煌宴酒家

營業中

休息中

我今日去左將軍澳行山，落山後，跟著隊友去左將軍澳新都城中心的煌宴酒家飲午茶。我點左煌宴蝦餃皇（2粒）x 6 $52.8，家鄉煎薄撐$16.8，香煎蝦米腸x2 $33.6，蠔油鮮竹卷x2 $35.6，涼瓜班頭腩炒河$78，菠蘿雞粒西炒飯$68，茗茶每位$9。我們行完山都會肚餓，想吃熱食，飲茶是最好的，點心好食，飲飽食飽，人生樂事！

冇時間煮飯，放左工去買外賣，6:58買左個兩餸餐，最後7:40 先拎到。😭我個no. 係5 號， 等左好耐，佢出到廿幾號都未有，其實好明顯係漏單或pack錯之類啦。 我前前後後搵左5 個員工幫我跟，最後拎個外賣出黎既阿伯（部長/經理），同我講我叫既野係即叫即整，係會耐啲。其他人叫咕嚕肉，落汁兜一兜就搞掂，梗係快啦。如果係甘，奉勸大家如果真係甘有需要去食，淨係叫咕嚕肉就好了，叫其他野分分鐘要等40分鐘以上😞不過我見佢現場的客人，睇落都好多時間hea,又唔會睇 食評，所以仍然有捧場客。

5月11號晚6點半同兩個老人家1個細路到門口,俾口門幾幅大海報吸引左埋去,行埋櫃台打算問野門口個大沈聽緊電話,我已經坐定定唔出聲等佢講完先問,個大沈叫我行開.......心諗都聽聞服務差聞名不如見面,好意思晚市收客加1服務費再加每位12蚊茶錢

記得有一期超鍾意食乳豬，當時一癮起就去太興整返個乳豬飯，超級好味，實有保證。近期再去太興已經唔再做乳豬飯/例牌，要食就要早幾日訂，要訂仲要係訂一隻。唯有附近巡吓睇下邊度仲有得買喇。行過呢間煌宴，睇到外賣燒味有乳豬😍😍😍乳豬有得揀一隻/半隻/四份一隻咁買，人少少買住四份一隻試試味先。買之前都係窗口問定師傅先，係咪有得買四份一隻，同埋最重要嘅係啲乳豬夠唔夠脆🤣🤣師傅話：梗係脆～好，有呢句我就放心。呢度就係四份一隻嘅份量，承惠$188啲脆豬都算長同大件，個皮敲落都卜卜聲，係脆嘅。啲乳豬肥瘦都均勻，啲肥係爽口嘅。原本望落覺得唔係好多，但用黎加餸呢個份量夠晒皮。食幾件都已經好飽肚。一望個外賣袋底下啲乳豬醬多到浸C你。😝😝😝其實兩至三包都已經夠晒數。仲有啲燒味外賣雙拼都幾抵食。下次癮起可以試下呢間乳豬飯先，$58好似好抵食。以今日呢個水準都可以再回頭。

呢度攞位，是睇下你係邊位，正所謂識人好過識字，識就直入，唔識就只有呆等，執枱重好野，睇心情，唔係我負責呢枱，你等下啦！唔知咩人負責喎，落單?我唔得閒，你等下啦，轉頭去其他枱吹水，無論價錢多少，飲食服務業最重要的禮貌，相信你呢到唔係好做到！

酒家門口的招來廣告實在好吸收：四十蚊有半隻、而六十八蚊就有全隻片皮鴨子。再發現（晚飯自選位餐）十分抵食，每位有（原隻鮑魚扣花菇）和（紅燒竹笙海皇燴雲燕），要兩位起@$138鮑魚普普通通，少少煙韌，鮑味也算有的，而花菇夠厚身，點住鮑魚汁食就好啲依個湯係合格的，竹笙和帶子係確認的食到的，其他材料就不清楚了。肉質軟滑，但無咗皮脆口感，相信油炸後放置得耐咗。皮厚肉滑的魚，加上豬肉絲和冬菇絲的古法蒸製，似有少少蝦醬味，如果伴隨白飯吃就一流呀！四十元半隻片皮鴨可以試吓，食晒就唔使食飯了溫馨提示： 另一優惠：免費紅燒皇子鴿，每位半隻。

