煌苑

營業中

休息中

石門煌苑簡單晚餐， 今晚唔煮飯兩個人去酒樓食晚飯。晚飯優惠三寶~脆皮燒鵝皇 48蚊例牌， 原隻鮑魚扣花菇18蚊一位，清蒸沙巴龍躉一斤48蚊，三選一。脆皮燒鵝皇~ 我叫了好抵食48蚊的脆皮燒鵝皇例牌份量， 仲要係比髀位部分我地，咬落肉嫩多汁唔肥配上酸梅醬非常開胃。黑松露象拔蚌片~ 多種蔬菜，有黃椒，紅椒，西芹，木耳， 精靈菇，鮑魚菇，與爽口象拔蚌片，配上香濃黑松露醬一齊炒，簡單又好食。消暑冬瓜盅~ 養生湯系冬瓜盅168，消暑又好味。裏面材料非常之多，有帶子片，夜香花， 水瓜，爽口蝦，鮮甜蟹肉，蓮子。 冬瓜外刷用錫紙包住，把以上全部材料與原個冬瓜一齊去燉，湯味清甜，材料又多。冬瓜燉到好淋，仲吸收以上材料的精華非常之好食。我地兩個人食冬瓜盅都食到好飽。冬瓜盅最好4個人才叫，因為兩個人一定食唔曬全個盅的。酒樓裡面有三台大電視，裝修簡單。酒樓外面仲有一個大花園，有韆鞦， 有吊藍坐，有一個大花台，可以給新人行禮及影相。其他食客也可以食完餐後，出大花園行一個圈幫助消化，又影下靚相。

第一次差到要寫食評 餐具極污糟 飯菜全部都唔熱既 碟邊配菜懷疑係重用既 春卷既蝦係sok既 佢落錯單又唔肯換返 埋單等十世 尼到時已見到有另一枱投訴食物 總之我就一定一定唔會再尼喇 勸大家都考慮過先尼啦

這天走出九龍，乘馬鐵到石門站下車，試一試開業不久的煌苑。酒樓位於商場三樓，地方寬敞，佈置如園林一般，燈光充足，整潔衞生，坐得非常舒服。由於該處尚在發展中，加上附近有不少的洒楼食肆，所以午市時段，也沒有爆滿。一行七人，選擇了兩個套餐，各包伊麪或抄飯一碟和三個點心，品質不錯，埋單四百多元。可以再去，但記得帶件外套，因冷氣頗大啊！

"天鴿"🐦走了唔夠一個星期,又打8號風號🌀,"帕卡"比"天鴿"溫和好多☔,於是就相約母親大人勇闖石門去搵食, 石門有三大酒樓三鼎對立, 今次我哋就試"煌府"飲🍵, 價錢💸唔貴👝, 假日📆都有下午茶時段🈹, 兩個人👵👩叫咗✋5個點心都係✌ 兩舊水有找 , 幾時都係有良性競爭, 受惠嘅係我哋升斗市民😁。 唔知係咪配合酒樓獨特的法式🇫🇷清新優雅嘅裝修, 還是配合夏天😎 ,食品顏色比一般酒樓清麗, 味道有水準。樓面服務員充足 ,所以佢哋招呼🙇都唔錯

星期六日同屋企人飲茶搵位係最麻煩嘅事，我住嘅附近又無乜茶樓，幾個月前有人介紹去馬鐵石門站開咗新商業大厦中有d新茶樓唔錯。大門同酒樓內嘅裝修主色係我鐘意嘅蘋果綠色，樓底高，又無乜柱，成個大堂好闊大。食物種類都唔少，仲有而家唔少得每家酒樓都有特式點心，呢度有紅蘿蔔外形嘅蘿蔔絲酥，香菇飽……等等，傳統點心及炒飯麵都做得唔錯，價錢合理。最值得講嘅係佢地有個空中花園，有小型遊樂場，有唔少嘅映相位及花園千秋，仲有一部份係俾證婚用嘅，當日我地去到好天氣，映出來嘅相都好靚呀。又有得玩有得食嘅地方，最適合一家大細週末相聚。

