煌府婚宴專門店 (已結業)

話說亞姨同我講，爸爸生前每朝都嚟呢喥飲茶，風雨不改，有個侍應招呼都冇乜問題，但之後就差，我爸爸每次叫佢斟水或其他，佢都裝聾扮啞唔理佢，原因係我爸爸之前飲茶會拎份報紙去睇，睇完有時睇都冇睇就俾佢，之後我爸爸冇俾或唔買實體報紙，冇得俾佢，佢就唔啋我爸其實俾報紙個侍應係人情，唔俾就係道理，我爸爸（包括其他食客）係嚟幫趁，更加唔係欠咗佢😡，而且佢唔係喺喥冇糧出做義工。可憐我爸爸一直冇出聲，係咁忍呢個侍應。上次食評係2022年6月18日刊登嘅呢篇:https://www.openrice.com/zh/hongkong/review/blue-%E7%94%9F%E7%B3%AF%E7%B1%B3%E7%B3%AD-e4425710

今晚在「煌府婚宴專門店」用膳，大禮堂環境非常寬敞，配多盞大型水晶吊燈更感華麗，此外還多間宴會小廳房適合家庭朋友聚會。叉燒拼燒腩仔~叉燒肥少瘦多是最合心意，燒腩仔都是肥少瘦多，腩仔又腍又滑，燒腩皮卜卜脆是最佳口感，很滿意這份燒味雙拼！風沙金磚豆腐~金磚豆腐外脆內嫩滑又不油膩，蒜香也將豆腐香味提升，絶對是百吃不厭的小菜！皇子乳鴿~ 乳鴿比較細屬BB級，但皮香肉嫩！肉絲炒麵~麵香肉滑，配獻汁吃沒有油膩口感！薑汁糕~熱氣騰騰的、薑汁非常香濃，很暖胃，很棒！綠豆沙~微甜、口感綿密，很不錯！ 免費奉客。

全家聚會最好就酒樓今日選了傳統點心：蒸鳳爪／蒸燒賣／斗門蝦餃皇／蛋王桃包／鮑魚灌湯餃／鮮蝦腐皮卷／煎蘿蔔糕／煎堆／家鄉銀針粉／燒汁魚肉釀茄子斗門蝦餃皇 是廣東3大出名地方，河鮮蝦仁特別新鮮, 當地蝦餃好出名.蝦餃剛剛一口一個，皮薄而晶瑩，啖啖蝦肉和筍，口感豐富味道爽甜，堅出色。鮑魚灌湯餃 湯味道濃郁，餃皮下除了豬肉，有蝦和蟹柳粒真的有原隻鮑魚，口感軟臥。鮮蝦腐皮卷配上酸味喼汁 香脆外皮，口感脆脆，中間蔬菜條和蝦肉豐富，非常惹味。家鄉銀針粉 是我很喜歡傳統食物，現在香港越來越少，蝦米菜絲，肉碎，滑滑銀針，湯清味濃燒汁魚肉釀茄子3件但超級大件，又厚又多汁，軟綿綿配煎香魚肉，惹味！燒賣大大粒，有彈牙豬肉粒，面有蝦膠，味道新鮮,3件就少些, 多人要選2籠, 不知是否因為特價鳳爪豉汁有辣味好喜歡！煎蘿蔔糕，煎得外焦內軟真的好味！下午茶有特價點心孖寶，非常扺食，cp值高♡

