煌苑

營業中

休息中

最近發現石門好多餐廳，嘻嘻😜又可以唔洗咁齋啦。適逢下午茶時段，同媽媽入咗去煌苑食。門口裝潢非常典雅，窗户都以歐陸式設計，透過窗户往外看去，好美的庭苑，怪不得，這裡也是婚宴的熱門地點。我們坐下來，看到點心紙有豬仔包和棉花雞，二話不說就點了。點好了點心🥧等吃啦。首先上的是豬仔包好可愛。接著就是棉花雞，煎堆，腸粉，還有一大碗豬腳薑。精緻的菜式讓人食指大動，又賞心悅目。點心味道，在保留故有的味道中加入廚師👨‍🍳的創新點子，讓它如獲重生。

今日去左煌府飲下午茶。今次第一次黎咋。下午三點入去唔洗點排隊。 下午茶特價、所以叫左6樣野食。第一樣： 牛肉腸粉、唔算好滑、但味道正常唔難食Q版奶皇包，個樣都幾得意。但味道唔太好食、奶皇餡料份量偏少，而且個包唔夠軟身雞腳味道可以，都夠淋叉燒河粉，河粉質地偏硬同厚身，叉燒乾身。但又未去到難食..勉強接受啦。青瓜海蜇、海蜇份量太少...得幾條炸豆腐，ok 嘅。埋單$150 左右、以下午茶食甘多野都算係甘，但唔係好好食、普普通通咁啦

擺酒婚宴！型格夠氣派！氣氛一流！招呼親朋戚友，稱心滿意。職員經理服務態度友善。會介紹多啲朋友。信心之選。童叟無欺，貨真價實。價錢實惠，口味大眾化。小菜晚飯雀局動靜皆宜。

今晚佢分咗2個場，一半有人攪晚宴，一半就接外來客，唔知係咪要攪好晚宴所以我地叫咗幾個菜都話無哂，要轉或只剩下幾樣野俾我地選擇，上菜速度都算快，而個味道唔算差只係有好幾道菜都好鹹，特別係個燒乳鴿，鹹到不得了。 食到差不多完都仲問緊有2個菜未到，幾時有，到最黎上埋個豬手就真係好一半，味道同賣相都唔吸引，最最最失望係個甜品，叫咗3個芒果布丁，3個芒果卷，3個桂花糕，芒果布丁同芒果卷都一樣難食，布丁係變咗啫喱糖好硬唔係軟身既，桂花糕正常。

4-1-2019 (Fri)晏晝,又同女上司KK食farewell飯,今次係連再上兩層o既老闆共14人一齊食,訂o左o黎兩個月前,公司o係o度攪annual dinner o既呢間食(o個個食評: https://www.openrice.com/zh/hongkong/review/o%E9%87%8E%E9%A3%B2%E9%9B%A3%E6%B1%82-e3200707),我o地叫o左好多o野食:1. 海蜇伴燻蹄份量唔多,我只食海蜇,冇味同未完全解凍.2. 燒腩仔皮脆,肥瘦均勻,不過始終好似爭啲啲.3. 煎海味蘿蔔糕冇乜點煎過,味道正常.4. 晶瑩鮮蝦腸正常冇問題.5. 蒜蓉蝦春卷兩碟一碟炸得o岩o岩好,一碟好深色.但都同樣夠脆,味道清淡.6. 養生藥膳泡雞腳味道唔太濃, 雞腳好腍,腍到就o黎爛.7. 風味魷魚酥好似冇乜粉漿但都脆.8. 黃金骰子豆腐外脆內滑,但冇乜味.9. 黑松露燒賣皇大粒, 冇乜黑松露味,其他正常.10. 牛肝菌醬金錢肚好入味同好腍.11. 木魚花燒汁釀茄子味道對版.12. 蘿蔔千絲酥兩碟大大舊,外面鬆脆,內裡軟綿.13. 南翔小籠包兩籠Size偏大,汁唔係好

服務態度差，門口接待安排混亂，接待員態度囂張，想不到職位高級點嘅經理服務態度也極為差，只有大聲呼喝客人，連基本待客應有禮貌和態度也欠缺，失敗!👎有光猛整潔的外觀也沒有用，其實服務和管理一團糟……

