無邊 (已結業)

今日去完附近醫院, 就順便喺附近搵間餐廳食飯原來希雲街都有好多隱藏咗嘅餐廳今日同朋友試咗No Boundary無邊我哋叫咗個set dinner for 2有2個湯 佢用杯上 幾有趣叫左2個main煙鴨胸香蒜炒意大利粉d鴨胸煎得好香 亦都非常之入味但個意大利粉就一般般另一個叫咗無邊厚多士入面有鹹牛肉 野菌 芝士 流心蛋黃賣相好唔錯 好吸引但味道一般 個厚多士有啲硬 有啲難切飲品方面我哋嗌咗兩杯Oreo朱古力 飲品就不過不失環境方面都幾好, 音樂唔會太大聲會播大家喜愛耳熟能詳嘅歌曲連最近好hit 既topgun 主題曲都有 👍🏻

一間去左好多次都會想再去既餐廳😚🤤No Boundary Deluxe $128All day breakfast 間間都好似差唔多 有時仲會覺得屋企都整到 洗唔洗咁貴🙃🙃但呢間既蛋好滑🍳粟米同菇好重牛油味🧈煙肉用楓糖煮🥓 香👍🏻👍🏻👍🏻👍🏻 海虎蝦雞粒蕃茄汁意大利飯 $138呢個必點👍🏻佢個汁好濃蝦味 好足料😎 食少少就好飽😌佢仲可以加錢轉set 🔸濃湯🍲🔸2塊包🍞🔸飲品🍹

第五波來臨後好耐無出街食啦，有日平日經過見到呢間黑色工業風餐廳嘅All Day Breakfast 好似幾吸引，又無咩人就入去一試啦～🟡 至尊全天早餐 All Day Breakfast Deluxe（$128）👉 賣相滿滿的份量十足，果然係至尊級🤩👉 德國香腸肉味濃郁，幾香口 🌭👉 生菜爽口，配合酸甜既醬汁，開胃🥗👉 炒蛋略為overcooked 口感唔夠嫩滑🍳👉 牛角包欠缺鬆脆及香氣🥐👉 其他正正常常 🟡 雪花牛班尼迪蛋 Beef Egg Benedict（$98）👉 水波蛋完成度好好，切開蛋液流出，非常冶愈🥚👉 牛肉味唔突出，如果加上調味去增加風味會更好🍖👉 底層塊包係豬柳蛋漢堡嘅包，不過太過軟身 😣 🟡 Iced Mint Chocolate（$38）👉 賣相不錯，頂層噴了滿滿嘅Cream👉 Cream有少量綠色的薄荷👉 朱古力味濃郁，但蓋過晒薄荷味 🟡 Iced Oreo Chocolate（$48, Set + $18）👉 頂層配搭一塊Oreo同碎👉 朱古力味濃郁，但蓋過左Oreo味

趁住平日放假，新界牛趁平日少啲人又要出港島，決定去銅鑼灣搵食😋。諗左好耐想食咩，決定想食egg benedict，上網搵一搵有咩餐廳有得食，就黎到銅鑼灣no boundary是日兩點左右黎到，人唔算多，坐底睇睇menu有咩食先。今日target係要食egg benedict，有幾款唔同既口味選擇，最後揀左parma ham benedict。野食黎到，份量唔算大，上碟時食物溫度都好似已經攤凍左，食物一般，亦無跟飲品，總括黎講未必想再試多次啦。

其實本身並非約在此餐廳聚餐只是剛好經過遇見但驚喜原來就是這樣不知不覺間出現餐廳比較小,只容納到幾張檯但食物及飲品的賣相真的讓人看了就嘩聲四起每道菜式都非常大份及豐富

希雲街不嬲最多就係食店， 今次又多左一間西式cafe! 今次分別叫左一個意大利飯同一個多士。 野飲分別叫左double chocolate同green tea latte 。意大利飯超級大份， 兩個女仔share 都夠飽。我地第一枱客入去， 好彩後尾愈黎愈多同路人入黎🥰 好開心無邊而家喺銅鑼灣再左第二間分店， 特別係而家無晩市， 餐廳真係需要好多支持， lunch 希望大家可以多多支持呢d高質cafe。 儘量叫多d外賣， 將疫情影響減到最低。

