煌府1號

營業中

休息中

1.落單前及落單後無出声缺貨,直至送上甜品時,客人才知無桂花糕,已經被安排轉了紫薯糕及乳酸糕。食咗一個多小時都無通知客人,亦無詢問轉款式的意向,直至到甜品時,接將糕點放於枱面就走人。客人問：“不是如套餐餐牌上寫著的桂花糕咩？”經理答：“唔係”客人問：“點解唔係？餐牌寫住㗎喎！”經理答：“轉咗俾你”我有叫你轉咩？？缺貨就直接講！或再補一句“因缺貨所以幫你轉咗,sorry"咁會否好些少？無歉意,亦無解釋,自己估呀？！乜態度呀哥仔你？學人做經理？無料到！2. 餐牌話套餐包幾罐Jolly Sandy,到落單後,問你俾幾罐jolly,你又話唔包！餐牌廢㗎？懷疑你公司已違反商品說明條例,於銷售過程中誤導顧客！！

節日簡單吃一頓家庭飯，以前呢間晚飯散座好難有枱，因為多數做婚宴。今次好容易訂到位，因為疫情影響啦炒通菜，正常嘢味道ok咸淡適中生炒骨，好好食！個皮仲脆脆地金銀蛋莧菜都係一般大路菜，發揮正常片皮鴨就麻麻地，好似$208，鴨皮無香味，整體都唔入流個名唔係好記得，好似咩黑椒安格斯牛柳粒，$148分量較少，牛肉好淋，但牛味唔夠，薯仔都幾好食雞又整得唔錯，皮夠脆肉夠滑呢個蝦球賣相唔靚，份量偏少，求其沙律醬加菠蘿兜亂咁茄子煲屬於正常啦，唔太油膩龍蝦伊麵，好似$228，份量都ok, 龍蝦同伊麵好似零關係咁，伊麵無味道，價錢唔太貴都尚可接受呢個都好hea，百福豆腐加半片帶子好似百樂蚊，比較搵笨呢個淡市，晚飯連糖水都唔送食物比較唔穩定，有啲好食有啲唔好食，價錢唔太貴都尚可接受啦⋯⋯埋單都係千八左右原本仲有個餸嘅，等咗好耐再追，話會催吓，點知再等侍應先話比錯咗隔離枱仲食埋，都比較烏龍

多次到此酒樓飲茶，食物不错！但每次到洗手間時，總在廁格內發現，到處都佈滿用完棄掉的廁纸，以及地面往往有一灘灘如尿液般的污水，十分噁心！希望酒樓盡快改善，以免给客人及自己員工造成危險！

去Mega Box其實係為左影中庭嘅佈置 求其揾嘢食。泊車求其落去 見到呢間就攞位。_入到去 見食物選擇一般唔算多。呢個叫百變醜小鴨，靚就靚仔 但原來係無乜餡料嘅咸水角 仲要唔夠脆身，麻麻地。影相呃like仲可以。⁰蝦餃同燒賣，個質素真係唔錯，2粒2個人食，可以食多D唔同款式。個燒賣仲要係有黑松露，好香。至於蒸蘿蔔糕，就好普通，散左D唔夠實，味道都一般。呢個焦糖布甸好細個，一人份，但味道都唔錯，如果焦糖再多少少會好味好多。整體貪佢坐得舒服，同埋呢到中餐不多。

今天來mega box吃下午茶，見有幾間酒樓，就先試吓哩間。哩度下午茶時段比較便宜，而且環境和食物質素很好。我倆点了火鴨絲炆米、叉燒腸粉、松露燒賣丶山竹牛肉和紅棗桂花糕。全部都很好吃，特別係松露燒賣！價錢每個人大概$65。

