煌府1號

營業中

休息中

兩點就有下午茶飲啦星期六排隊人龍也不太長，好快可以入座✌🏻先點個滷水掌翼，入味、好味，淋淋地，正！個排骨係欖角，都幾特別，排骨有欖角味，口感唔錯。趁下午茶有優惠，點返個竹笙魚翅灌湯餃先，湯味鮮甜，D魚翅應該係素翅，環保👍🏻👍🏻黑松露燒賣兩粒，高級精緻，黑松露⋯⋯我的至愛😍😍黑芝麻馬蹄糕，一款甜品，雙重味道，啱晒鍾意食甜品又唔可以食好多嘅人食架！😋😋北海道桃膠甘露，哈哈，淨係個名就已經好滋潤，奶香，桃膠滑，食完靚靚😜😜原來這間酒樓，長者免茶錢👍🏻👍🏻👍🏻

冬至前夕，約了老友去九龍灣megabox食中餐。酒樓十分之光猛，座位夠闊落。秋冬為大閘蟹的季節，當然要試下。一打開，充滿蟹膏，味道香濃。小炒皇都不錯，十分足料，除了蝦仁🍤，亦有蝦乾、炸魚仔、腰果、帶子等等，口感十分之豐富。海味雜菜煲有多種不同的蔬菜🥬，粉絲有蝦乾乾瑤柱等的鮮味。咕嚕蝦球是脆皮的，大隻又爽口，配菠蘿🍍三色椒，加上酸甜醬，配白飯一流。最後要個薑汁糕作為飯後甜品，薑汁味好出，又煙韌，幾好。

週末假日同家人去行Megabox，想飲茶就去左13樓嘅煌府1號。一坐低我就攞點心紙揀野食，今次點左薑葱牛栢葉、糯米雞、蝦餃皇、奶皇包、海蜇燻蹄、芝麻卷及瑞士汁炒牛河。牛栢葉配薑及葱絲食係我嘅至愛，好味。糯米雞分量十足，饀料亦夠。蝦餃皇超大蝦肉在內，好飽滿。奶皇包精心設計，外表有卡通公仔，小朋友至喜歡。海蜇燻蹄夠爽口，點埋醋汁食令人再三回味。芝麻卷味道香濃，好多芝麻味。瑞士汁炒牛河好有鍋氣好惹味，而且牛肉夠腍。提提大家，下午2:00至3:30點心做緊5折優惠，大家記住把握機會試啦！

今天早上返工，因下午放假，吃可以去遠一點的地方吃，所以約了一位在這附近工作的朋友一起吃，因大家一直都好想去這間酒家吃，門口裝修同入到去環境真不錯，座下叫了紅油炒手汁另上，細細粒，易入口香肉味，不太辣千島湖炸蝦角蝦角大隻同炸得脆，蝦肉特別有口感爵士千層糕迷你好滑身同很有層次感，味道特別銀杏咸菜豬肚豬肚好爽滑，咸菜好有咸味，好開胃藥膳雞腳雞腳好霖同爽，濃藥膳也有雞湯味脆皮皇子鴨 (2隻)湯窩米線真大窩，鴨味好香，皮炸得脆，米線滑千層薑汁糕好有厚度，軟滑同香薑汁味

老友準備明年結婚, 係時候安排婚宴了, 為了準備大排筵席招呼親友, 今晚她約了我去睇酒樓.  九龍灣 MegaBox 煌府1號 試菜.  可以由九龍灣地鐵站乘專事車到 Mega Box,  乘電梯到十三樓,  大廈也有多層停車場, 車位充足, 交通方便.酒樓門面好堂煌. 看見處處花花, 充滿浪漫氣息,  接待處裝修好靚,還設有不少打卡點.禮堂寬闊有氣派, 裝修美侖美奐, 有豪華感.晚飯位置有落地玻璃大窗, 環境不錯, 天花吊燈美觀時尚, 還有幻影燈光.侍應招呼親切, 先開茶, 送來花生小食和餐牌. 食品款式多, 價錢合理.  我們點菜了.淮杞螺頭湯:  有螺頭, 雞腳, 瑤柱, 淮山, 杞子, 黑棗.  湯頭 夠熱, 食材足,  火喉夠,  煲得濃香.   我們食得好滿意. 蒜蓉粉絲蒸大元貝, 大元貝好大肉, 鲜甜彈牙.   蒜蓉加添香味和惹味, 粉絲索汁軟滑.  好好食.極品燒鴨王1/4 隻, 熱辣辣燒鴨, 香噴噴,   配有秘制燒鴨酸梅醬,   鴨皮脆脆, 鴨肉厚厚,  皮下脂肪不太油, 入口肉質腍香,  滲 出陣陣炭燒香.大龍躉兩食:  翡翠炒龍躉球, 金菇木耳蒸頭腩.翡翠炒龍躉