係人都知希雲街黃店雲集呢間知佢開咗好耐但一次都未食過佢係渣甸街都有另一間分店都幾意外中午食飯時段佢都冇乜人決定同朋友一齊喺度食個快lunch鹹牛肉流心蛋芝士厚多士 $98呢日唔係太想食飯或者粉面見個多士幾吸引咁 就揀咗佢上枱已經心心眼😍係超級厚嘅芝士加流心蛋一定好食嘅組合 切開好治癒老實講鹹牛肉碎就唔算多基本上啖啖都係食緊啲芝士個多士應該係用咗牛油同蜜糖去整好香同埋有一陣甜味 中和返個芝士同咸牛整體都滿意 只不過好Heavy🤣好在係lunch朋友食咗個大啡菇菠菜risotto $98評價係好漏同冇乜特別所以唔介紹了跟餐有湯兼可以加配飲品但佢基本嘅嘢飲都要加8蚊（講緊檸水/茶嗰類) 我哋就索性叫特飲我朋友叫咗個Double Chocolate(+$12)我就飲Green Tea latte(+$18)兩杯正常發揮 chocolate略嫌多cream(多到瀉)

經過銅鑼灣唔知食咩好入左呢間環境唔錯裝修幾好嘅西餐廳，叫左一個二人set dinner揀咗煙鴨胸香蒜炒意大利粉($98)同海虎蝦雞粒蕃茄汁意大利飯($128)，跟餐叫左一杯美式檸檬蜜同加$12嘅特濃朱古力奶。一開始黎咗兩個蘑菇忌廉餐湯，味道有d淡。蕃茄汁意大利飯味道就相對比較好，番茄味濃郁飯嘅質地都唔錯，雞同蝦嘅味道同口感都幾好。不過煙鴨胸意大利粉就一般d，豉油味好重冇太多蒜香味，煙鴨胸就煎得唔錯嘅，食完整體感覺一般。

NO BOUNDARY -以黑色為主題型格咖啡店常餐 💰6️⃣6️⃣ 星期一至五 3-6pm 先有㗎咋卡邦尼意粉另加德國腸片👍好creamy 超多芝士粉😝配埋美式咖啡🎈無邊🎈銅鑼灣希雲街9號地下

因為舖頭名幾型，所以就去試一試。雖然銅鑼灣店比較擠迫，但係因為食物質素好都會繼續去。叫咗個煙三文魚拼盤，同埋大蝦意大利飯，雖然只係叫咗兩樣嘢，但食物夠大份兩個人都食得都好飽。建議多啲人去叫嘢食會好啲，之前喺荃灣店有試過一個蒸豬手，係好好食，但係兩個人食嘅話，最後都要打包走，所以要多啲人去食會好啲。

初初接觸呢個名字係荃灣店，但一直未試。呢日去開銅鑼灣希雲街附近，見返無邊♾️就試試佢(´ ˙○˙ `)⚑⚐゛噴泉雞扒堡 $158呢個漢堡份量都真係幾大下，入面既雞扒煎得好香，而且好大塊。噴泉即係佢頂頂既蕃薯條，蕃薯味道本身已經很甜，但餐廳落左好大pat 沙律醬遮蕃薯條既香，而且薯條唔係即炸已經淋左，呢個位真係有d失望左🙍🏻唯有狂食旁邊既粟米片啦。⚑⚐゛雪花牛班尼迪蛋 $98意大利包配上水波蛋及雪花牛同沙律菜，本身order係牛肉x benedict egg 配搭較為少見，但試落大概就係打邊爐肥牛配上不留心的雞蛋( •᷄⌓•᷅ )੨੨而底面包包都搽上了牛油，並且烘至暖身，食落好香口。⚑⚐゛Combo +$38 套餐升級蒜蓉包 x 南瓜湯，包烘到勁脆，湯用杯上可以直接以杯飲用，感覺得意得黎又好懶惰꒰(@｀꒳´)꒱ ⚑⚐゛Caramel Chocolate milk Combo +$12就係呢杯飲品搞到我地成餐都食到痴笠笠(´∵`)上面既焦糖牌插住邪惡的cream，外表係幾吸引眼球，不過隔左陣上面既cream 已經塌方，整到成個杯既邊邊緣都係，隨後塊焦糖牌都跟住跌，成隻杯流到痴笠笠，一食都食得好輪

