煌苑

營業中

休息中

石門新開唔少食肆， 酒樓都有3間。今日黎左煌苑食下午茶。我地3點半先到，食客都走得7788,畢竟呢邊d 茶樓主要做婚宴，應該差唔多要交場。燒鵝米線燒鵝得皮無肉，而且有d 肥膏連住，味道好咸，米線份量亦唔多。生煎包完全食唔出係生煎，同蒸既一樣.入面就係菜肉包餡，無特別叉燒腸皮厚，食落仲唔知點解粉粉gd. 而叉燒我覺得唔係甘新鮮，味道酸酸地食左3樣野都失望之際，久等既點心到喇估唔到呢度d 蒸龍點心質素同其他野食差甘遠，水準有中上鳳爪每隻鳳爪都多肉而且幾大隻。我中意個汁加左辣椒辣辣地，而且幾入味。 但最無哩頭係用四季豆鋪底，係咪今日廚房用剩？唔該比返d 花生我雞扎味道都唔錯，用魚肚，無側側膊用豬皮。下午茶食5樣野，埋單計茶芥都係102蚊，非常之抵！但下次order 點心算了

不知所謂推廣hkd88 片皮鴨， 1 隻得16件。 所有小菜勁細碟， 服務差， 其實唔想比優惠咪唔好做囉。 做乜呃人！1. 片皮鴨得16 小件， 已經係一隻鴨， 88蚊。 我地問左服務員， 半隻得8小件！ 玉桃軒正好多囉！2.南乳蓮藕爽肉， 所謂爽肉完全。。係完全無味， 得幾舊仔。3. 木耳白合西芹， 碟頭細到以為人地食唔晒攞過黎4. 炸乳鴿唔夠脆5. 啫啫芥蘭ok , 夠香

以為石門食晚飯好冷清，點知錯晒，星期日既晚上出到點知高朋滿座環境：新裝修勝在樓底高，地方夠大，毫無擠迫既感覺，戶外仲有個好大既空中花園，食飯之前或者之後記得行下影下相服務：睇得出職員都用心，有朋友生日，職員仲主動同我地切同分蛋糕。不過點菜有少少麻煩，普通既侍應係唔可以落單，一定要搵部長落單，係到等左成10分鐘都未落到單。出菜有d慢，有兩個菜等左45分鐘先到。食物：藍莓一口骨- 好得意，酸酸甜甜其實幾好食海皇蒸蛋白- 有蝦仁粒同珍珠帶子仔既滑蛋，蛋夠滑海參蝦球煲 - 份量少，海參少，只有4隻蝦，價錢較貴$118瑤柱豆苗 - 正常水準中大伏菜式- 做特價既菜式 片皮鴨今日星期日，要$88蚊一隻一食，半隻就$48。佢片好晒先上檯，但問題就黎喇，等地明明叫左一隻，點解一碟得甘鬼少既，我地問左送片皮鴨黎既部長，佢話係一隻架喇，半隻只得8片。其實成餐都ok,不過做優惠做到咁，明明唔夠一隻當一隻，就有少少過份囉

9-11-2016 (Wed)女同事CP生日,亞頭話請食飯,我就費事去喇,免得被人覺得我黐餐,所以照蒸飯.但CP叫埋我o地成team人去,好啦,俾面佢.我o地一行十人出去飲茶,佢o地話要試新o野,所以o黎呢間,去到都重有好多枱,我o地叫o左個$188.00o既皇牌三寶,共有五樣o野:1. 鮑汁花生鳳爪(原價$48.00)我唔食得鳳爪,只有舀花生食,但花生唔夠腍,一般.2-3. 鮮竹牛肉球, 養顏棗皇糕我冇食到,女同事PL話棗皇糕好熱.4. 煎海味蘿蔔糕冇乜海味, 蘿蔔糕唔會一夾即散,味道淡淡地.5. 乾燒參菇伊麵伊麵幾腍,普通.其他散叫o既:6. $48.00o既銀杏咸菜豬肚我試一件豬肚,口感爽,辣辣地,唔太辣.7. $42.00o既豉味虎皮尖椒呢個我冇食,食得辣o既女同事CL大嗌好辣,個個食都話好辣,唔止係辣椒籽辣,連皮都辣.8. $68.00o既脆皮燒腩仔名副其實o既,味道又唔會過鹹,唔錯.9. $21.80 o既姬松茸蘑菇包兩籠造型似足蘑菇,食落,係絕對對辦,充滿濃郁o既菇味.10. 蘿蔔千絲酥(大點)唔熱,都仍脆脆地,但冇驚喜.11. 脆趣蘿蔔絲腸(大點)係好脆,不過都係冇乜驚

通常D媽媽一知有新酒樓就中意周圍試! 呢間酒樓開9點, 9點45黎到已經要等位, 不過都好快有位, 睇得出呢度人手唔夠, 有D混亂咁, 新酒樓關係吧…早市試左幾款早市特價點心:生煎包: 早前試過對面彩福酒樓既生煎包,又熱又脆口! 再試呢間, 唔夠熱, 仲要似係蒸完煎2下咁, 又細個, 失敗蝦餃燒賣:好大粒, 幾好食叉燒腸:幾滑菜苗餃:好多菜苗牛肉球:細細粒總括無乜驚喜