荃灣沙咀道煌府經過大裝修後，耳目一新，高貴亮麗，變得比以往更加適合婚宴。我們每次經過也想試試她們的小菜，是日晚上終須來到體驗一番😃✏️位置（8/10）：沙咀道寶石大廈一樓，位置其實也很便利✏️環境（9/10）：裝修後果然亮麗，有超大高清電視，環境亦十分舒適✏️服務（8/10）：侍應主動幫忙，下單後上菜很快✏️食物（8/10）：食材夠新鮮，小炒份量不少，味道亦屬不錯🌟珍貴星斑遇上王子叉燒 -368首先點了推廣的孖寶，有一斤重甚有睇頭的星斑，配上一碟例牌叉燒。星斑大條夠4個人食用，肉質嫩滑，清蒸帶出鮮甜醬油香，單是這條魚也值超過三佰。而叉燒火候剛剛好，鮮甜多汁，香氣撲鼻😍🌟涼瓜龍躉頭腩煲 - $108這道小菜真的驚喜地多，龍躉頭腩最少帶十件，大大件，因炸過口感爽口彈牙，肉質帶香滑，而配菜特別是涼瓜相當入味，充滿豉椒香味🤩結帳後會奉上人頭甜品，當日是煮至融化的綠豆沙，飲飽食醉，確是完美的一餐🎉🏠煌府婚宴專門店 (荃灣) 📬地址：荃灣沙咀道328號寶石大廈一樓

荃灣除咗有大型商場之外，還有好多傳統小店和餐廳充塞係大街小行。今晚在沙咀道經過「煌府」酒家，見到晚市套餐很吸引，入去試試。酒樓空間感十足，感覺十分乾淨，還有一個超過100吋嘅大電視，啱晒我哋啲睇電視送飯嘅人。一入去，服務員殷勤地招呼我哋，還向我哋介紹不同嘅套餐，服務一流。今次我哋就叫咗「龍蝦配燒鵝孖寶」。上湯焗龍蝦伊麵用上澳洲龍蝦，目測應該超過一斤二兩，啖啖肉，而且好新鮮，雪落肉質爽口彈牙。伊麵底份量也不少，沾滿了香濃龍蝦味嘅上湯，超好味，絕對令你食完一碗又一碗。燒鵝燒鵝份量同樣不少，而且有燒鵝髀。燒鵝外皮香脆，還帶點煙熏味，肉質肥瘦適中，夠嫩滑，質素絕對比得上出名食燒鵝嘅餐廳。晚市更有小驚喜，贈送綠豆沙甜品，雖係送，但一點也不馬虎，很香有綠豆味。

今天和家人來到 荃灣沙咀道寶石大厦1樓的「煌府」  吃晚飯。酒樓在一樓，由沙咀道328商場門口的扶手電梯直達。酒樓空間廣闊，可以筵開70席。除了中間的大廳外，兩旁還設有廂房。近門口處有一個大魚缸，其中不乏生猛海鮮：石斑、龍躉、龍蝦、鮑魚等。大廳裝飾華麗，天花的水晶燈閃爍生輝，有大型屏幕，更裝有特別效果的射燈，最適合豪華婚宴和大型宴會，是明副其實的「婚宴專門店」。“太皇香妃雞（半隻）”，半隻已經很大碟，肉厚大件，雞胸肉去骨，啖啖肉。雞肉熟透而仍保持嫩滑，實在難得，值得一讚。“鹵水鴨（例牌）”，例牌份量也不少，全碟都是鴨，除幾粒花生外，沒有其他配菜托底。鴨胸啖啖肉，不肥膩，肉質鬆化，鹵水汁入味，非常可口。“沙爹粉絲牛肉煲”，熱騰騰奉上，牛肉份量不少，其他材料有牙菜、金菇菜和粉絲，粉絲幼滑爽口，沙爹醬微辣惹味，非常開胃。“意大利黑醋骨”，優質肉排，肉質爽口無渣，配上黑醋，酸甜醒胃，送飯一流。最後還有綠豆沙糖水奉送，為這一頓晚餐畫上完美句號。這裏的環境舒適，菜式講夠，服務殷勤，價錢還相當實惠，性價比奇高。