本身諗住食希雲街隔離蕃茹，不過實在太多人排，一時好奇去左隔離睇餐牌，於是就發現左「無邊」。裝修果啲我就唔講啦，大把食評自己睇。不過以晚市銅記黎講真係幾平，份 All day breakfast 仲平過隔離碗烏冬，即場嘩左出聲。叫左份 Vegetarian Classic 素食 - 無邊全天早餐 $78。呢份無最肥既煙肉 & 腸，加入左好多菜，炒蛋勁大份，估計有三粒蛋打落去炒。蛋無將貨就價，好高質，有咁高質既蛋搞到我都唔記得左呢係素食。另一邊菜係雪花牛班尼迪蛋，最估唔到係份量，竟然大到好似兩份早餐份量咁。如果一個大男人食，又係幾悶既，叫埋朋友黎 Share 食就岩岩好。

最近朋友帶我去左一間德國菜，我發現不俗，所以決定分享下！首先我地點左個set dinner，以豬手為主菜，首先有D西湯飲下先啦！然後個蘑菇飯就來左啦！鐘意芝士同香菇ge 你，絕對可以試下，味道幾好，成個飯其實幾Cream之後就到重頭戲！！好巨型的豬手，有別於其他德國豬手，成隻豬手都好軟身！同有好正骨膠元（其實可能係脂肪XD）真係記住要點啊！！如果來！！我地總點左份雞翼，呢個正在常常啦！！我就覺得可以跳過呢一樣，試其他野！！野飲，其實我覺得幾靚！打卡一流！！但係味道好普通啦！！！如果你想食豬手，真係可以來呢間嘢試下！！XD

紅蝦蕃茄意大利飯冇番茄味得忌廉同芝士味，搞唔掂🤣 不過all day breakfast 係好食，份量好。💛🖤Quite impressed with the all the breakfast, the scrambled egg was cooked well and the serving size was very generous,however, I was quite disappointed with the red prawn tomato Risotto, despite its red color, there was hardly any tomato flavor but very heavy cheese flavor.

希雲街餐廳雲集，一到午市就度度都爆曬人🌝 今日小編就黎到大家都熟悉既no boundary試佢既lunch set😙 仲有配餐湯同飲品架🥣🌟 至尊 All Day Breakfast ($128)叫得至尊👑 佢既份量都有返咁上下✨ 除左係平時全日早餐都有既炒蛋同香腸之外🍳 仲有煙三文魚、楓糖煙肉、波特菇同牛角包等🥐 個碟雖然睇落細但d料係滿滿的🤩🌟 挪威煙三文魚野菌意大利粉 ($98)呢碟意粉上到枱真係嚇親小編😂 因為佢真係非常大份，直情夠兩個人食😛 雖然醬汁好足夠，但係味道偏淡😕 🌟 Double Chocolate (+$12)呢杯朱古力牛奶賣相💯 而且仲有大大pat cream係上面，真係好邪惡🤤 可惜朱古力味好淡，好似飲緊普通牛奶咁🥲🌟 Ice Americano (+$4)平時cafe配既咖啡都細細杯，講真小編好快就飲曬🤣 不過呢度連americano都係特別大杯既☕️ cp值都幾高架味道：🌕🌕🌕🌗🌑環境：🌕🌕🌕🌗🌑價錢：🌕🌕🌕🌕🌑