從未想過2022年香港餐廳可以如此惡劣，可以想像到的衛生問題樣樣齊。一入座，發現位置對正茶水房，地面滿佈茶葉，污垢，用過的枱布埋積如山，門口大開無遮無掩，客人可以自行入內添水甚至沖茶。然後一位貌似部長的男人怒氣沖沖比碗筷，將碗筷用力推到我地面前直至撞到我媽的手，撞完就走，然後剛剛扔完餐具的疑似部長直接在我們旁邊拿點心食飯，各種各樣問題，漏餐出錯餐都不在話下。以上都只係服務，衛生才是大問題，坐下不久，我爸說茶水房內有“寵物”，我一轉頭，就見一隻老鼠屁股一閃而過，全程飯老鼠在裏面走出走入數次，還穿過大堂到另一邊再回來，還不只一隻。臨走時，另一名疑似“部長”的西裝男在茶水間對住沖茶的熱水器吐痰，再於旁邊洗手盆‘’啷‘’口，再無戴口罩走到我們枱旁看著大堂，然後施施然戴口罩。食到一半發現碟上有頭髮，上菜員沒有戴手套，大堂地面遍布垃圾，所有都令我嘔心想吐。至於食物，只能說偏鹹，食完想不停飲水。但只能說我永遠都不會再食這餐廳。

今日family day同爹地、媽咪去咗寶琳🛍shopping。夜晚經過見到好抵食，又送乳鴿就入去坐低咗。😜我地叫咗個”龍蝦鮑魚2人餐”。😌🦞 上湯焗波士頓龍蝦伊麵龍蝦肉彈牙。😙雖然話係上湯，但我地食到有芝士味。😎🦪 果皮蒸南非鮑魚2隻大大隻嘅鮑魚。🤓🐟 清蒸沙巴魚 (1條約1斤)略嫌唔夠新鮮。😫🍗 叉燒皇拼貴妃雞 (例)瘦叉燒，雞肉夠滑，比較多骨。🤨🥬 薑汁炒芥蘭 (例)普普通通，食唔到有薑汁味。🧐🫘 精美甜品 - 紅豆沙味道唔算太甜。🤓🦆 紅燒皇子乳鴿 （半隻)雖然係送嘅，但乳鴿味道不錯🤩。肉質頗嫩滑。🤭2人餐份量好多。足夠我地3個人食。😮$388+10%，另加茶芥。呢個價錢食飽3個人，👨🏽👩🏻👧🏻又食到龍蝦同鮑魚確係抵食。😬但味道同質素就一般啦。🙂

今晚約咗爸爸吃飯為方便老人家就選擇他樓下商場的煌宴酒樓，酒樓地方幾大，餐枱間距離夠遠，先點個適合夏天的湯水鹹蛋肉片豆腐芥菜湯，豆腐和肉片很滑芥菜清甜唔苦，另外叫了一份晚飯孖寶有清蒸沙巴龍躉仔和蒜茸粉絲蒸元貝，火喉蒸得剛好尤其條魚蒸得好嫰滑好好味，還有通菜炒蝦球，蝦肉爽口通菜幼嫩，支竹斑頭腩煲就正正常常冇特別，最後就是每位客人送半隻燒乳鴿，雖然唔洗錢但質素唔差喎，外皮炸得香口又唔會太燶，鴿肉保持到肉汁唔會鞋，所以整體都幾滿意。😁

紅日兩點幾直入唔駛等位，入到去職員話冷氣壞左，一路食一路出晒汗🥲海蜇拼鴨舌好難食，啲海蜇好硬好似假嗰啲，完全冇口感。個鴨舌係白烚，完全冇醃過，佢連豉油味都冇，從來未食過咁難食嘅鴨舌🤢個燒賣都算最正常，菜苗餃入面啲餡料完全冇醃禁，又係健康之選🙂個蘿蔔糕一啲料都冇，好似食緊成口粉🙂最得人驚係個椒鹽魷魚酥，炸粉同埋魷魚鬚完全冇醃過，淨係喺面度灑啲椒鹽同味精就算，個炸粉好厚好粉好難食，個魷魚鬚又係好似白烚咁完全冇味，成餐真係好垃圾😫

