煌苑

營業中

休息中

跟家人食飯聚餐，用安心出行，可坐埋一齊，感覺很溫馨，冇隔膜，相聚傾偈暢快。環境光猛，十分闊落，枱同枱之間相隔甚遠，坐得好舒服。衛生就麻麻地，一坐低有兩三隻骨碟因為有污糟，所以要更換。而服務也不錯，首先換碟都好樂意同快手，而食到中間更會主動幫你換骨碟。上菜速度都好快，食物都是差唔多同一時間上菜。食物質素就一般啦，一字排和牛肉比梳打粉醃過，所以好冧，但就沒有本身的肉味。就好似藍梅欖角一字骨，肉比較肥，醃得唔夠入味，味道方面就比較遜色。

石門邨最差酒樓Top1真實評價上餐時間非常長12:08點餐 12:28冇上菜 好聲好氣催佢上菜，之後過嚟俾面色睇，之後都係冇任何野上12:38 等真係等到唔耐煩，話要走嗰陣時個經理先出聲*黑色眼鏡框平頭圓臉身高180cm男經理，服務極差，而且對斟茶倒水既服務員態度都好差衛生餐具非常髒又油，有污漬，叫服務員過嚟玩仲好唔耐煩，水壺長年出水口都係爛既食物出品有時候啲點心係凍嘅；魚肉青椒唔好食；蔥花炸兩腸入邊既炸兩係軟既。

星期日 朝早大約10點幾去到石門 同屋企人飲茶 為咗唔想等太耐 入左去試下 大伏 下次真係寧願等耐少少首先 員工態度差 都算 唔想多講衛生程度都真係十分唔好，店員比我哋既每一隻用具 杯 碗 碟 筷子 匙羹都係油淋淋 仲有野食跡 但是等勁耐都等唔到店員幫你更換餐具啦 唔好講落單 成餐茶 好似淨係見到3/4個員工only而且 出餐好慢 野食都好麻麻 份量又少 價錢又唔值 一籠得兩件價錢方面 其實都只係其次，但係佢整體質素，包括服務態度、衛生、等候時間、食物質素都實在唔ok！好後悔嗰時嬲得制都冇影低啲相俾大家睇，但我真係強烈建議大家諗清楚先好去食！

今晚唔煮飯，出去石門食，選咗呢間，點知伏伏伏。去到攞枱，叫我哋去另外一邊，咁照去啦，係一個細廳，ok嘅，不過地毯都無嘅。疫情下無地毯可以仲好。但係啲枱就偏密。講返食物，我哋見佢哋好似推片皮鴨，就叫咗隻，另外仲有炒芥蘭，薑蔥蠔，上湯虎蝦伊麵底。蠔俾炸粉包到死實實，好厚，扮大隻。蒜蓉炒芥蘭無乜味，我當佢無落味精。重點嚟，虎蝦唔大，計埋頭，約一隻手掌左右，無乜味，上湯？唔係囉！蝦痴殼，仲唔爽唔彈，最慘係無挑蝦腸，黑色一條段開一段段都唔知點好。啲伊面一樣無乜味要叫攞辣椒油。再講埋個片鴨，一隻鴨片出嚟份量咁少，但又鬼咁大塊一件。一啲就大嚿肉，好似燒鴨斬件咁，一啲就得塊皮連住啲肥膏。跟兩籠皮，但又無蓋，係咁吹冷氣。鴨片有蝦片伴碟，但係奀嘅，唔知炸起咗幾耐。有啲位油淋淋，淋嘅。好，講服務，唔係話佢唔好，但係唔得囉。無水睇唔到，要叫。水唔夠熱。可能唔係主廳，攞碟辣椒油要好耐。埋單要好耐。有時叫侍應，佢應一應你，但又去咗第二枱。佢個廳本身好多落地鏡，但係就用啲白色膠貼貼咗一大半，相信係以防撞爆，搞到好核突。三個人食五六百蚊，唔係貴，但唔合格囉！

伊面炒飯非常無味紅豆沙變咗紅豆水 成大碗我地都無飲過笑口棗 太淋 唔知邊度買 好鬼難食合桃酥成塊迷你乾酥餅 不能入口魚多骨無乜肉橙賣相欠佳 色彩好假 無人攞服務不周到 要自助倒嘢飲

今日本來去另一家酒樓飲茶的, 因沒有開門營業, 最後去了煌苑.我們點了午市$251的套餐, 看似是做優惠, 但和散叫價格也差不了多少. 另外還加了珍珠雞及蒸飯呢！這個迷你南瓜排骨蒸飯是一人份量, 南瓜吃起來像番薯, 小朋友轉眼已清空了！星洲抄米料足火候夠, 不會抄到成個碟底都是油. 如多加咖哩粉會更香, 更野味的！珍珠雞, 山竹牛肉, 鮮竹卷, 蝦腸, 酸菜豬肚的味道都可以, 不過不失.但燒鴨就過熟, 肉質較鞋及韌, 沒有燒鴨香味, 不似新鮮的, 不甚推介.這裡佈置較優雅, 坐得幾舒服, 不會太吵耳！但厠所就好似打完仗咁亂！

食物味道一般。服務不錯，員工有禮。很久沒有喝早茶，與哈其士到石門嘗鮮。時近十時半，見煌苑仍有假日早茶(至十一時)，決定来試試。值得一提，燒賣兩粒一籠，啱晒倆小口。