煌府飲就飲得多，屋企人午市嚟嘆下一盅兩件。本身想等到下午茶時間，但太肚餓了，望下午市優惠，抵喎。完全係抗通脹價錢，唔唔怪得坐滿晒人上 健康合桃包 $20.8下 午市優惠 煌府蝦餃王 $9.8/籠要大讚呢個蝦餃王，優惠價錢但頂級級數。蝦又大隻又爽脆，一粒有三粒蝦，誠意滿分。熱辣辣合桃包裡面合桃包裡面係滿滿嘅合桃粒同合桃醬，絕對唔會太甜，杏仁粒零成件事好有咬口。左 香茜牛肉腸 $26.8右 黑芝麻馬蹄糕 $20.8牛肉腸皮薄牛肉香，份量十足；黑芝麻馬蹄糕就好值得試，一咬落去係爽脆嘅馬蹄，然後喺口中散發淡淡嘅黑芝麻味，好正。家鄉煎釀茄子 $20.8魚肉大大舊，茄子好香唔會有油益味～煌府燒賣皇 $28.8大粒到呢～新鮮、有嚼勁，必食～上湯小籠包 $20.8脹卜卜嘅小籠包，一咬落去啲湯爆曬出嚟，超正～荷香籠仔蒸鮮魚片飯 $78荷葉味超級香，配埋炒飯底勁惹味，鮮魚片勁多而且爽口，絕對食得過～

煌府婚宴專門店, 荃灣分店佈置華麗有氣派， 漂亮的水晶吊燈 , 巨型 LED 電視 , 加上樓底高，空間感十足, 環境舒適寬敞, 適合嫁娶婚宴與朋友聚餐 的好地方， 晚飯仲推出有好多優惠 孖寶， 十分抵食。大龍躉兩食 $268翡翠炒龍躉球 厚切件的龍躉球， 啖啖肉的口感, 讓人喜歡 , 雪白的魚肉, 兩面煎至金黃 , 入口鮮味彈牙， 充滿鑊氣 , 伴碟的蜜糖豆, 翠綠爽甜。金菇木耳蒸頭腩 龍躉頭腩, 用上我最喜歡的清蒸方法，可以保持原汁原味，雪白的魚肉，嫩滑細緻 ，甜甜的豉油及香蔥粒，令到魚肉鮮味提升, 墊底的金菇及木耳 , 吸索了魚汁的鮮香， 風味迷人。宮廷濃雞湯煲仔翅 $68/一位一盅小小的濃雞湯煲仔翅， 一點也不馬虎 ， 打開蓋， 即時香氣撲鼻而來， 金黃濃稠上湯， 入口相當鮮甜， 帶黏黏的口感, 飲完整個人暖笠笠， 好滋補養顏的湯水。飯後每位客人送上熱燙燙綠豆沙糖水， 甜度適中， 正好滋潤乾涸的喉嚨，我喜歡的中式甜湯。

     一次，朋友約會於荃灣沙咀道寶石大厦一樓的「煌府婚宴專門店」鵲局連晚餐，覺得晚飯小菜味道和服務都不錯。今天朋友约會到荃灣晚飯，我建議再到「煌府」吃，沙咀道大家交通都方便。早茶，午市，晚市都有優惠非常抵食！環境富麗堂皇，高尚優雅，果然是婚宴專門店！魚缸海鮮生猛！地方寬敞。我們坐下先飲茶，聞到茶味飄香，這裡的茶不错！真是水滾茶靚！菜牌提供多款組合套餐，特價精美小菜及高貴菜式選擇豐儉由人！乳鴿特價 每隻 $  28 (每位限 點 一隻 )賣相吸引，皮脆肉香嫩連骨都脆脆的！XO 翡翠炒斑球 (例 ) $128份量足，班球厚切好有口感，啖啖肉的！皮屑Q彈肉質爽滑有鮮味！X0醬汁惹味，鑊氣足！好味！薑葱台山桶蠔煲  $ 188蠔煲端上枱時熱烘烘香氣撲鼻的！又是一道鑊氣十足的小菜！薑蔥爽脆香口，醬汁惹味紧緊包着每隻桶蠔。台山蠔質地夠脆口，肥美厚肉食落啖啖滋味！餸飯，佐酒都一流！三款菜式我們都吃得津津有味！十分合口胃！與朋友這餐晚飯吃得很舒服，待應招呼殷勤。最後還附送糖水~西米紫米露平日一般的酒樓便飯都未必有糖水送，今晚待應告知有糖水真的有點驚喜！吃完糖水感到完美！很滿意這裡的味道和服務！

