軟殼蟹飯，飛魚子具鹹香，又帶一絲甜味，口感清脆，配上大件、新鮮又脆口的軟殼蟹，美味得來，又極具飽肚感。😊😊至於個泰式豬頸肉飯，豬頸肉厚實，有咬口但唔會un，份量又充足。而個泰式醬料則十分惹味，食到Lam Lam脷，完全停唔到口，yummy yummy😋😋~我好鍾意呢邊新鋪嘅環境，好乾淨，好舒服，總體來說，成間餐廳性價比都真係好高😍😍無極冰廳地址：灣仔謝斐道110-116號美暉大廈地下1-2號舖

灣仔居然有大份又抵食既早餐食！呢間係灣仔唔太起眼既冰室內藏住驚喜早餐，大份到食完連午餐都唔洗食！蕃茄濃湯通粉伴厚切午餐肉 $45呢份早餐非常豐富，通粉再配上北海道3.6牛乳炒蛋再加一個迷你菠蘿包，食完超級滿足！炒蛋用上日本3.6牛乳炒出黎，蛋味香濃之餘好滑身夠濕潤帶有陣陣既牛乳味道。另外配上一個菠蘿包，真係唔係間間餐廳食早餐會配上菠蘿包，包身夠軟熟，個包菠蘿酥皮好夠脆！蕃茄濃湯通粉伴厚切午餐肉，兩大塊勁厚切既午餐肉等同於半罐咁濟！一啖咬入口唔需要就住食，滿口都係午餐肉！蕃茄濃湯用上新鮮蕃茄煮出，酸味足夠而且濃濃既蕃茄味愈食愈開胃。通粉份量多，口感唔爛有彈性，所以不知不覺就會食晒成碗，非常之飽牛奶麥皮配炒蛋+迷你菠蘿包 $42牛奶麥皮好香好滑，麥皮量唔會太少亦都唔會煮得非常杰身，比例合宜。味道上適中唔會太甜，入口夠滑。食之前建議可以先攪一攪以免糖份既甜度落晒去底到。牛奶麥皮配埋炒蛋同菠蘿包一齊食，夠健康又飽肚。

無極冰廳😘😘😘豐富無極早晨之選灣仔謝斐道、茶餐室選擇多、藍色霓虹燈光招牌吸引住我眼球、黑色為底色系列、黑色梳化背椅、寛敞舒服！🈶️早、午、茶餐、全曰飯餐供應！M餐： 🍅🍅蕃茄濃湯通粉伴厚切午餐肉、北海道3.6牛乳炒蛋、丹麥多士、熱飲$45.....超香濃🍅蕃茄湯底、甜酸度剛好、清新醒胃、早餐夠開胃、配厚厚切的微煎香口午餐肉、係早餐美味之選yummy yummy 、北海道3.6牛乳炒蛋無🉐️輸、濃滑蛋香味、配丹麥🥪多士一超吃、配合🉐️天衣🈚️縫！濃香茶膽、冲泡奶茶、夠🈵️足😄😄G餐： 歐陸風味扒餐$48 ：燒汁🐂牛扒、北海道3.6牛乳炒蛋、茄汁豆、🥪丹麥多士加多$3凍檸茶.....有驚喜、牛扒大大件、夠厚身、有嚼口又夠軟滑腍香、有牛味、早餐營養之選、🥪丹麥多士外層酥脆、內心鬆軟、抵食值得讃！#灣仔#新派#早午茶餐室#CP值高#無極冰廳灣仔謝斐道110-116號美暉大廈地下1-2號舗港鐵灣仔站A1出口，步行約3分鐘

灣仔🧐午市食肆最忙，打工仔梗係要揀間快，靚，又正既餐廳啦 🥰午餐款式多，有全日餐有下午茶餐，價錢又超值🥘🍚午餐$60紅酒燴牛尾飯，送例湯或者飲品估吾到依個價錢，牛尾好足料，數一數下大大細細件都有8-9舊，仲有紅蘿蔔，牛尾炆得好淋好入味，食到冇儀態😄牛尾啜啜啜，個汁重紅蘿蔔味道，健康之餘汁仲可以撈飯 餐加熱檸檬水 厚切三片檸檬， 滿滿嘅維他命C😍🌟最正係上餐快🌟忙碌但服務好好🌟餐具餐桌好乾淨