無老鍋

營業中

休息中

幾年前係台灣食過，一直都對佢哋嘅湯底心心念念～終於等到佢哋進軍香港，等熱潮過左先去食，就唔洗同人迫啦～ 當日係星期日夜晚，唔洗book枱可以直入🍽食物✨冰淇淋豆腐鍋+無老辣香鍋 $156 ($78@1) 8/10鴛鴦鍋額外收費+$88湯底就係佢哋嘅招牌！白湯係冰淇淋豆腐鍋，藥膳湯底鮮甜，冰淇淋豆腐$10一粒，由魚漿同花枝漿混合而成，口感幾得意可以過吓口癮，不過一粒嘅價錢就有啲貴；紅湯係無老辣香鍋，但其實係唔辣嘅，比起白湯會多左陣藥材香氣，層次更豐富，無論嗌邊個湯底都可以任食鴨血同麵包豆腐，吸滿湯汁好正🤤其實成餐飯真係齋食鴨血同麵包豆腐都飽🤣👍🏻特選牛拼盤 $498 7/104款牛分別係封門柳、牛王喉 、牛頸脊同牛邊爪，睇賣相都見到油花幾均勻嘅，封門柳嘅牛味最濃郁，牛王喉嘅口感好爽脆，淥十幾秒就食得，牛頸脊比較有咬口，唔小心淥耐左會有啲韌，牛邊爪油香都重，比較淋。但係呢個份量要成500蚊真係覺得有啲唔抵，係其他專門食牛嘅邊爐店份量會更多👍🏻珊瑚蚌 $158 7/10質地爽口，味道鮮甜，無論放係白湯或者紅湯嘅味道都好夾，而且同湯底嘅鮮甜相得益彰👍🏻濃香豆皮 $68 7/10有4塊大大嘅炸豆

台灣的無老鍋係無次去台灣必食之餐廳，今日生日特登去香港分店試吓。湯底鴛鴦湯，味道中上，加湯會加返原湯，但對比台灣仍差少少。如之前帖文，鴛鴦湯每枱要額外加$88係有啲唔合理。食材黑豚腩肉片、梅肉片拼雞脾肉、魚皮餃、什錦丸、炸腐皮卷。除咗梅肉片一般，其他都幾好。服務本應都有4-5星，由接待到其他服務員都好好，惟最後付款時那位身材肥矮的男員工，問他是否有限時的時候，他回答的態度異常輕佻傲慢，非常不尊重！完全摸不著頭腦為何會這種方式回答客戶，服務評分由5星跳崖式下跌至1星。

無老鍋係台灣就食得多啦，係香港開左分店咁耐，都未食過，終於有機會試下，聽人日成日都好full ，所以上網一早book左位先。一去到員工就安排好座位，非常熱情有禮貌，輕輕介紹下&拎左iPad比我地點餐。冰淇淋豆腐白湯鍋$78/位湯底方面叫左冰淇淋豆腐白湯鍋，由不少養生食材、豆腐再搭配人蔘組成，味道清新香甜，必點！濃香豆皮$68有4件大大舊，豆皮浸落湯底，吸滿湯既精華，超級滿足。上選牛小排$338呢個肉質較為失色，食落又唔係好重牛味。綜合餃$118由燕餃、蛋餃、魚皮餃各4粒組成，size較迷你而且味道較淡。仲有唔少得無限refill既豆腐&鴨血，店員會主動問需唔需要refill，十分好，鴨血好滑好好味！最後附送水蜜桃🍑沙冰，味道酸酸甜甜幾清新，可用來解膩。無比較無相害，整體而然食物味道都唔及台灣既好～～～

話說無老鍋係以前每次去台灣必食（個人就係咁專一）。所以聽到終於開到香港不知幾興奮🥰 仲要都幾難訂（訂咗一兩個月先有位，小癲）個價錢係難以理解，收完鍋錢人頭費，台灣 default 跟嘅冰淇淋豆腐竟然又係要加錢。你加埋入去算把啦。不如連杯沙冰都收錢啦，完全九唔搭八, 同埋認真呢個價錢我起碼可以喺台灣食兩次囉😐仲有，今晚嗌咗我最愛嘅水蓮，但上枱已經係見到有少少乾水了，So sad  空歡喜一場 🥲三色滑嘅瑤柱滑同老油條都依然好食，keep 到台灣水準嘅，同埋牛肉都唔錯麵包豆腐白湯鍋使用雞骨、豬大骨、洋蔥、青蔥、薑、蒜頭等加入多樣中藥香辛料增添湯頭回甘的韻味無老辣香鍋辣香醇厚，風味獨特，味道偏香而唔係辛辣為主。兩款鍋底味道上都基本係還原到台灣嗰隻味，同埋麵包豆腐同鴨血都係無限量添食～呢part 係唯一令人開心返既地方，但礙於性價比問題，香港作為火鍋之城有咁多唔同既選擇，呢間都都真係未必會有下一次