荃灣煌府的午市孖寶有3款套餐供選擇。A餐的荷葉籠仔蒸鮮魚片飯好味😋，用豆腐配搭蒜蓉蒸魚片，不但香滑，而且能中和蒜蓉的濃味;蒸飯的軟硬度適中，還充滿荷葉香味。套餐仲有鮮茄野菌泡菜苗，湯底鮮甜，菜苗嫩滑。

今日放假同老公出黎飲個茶，諗住可以慢慢坐，等小朋友放學，但一入門口完全無人理你，見住行入黎搵位，照樣無人彩你，都算！見無細枱咪局住坐張8人枱，叫開茶冇人應…到叫晒野食，食到一半個呀姐走埋黎比說話我哋聽，下次唔好坐呢啲大枱，唔係比兩個人坐，即火都黎😡！入黎已望全場無細枱又無人理，坐咗落大枱仲比埋張野食紙佢叫埋野食，但你個時都唔講，要食到一半先講，真搞笑！全部員工只同街坊打招呼同吹水，下次唔會黎食！

星期日完了教會小組一行5人來到沙咀道煌府飲茶中午12點多來到立即安排了入座於是便order點心了黑芝麻馬蹄糕很新鮮的配搭有芝麻香味不錯的選擇脆皮蔥花餅有脆口感覺很香口也有蔥香好食😋上湯小籠包比較遜色的點心可能上湯浸淋了小籠包感覺有點削蜜汁叉燒腸普通味道沒有特別桂花糕缺少了杞子點綴如果有杞子顏色肯定好看得多了味道也會好一點脆麻花蜜糖不太均勻有些很甜有些很淡味很鬆化入口即溶比較少酒樓可以吃得到鮮蝦菜苗餃比較好吃之一有蝦有菜 皮也很薄手工不錯豉汁蒸鳳爪正常味道不會過鹹調味都可以魚肚棉花雞足料 而且味道清清地幾好食豉油王肉絲炒麵很足料 很多肉絲份量也多$68這個價錢有這種質素實屬難得整體這餐lunch感覺不錯5個人都吃得很飽

2-6-2022 (Thur)晚,同老公食由爸爸喺煌府用$17X.00買嘅糉劵換返嚟嘅糉,我哋先食蛋黃鹹肉糭同豆沙鹼水糭.蛋黃鹹肉糭,名副其實饀料只有蛋黃同鹹肉,呢個成隻唔太鹹,糯米口感都正常OK.味道:3分豆沙鹼水糭,我向來都唔鍾意食鹼水糭,不過今次試吓,我蘸砂糖食,就可以遮蓋咗鹼水味,而豆沙餡唔太甜,亦都係正常冇問題.味道:3分而瑤柱裹蒸糉呢,到10-6-2022(Fri)晚至蒸嚟食,佢係大大隻,材料有瑤柱,豬肉燒鴨,鹹蛋,蓮子,綠豆同冬菇.夾開睇,絕大部份係綠豆同糯米,我食糯米,竟然食到生嘅,根本佢哋連蒸都未蒸熟,而燒鴨同鹹蛋黃就乾到離晒譜.成個好差.味道:1分由於爸爸唔食得糯米,所以人均消費唔計爸爸.上次食評係2019年4月1日刊登嘅呢篇: https://www.openrice.com/zh/hongkong/review/%E5%87%8D%E9%A3%9F-e3355309

178全包任食打邊爐，價錢中規中矩，最有驚喜係佢有珍寶蠔，同埋象拔蚌片，呢個價錢絕對值得一試。有得任飲藍妹啤酒同汽水！水魷魚同魷魚都幾新鮮，不過豚肉片同肥牛片就未解凍，總結最後都食得好飽👍