煒記點心 (已結業)

又平又好食！食物簡單平實就足夠！雖然煒記呢度環境一般，但食物質素卻出乎意料的好！叉燒腸粉皮薄料多，特別要提一提晶瑩剔透的腸粉皮令整碟腸粉生色不少.排骨蒸飯一小盅的，但係排骨鋪滿飯面，飯香撲鼻，加埋豉油簡直無得彈！臘味糯米飯係用蒸籠上, 料多同好香臘味味。此餐十分滿意，遺憾既係食唔到煒記既粥.... 純粹個人推測：點心做到咁靚，粥都會煲到好好味，所以咁快已經賣晒。

放工係長沙灣搵食，無意中走入呢間唔起眼嘅點心鋪，首先講招呼，老板娘超nice. 至於食物方面，推介嘅有：1.豬潤腸配菜乾陳腎粥，用料豐富，好味。2.燒賣，大大隻蝦放頂，超好味，老公超like.3. 醉雞糯米飯，驚喜呀！糯米飯吸收晒雞同酒嘅味，非常好味！店內寫話主廚係前酒店嘅點心師傅，我認為無誇，因為店內嘅點心款式同其他嘅點心店不同，個人認為煒記點心嘅質素好過x好運。

長沙灣，兒時曾經遊走過，今天卻刻意再次造訪，一方面可以舊地重遊，二來也可以在這裡覓食，實在是一舉兩得。在下原本可以早一點來到，可是卻仍然有事要辦，因此亦推遲了用餐時間。第一站來到的，是煒記點心。這裡已經是元州街的盡頭，再向前行便是青山道了。在下來到門口，發覺這是一門小店，店舖面積不大，只有容下了五張枱，而且店內亦有不少顧客。在下安頓後，便隨即拿起點心紙，勾選在下愛吃的點心，包括有香滑牛肉腸，豉汁蒸鳳爪及潮州粉果。首先端上的是香滑牛肉腸。腸粉確實是皮薄，可見腸粉內的牛肉，可是皮太薄容易穿破，而且很黏，要很小心地把腸粉分開。不過腸粉仍然很滑。然後便輪到豉汁蒸鳳爪。這是一個很傳統的點心，而且豉汁也夠，鳳爪也很入味。最後便是潮州粉果。同樣地這是一個傳統的點心，粉皮也很薄，也可見到粉果內的饀料，而且拿起時沒有穿皮。而粉果內容也豐富，很足料。在下並沒有點選牛肉，店員卻端了上來，後來在下把點心紙給店員看，店員馬上替在下更換。雖然這店子小小，但是服務是感到滿意的。如果腸粉可以做到不黏著的話，相信會給予最高的分數。

朋友話屋企附近開左間點心店~今日起身同老公去左試~ 鋪仔細細, 我地兩點幾去到, 咁都有幾枱客~~叫左:1) 蝦餃 -- 呢個幾好味~蝦好爽～2) 牛肉球　-- 麻麻地, 牛肉球唔知點解有筋~ 但味道都可以0既~3) 馬拉糕 -- 呢個有小小驚喜...成個蒸籠咁大....唔係好甜...好味~4) 煎蘿白糕 -- 蘿白份量多...但無乜其他料...煎得比較多油...普通5) 花白豬骨粥 -- 呢個值得推介~ 好味!6) 牛肉腸 -- 腸粉幾滑..但唔知點解有小小笠口...overall幾好味~茶但阿姐斟俾客人的~ 茶其實無乜味~無comment~可以讚0既係...D點心真係即叫即蒸...熱辣辣~ 味道可以~ 價錢平~兩個人食左$79 蚊~ 無加一無茶芥~ 抵!