食物質素一般，名過其實，牛肉及豬肉也沒太多肉味。價錢偏貴，因想試辣湯及清湯所以轉了鴛鴦鍋，需人頭計$78 再加$88 一枱，但辣湯也不太辣。點的菜不多但人頭費已接近$400。店員的服務好。沒什麼特色，應該不會再光顧。

一直都知道無老鍋好出名，但我從來冇係台灣食過無老鍋，只係曾經係台灣食過同一品牌嘅鼎王，鼎王水準的確唔錯。可惜香港開嘅無老鍋質素真係麻麻，性價比偏低，我係有啲失望，希望好快可以喺台灣無老鍋🥹湯底無可否認係幾出色！朋友力推白湯一定要加人蔘，的確令白湯味道更豐富更養生！麻辣湯底小辣係bb辣嘅我都可以接受嘅程度，香料味道非常足。我就唔太識欣賞冰淇淋豆腐，第一次去可以試吓嘅。火鍋材料方面，每樣材料都不過不失，冇乜邊樣特別好食。招牌三色滑基本上三款滑都差唔多味，如果唔仔細望外表，真係令我哋傻傻分不清😅雖然飲品價錢偏貴，但檸檬愛玉係幾好飲！$600pp

-無老鍋 喺香港開左咁耐 終於都比我試到😆朋友們已經去食左幾次 仲一尾話好好味 叫我快啲一齊再去好誇張 我諗佢地兩至三個月食一次咁😮🤭❇️冰淇淋豆腐白湯鍋 $78/位 鴨血好滑👍🏻 麵包豆腐吸哂啲湯👍🏻每啖都好似飲緊湯鴨血同麵包豆腐可以無限量任添😍兩樣都非常出色我地加左兩次⋯侍應完全唔吝嗇 將成兜鴨血同麵包豆腐倒哂落去🤣❇️招牌手工三色滑 $168瑤柱滑 / 蝦滑 / 蟹膏滑最特別系瑤柱滑 😃食得出好多瑤柱絲 好足料蝦滑同蟹膏滑 兩款都啖啖肉 但味道就唔算好突出🫣❇️濃香豆皮 $68大大舊既炸豆皮 唔係好似響鈴咁焯一焯就食得😅要放入湯慢慢煲 味道都幾好❇️排骨酥 $68炸脆左既排骨 再放入湯底煮熱 好似番左台灣飲排骨酥湯咁😍🤭正！❇️牛小排拼去骨雞腿肉 $238牛肉大約有10-15片 雞肉就7-8舊肉質食落去都唔錯嘅 但呢個價錢來講都偏貴🫣...

大家去過台灣都知無老鍋係有幾出名，難得香港開分店，點可以唔試？ 食過台灣嘅無老鍋，就好自然互相比較，睇下係咪台灣原味道。結果一如其他評論一樣，非常之失望⋯⋯鴛鴦鍋 （冰淇淋豆腐鍋+無老辣香鍋）鍾意食無老鍋好大原因都係因為佢哋個藥膳湯底。同台灣一樣只有兩款湯底白湯鍋/麻辣鍋，但分別係白湯要配搭人參要每位加$10（台灣係包埋），為左追求原味道當然要加。我哋叫左鴛鴦鍋（冰淇淋豆腐鍋+無老辣香鍋），但冰淇淋豆腐每人只有一粒，想再叫要每粒$10，乜有咁珍貴？每位要$88 都叫合理價錢，但原來每枱都要額外收費$88，即係2個人要俾3個人錢？唔係好明點解俾完人頭費仲要每枱收費，台灣都唔會咁計，而且香港咁多火鍋店都未見過會咁玩法。好啦，只要係值得嘅都抵俾。先講白湯鍋，就算加左人參，都冇台灣果種超強嘅藥膳+人參嘅味道，可能係為左香港人口味？但咁樣仲係咪無老鍋？至於個麻辣鍋，其實唔係幾辣，湯底味道都濃郁，不過食到後尾就會太咸。可能回憶的味道永遠是最好的。論湯底，其實同台灣無老鍋已經打左好大嘅折扣…鴨血豆腐都一如以往好味，而且係無限添加，職員都會主動幫你添加唔洗自己叫，算係無老鍋一大賣點之一。由於湯底覺得收