今天一行二人來到Mega Box 十三樓的煌府婚宴一號午膳，因時間已過一時，不用等候便可立即入座。這食肆地方面積頗大，而且非常光猛，因這店得其中一面全是大玻璃窗，透光度極高。杯碟擺設雖然有點舊，但尚算整潔。餐牌內全部的點心、粉麵飯和甜品等都是標榜著100%此店自家製造，價錢亦不算貴。～煌府婚宴蝦餃皇（2隻）$18.8澄麵皮一點也不癡牙，蝦肉彈牙爽口。～黑松露燒賣皇 （2隻）$18.8頂上的松露滲出香味，燒賣餡裹的蝦和肉爽口。～紅蘿蔔咸水角 $23.8賣相討人，造型是紅蘿蔔，但顔色一點也不紅，實則是普通的咸水癰。～香煎蘿蔔糕 $23.8熱騰騰微煎過的蘿蔔糕味道非常好，糕內的蘿蔔條清甜有𡁻口，蝦米香甜。～爵士千層糕 $23.8一上枱便頓覺失望，這店的千層糕和傳統的有好大分別。蒸籠內的糕只有兩層半高，又怎能叫千層呢？鹹蛋皇茸欠奉，只是似一般的馬拉糕，但口感有點癡牙。～鮮茄蝦球煎脆麵 $98幼麵炸得脆脆的，蝦球極爽口，加了鮮蕃茄和洋蔥的獻汁甜甜酸酸，非常開胃。幼麵沾了蕃茄獻後，非常美味。二人不經不覺就吃掉了整碟。👍～法式焦糖燉蛋 $13.8極度迷你的焦糖燉蛋是餐後的好甜品，滑滑燉蛋面上有微燒了

星期日午市(11:00左右)拿飛，等左幾個字先有得入座，安排一張四人枱。不過等候過程眼見攞3-4人枱會快好多，唔知佢點安排。首先係酒樓環境欠佳，餐枱上面的冷氣機岀風位滴水！滴左落啲食物度，起初唔為意。但滴第二次時才抬頭發覺有冷氣機滴水問題，食物已經食左落肚，真係十分嘔心。重點係食物味道差，點心選擇少。蝦餃燒賣改個貴格名，例如：$18.8兩粒的松露燒賣。食物質素亦麻麻地，叉燒腸的皮甚厚，料卻很少。牛肉球只食到喼汁的味道，唔知食緊乜肉。唯一能讚的是，其中一個樓面侍應服務友善，不過都係得唯一一個姐姐係咁。

今日同同事一齊去食午飯突然間有同事話想飲茶去到發覺都唔使等位 , 非常好~~叫咗個特色點心 ~蘿蔔鹹水角造型可愛。味道就和鹹水角沒有分別牛肉腸粉 味道不錯 叉燒包 內有很多餡 吃下去熱呼呼的價錢為每人大概$90 吃得很飽很滿足

星期日同阿媽老豆去飲茶，近近哋去咗megabox，其實megabox有好多酒樓選擇，而且價錢吾貴，下午茶仲有折，我哋今次揀咗煌府。等位等咗五分鐘，坐得都幾舒服，揀咗七款點心，其中兩樣係孖寶，即係以特價揀兩款點心組合， 價錢约二十幾至四十幾蚊)，都幾抵食而且質素唔錯，全部都熱辣辣新鮮上枱。最令我驚喜就係奶黃千層糕，一食落去軟綿綿，熱辣辣， 有好豐富嘅奶黃香。 第二推介就係叉燒米線，特價唔使20蚊，佢啲叉燒半肥瘦超好味， 值得推介

平時都有黎開飲茶，今晚第一次來食晚餐，食物選擇都算多，而且有多個優惠組合，食左片皮鴨只係88蚊，都ok。夜市好小人，但食物都算勝價比，比起其他酒樓一般散叫都好細碟，但呢道令人有驚喜，抵食，招呼周到。環境坐得舒服，侍應有禮。下次會再來食晚飯。