炎炎夏日，怕太陽怕中暑，減少戶外活動，搵屋企人飲下午茶，歎下冷氣，傾下偈一樂也。來到石門京瑞廣場二期，上到三樓煌苑， 地方闊落，坐得舒適，下午茶時段不算太擠迫。下午茶好抵，選擇種類豐富，套餐食兩款、三款、四款、五款點心，食得越多越抵。點心抵食，叫多幾款~蝦餃(兩件)燒賣(兩件)及鮮蝦豆苗餃都好出色。山竹牛肉是我的至愛，因為我喜歡喼汁。老人家偏愛炸物，叫咗個酸甜炸雲吞，脆卜卜 ，爭住食，仲有芝麻流心炸煎堆，長者們很喜歡呢。都點了一個下午茶金菇炒伊麵，掛住食唔記得影相，尚算不太油膩。仲有杞子桂花糕做甜品，大家滿心滿意。

其實喺呢一間茶樓飲咗好多次茶。其實呢間茶樓好好，環境亦都很好，服務都很周到！相比其他酒樓我覺得佢仲比較優勝！每蓬假日我就會去飲茶，特別叫即叫即整鮮蝦菜苗餃， 蝦餃好好食， 鮮蝦炸雲吞， 炒麵， 仲有北菇棉花雞， 北菇鮮雞飯， 次次黎親都叫，真係好好食！鮮蝦菜苗餃，等得比較耐。 如果落order前要諗下時間o唔ok因為真係可能等45分鐘。如果未嚟食個炒麵，一定要試一次！因為佢嗰個炒麵好好味！最後一盅兩件嘅鮮蝦餃，好好食！記得加豆瓣醬

石門平時食開彩福，但最近暫停營業10幾日，轉去對面二期食煌苑，又估唔到早茶點心咁抵食，$13.8起，仲有好多孖寶，蝦餃好味，排骨飯ok，重點係多選擇，有時仲有特價茶位點心，呢個環境都算係咁啦。

這兩天在石門站附近工作， 昨日下午茶時間已經來了京瑞廣場的煌苑酒家吃lunch，食過返尋味！今天再來！ 下午2時15分嚟到等了十五分鐘就可入座， 下午茶點心非常便宜， 3X元可選三款點心， 抵食！正！多款式！ 推介黑松露燒賣、京川餃子！ 油雞檬粉只需1X元一碗，油雞份量多，湯底夠濃味！ 樓面和知客的服務態度唔錯，下單和詢問都很快來幫忙～座位和環境都很舒適，又不會太迫! 點心到達的速度也算快， 整體性價比高～ 有機會再來石門，也會來這間酒樓

今日 (27-9-2019 Fri)食farewell女同事CY飯,一行8人,食咗:1.叉燒腸一般正常,不過唔熱.2.  棉花雞我一夾,就夾到大大件嘅魚肚,唔太鹹又冇海味味,唔錯.3. 酥炸魷魚外層都幾脆,鹹度啱啱好.4. 燒腩仔皮脆肉質鬆軟,唔鹹.5. 燒鵝海蜇燒鵝皮脆,海蜇爽口. 6. 叉燒包同CY分一半食,正常冇問題.7.蘿蔔千絲酥外脆外腍,白蘿蔔絲唔算好多.8. 蝦餃Ok正常冇問題.9.乳鴿兩隻正常皮脆肉嫩.10. 小炒王材料有韭菜花,腰果,芋頭絲,帶子,材料係OK,不過唔係好夠鑊氣.11.乾炒牛河?唔知係乾炒定濕炒,因為都係唔夠鑊氣,河粉好滑同味道啱啱好.我冇食到嘅有:12.-17.上湯浸時蔬,春卷,豆角欖菜燒賣,鳳爪,牛肉球味道係3.61分價錢係$966.00.

朝早唔想食港式早餐，就試吓飲個早茶啦！石門同一商場有三間酒樓，今次食嘅煌苑就令人有點失望啦！兩個人叫咗三碟點心，連埋茶芥埋單只係$80係平嘅！不過三碟裡面，只有叉燒包屬正常水準，其他都非常麻麻！尤其是個珍珠雞，餡料少得可憐，只係一篤醬汁加少少肉碎，我覺得自己食緊一大嚿糯米而已。鳳爪排骨飯啲飯好林，完全冇口感，味道就正正常常。我地點咗普洱茶，水都夠熱，唯一抵讚。

今天晚上第二次到這裡晩飯，食物質素不提了。這𥚃最大問題是職員態度非常差劣，完全想趕客。肯定再不會幫襯此集團的有關飯店，老板門你自己試試去受受氣吧，完全不知所謂！😡

我哋每逢放假都喜歡一家人飲茶，最近畀我哋發覺一個好去處！在石門一帶，餐廳，食肆，酒樓都越開越多水準亦都唔錯！早排一家人去咗 "煌苑" 飲茶，貪佢呢度地方闊落，枱與枱之間唔會太迫，而且地方都算乾淨， 裝修都算新！豉汁鳳爪，炆得很入味， 醬汁有少少辣，惹味！燒賣王 肉質夠結實。蝦餃皇 皮薄餡靚，蝦肉夠大爽口。其他點心水準都十分之好！