約左幾個朋友黎試食🤤難得6人叫野食既份量今岩都係6人份叫左無老辣鍋同豆腐白湯鍋加極辣都唔太辣 係聞到香味嘅 有得無限♾️添加豆腐同鴨血，幾好👍🏻但湯底沒太大驚喜😀有少少口渴好彩個茶幾香叫左個老油條，係正既脆既而濃香豆皮就不太特別 不過不失冰淇淋豆腐有奶香同軟棉棉牛小排就牛大人好食啲牛舌有啲失望 😞手工三色滑 蟹滑最好 蝦滑最差好似唔太符合心中所想，唔彈牙淋patpat最好食係九菜餃香蕉脆脆都無特別野飲方面飲左啤酒，蘋果醋同烏莓汁，野飲抵飲過食物最後送左杯野係最好飲

聽聞又係一間好難訂座嘅餐廳，今次訂到座即管尼試試。老老實實，食物質數認真一般，牛肉好韌，其他野都係極普通，價錢又貴，不會再次光顧。但要讚嘅係員工服務態度，用心講解，認真處理客戶投訴，要俾like。

銅鑼灣無老鍋出曬名嘅台灣過江龍，為左唔想打極都冇人聽的訂位電話，我吔就响OpenRice㩒個制訂枱，結果等左成三個月卒之輪到我吔，真係一枱難求，令人非常期待！首先講下呢度台式服務真係與別不同，無老鍋式服務比港式打邊爐果種「冇服務」簡直係天淵之別，比起海底撈果種中式服務的矯情顯得更親切，訓練有素得來，卻又洽度好處，令客人感覺舒服。湯底方面只有辣和不辣兩款，正是沒有選擇就是最好的選擇。我地揀左唔辣嘅麵包豆腐白湯鍋，雖然湯底是按人頭收費，但麵包豆腐、鴨血是無限量添加的，還好！麵包豆腐白湯鍋湯底真係超捧捧，麵包豆腐吸收湯底真係食上癮，一句說話黎形容就係：「好食！」。我地仲叫左其他台灣直送的食材，值得一提的是無老鍋的𣲙淇淋豆腐，甜甜地又軟綿綿，應該叫綿花糖豆腐會貼切啲！封門柳&牛王喉封門柳有牛味，牛王喉淥一淥十零秒超爽！老油條浸湯一流，岩曬我呢啲老油條招牌手工三色滑瑤柱滑係我的最愛！Black Albert Yip黑柏葉口感爽彈有𡁻頭！炸腐皮超好食的炸腐皮，鍾意豆類製品人仕必試！鵝腸

🌟過江龍台式火鍋。無老鍋🌟銅鑼灣新開咗無老鍋🌟因為疫情好耐冇返過去台灣🤧🤧 🌟即刻book枱，回味下鄉下味😋鴛鴦鍋 (冰淇淋豆腐鍋加招牌無老辣香鍋）($78/位，鴛鴦鍋每枱額外收$88)⭐冰淇淋麵包豆腐白湯鍋😋使用雞骨、豬大骨鍋及藥材熬製😋味道鮮美，香濃回味的湯頭😋每人一粒冰淇淋豆腐😋由魚漿同花枝漿做成軟雪糕形狀，打卡一流📸😋口感綿密😋無老辣香鍋😋充滿藥材香的小辣湯底😋100% 還原咗台灣香辣鍋嘅感覺👍👍👍🌟重點: 免費refill 鴨血同麵包豆腐👍👍👍招牌手工三色滑(台灣直送）(瑤柱滑蟹滑蝦滑）($168)上選牛小排($338)手切牛黃喉($98)梅花豬肉($108)茼蒿($68)鵝腸($88)😋水蜜桃沙冰😋店員會喺尾段送上一小壺沙冰😋十分解膩😋水蜜桃清甜爽👍👍👍總結: 價錢偏中上，cp值冇咁抵，不過而家飛唔到返台灣， 偶然回味一下， 味道一流👍👍👍