今日要去買家居用品，九龍灣呢度有大型既商店當然要過黎啦。十二點四五黎到！望到煌府門口大大隻寫住12點半前致電訂座免茶芥。作為一個精打細算既香港人。當然有興趣啦！而門口侍應都唔需要我地致電就蓋印免茶芥。中國人最鍾意就係飲茶，今日黎到唔同地頭當然要試下其他新花款啦。呢個千層榚，上面有瓜子，中間既蛋黃蓉唔甜且有濃濃蛋黃味。脆趣蘿蔔絲腸，中間既蘿蔔一條條，中間又有好似油炸鬼既脆脆。但又唔油膩。呢個龍蝦湯海皇乾坤泡飯，湯就正如你所見到既多。覺得飯偏小，龍蝦湯唔算濃，無乜海皇而且細粒。芝蔴味令個湯野味小小，加上附加既脆脆，最終係飲晒d 湯。另外仲有$16.8 既燒賣。仲平過小點，當然要叫黎試試啦。但原來係得兩粒！下次可以唔食。普遍野食都唔錯。而且免茶芥都係一個賣點呀。

廚皇炒飯滿佈鑊燶， 叫女侍應A查看， 佢起初都話:" 嘩! 係喎 !咁多鑊燶， 我叫廚房炒個碟畀你 。"點知碟飯拎到去廚房門口，另一位著白恤衫嘅部長級男人見到就同呀A話唔係鑊燶， 係黑松露， 跟手兩個就行過嚟同我哋解釋。 企喺我後邊個女侍應A就話: "係黑松露呀…唔…好香! " 乜你認為我未吃過黑松露嗎? 就算cheap嗰隻黑松露醬一丁點香味都會有掛， 可惜全家人沒有人感受到任何黑松露的香味， 就算我家最憎吃黑松露的女兒，也說沒有黑松露味。 好明顯係鑊燶啦! 算! 我哋再自己查下: 了咗啲黑色嘢上紙巾睇清楚， 捽兩下都會變粉， 感覺就好似碳粉。 我唔知黑松露醬炒完飯之後是否可以變到似炭粉咁嘅質地， 大家自己衡量。 我哋成碟飯冇食就埋單走咗。 星期日全場得幾枱人， 生意淡薄， 黃昏曬住張檯但係窗簾壞咗冇人修理， 估計都好快捱唔住。完～

平時星期六日嚟呢度飲茶一定有位，人流較少，今日係母親節就唔同講法！正如平時有特價孖寶點心，今日就唔止無，都唔只正價，係再加價！茶錢都貴幾蚊！對於一年先同媽媽飲一次茶嘅孝順仔當然覺得無嘢啦⋯⋯但我地每星期飲開就覺得特別唔抵迷你芥末蝦堡，即整，蝦炸得好脆，芥末汁味道夠濃腐皮卷又係炸得好脆，餡裏面嘅蝦又夠彈牙呢個腸粉唔記得咩名，內裏包咗米網同白蘿蔔，唔夠脆，而且好多油煎腸粉今次煎得幾香蝦餃$16.8得兩粒，無咩特別，不過不失叉燒包都係一般小籠包都還可以，但沒湯汁的，但茶樓水準算係咁燒賣平時有特價係$12.80！今日無都係$16.80米網煎鍋貼，夠香脆呢度坐得好舒服，所以就算點心份量較細小都會照樣幫襯！

服務差，和同事慶祝食飯，15人，叫我地分兩張桌都唔比張16人桌，，仲同我地講有人book左，我地食完2:00pm了仲有兩張16桌都係冇人...好少係openrice留言，今次你大大聲講有人book左，諗住信你，最後你說大話先係問題...最後兩張大台都冇人

六點齊哂人，一嚟就到咗個燒味拼盤正常燒味拼盤，味道👌🏻。食完坐咗半個鐘都未有第二味餸花膠海皇燴燕窩，完全唔覺有燕窩呢個係醬皇爆炒蘭花蚌⋯⋯得個靭字卡邦尼汁大蝦球伊麵，份量好大，蝦球都爽古法原隻鮑魚扣花菇，鮑魚細細粒就預咗啦⋯⋯但勁咸囉蒸斑....啲肉堅靭炸子雞，皮夠脆龍蝦湯真菌浸菜苖，唔覺有龍蝦湯味...睇返菜名先知係龍蝦湯桂花糕，正常，無特別花卷反而覺得好好食