平日行MegaBox好少會到酒樓，食肆哪一層。今日想食中菜專程到13樓那一層， 揀了 『煌府1號』晚飯小菜。樓底好高，雖然未去到好grand 嘅級數，不過坐得颇舒服， 檯與檯之間有一定距離，唔會好迫。最入面今晚間了擺壽宴， 也是空間十足， 可以睇定，如果有啱可以家族聚餐～ 擺返一兩圍高興吓。睇睇餐牌，都有幾多抵食優惠菜式， 而且仲係任點任叫～👍✨京式片皮鴨$68有店員喺不遠處即席片皮， 燒鴨皮夠脆，有連接著肉，有的沒有。用京式薄餅包著再蘸上海鮮醬同吃非常滿足！ 只是配料只有青瓜條，如果還提供京蔥更perfect! 清蒸沙巴龍躉(約一斤重)$88同樣抵食，火候啱啱好， 魚肉梗梗熟透， 嫩滑鮮味！清蒸10頭鮑魚(每隻$18)10頭size 比平時自己買嘅鮮鮑更細， 還好口感十分爽嫩， 冇over cook， 果皮絲增添不少香氣！菠蘿咕嚕肉$88賣相有啲凌亂，不過食落又幾好味， 喜歡炸得外脆內軟的肉排， 薄薄的粉漿啱啱好。 肉排肥瘦適中， 加上菠蘿，  青椒，咕嚕汁酸酸甜甜調教得十分美味。濃湯海味雜菜煲$98熱騰騰的送上枱， 因為放了蝦乾 ， 瑤柱，濃湯果然超鮮味。 大量粉絲索滿湯汁！！菜式

過開去 Megabox 行下, 順便搵食, 咁岩又係下午茶時段, 梗係要望下邊間抵, 行到 13樓, 見到煌府, 之前係尖沙咀食過都唔差, 於是入來呢間試下本來都無望到下午茶張紙, 仲係度睇緊正價果張, 手多多攞起埋細果張點心紙望下, 原來係下午茶既點心紙, 入面好多特惠點心, 最正係個 $32 五福臨門拼盆, 雖然只係 5件點心, 但有蝦餃, 燒賣皇都已經值啦, 另外加個筆29.8 超值孖寶,  $25 大大碗燒腩仔湯粉上到枱既完全唔馬虎, 同普通點心一樣size, 唔會話因為平左就縮哂水, 而且味道一樣既好, 反而差左 D 既係椒鹽雞翼尖, 粉太多又唔夠味, 呢樣係最失敗

星期日晚同屋企人去煌府一號食晚飯，當中有10款特價菜式，竟然係任叫，坊間嘅酒樓都係只可以叫一兩樣，佢$68片皮鴨半隻，片到連經理都要出手，因為實在太多人夾，真係十分之抵，味道都唔算差，可以一試，另外仲有西澳龍蝦上湯伊麵， 400幾蚊一碟，但味道普普通通唔算特別。

今日路過megabox, 泊車果層有煌府，見到有$68特價餐牌就一於試下！疫情呢2年其實少左同屋企人一齊食中式酒樓，難得見唔係好多人，唔使等位直入。叫左白灼海生蝦（半斤），$68, 都算鮮甜！😌仲見到個$68 片皮鴨半隻，都算有肉食下唔係得層皮！金銀蛋浸時蔬，$88, 大大碟都ok! 鮑汁山珍炆伊麵，$98，都好大碟，如果有d 肉片會更好！試下大閘蟹，公，都算多膏，$130 兩隻。果皮蒸大連鮑魚4隻$72, 都唔錯呀！清蒸沙巴龍躉，好夠鮮味，覺得呢碟最好味！試下北海道桃膠甘露，$28 都算大碗，但點解d 西米係脆？🤔 法式焦糖燉蛋屋企人話好味！我地俾個名呃左諗住叫俾小朋友食，草莓紅豆趣緻豬，$29 一隻仲細過拳頭，得2-3啖唔太抵，冇咩特別，下次可以唔洗叫...😅

一定要記低今日的經歷！前所未見三點去到酒樓門口看見寫着兩點至3:30點心半價！嗱嗱聲入座坐低立即叫點心。第一轉點心其實好快上枱，食物質素正常。最不正常就是全部食物一上枱就叫要先埋單，你要落場我明白冇問題⋯⋯我都要食嘢先！3:30就話要截單，冇問題繼續食！最離譜就係3:45陸續熄燈⋯⋯仲要走埋嚟話你知清場！即是明示要你走。未見過熄晒燈的酒樓趕客！！！麻煩門口講清楚3:45離座，本人就會考慮俾唔俾錢你賺！