知道石門開咗幾間酒樓，今次輪到黎煌苑試下～同屋企人3點半左右到，入到去坐低開埋茶就同我哋講last order！吓...點解係門口唔同客人講？！拿拿臨叫嘢食～成個紅蘿蔔咁，其實係咸水角，黎到嘅時候微暖，已經唔脆! 入面啲餡ok ，但唔脆已經感覺一般。普通叉燒腸，唔係特別好食，初頭仲冇俾豉油，後來終於問到個阿姐拎俾我哋～依個腐皮卷感覺好少少，起碼係脆嘅，入面都算足料。食流沙飽個精髓梗係要辣咀，而且啲奶黃要漏哂出黎，點知黎到又係得個暖字，仲流咩呀😑依個一定係健康之選，少油冇鹽冇味精，唔知又啱唔啱你口味?依個真係未見過，將個糯米雞放底，上面加隻煎到老嘅蛋，又變成新菜式～點解我哋咁有冒險精神！依間嘢價錢唔平，但質素冇保證，服務亦麻麻，真係未必有下次。

從未打過食評都要來打下! 貴！食物水平一般! 只有戶外個遊樂設施影下相，俾細路玩下稍為吸引。侍應、經理服務態度差。同行兩個2歲小孩，埋單時話要收一個茶錢，真係飲幾十年茶未聽過(恕我孤陋寡聞)!

首次去碩門呢個地方, 出左馬鐵站隔離有個商場先知道有呢間酒樓!場地主要用作婚宴用途, 裝飾以新式華麗水晶燈, 新式枱椅擺設, 平日晚飯時間人流唔算多有特價套餐, 特惠之選及超值圍菜供應當然亦有散叫小菜, 燒味及海鮮京式片皮鴨只要左一食, "片"左一碟份量, 皮都脆同唔多肥膏痴住, 配以薄餅包住食, 味道都算可以!薑䓤生蠔煲 - 一客有6隻蠔, 煮完都算大隻, 食落腍滑無腥味, 配以大量薑䓤爆香, 加添一份香味!野菌家常豆腐 - 賣相頗靚仔, 一客有小棠菜, 雜菌及滑豆腐, 材料配搭OK, 味道都唔錯!西蘭花炒澳洲帶子 - 食物顏色吸引, 有齊紅黃綠, 西蘭花偏有咬口, 帶子都唔算細粒, 食落有少少帶子味!啫啫通菜煲 - 以蝦米及醬料炒通菜再放入煲內, 通菜尚算"當造", 食起黎唔會老, 唯油份量略多, 食到底部時較肥膩!

復活節同屋企人去飲茶，試吓煌苑d野食係唔係真係高級d因為店鋪裝修和餐牌既相片賣相吸引，即管入來試吓先，最初以為要等好耐位，點知取籌後唔夠5分鐘就有位感到驚訝，未食已經加分但之後發生既事就另我扣減左好多分未必會再幫襯，首先就係洗完食具既水和食完既點心碟、蒸籠，叫幾個待應清走，都冇人理會叫左幾個，終於有人話唔係佢哋收，佢話有專人收，真係俾我睇到佢哋分工仔細，個時真係一肚氣收費貴而得唔到服務，就唔好收我加一服務費，最後所有野都係我哋自己搞掂，講完呢樣，就講返食物，我哋叫左：皮蛋瘦肉粥、海味煎蘿白糕、翡翠鮮蝦腸、爵士千層糕、龍蝦湯鮮竹卷、順德煎鯪魚餅、鮮蝦菜苗餃、養顏紅棗糕、家鄉煎薄罉、醬汁蒸鳳爪、蠔皇叉燒包和煌府蝦餃皇(2隻)皮蛋瘦肉粥，個粥幾好味，幾多料，唔太味精海味煎蘿白糕，食落唔係全部粉，有蘿白絲、有海味粒，都幾好！翡翠鮮蝦腸，都幾細心分開曬，一口一啖，需然蝦唔係好大隻，但都好爽，不過腸粉皮唔夠精盈通透和薄，唔可以叫翡翠爵士千層糕，呢個我覺得最正，食落好滑軟綿綿，而且味道啱啱好，甜度適中龍蝦湯鮮竹卷，冇其他店噤濃蠔油味，冇噤油膩噤鹹，食落啖啖肉，但唔覺係龍蝦湯，感覺好普通順德煎鯪魚餅，