屋企人book咗呢間食晚飯，OpenRice 睇到啲評語好差，但都試下食啦⋯⋯始終各人口味唔同叫咗一個$3288 12位套餐 我哋分咗兩檯，所以啲餸係六位一檯炸蟹鉗～夠熱，唔錯龍蝦伊麵～呢碟都好食全體乳豬～過得去翡翠蚌片蝦球～不過不失竹笙花膠燕窩～可以花膠海螺片青蔬～可以魚都唔錯脆皮雞～可以櫻花蝦海皇炒飯～粒粒飯，唔錯啦熱辣辣壽包其實我個人認為大致都可以，係人手唔多，要主動找侍應，但侍應態度可以，今晚我食呢餐飯OK呀⋯⋯咁都冇咁驚

當我地13:40入座既時間，有位職員同我地講下午茶14:00開始，之後13:58我地想拎定下午茶劃住先，點知個店長用一啲盤問既口吻同我講，你地幾點入黎？你下次唔好11:00坐到14:00先叫野食，之後我地回覆你地有職員同我講14:00開始，都無講過話唔可以等下午茶，我覺得應該入座時講清楚，就算真係唔得都唔好用咁既口吻，真係趕客

今日係 #端午節 假期，#小秘書 趁住呢個空檔，梗係要幫自己修補吓啦… 哈 女人嘅錢咪就係咁用㗎囉😅 做完facial出嚟，已經下晝三點幾，食個late lunch再行一陣，又係時候返屋企。見今日 #做節，一於去斬啲料加餸🤤本來今日想去搵「棋哥」嘅，只可惜附近都無分店，只好退而求其次行過去商場一期嘅碰運氣，點知人算不如天算，「海港」門口大排長龍😅 我只好再向前行，嚟到「煌宴酒家」。果然人影都無隻，不過鬼叫自己趕時間咩，唯有做「白老鼠」試吓😅 燒鵝下圧只係賣$105，確實比其他對手嘅平好多，不過望落啲燒鵝都OK嘅… 就試吓啦😅 拎到返屋企，打開個外賣盒，心知不妙👉🏻👈🏻 食落去肉質更加比預期更差，層皮淋啤啤，一啲鵝油香都無，而且啲鵝毛又未掹清，望落去真係有啲唔開胃😖

入到去叫侍應寫張卡，侍應唔會回應， 會行咗去，真係兜口兜面再講一次 ，會唔記得咗你叫過佢。 叫咗佢嚟落單， 個侍應企咗唔夠五秒佢會自己行咗去 。落左單之後起碼廿幾三十分鐘先上到菜。 要燒鵝會變咗鹵水鵝。蒸條魚45分鐘先上到菜。蒸扇貝都算正常 ，不過呢啲豉油就浸住啲殼， 個扇貝上面冇豉油囉。 後加單叫咗碟 咕嚕肉，竟然會擺到凍咗先上菜， 竟然仲有時果同咕嚕肉 呢個配搭， 係青瓜蕃茄仔同菠蘿。 青瓜同咕嚕肉醬唔match。啲咕嚕肉係唔熱嘅 。 淨返四個人食咗五舊水，一啲飽肚嘅感覺都冇。

就算平日飲茶都相當多人，等位等左一段時間，由早茶等到要食午茶，終於到我地！呢到野食有套餐優惠，酒位又平！百五左右就有飯同三樣點心揀！點左飲茶必點的燒賣，燒賣好多蝦，大大粒，好好味。另外點左福建炒飯、皮蛋配菜、燒腩仔、椒鹽炒豆腐粒、粉果及薑汁糕首先福建炒飯多汁又多料，絕對唔係求求其其，無論菜定肉都好均勻！值得一睇既係燒腩仔，唔會好咸，夠脆之餘，肉又夠嫩，必點！相反椒鹽炒豆腐粒就比其他酒樓差，細細粒，唔夠大舊又唔夠好味，好似一早炒定左咁，呢樣可以唔洗點，其他食品則中規中矩。