父親節前夕諗住喺megabox行宜家傢俬順道去煌府一號飲餐茶嘆下先 , 一入去見到個裝修都好靚環境好舒服,即刻叫咗飲咩茶,但係已經即刻令人哋感覺失色,就係叫鐵觀音嚟咗普洱, 仲有就係個茶壺個嘴係崩到呢完全都唔似一間咁高級嘅茶茶樓囉,都唔緊要啦,就即刻嘅叫點心啦,點心嚟到枱之後又發現有啲問題,叫咗個沙律明蝦角,喺個點心紙上面張相係一碟有四個,但係嚟到嘅時候一碟得三個,我問夥記攞啲沙律醬嘅時候,夥記同我講因為疫情嘅問題唔可以畀沙律醬,佢話點心師傅已經將啲沙律醬放咗入去點心入面,但係到我食第二個點心腐皮卷嘅時候竟然有一碟喼汁放咗喺側邊,點解唔會因為疫情問題嗰啲喼汁放咗喺個點心入面嘅呢, 所以我感覺上服務其實只係一般一般, 至於其他點心味道偏淡, 尚且慶幸,點心都係熱嘅係即整㗎整體嚟講點心價錢仲有偏貴,(真心貴三十幾蚊一籠蝦餃得兩隻)我想呢啲咁嘅情況都只係食一次唔會再返轉頭下次都係揀第二間可能會所一號比較好啲

點心同小菜種類唔多，套餐星期六日仲要加$20叫咗肉絲炒麵配兩個點心，肉絲炒麵面底都趣，但係個汁好夠油膩話梅豬手，雖然平$58 ，但相當甜雜果春卷，春卷皮都鬆脆，但係個餡就真係日本啲，比較甜冇諗過控油抄手係用餃子來做，雖然味道唔差，但係絕對唔係好友抄手囉，只可以係酸辣餃子最一般嘅係黑椒牛肉粒薯仔，都軟粒牛肉係用粉醃過，上咗份拎去走油，個汁又相當夾，得個咸字蝦餃、燒賣、鮮蝦菜餃，比較正常食物方便，完全冇特別，有冇其他嘢食覺得好出色

任食雞煲火鍋，但坐左半個鐘以上都唔上火鍋料，張張枱都呆等，極度無奈職員只顧上小菜，完全無視一大堆火鍋客人。要三番四請才出小量火鍋配料，$198火鍋任食的素質極為差，衰過大家樂，永不幫襯，尤其是這間。

煌府蝦餃皇 2隻 (大點), 皮薄餡靚, 蝦肉大隻, 而且鮮香彈牙。黑松露燒賣皇 2隻 (大點) , 即叫即蒸, 啖啖肉, 鮮甜美味, 仲有少少黑松露放上面增添香氣。上湯小籠包 2隻 (大點) , 細細粒, 但味道唔錯。香煎海味蘿蔔糕 (中點), 無咩蘿蔔絲, 而且粉太多以致蘿蔔糕唔夠實, 太淋, 可以不叫。即拉叉燒腸 (大點) , 叉燒半肥瘦, 餡既份量都算多, 可惜腸粉皮較厚。千島炸蝦角 (特點) , 蝦角外型飽滿漲卜卜, 有大大粒蝦肉, 好香脆。香酥牛乳卷 (中點) , 一碟有3條, 炸得香脆可口, 甜度適中。選擇都幾多, 而且中午12:30 前埋單可享8折優惠。 煌府1號Palace One 九龍灣宏照道38號Mega Box 13樓4號舖

叫一個晚市套餐：餐牌寫明包幾支Jolly Sandy及汽水,亦包括桂花糕。結果1：落單後,用膳期間想飲Jolly Sandy,經理話唔包,只可汽水！餐牌寫明都可唔包？違反商品說明條例！結果2：尾盤的糕點,自動變成雙拼乳酪糕及紫薯糕我問“餐牌都係寫明嗰個桂花糕呢”？男經理答“係紫薯糕”！（經理隨即轉身走人,理得你死！）你咁樣,我都唔使畀餐牌上嗰個價錢你啦！因為你都唔跟餐牌玩,冇貨,道歉囉！或者預先同個客講聲囉！唔係求求其其改咗,送乜嘢垃圾出嚟,個客都要接受！乜嘢態度？待客之道都唔識,學咩人做經理？