公司o係尋日(30-10-2018 Tue)晚攪annual dinner,我同女同事CY,CS o係未開始時一齊到達,食啲餐前小食,有:1. 天婦羅蝦外脆,蝦唔會過熟,OK.味道: 4分2. 椒鹽茄子原本擔心又辣又熱氣,但唔知好彩定唔好彩,佢唔辣唔鹹亦唔係炸過o既,味道淡淡地.味道: 2分3. 咖哩角脆口,唔太辣,都幾好食.味道: 5分4. 春卷一樣係脆口,但味道一般.味道: 3 分食先我o地就等正式開始o既晚餐:1. 鴻運乳豬全體皮唔係好脆,口感有啲奇,不過唔太鹹,唔差.味道: 4.5分2. 姬菘茸蔥爆雙蚌姬菘茸味道好濃又夠腍,估唔到炒都咁好食, 雙蚌都爽口,好味.味道: 5分3. 黃金百花釀蟹拑顏色炸得靚,外脆,味道都正常.味道: 4分4. 翡翠玉環瑤柱甫正常冇問題.味道: 3分5. 海皇竹笙燴燕窩有蝦,元貝,燕窩好似比竹笙多,味道清淡.味道: 4.5分6. 蠔皇原隻九頭鮑魚夠腍夠味, 唔錯.味道: 5分7. 清蒸大海斑蒸到o岩o岩好,好味.味道: 5分8. 當紅醬燒雞皮脆肉嫩,好味.味道: 5分9. 金腿廚皇炒飯炒得乾身,又唔太鹹,OK.味道: 4分10. 牛肝菌醬伊麵我睇見覺

親友生日宴2圍枱，名過其實的餸菜名字；跟本就是取考，4千多吃如此餸菜只可說是《超值》(不值的餸菜)。那些翅的翅(硬到爽，跟本未煮好😧)，餸名中最名不符實是那鮑魚仔看看寫幾頭？又細又好有(咬口😂)。那大青斑魚味好《腥》，瑤柱甫唔知廚房不懂處理？還是瑤族是太久沒有用；起渣又硬又實😧😐！那麵要(小心看清楚)，(不是)有那【片牛肝菌】；而是只有(醬)😂，名字大意好聽^_^！甜品糖水是紅豆沙，上傳沒有位置；大家都說難吃，一枱紅豆沙都放着😧！4千3百多1圍如此酒，所以說是超值😥！

服務生不足，態度極差。收起個餐牌，要問先比。叫十樣有3樣冇。咁大間酒樓連炒飯炒面都話冇。個侍應最好笑係成30分鐘後先上白飯，重話白飯都就快冇曬。茶壺冇水唔好唸住有人得閒同你攪囉。叫個湯，成餐飯食曬先到。當糖水食？叫壽包都話要睇下有冇，咩事呀！？晚市2100左右者，就換早市餐牌，有時間都唔執下枱，沖下茶壺啲水。唔怪得冇乜人食啦，都怪自己一開始冇望下Openrice 啲人寫乜。重話婚宴專門，自己唸下係咪真係喺度擺。

今日係慶祝屋企人生日的日子，樓下別家酒樓擺酒無得食，所以轉食呢間酒樓。結果好掃興，服務惡劣，食物全部一齊上，食左少許，全枱的餸已經凍晒，叫佢地hold起最後個味餸，竟然回覆佢地控制唔到幾時上枱，廚房有單就上菜！真係從未聽講唔可以hold住唔上住，係咪唔好一次過落單，要20分鐘落一個餸？全程無人執蝶，碗碟有裂痕，換左2隻杯，1隻匙羹。食物好差，龍躉蒸過龍，好老，四季豆好鹹，片皮鴨2食好鹹，係冬瓜盅還可以。仲話係婚宴專門店，咁樣的服務都唔會有下次，生日飯都搞成咁，點做婚宴呀？千奇唔好幫襯！呢餐飯都成千蚊都要受氣，給錢多謝都唔講！