無老鍋 (銅鑼灣).相信以前飛得台灣多嘅香港人一定有揀一日要食無老鍋，自從香港開左full booking到爆，八月尾朋友想食竟然要約我十月尾先有得食😨 難得今個星期五齊齊放半日，拿拿臨食個午市唔洗等！💜🤭.▪️冰淇淋豆腐鍋＋無老辣香鍋 ▪️.火鍋呢到係按人頭收費，每位$78 per head。鴛鴦鍋一枱再加$88，黎食嘅話多幾個人都唔介意比多$88🤭大家都知呢到賣點係任食麵包豆腐同鴨血，所以呢到有minimum charge $250/per head. 不過其實咁耐無食過嘅我地基本上都實過🤭 冰淇淋豆腐要淥十五分鐘先食得，個人覺得呢個又幾保持到水準，好香有股奶油味咁。但個辣鍋反而有啲失望，叫佢最主要為食鴨血，可惜煲耐左愈黎愈鹹，同埋平時隔離有四支加湯，原來叫店員可以加原湯(⁎⁍̴̛ᴗ⁍̴̛⁎).▪️綜合餃 ▪️.分別係蛋餃，魚皮餃及燕餃。$118每樣有4粒，最大期望係蛋餃可惜唔算好好食，又無乜蛋味( ･᷄ὢ･᷅ ).▪️ 排骨酥(台灣直送〉 ▪️.呢個係想警戒大家唔好嗌ಠ_ಠ 個個都比台灣直送吸引左，呢啲咁嘅排骨炸粒以為即食，但原來係要淥…3-5mins…佢係台灣炸完急凍再送黎淥，想像一下食係咩味🥲 就係

兩個月前訂台都得8:30 pm 唔緊要 冇得去台灣食 唯有無香港食 今日同老婆一齊 幾大間 裝修好靚 好有台灣既feel 叫左個養生湯底 因為唔想食辣 養底一樣咁濃味同夠料 佢既豆腐同鴨血任加 豆腐真係一流 吸晒所有湯 加埋個口感 要加幾次先夠 可惜我地都唔食鴨血 評論唔到 仲要白飯任裝必叫既係牛小排 好大塊 油脂分佈岩岩好 其次係響鈴 又係勁大塊 吸晒所有汁 叫左個菜併盆 老婆最愛跟住一個雞加豬 雞夠滑 豬夠新鮮 最後幾粒貢丸 同一杯黑糖冬瓜茶 完美 最滿意既打邊爐 同台灣有九成似兩個人食左一千 冬天應該仲多人

哈哈！我是被選中的孩子，因為一向排隊book位排好耐既台灣過江龍「無老鍋」，因為有朋友去唔到由我補上。咁幾忙都要抽空試食啦！我以一個從未食過台灣本店的身份試食。我真心無嘢可以挑剔。先由自肋醬油講起，一般而家出去食火煱。果啲醬油配料真係多到你會選擇困難。但係無老鍋就簡單好多了，主要選擇唔同醬油而不是亂加配料為主，我自己基本就小小蔥、少少辣椒粒加啲麻油、醬油我就經已覺得好夠。特別佢個麻油非常香，所以一定要落。上菜既時候就先擺咗人頭每人一粒冰淇淋豆腐，無聽錯呀係一人得一粒炸，就知道好多人都係為咗試呢粒豆腐而嚟。豆腐雖要大概浸20分鐘先食，湯底方面我哋叫咗個雙色鍋，有辣有唔辣，不過大家食得小辣既朋友一律直接叫辣鍋好了，因為本身兩個味道都係一樣，只係辣少少，但係辣少少道香口好多喇。因為要等食個冰淇淋豆腐，所以我哋先由鴨血同埋麵包豆腐開始食。順帶一提佢哋個鴨血同麵包豆腐係無限添食的。呢個亦都係賣點之一，因為兩樣都好好食，係食極唔厭個隻。我哋都叫咗唔少嘢「穌肉」、「響鈴」、「三色魚滑」、「花枝丸」、「牛頸脊」、「春卷」。所有嘢都好食，特別係佢哋嘅手打魚滑、花枝丸都非常新鮮彈口。印象特別深一定係「穌肉