Hopeless waitress, poor services and management. Fair food, not value for money. Will not come back again. 服務態度極差，食物水平一般，全酒樓都係經理但冇人做嘢，不知所謂

位於安群街京瑞廣場2期3樓的煌苑，全層也是酒樓的位置，而外面更有個迷你婚宴花園。點了龍𧄌兩食，包括蟲草花荷香蒸𧄌球、惹味窩燒乾逼躉腩、潤燒石乳鴿和蠔皇海參蝦球煲。食物也是熱騰騰的，食物的份量也是很多的，點了三個菜，三至四人吃也夠，而且價錢算便宜，乳鴿一整隻約三十元。小菜煮得很濃味，海參煲的海參約有六七塊，蝦球很爽脆大大粒。另一個窩燒躉腩的味也很濃，用少許乾蔥爆味，上桌時還滋滋作響，吃時很有鑊氣。

從來都唔會打食評，但今次真係太過分，亦都唔希望有下一個受害者，所以特登開個account寫呢篇食評。由於我同太太係尖沙咀煌苑擺酒結婚，當時的野食同服務都好好，加上屋企有幾個小朋友，聽聞石門煌苑有好大的戶外地方俾小朋友玩，所以琴晚就揀左呢度幫我的仔搞百日宴。希望可以簡潔咁寫低我地琴晚的經歷：1. 食物一定比唔上尖沙咀煌苑，但唔算得上難食，10分滿分有4分2. 侍應全晚發夢，叫左佢唔好係小朋友隔離上菜，佢仲成日係拿住d 碗碗碟碟跨過佢地頭頂3. 侍應斟茶個陣唔小心倒左d熱水落我外母度，唔係倒落小朋友度係不幸中的大幸4. 侍應拿把鈍晒的刀幫我地切蛋糕，將成個蛋糕切到好似用手揸爛咁，雖則唔收切餅費，但早知係咁我自己切好過5. 我打包左盒炒飯返屋企食，今朝食個陣食到有粒釘書機的釘。我屋企無釘書機，所以粒釘一定本身係盒飯裡面。好彩係我自己打包返去食，如果當時無打包，分分鐘俾其他小朋友食左6. 埋單4千幾蚊，但得1個鐘free parking，我寧願佢唔送個場裝修到幾靚都無用，咁的服務同食物質素，一定唔會再黎。

老實說成物品質不錯， 但是店員的服務不值一提， 三個人擺一張枱， 無人收搭食完的碟， 無人沖水，完全自助， 地版是木地版， 職員走來走去都會感到震動， 員工不斷用車仔推來推去， 環境嘈雜， 同大排檔無什份別。

馬鞍山綫石門站附近的商埸，最近進駐了很多不同的食肆，其中的中式酒樓就有三間，分別有煌苑、富臨皇宮和彩福皇宴。今天便先試煌苑的午市。椒鹽九肚魚（$48）九肚魚很肥美，炸漿也不太厚也不太油膩，但份量較少。花之戀臘腸卷（$21.8）花卷的外皮包著臘腸膶腸各一片，外皮鬆軟但臘腸較肥，比較油。脆趣蘿蔔絲腸腸粉包着米網和蘿蔔絲，腸粉都夠滑，但內面就不夠脆。脆皮燒腩飯（$38）份量夠多，但就比較廋，皮也不夠脆。午市双寶（$118）脆皮乳鴿乳鴿有兩隻，皮脆肉嫩，很夠味。雪菜火鴨絲窩米火鴨絲配合雪菜、韮皇和芽菜，令米粉更有口感。

這間位於沙田石門店京瑞廣場的煌苑，整層三樓都是這間茶樓，所以就算人多都不需要等很長時間。剛上桌的是蒜茸蝦春卷, 春卷脆卜卜，蒜茸醬醃過的蝦幾入味，好抵食。煌府蝦餃皇也是即點即蒸，略嫌有少許蒸得過火，兩隻的蝦餃皮黏在一起了，不過口感和味道也是不錯的。四寶滑雞扎、蠔皇叉燒包和黑松露燒賣皇都是不錯的選擇。另外要推介的是滋味孖寶，當中包括潤燒脆皮乳鴿和雪菜火鴨絲炆鴛鴦米。炆米很有鑊氣很香口，加上了一些青椒和紅椒來平衡。乳鴿也啖啖肉，份量也很足。