平時都唔係太相信網上食評，只係作為一個參考，覺得如果有咁多劣評，有時可能有人做假。但呢一間有咁多劣評，果然相當有參考價值。一間做點心嘅酒樓，連蝦餃燒賣都咁差，其他更加不用說。首先，蝦餃一上枱啲皮已經散開晒，而且好鹹，燒賣亦係一樣，入邊啲豬肉非常鬆散，而且亦都非常之鹹。鳳爪有雪味，叉燒包嘅餡好乾，叉燒又好硬。棉花雞啲雞肉食落去好似食塑膠咁，啲魚肚一樣非常之鹹。另外，埋單嘅時候，足足等左差唔多15分鐘，最後忍唔住自己走出去櫃檯。個職員態度十分差，仲話簽卡要等好耐㗎！

上個禮拜六要去石門附近覆診攞藥，喺石門附近行左轉，近住京瑞廣場附近，尤其係禮拜日 變得人山人海，除咗地下附近多了很多小食店之外，商場裏面亦有多間餐廳及酒樓，空曠地帶更有大人帶著小朋友喺度玩，估唔到以前呢一帶係傳統嘅工業區，而家變得咁熱鬧，簡直係多姿多彩，今日我同朋友行到攰就去呢間煌焥嘆茶。侍應帶我哋入去偏廳，呢個偏廳對出望住一大個草地，仲有落地玻璃，光線充足，喺度飲茶特別舒服，我們都係隨便叫了一些點心。估唔到呢度啲豉汁排骨咁好食，我們之後再點多一籠，肉質很新鮮，淨係睇見都好吸引，辣椒絲同豆豉肯定係即叫即蒸。叉燒腸，皮比較厚了，有些失望。反而香煎腐皮卷，腐皮夠薄。整體而言，這間酒樓我會再來的！

剛剛去完 食到想嘔 仲要食到一肚氣， 落完單 成四十分鐘先開始有嘢食， 問佢啲嘢嚟未 話同我追結果三四個字之後先到， 態度仲要超差， 之後諗住外賣因為趕時間， 再等咗半個鐘 問佢啲嘢嚟未 跟住黑口黑面咁同我講 要時間整㗎嘛， 我同佢講嚟就嚟唔嚟我埋單走 先至慢慢同我去攞D外賣， 去到最後返到屋企先發覺仲要畀少咗籠叉燒包， 一句講曬永無下次， 又難食又貴又慢 服務態度超差

剛剛過去的禮拜日，同外父外母一家人去了石門飲茶，見到下午茶特價食品都頗為豐富，而價錢方面亦唔算貴，地方亦都寬敞闊落，裝修 很新淨，坐落去飲茶好舒服，枱與枱之間唔會太密， 因為我最怕，枱與枱太近， 用餐時會聽埋隔離枱嘅溝通內容！我們點了一些特價下午茶食物，我覺得最為有水準就係那個肉絲兩面黃，麵煮得很脆口， 份量亦相當之大，肉絲鋪滿麵上， 好抵食！其他點心亦很有水準，粉果皮薄 肉料新鮮。 除咗食物方面 有水準 服務員態度亦都好殷勤，這間石門分店有進步了！

開acc以來睇文多過打文，今日終於忍吾住幫呢間野開齊寫食評！劣！呢間酒樓曾經被blogger/ 雜誌喻為親子餐廳，空中花園有小型遊樂區+影相區域。陽光普照，難得放假開開心心帶2個小朋友山長水遠來嘆茶，諗住小朋友又可以放電，大人又可以舒服抖下。點之一到步門口已被告知空中花園午市關閉！失望！諗住算啦，帶住小朋友肚餓，儘管試下味道如何。叫左8個點心，無樣得！叉燒包+叉燒腸粉（叉燒超難食，又硬又咸！），小籠包無汁都預左，個皮又硬又un！籮白榚我仔本應最愛，暖近乎凍既！咸蛋瘦肉粥得5-6條肉絲咸蛋仲凍既！其他點心都費事打...！嬲嬲地問埋原因點解空中花園關左（以我所知1月仲有開試過報紙）點知都係一個個大話！門口知客話只係開比夜晚婚宴！到入門口個西裝阿叔又話因爲無人打理，所以滑梯好多塵喎！跟住個針水阿姐就話新年後午市吾再對外開放但吾肯講原因！另外個茶水阿姐話經理決定！最後有個點心阿姨道出真相話因爲個個客都因為有個花園而吾肯交枱返吾到枱喎！多餘！sell自己有花園既酒樓但吾開囉！